وصفة لتنشيط بصيلات الشعر وفروة الرأس(وفاء الكاظمي)

[وفاء الكاظمي]

:aha:السلام عليكم ورحمة الله وبركاته:aha:

وصفة لتنشيط بصيلات الشعر وفروة الرأس

هذه الوصفة ننصح بها قبل استخدام أي وصفة لعلاج حالات الشعر الخفيف ووجود الفراغات،،وتساعد على الحالات الوراثيه لفقدان الشعر وحالات الثعلبه.

المقادير:

** 1 كوب عصير زنجبيل طازج
** ربع كوب خل تفاح
** ملعقة وسط((5 مل)) صبر مطحون ويفضل النوع اليمني
** ملعقه وسط((5 مل)) حبة البركة مطحونه ويفضل السعودي((القصيم))

تخلط جميع المقادير مع بعض وتترك لمدة 24 ساعة ثم تستخدم..



طريقة الاستخدام:

تدلك بها فروة الرأس وتترك من 10-15 دقيقه ومن غير غسيل الشعر يوضع علاج الشعر مباشرة ويترك لمدة لاتقل عن ساعتين ثم يغسل الشعر..


ملاحظة:

-يمكن استخدماها قبل وضع علاج الشعر من 2-3 مرات في الاسبوع والاستمرار عليها طوال فترة العلاج مدة 3 شهور أو أكثر حسب النتائج..

-يمكن استخدامها من غير علاج كمنشط للشعر وفروة الرأس من 2 - 3 مرات بالاسبوع وتركها من نص ساع إلى ساعه كامله ولمدة 6 - 8 أسابيع أو أكثر حسب نتائج نمو الشعر،،تختلف من حالة لأخرى..

-الاهتمام بالتغذيه السليمه المتوازنه ومعالجة التوتر والقلق والعصبيه إن وجدت !!:denya:

-أخذ قسط من الاسترخاء مدة 10-15 دقيقه في اليوم..

-الاهتمام بأكل الخضار والفاكهه وشرب الماء يوميا والابتعاد عن المأكولات السريعه والمشروبات الغازيه..

-علاج الامساك إن وجد بالأغذيه الطبيعية الغنيه بالألياف مع شرب كمية من الماء والإبتعاد عن العلاج بالملينتا لما لها من آثار سلبية ونتائج سيئه..

-الاهتمام باتباع حمية الأمراض مثل السكري والظغط،فقر الدم ومشاكل الغده الدرقيه،،مع الاهتمام بعلاج الحلات الوراثيه بشكل مبكر ومكثف لتأخير فقدان الشعر المبكر..

مع تمنياتي لكم بدوام الصحه والعافيه

:aha:أختكم وفاء الكاظمي للأعشاب:aha:


:q8:

تحياتي:q8:

 

[Mona Lisa]

يعطيج العافيه حبيبتى بس ما فهمت قبل العلاج يعنى قبل لا استعمل الدهن مال الشعر ولا لا وشلون اقدر اسوى عصير الزنجبيل

ومشكوره

 

[غلاتي ♥ الكويت]

يعطيج العاااافية حبي
بس من وين اييب كل هالاشيااء !!
ياريت الرد عالخاص لاني ما اعتقد اني راح ارد للموضوع

 

[وفاء الكاظمي]

يعطيج العافيه حبيبتى بس ما فهمت قبل العلاج يعنى قبل لا استعمل الدهن مال الشعر ولا لا وشلون اقدر اسوى عصير الزنجبيل

ومشكوره

السلام عليكم
ترى عدلت على الموضوع فصل النت وتوني كملته:eh_s(4):

المهم الله يعافيج
وتحطين الخلطه قبل لاتحطين مثلا الدهن او اي شي عشان تعطين الشعر والفوره تنشيط

يعني حطي هالوصفه وخليها مثل ما كتبنالكم بالمده المطلوبه وعلى طول من غير ماتغسلين الشعر تحطين زيتج او حنتج او اي خلطه تبين

وعصير الزنجبيل عادي زنجبيل فرش توينه عصير مثل الجزر شلون نسوي عصير نفس الطريقه

والعفو ماسوينا شي واحنا نبي الاستفاده للجميع وحاظرين لاستفساراتكم :ada:

 

[الباحثات عن الجمال]

جزاك الله خير أخت وفاء وبالتوفيق.

 

[~ غـــيـــر البِشـــر }}]

يعطيج العافيه

 

[نسمه بارده]

الله يعطيج العافيه
انا بس ابي اسال هل احتفظ بمكوناتها بالثلاجه ولا لا
وكم مدتها

 

[حضن امى]

ماقصرتى اختى
وبارك الله فيج

 

[وفاء الكاظمي]

مشكورين حبايبي
بالنسبه للأغراض من الحواي موجوده كلها ان شاءالله

والله يوفقكم جميعا

وبالنسبه للحفظ اكيد الكل مشغل السنترال الحين فعادي تخلينها في زجاجه او اي بطل مصكر عادي بره

وفقكم الله

 

[سلحوفه]

مشكووره ع الوصفه ومنكم نستفيد

 

[Turquoiseya]

يعطيج العافية حبوبة

 

[وفاء الكاظمي]

شكرا للجميع على مروركم

 

[نسمه بارده]

اختي ابي اسالج عن الصبر شلون خمس ملي وهو صلب يعني جرام قصدج
؟

 

[دلع حياتي]

مشكوره على الافاده

 

[وفاء الكاظمي]

اختي ابي اسالج عن الصبر شلون خمس ملي وهو صلب يعني جرام قصدج
؟

السلام عليكم اختي
القياس للملعقه
يعني الملعقه ال خمسه ملي الي حق الشكر مالة الجاي
وحياج الله عزيزتي

 

[وفاء الكاظمي]

للرفع

 

[dalloo3a]

مشكووورة اختي وفاء ماتقصرين

 

[وفاء الكاظمي]

مشكووورة اختي وفاء ماتقصرين

العفوووو
الشكر لله

 

[توتوه البنوته]

ماعرف الصبر اوصفي شكله يالغلا ويعطيج ألف عافيه

 

[ورد و ريحان]

مشكووووره بجربها انشالله
تنفع حق الشعر الخفيف يعني مو ثعلبه بس كذا خفيف
وعادي حق الاطفال
ويعطيج العافيه