((( وشلون زوجها راضي )))

[sondos]

رد : ((( وشلون زوجها راضي )))

موضووعج واايد حلو وانشالله لج الاجر فى البنات اللى راح يقتنعوون ان فى وجود الطبيبات اصحاب الكفاءه ماااااايجوووز تنكشفين على دكتور ...وهذا بافتاء كل علماء الدين

بالنسبه لى من اول زواجى راجعت عند د.فوزيه القطان ...ومهما كان يصير معاى التهابات اتصل على كل المستشفيات ايام الطوارئ واشوف وين فى دكتورة

اتزج د.امراض نساء وولاده<<<<<<<<مستحيييل لو شنوو ....اصلا معروووف وبشهاده 2 من رفيجاتى ازواجهم اطباء امراض نساء ان عينهم زايغه

بس موضوع ان تخصصه ينقص من رجولته ....لا ماعتقد مجال العلم والدراسه مفتوح للجنسين وماننكر ان اطباء كثاار ثبتوا جدارتهم واحترامهم فى مهنتهم فى وقت قله الطبيبات

بس انا شخصيا ما اتقبل انكشف على دكتور ...بااخر ولاده وصلت المستشفى منتهيييييييييه وماخلييت دكتور الطوارئ يفحصنى ...نزلولى الدكتورة من العياده ..بس سبحان الله بالطوارئ الواحد يتغير كلامه

 

[اكابر]

انا عن نفسي ما اشرط الا دكتور ولا دكتوره الموجود .. لاني حاله خاصه .. اتعب بوقت حمالي وايد فالخاص مايستقبلني ..

والحكومه ماعندهم دلع الموجود يولدج يعني ما اقعد اتشرط .. وبخصوص ريلي شلون يرضى .. الحمدالله زوجي متفهم هالشي .. انه هذا دكتور وهذي وظيفته وباليوم تمرعليه مليون وحده يعني بتي علي انا اللي بيحط عينه علي.. بعدين يالغاليه اللي تولد تكون بعالم ثاني مو صوب اغراء ولا ما اغراء ولا جاذبيه ..

 

[لولوة حمد]

رد : ((( وشلون زوجها راضي )))

انا ولاداتي كلها عند حريم

اصلا ريلي مستحيل يرضى يولدني ريال

ولا انا ارضى

 

[شقرديه كيوت]

رد : ((( وشلون زوجها راضي )))

كل شي محلل عند الضروره--بس انا الحمدلله كل ولاداتي عند دكتوره-مااروح للدكاتره

 

[انسام الكويت]

مادري شنو الهدف من الموضوع يعني


بتخلين بنات العالم كلهم يقتنعون ويولدون عند حريم


عيل ليش تروحون عند بإجي الدكتاره اللي يجيس حلجها

واللي يجيس ويها إذا بنقعد انحلل وانحرم وعيب وماعيب مراح نخلص

وترا بحزة الولاده يتروالي محد له خلق يفكر لازم دكتور وله دكتوره الأهم

انه الوحده تقوم بالسلامه وترا الدكتور هاذي وظيفته وفوق هذا عبالج الدكتور


فاضي يقعد يخز تحت ويتأمل المكان ويقعد يقارن حمدالله الشكر موضوع ماله داعي

 

[القوارير]

رد : ((( وشلون زوجها راضي )))

من ناحية الدين صحيح ما يجوز يكشف عليج دكتور بوجود دكتورة
الا في الحالات القوية اللي تستدعي وجود الدكتور
بالنسبه لي أنا ما أرضى من ناحية الدين ومن ناحية الحيا الا اذا الأمر خارج عن ارادتي وضروري وجود الدكتور
والمسألة بالأول والأخير تساهيل من الرحمن
أما زوجي فماعنده مشكله لأنه عارف أن ما تدخل الدكتور الا لمسأله مستدعيه هالشي
أما الارتباط بدكتور نساء اذا كان خوش ريال فليش لا ماوصل للمستوى هذا الا لأنه انسان ناجح على الأقل زيتنا بمكبتنا يضبطني بدال لا أتكشف على هالدكاتره:sfg:

