وشو الشي المميز في لندن

[شموخي غير]

السلام علييكم .. حبايبي اختي بتسافر لندن الاسبوع الياي وبغيت اسألكم عن الاشياء المميزه اللي توجد

في لندن يعني عطور والا ميكب او ملابس بصراحه ودي اوصيها تجيب لي عفيه اللي تقولي بدعي لها من كل قلبي

لاطنشووووووووووووووووووني وتقبلوا حبي :tek:

 

[MyLittleBerry]

يقولون ملافع الماركات عندهم رخييصه

اذا بتييبين للبيع انا اول شرايه

لان في وحده شريت منا بالمنتدى كانت يايبه من لندن باعاتهم اقل من 40 ويهبلووون

 

[حناين*%*]

حبيبتي هناك عندهم اغلب الاشياءارخص مثل انا يايبه الديفدي المحمول ارخص وجوده احلى وبعد الشالات الشتويه واي روعه ولا الاكسسوارات ولا احلى عندهم مممممممم شنو بعد خل اتذكر واقولج


تروح وترد بالسلامه اختج تحيااااتي لكم

 

[ام خالد 78]

الكاكاو اهم شئ

 

[شموخي غير]

يقولون ملافع الماركات عندهم رخييصه

اذا بتييبين للبيع انا اول شرايه

لان في وحده شريت منا بالمنتدى كانت يايبه من لندن باعاتهم اقل من 40 ويهبلووون

مشكوره ياقلبي على سرعه الرد تقصدين هم شيال والا اسكارفات صغيره وابشري لما اييب بضاعه اقولج

اول وحده....الله يوفقج حبيبتي ويسعدج

 

[سهارا]

احلا شي خل تسأل عن العطورات الجديده بمركز سيلفرج اللى بإكسفورد

والجناط حلوه هناك

وقمصان البيت والشلحات والشالات اتلاقينها بشبرد بوش عجيبه

والمكياج بعد حلوو بسوق الاحد وسوق السبت

وفي منطقه بعيده رحنالها كلها عبده شيطان بس مالهم شغل فيج بس كلها شحاطات وجناط يهببببل

واتمني اكون فدتج

 

[شموخي غير]

حبيبتي هناك عندهم اغلب الاشياءارخص مثل انا يايبه الديفدي المحمول ارخص وجوده احلى وبعد الشالات الشتويه واي روعه ولا الاكسسوارات ولا احلى عندهم مممممممم شنو بعد خل اتذكر واقولج


تروح وترد بالسلامه اختج تحيااااتي لكم

مشكوره ياقلبي على الرد الله يوفقج ويسعدج دنيا وآخره

 

[شموخي غير]

الكاكاو اهم شئ

وواااااااو الكاكاو بس حقهم مافيه كحول؟


الله يوفقج ويسعدج

 

[شموخي غير]

احلا شي خل تسأل عن العطورات الجديده بمركز سيلفرج اللى بإكسفورد

والجناط حلوه هناك

وقمصان البيت والشلحات والشالات اتلاقينها بشبرد بوش عجيبه

والمكياج بعد حلوو بسوق الاحد وسوق السبت

وفي منطقه بعيده رحنالها كلها عبده شيطان بس مالهم شغل فيج بس كلها شحاطات وجناط يهببببل

واتمني اكون فدتج

مشكوره ياقلبي على الافاده ماقصرتي الله يسعدج ويوفقج

 

[الفودرية]

عندج شبربوش فى قمصان بيت وفى شالات وايد رخيص بس كاسريهم وعندج سوق السبت وعندج سوق الاحد وعندج بكنزوى مجمع اسمة الوايت ليس هم أسعارة زينة واذا بذكر شى بدزلج

 

[ريما الكويت]

الفودرية قصدج الاوت لت outlet

 

[*+$كويتية$+*]

