وش أحسن جنسيه طباخه ..

[لهفه الخاطر]

السلام عليكم ورحمه الله وبركاته

مساء / صباح الخير


أخواااااتي ....

وش أحسن جنسيه طباخه ؟؟ من ناحيه النظافه والشطاره بالطبخ أبغاها للبيت ..


لأن بإذن الله ناويه أجيب بس محتاره



اللى عندهــا خبره ياليت تفيدني





أختكم لهفــه

 

[عشقي ضنيني]

يقولون الاندونيسيه وانا ما احبهم على العموم

 

[PearL]

انا احب السيلانيه دايماا

والنظافه مالها شغل بالجنسيه

 

[جكورة]

اللي أسمعه الهنديات والأندونسيات....​

 

[لهفه الخاطر]

نسيان

بيرل

جكوره


أعتذر على التأخير في الرد وأشكركم على مروركم وأفادتكم لي


يعطيكم العافيه


باقي الخبيرات وين .؟؟.

أبي اعرف الهنديات ولا الإندنوسيات أحسن .. من حيث نوع الأكل وذوقهم وقربه للذوق الخليجي ..

وشكرا

 

[طم طم]

مااكووا على الهنديه صراحه اذا علمتيها على شغلج عدل اطووول عندج فى البيت اسنين تقعد ولا الأندوونسيه واى تخافين منهم عندهم السحر بعد اخليها تسوى اكلى لا ويييييييه لا ان شاء الله خليج على الهنديه بس دورى وحده لها خبره فى دول خليجيه مثل البحرين ولا قطر
الهنديه وبس صراحه للأكل ماشاء الله عليهم

 

[SARA_912]

الهنديه احسن لكل شي

 

[Elizabeth]

الهنديات حنونين بس عيبهم قرقة والاندونيسيات بروووووووووووووووووود مايبردون القلب والسيلانيات مونظاف ويتشكون وايد والفلبن ممممم يا اتييج زييييييييييييييييييينة يا لا ! ماعندهم وسط

وعموما الخدم حظوظ

 

[لهفه الخاطر]

طم طم


سارا

اليزابيث


مشكوريــــــــــــــــن


الله يعطيكم العافيـــه

 

[بتبوتااا]

الهنديه وماكو احلى من طباخها انا الي عندي اندونيسيه حلو طباخها بس مو كل شي تعرف

 

[لهفه الخاطر]

يعطيك العافيه بتبوتااا
طيب هل هى متفرغه للطبخ بس ماتسوى غيره ؟؟؟؟؟؟والا ممكن تساعد الشغاله
اخاف تقول انا جايه للطبخ بس وانا بيتى كبير اكيد بشغلها اذا احتجتها يش رأيكم