 

[العفاسيه]

زوجي مستحيل ادش على دكتور سواء ولاده او اسنان او .. الخ

بس الدكتور لا بد منه انا ولدت عند دكتوره بس دكتور التخدير رجال وساعات اراجع بالطوارئ يكون رجال اكون مضطره

وبالنسبه اتزوج دكتور نساء مسسسسستحيل انا ماتحمل ترف عينه على بنت هالمره يشق ويخيط شسمه ..... !! ياا لهوي

 

[منوة القلب]

أنا بصراحة وقت الصجيه ما اميز بين دكتوره ودكتور!!!
شوفي انا ما جربت الحمل والولادة ( الله يكتب لي عن قريب )
بس حاشني مره التهاب من قوتها قمت انزف وكانت الدكتوره زحمه دخلت للدكتور ما قدرت

يمكن انك اضطريتي حمدالله على السلامه ماتشوفين شر

 

[بدوية بملامح كشميرية 86]

رد : ((( وشلون زوجها راضي )))

انا ولدنى دكتوور

بس لما اروح للفحص اطلب دكتوره تفحصنى

وبالولاده دكتورى ولدنى

والله حزتها مافكرت بصراحه اهم شئ اولد وارتاااااااااااح

والله الى يدرى بالنيااات

 

[منوة القلب]

رد: رد : ((( وشلون زوجها راضي )))

طبعا دكتورة

بس ترا الدكتور مايطالع لما يكشف الا اذا خلاص راس البيبي بيطلع وبهالوضع ماظن ان فيها اغراء

ومن قالك مايطالع يمكن بعضهم مايطالع بس بعضهم الا عينه زايغه

انا ماقلت ان شكلها مغري اكيد شكل المره الي بتولد مو مغري انا قلت بيقارن

 

[منوة القلب]

ذكرتيني بولادتي دش علي دكتور مال اطفال يبي يجيك عالبيبي اول مايطلع ...
وانا مهلوسة وحالتي حالة جان اطرده هههههههههههههههههههههه
طبعا اولد عند دكتورة وريلي مايرضى دكتور حتى يكشف علي ... وكل وحده ووجهة نظرها

ههههههههههههههه ماشاءالله عليك كنتي تميزين وانتي مهلوسه مين داخل عليك

 

[منوة القلب]

اكيد دكتوره الله يستر على خلقه

هلا فيك نورتي

 

[منوة القلب]

رد: رد : ((( وشلون زوجها راضي )))

حبيبتي بالشرع ما يجوز دام الدكتوره موجوده وكلهم زينات تؤثمين وتاخذين ذنب علشان يولدج ريال وانا استغرب من الرياييل اشلون يخلون حريمهم يولدون عند دكاتره وين راحت الغاريه ما ادري وبكل مشفى لازم تحصلين اكثر من دكتوره زينه وبعدين الولاده مو عمليه جراحيه خطره علشان اخذ واحد فاهم قبل امهاتنا يولدون بالبيت وامها او اختها العوده تولدها شالحجي الفاضي الي يخالف شرع الله .. انا حتى السونار او الفحص العادي ما ارضى دكتور يسويه لي دام ان الدكتوره موجوده

يعطيك الف عافيه على الكلام الرائع وعلى الاضافه الجميله ماقصرتي

 

[منوة القلب]

انا صراحه مستحيييييييييل اولد عند رجال اساسا دكتورتي لما افحصتني داخلي مت من الفشلللللله شلون لو رجال

صح وانا نفسك

 

[منوة القلب]

صاحبة الموضوع ...ممكن سؤال ...انتي جربتي الولاده ..وجم عدد عيالج ؟

خذي راحتك بالاسئله


ايه متزوجه وعندي 3 الله يخليهم لي :ioljnmlk:

ولاداتي كلها عند حريم

 

[منوة القلب]

رد: رد : ((( وشلون زوجها راضي )))

