وش رايكم بتصرفات زوجي يااااااربي ضاق خلقي منه

[KOKO_284I]

تدرين وين المشكله ان احنا الحريم انخرب الرياييل وبعدين نستوعب غلطنا

 

[*peace*]

بخيل

مستكثر عليج ٧ دنانير(بالشهر بعد!!)

٣ سنين ماحملتي والعيب منه وهم موراضي يعالج

بخيل بمشاعره ماكو لاحنان ولاكلام حلو ولاشي

قاعده عنده ليش!!!!

انتي تقدرين تفكين نفسج من هالمعفن بس انتي متمسكه فيه لاااااا وهمن تبين تدخلين

امه بالموضوع يعني شتتوقعين بيصير بيتغير!!!

لاتقعدين ترقعين فيه هذا مايترقع زوجج

انا لو اني مكانج اذلف بيت اهلي ووالله مااردله الطلاق وبس

لانه ماكو فيه ولاشي المفروض يكون بالزوج لو اقل القليل

لاتقصين على روحج وتقولين لي زعلتي ببيتكم بيتغير البخل مررررررض وماراح يتغير

 

[_Pure_]

اممممم


انا اشوف الموضوع كبير

اكبر من ان الاهل يتدخلون


انا برايي لازم تحددين مصير حياتج المستقبلية مع هالانسان

و سالفة ان ما يبي يعالج هذي سالفة بحد ذاتها وايد كبيرة لان قاعد يحرمج من حق و من حقج يكون عندج عيال و العمر قاعد يمشي و اذا اهو طلع عقيم من حقج تتطلقين و تشوفين حياتج مع شخص اخر

يعني فكري زين في مستقبلج السالفة مو بسيطة

 

[♥ SWeeRa ♥]

قبل لا تقولين لامه قولي له هووو
كلميه
قولي انا حرمه واحتاج اشياء
ومرات تكون بخاطري اشياء ودي ادفعها انا
كلمه مره واذا مافاد بعدها بكم يوم كلميه
واذا مافاد قولي لخالتج
خليها هي تقوله بطريقه حلوووه

 

[الأميرة الحزينة]

الله يعينج حبيبتي ويسخره لج

 

[هنـــــد]

نصيحه :
لا تكلمين أمه .. لان الأم مهما كان ماراح تطلع الحق على ولدها
هذا غير ان زوجج يمكن لو هي كلمته يقول انج جذابه وانه يعطيج بس مايبين بعينج
حبيبتي كل شي توقعيه من الرجال يقوله وما يسكت لو انحط بموقف مسائله ..
اذا تبين تتكلمين تكلمي معاه هووو .. واذا ما اقتنع ولا رضى يستجيب
روحي بيت اهلج وخليه يحس انه غلط في حقج واهانج في بخله عليج
لاتسكتين له ترى والله يتمادى !


وربي يعينج ،​

 

[ام زهقانه]

كلمي امه

 

[كارلوفي فاري]

التفاهم بينكم والوصول لحل يرضي الطرفين افضل واذا استمر بالتقصير لازم تشوفين حل ثاني بس يكون يناسبج ومايسبب لج متعاب والله يسخره لج

 

[الفرفوشهـ]

الله يعينج حبيبتي

 

[شطانه طفله]

الله يعينج حياتي

 

[لبوة36]

والله ياحبيبتي لا تخبين بخله ولاحتى عقمه عن اهله خبريهم خليهم يعرفون انج انتي راعية الجماله فيه مو بكره اذا صار شي لا قدر الله قالوا السبب انتي
وبعدين اصري عليه يراجع دام السبب منه قولي له والله انتي تبين عيال وماباقي في العمر مثل مابقى
وبعدين سالفة الفلوس شيلي منه بدون يدري يعني كل يوم شيلي 10 ريال والا 5 ريال عشان مايحس وبجذيه تمشين في الجمعيه
واذا بتقولين حرام تعتبر سرقه انا اقولج ان الشيوخ حللو اخذ الفلوس من الزوج بدون يدري اذا كان مايصرف على اهل بيته

 

[استغفر الله%]

صلي استخاره مره ومرتين بنية انج تقولين لامه وشوفي شيطلع معاج
سبحان الله وبحمده سبحان الله العظيم

 

[Laidy n3ooma]

اقري سوره البقره

 

[Miss Chanel]

الله يهديه لج ويسخره

 

[المديـ بنت ـنة]

ياااافديييييييتكم الله يسعدكم يارب ع ردووووودكم جعلني ما افقدكم خواتي


... الاخت اللي قالت صلي استخاره .. فعلااا انا ما امشي اموري الا بالاستخاااره والحمد لله صار لي كم يوم وانا استخير باني افاتحه بالموضوع ويسمع مني ..