السلام عليكم انا

نصيحتي ان تكون اول السفرة متعة مثل السياحة
بعدين السوق

اولا لا تنسين تروحين متحف مدام توزو وقصر بيكنج هام ولا ساعة بج بن ولا اي لندن
وعاد انتي تعرفين حديقة هايد بارك الي يروح لندن لازم يدخلها
و لندن زو وحديقة الفواكة

واذا على السوق

طبعا تروحين شارع اجوارود طبعا يتميز هذا الشارع في مجمع كبير يتميز بالعطور والميك اب اسمة سلفرج وتكون دايما الفواكة طازجة عندهم واكسسواراتهم لاتطوفج وخاصة الساعات

ومجمع هارودز طبعا الكل يعرف هارودز اكثر الناس تشتري منه الجاكيتات والككاو والملابس الداخلية والجيجي
وطقم الشاي


بعدين عندج سوق شبربوش سوق شعبي بس شبربوش لا تنسين تاكلين من الفلافل يم يم يم نظيف
وسوق السبت تكون الخضرا عندهم رخيصة

اما سوق الاحد لا يطوفج تلقين الاشياء الماركة عليها ضريبة يبيعونها انا مرة شريت جنطة برادا واهيا الاصلية
وب100 باوند قيمتها 50 دينار واهيا قيمتها 250 دينار

وطبعا بشارع تلاقين كوشكات اهم شي الشالات تشترين منهم والتحف للتذكار

والمطاعم عندهم مطعم مسكوب والمنقلة وفاكتوري بيتزا لا تطوفج هالمطاعم

ورحلة سعيدة

 

[*+$كويتية$+*]

لا تنسين ويل ورث هذا محل للحلويات والهدايا والككاوات

 

[اميرة الغيد]

عندهم انواع من العطور مارك سبنسر موموجوده بالكويت ، وككاو مارك سبنسر اللي مثل البسكوت وفوقه مارشماللو عجيب قرطاسه بنفسجي وبعد طبعا وول ورث ككوياتهم حلوه ، ومعروف جدا شالات شبرد بوش الصوف الثقال ودراريعهم وملافعهم (احلى الشغلات هذي بشبرد بوش) بالنسبه للككاويات ديري بالج في انواع فيهم كحول وانواع لا عشان جذي ضروري تقرين المكونات قبل ماتاكلين بعد في بعد اغراض المدرسه اللي على الباص الاحمر شكلهم حلو (طبعا اذا عندج عيال بالمدارس)

 

[*ستار*]

للرفع

 

[شموخي غير]

مشكورين ماقصرتو

 

[غلا يوسف]

حبيبتي انشالله انى بفيدج ::::


روحي بالاندر قراوند حق بوكستار فيلج واهى مدينة الماركات والاسعار تكون فيها رخيصة حيل بالماركات ...

انصحج حيييييييييييييل فيهاا .

سنتر بوينت كل شي فيه
وثانيا لازم روحين شبربوش من الهايد بارك باص رقم 97

وثالثا ماأوصيج بالاكسفورد ..

واهم شي بري مارك بالاكسفورد ستريت نفس نظام سنتر بوينت
,,


وامانة اذا شفتي لندن سلمي عليها وبوسيلي خدودها ....

 

[كويتية أصيله]

أشلونكم خواتي

شبربوش وييييييييييييييييييييع هذا قبل كان حلو بس الحين أسعاره نار والله نفس ماركات الملابس الداخليه إللي عندنا بالجميع والإتحاد يبيعهم بضعف السعر والله ما يسوي تضيعين فيه وقت.

أول ما توصل أختج خليها تاخذ رحله بالباص لمدة ساعتين يلف فيها لندن كلها تشوفها بعدين تروح المكان إلللي تبي ولا تنسي ّّlondon eye روعه خصوصا بالليل .

 

[شموخي غير]

مشكوريييييييين ياقلبي كلكم ماقصرتوا الله يوفقكم واللي عندها بعد تفيدنا

 

[الريادة]

Out let village يبيع ماركات بأسعار رخيصة لا تخلين روحيله !