وش يضااايقك من ضيوووفك؟؟!

[شلة بنات وبس]

ماحب ظيف الفجأه بلا موعد حتى ربنا قال بالقرآن اذا اردتم ان تدخلو بيوتآ فستأذنو من أهلها يعني عيب ومايجوز هالتصرف وأكره التدخل بخصوصياتي وفى حياتى العائليه والزوجيه يعنى ظيفة اللى زايرتنى وله وكالة كونا ! وأكره الغيبه والنميمه وتنقل الحجى والمنافقه وطفارتى اذا قامت تتفرفر بالبيت جن بيت ابوها لا وتقولج بدش غرفة نومج استحى على ويهج هاذي غرفتى انا وزوجى شتبين فيها عشان جذي اكره الزيارات لأن معظم الناس ماوراهم غير الحش والحسد والقراض وعوار الراس

 

[manoooram]

يا ضيفنا لو جئتنا لوجدتنا نحن الضيوف وانت رب المنزل

100%

:ggdw::ggdw::ggdw::ggdw:

 

[سآرٍٍآ]

وآآآآآآآي آلموضوع على الجرح آلآطفآل الشيآطين آكرهه شيء عندي
وحده نعرفهآ تجي وتجيب ولدهآ وبنتهآ مآفي أشطن منهم يَ ليته على الاثاث وبس المشكلة الحين يضربوآ الآولآد
طبعاً أنآ صريحه أهآوش وأقول بآلوجه لآني آنغث منهم هفففف

طبعاً وآللي يطول بزيآرة بوسط الآسبوع

تقريباً كدآ بس

 

[قلم ومسطره]

بنات في منتدى دلتني عليه بنت خالتي هو متخصص للحياة الزوجيه
صراحه وايد وايد استفدت منه في حياتي وتحسنت علاقتي بزوجي الحمد الله
كلمة رووعه صج شويه عليه مواضيعه كلها تعليميه وحتى عندهم قسم خاص للمشاكل والاحلى
حاطين لهم نك نيم خاص لطرح المشاكل عشان محد يعرف من انتي لما تكتبين المشكله ,,,
انه مسجله فيه من 3شهور وماشفت منه الا كل خير والله اني ادعي لمؤسسيه على كثر ما استفدت منه
واخيرا كلامي موجه للمتزوجــــــــــات وبس اما الغير متزوجات لايدشوون
وادعوو لي حبيباتي والله ابي الكل يستفيد مثل ما انا استفدت وتغيرت امور كثيره بحياتي الزوجيه
الموقع الاول الكويتي فى الحياة الزوجية

تفضلوا الرابط
روعة السعاده الزوجيه
http://www.q8meq8.com/vb

دعواتكم لي

 

[*ليم*]

خلي بالاول يجيون الضيوف!!!

الناس أعوذ بالله متقاطعه
يادوب نشووف الناس بالعيد ونعمه لو جاء أحد

 

[احساااااس انثى]

البزراان يغثوووووون من يحوسووووون عليك الدنياا

 

[جوزائيه مغروره]

ما احب يحوسون ببيتي حدهم المكان اللي اهم فيه

 

[ام ووليد]

والله انــــــا شـــي واحد مايعجبنــــي اللي يجوووون فجـاه

 

[روح مغليهاM]

منورين لباكم

 

[ام دليار]

مافي شي بيضايقني أهم شي يكون ضيوفي مرتاحين ومبسوطين بلقعدة
مابزعل أذا كسرو شي أوخربو البيت

 

[~ بنت الهدى ~]

اللي عيالها كله يحوسون و يسوون ازعاج و يأذون الموجودين و الأم ساكته اف ماعندهم احساس

 

[تذكر خافقي رمحك]

التطرش
درينا انكم ضيوف
بس يمصخونها

 

[ابـيـض واسـود]

يا ضيفنا لو جئتنا لوجدتنا نحن الضيوف وانت رب المنزل

جمييل جدداً

 

[سوسو حبيبتى]

بعض كلام البنات صدمني

صراحه انا طيبه وعلى نياتي .. لكن من بعد الكلام الى قريته .. الواحد يخليه ببيته احسن

يعني مش عيب لما اكون ف بيت واحدة قريبتي واقوم اساعدها ف المطبخ مثلا .. او اتحرك براحتي..

عموما بتختلف من شخص لاخر ومن عائله لعائله حسب عاداتهم وتقاليدهم..

والموضوع جميل تسلم ايدك .. بس انا عن نفسي مش بضايق من الضيوف بالعكس بفرح لما يجي لنا ضيف

ولكن اتفق مع البنات انى مش بحب الضيف الى يجي على فجاة

 

[mf6nt el3lat]

مممم هم الجهال اذا كانو شياطين..

 

[الغلا كله لبوي]

انا مااحب بضيفه الي تسأل عن خصوصياتج والي تجي بدون موعد او اتصال

ومشكله اليهال البعض الله يهديهن تترك اليهال ع كيفه يلعب ويخرب وشكثر تصير معاي ماقول غير الله يصبر قلبي ع الاشكال هذي

 

[روح مغليهاM]

منورررررررررين يسلمو ع المرور

 

[غرق بالماي]

انا عادي مايزعجني شي

بس اللي يزعجني صج اليهال لو كانو شياطين بس اذا يقعدون ويسكتون عادي احبهم جذي
بس شياطين لا مااحب يلعوزون البيت ونظف وراهم

 

[غرام أنثى]

الحمدالله لأننا نحن العرب نتصف بصفه الكرم ..واكرام الضيف ..

ولكن هذا لا يمنع ..أن يكون هناك آداب على ضيف أن يتبعها أحترام بالمقابل لأهل المنزل

لأنهم قاموا بواجب ضيافته ورحبوا به...

فكثير من الاخوات ذكروا بعض من الأداب التي يجب على الضيف اتباعه ..

كاعلم أهل المنزل بمجيئك ..وعدم افساد المنزل ..وعدم التجول في المنزل كانه مكان عام ..

وعدم التدخل في خصوصيات صاحبة المنزل ..

علما انه عند تحليك بهذه الاداب ..

يدل على حسن خلقك واحترامك لذاتك واحترامك لأهل الضيف ..

روح مغليها ..

موضوع رائع بروعتك ..سلمتي على هذا الطرح ..

 

[كراميلا مرة]

اي جبتيها على الجرح
في وحده من صديقاتي تجي ومعها اطفال انا ماقول شيء
بس والله ماحط شيء ضيافه يقلبونه كله وانا اتفشل من صديقاتي الثانيين ولا امهم ماتكلمهم واذا احد كلمهم تزعل
والكاكاو والعصير على الكنبات والفرش
والله يخربون كل شيء
حتى العصير اذا علب يفتحونه كله ويدفقونه والبيبسي

الجدران شخابيط
التلفزيون يلعبون فيه

انا استصعب اذا جات بسبب عيالها والمشكله اهي تلهى في السوالف ولا تدري بهم


وبعد اتضايق من الضيوف اللي مهما قدمتي له كل شيء ماحبه ماي مايشرب شاي عصير فطاير فاكهه
حلو
كل شيء مايحبه انزين انا شاطه نفسي ليش دام ماتحبين شيء @@

ولا البقيه حياهم الله في كل وقت