اختي لو سمحتي لاتحللين وتحرمين تري في بعض الامور تصير بوقت الولاده تستدعي حضور الدكتور او رئيس الوحده او تموت الوالده يعني انا لما ولدت الدكتوره ماقدرت اتولدني ونادت الدكتور وطبيب الاطفال لان البيبي شارب ماي وملتف فيه الحبل السري انتي انوي ان ربج يسهل الامور واحنا مومتعمدين ان الريال يشوفنه وشي ثاني الدكتور يقسم رب العالمين سواء كان مره او ريال ان مايشوف عورات الناس واللي يشوف هذا ذنبه علي جنبه

ماحرمت من راسي يالغاليه اغلب المشايخ محرمين ان المره تولد عند دكتور

بعدين انتي حالتك خاصه يعني كنتي مضطريتي وماعندك خيار ثاني لازم ينقذون البيبي

ومن قالكم مايشوفون بعضهم عينه زايغه

 

[~ الــــزيــــن ~]

انا بالنسبه لزوجي يرفض دكتور يولدني وانا والله استحي بعد دكتوره ويالله اتكشف عندها
بس بحملي الاخير مدحولي دكتور يقولون انه ممتاز للتوأم يتدارك الوضع ويحاول يولد طبيعي مايلجأ للعمليه
نمت براس رجالي لين وافق
بس بالنهايه انا ماقدرت استحيت وتوكلت على الله ورحتت لليلى اشكناني
وولدت طبيعي وعمليه والحمدلله على كل حال اجر ان شاء الله

 

[منوة القلب]

رد: رد : ((( وشلون زوجها راضي )))

والله يا حبيبتي أنا قبل الولاده ... سألوني هالسؤال : لو صار شي لج أو للبيبي .. هل يصير يدخل عليج دكتور !!
قلت أيه عشان اذا تعسرت علي الولاده يدخلونه ...

يعني المره لي تعسرت ولادتها شيسوون = بالله يحطون يدهم على خدهم .. لا طبعا اذا ما عرفت الدكتوره بتنادي الدكتور يمكن يكون احسن منها

يعني المره في وقت الولاده لبسها يلوع الجبد يعني بالله وين الاغراء !!!

وبعدين الأحسن نسأل شيخ دين في هالمسائل بدال ما نقول حرام أو لا !!!

بس سؤالي يالغاليه انتي ترضين تولدين عند رجال يعني من الاساس مراجعاتك كلها عند دكتور

يعني نيتك كانت دكتور من البدايه


فيه بعض الحريم ماتكون نيتها دكتور تكون تبي دكتوره ومراجعاتها كلها عند دكتوره بس حزت الولاده تستجد بعض الامور

وتصير فيه مشاكل ويضطرون يدخلون دكتور عشان يحل الامر عند الضروره تحلل المحرمات


من جاب طاري الاغراء انا قلت فيه اغراء بموضوعي انا قلت مقارنه

حرام يالغاليه ادخلي قوقل وشوفي رايي المشايخ ماجبت كلام من عندي

 

[LA TROO7]

اسمحيلي من اسخف المواضيع اللي قريتها

كل وحده حرة بنفسها وكلن ذنبه على جنبه

وترا الفتوى مو شي هين عشان تفتين ياحلوة

((اجراكم على الفتوى اجراكم على النار ))

 

[منوة القلب]

لااا والف لاااا استغفر الله

انا دكتوره تفحصني والله اغمض عيني من الفشله شلوون رياال @@ ولاا ومو اي مكان بعد
اصلا انا اذا براجع طبيب عام مستوصف اقول حق الكاونترابي العيادة اللي فيها مره مو رياال اذا توافرت دكتوره ليش اروح عند ريال يفحصني وان كانت نيتة نظيفه وهذي شغلته ..بس الا للضروره او اضطريت اروح عند ريال
والله عن مو مسأله حرام او حلال لاني ما اقدر افتي ..بس فششله والله

اخذتيها من باب الفشله مو من باب الحرام الاولى انك تحتسبين الاجر والاولى انا ناخذ بعض الامور من ناحية الدين

انا بنسبه لي لو مو حراااااااااااام كان عادي ولدت عند دكتور

بس حرام مايجوز واهم ماعلي ديني والاتزام بأوامره