وش التصرف مع هالناس؟؟

[زَهر تِشرينْ]

.◈|❀|◈..
حبيبتي استخدمي اسلوب التغافل او بمعني اصح
التطنيش ولا كانك سامعتها .. وعيشي حياتك وانعمي بهدوئك النفسي
وتقربي لله وناجيه في صلاتك عشان يمدك بالقوة وراحة البال
ويرزقك الزوج الصالح الي يحبك ويخاف الله فيكِ ..
..
​

 

[أماني عمري]

يا حياتي ليش تحرين نفسج؟ مبين مخها الحمدلله و الشكر، لا يابت طارت الزواج قولي محد ياخذ غير نصيبه و اللي أخذ يحمد ربه لا ربه ياخذ النعمة اللي عنده و اذا كررت سالفة شكو ام فلان قولي و انتي تبتسمين كلمتة فلانة طيبة، تدعي بالخير و ان شاء الله اروح بالنصيب الزين و اييب فلان و لا يابت طاري الوحام عادي قولي اول مرة ادري اللي تاكل هالشي تتوحم مشكورة على المعلومة

قلبي السالفة عليها يا وردة و اخذيها ضحك و هي بتسكت و انتي ترتاحين

 

[q8yah]

يمكن مو قصدها اذا وايد مظايقج كلميها بينج وبينها او دزيلها مسج اسهل

 

[إلين اليوم]

يمكن اللي مخلي الموضوع قاهرني للحين يوم انقهرت من كلامها
ماقدرت اتعشى وقمت حسيت نفسي ببكي ولا لقيت لي مكان ابكي فيه
البيت كله مليان حتى غرفتي خواتي داخلين طالعين منها وكتمت بنفسي
نزلت دموعي شوي وانا ساكته بعدين مسكت نفسي واحس بضيقه للحين

(ماعلموه ان الجروح النازفه تكره اللمس ) لاتزعلين من كلامي بس جد لو الموضوع مو حاز بخاطرج كان ما تأثرتي بكلامها .. برايي مو بس لازم تطنشين مرة اخوج لازم تطنشين الموضوع اساسا وتشيلينه من همومج .. انا نفسج أحس في ناس تعايرني بموضوع الزواج والقى نفسي متضايقه بعدين اكتشفت اني متضايقه مو من كلامهم لا لان كلامهم جا على الجرح فقررت اني ما اهتم لموضوع الزواج من اساسه عشان ما اتحسس من الناس .. وفعلا لقيت نفسي عقب ماشلت هم الزواج من راسي ماقممت اتحسس من احد واعطيهم طااااف .. مادري يمكن مافمتيني ..بس قصدي (طنش تعش تنتعش ) :eh_s(7):​