عاااد امس الحمد لله صار موقف اللي هو ... اخته عندها عزيمه وهي موظفه وتبي مساعدتي بالطبخ واجيب لها اغراضو الحق ينقال انها تستاهل من يفزع لها .. هي ماتعرف تبخ خدامتها تطبخ لهم .. وعزيمه كبيره تبي تتجمل بالضيوف ..

قلت لها ازهليها اجيب لك اغراضك واسوي اللي لك اللي في خاطرك .. المهم امس العصر قلت حق زوجي انا بروح اجيب اغراض لاختك .. قاااااال مافيه داعي انتي تروحين هي تجيب اغراضها ..

قلت له انت قول لها هالكلام .. قال طيب .. كان قاعد ع النت .. لما خلص

قلت انت الآن بتستمر معاي بهالاسلوب الى متى حتى اختك توصيني تقول خليها هي تروح ليش ..

تدرون وش قال .....

قال عشان لا تمنين علي بمساعدتك ؟؟؟؟؟؟؟؟؟؟؟ وتقولين لي مثلا هذاك اليوم انا اسوي واسوي واخواتك قاعدين

هذا كان ردي على سالفه قالها رديت عليه بأني انا مو غريبه وعااده نفسي بنت من بنات هالبيت وما انتظر فلانه والا فلانه تقوم تسوي شي انا اقوم ولا انتظرهم يقومون ..

ما اعتقد كلامي فيه شي وردي وااضح .. لكن هو قلبها انها منه أمن عليه .. المهم وضحت له هالنقطه

والحمد لله انه حصل هالموقف وشجعني اتكلم ..

وماااااخليت شي في قلبي ماقلته له .. وكان مثل عادته يبي يسكر الموضوع .. واقوم الحقه في الغرفه الثانيه واسكر الباب

قال يابنت الحلال وخري مواعد رجال مو وقته تنرفزيني وتلاحقيني ..

قلت له كل شي ينتظر الا حياتنا الآن نتفاهم ع كل شي .. المهم يجي عندي بيوخرني عن الباب قلت مابي الا هو يتعوذ من ابليس .. اعوذ بالله من الشيطان اعوذ بالله .. يابنت الناس ابعدي قلت مابي تبي تضربني اضربني ههههههههههههه

اول مره احس اني قوووووووووووووويه ههههههههههههه

قال بروح الحمام عزكم الله وراي مشوار قلت رووح لكن ماخلصنا

عاد قبلها قال كلمه .. توجع القلب .. لاني كنت صريحه بحاجه معاه .. قلت له انا ابسط حقوقي ومن اول زواجي ما بطلبها منك وانت وين ووين لما تتذكر عندك زوجه << اقصد الحق الشرعي

عقبها قااال انتي استقويتي علي من طلعة نتائج تحليلك سليمه .. حززززززنت عليه وربي

المهم كل اللي في القلب طلعته ووضحت له وقلت له ارجع للمسجات وشوف كلامي لك بأني بعيال او بدون عيال ماتهون علي العشره ...

وكان بيطلع من البيت والجو عجه عندنا وقاعد يلبس الكمام .. ولأول مررره احس اني شي ثاني معاه

وقفت قدامه قلت له عندك عمليات والا وشو .. وانا ابوسه قلت ماتطلع وانت زعلان هههههههههههه

ياعمممممممري علي مدري وش صار فيني وقتها حسيت اني متزوجه هههههههههه

قال بعد وشو .. قلت انا اللي ابيه منك تسمعني واسمعك ونتناااقش بسسس

ما اقصد اضايقك او تضايقني ..

وسالفة الجمعيه خلااااص الحمد لله قلت له ماااابي يطيح وجهي قدام الناااس عقب كم شهر .. خلني اخلص منها

وتووووووبه من هالجمعيات لو بريال ماعاد ادخل ..

عاد امسسس لما رحت السوق جبت له هديه عطر..

قلت له عشان تعرف ان مايهون علي زعلك ..

والحمد لله ان شاء الله ربي يسخرررررررره لي ويوفقنا ويبعد عني وعنكم المشاااكل يااااااااااارب


لعل اللي صار امس دعوة من وحده فيكم انفتحت لها ابواب السماء ..

ياجعلكم للجنه يااارب

 

[tunaQ8]

دام أهو مو كفو حوار وأمه تحبج ، شوفي متى تكون فاضية ما عندها أحد وكلميها بهداوة​

طلعي حرة ال 3 سنين ​

وشوفي ردة فعلها ، وأخذي منها الحل عل وعسى يطلع منها شي ما تدرين !!!!​

معاج في الراي :rerrerek:

 

[انثى عاشقة]

دامها زينة معاك كلميها مافي غير هذا الحل
جود يتسنع ولدها ويحس ع دمه
​