((( وشلون زوجها راضي )))

[منوة القلب]

السلام عليكم ورحمة الله وبركاته


كيفكم صبااااااااياااااااااااا



حابه اسئلكم سؤال ( طبعاً السؤال للمتزوجات) حزب الطماشه براااااااااااا :d


سؤال يقرقع بقلبي منذوا مبطي


اذا حملتي وسهل عليك ربي ولدتــــــــي .....


تولدين عند دكتور او دكتوره .....؟؟؟؟؟؟ وليش .. يعني الاسباب






بنسبه لي راح اولد عند دكتوره .. ولادتي كلها الحمدالله عند حريم

السبب الاول: من باب الدين مايجوز حرام اولد عند دكتور بوجود دكتوره ..

يعني الي تقول ان الدكتور احسن وافضل من الدكتوره

اقول ماعندك سالفه ياكثر الطبيبات الزينات والممتازات والمتمكنات ..

اذا كنتي كلش مو مقتنعه بالطبيبه اتركي الولاده عند الطبيب لوجه الله (من ترك شيئاً لله عوضه الله خيراً منه)



والسبب الثاني : من باب الحياء ( والحياء شعبه من الايمان ) يعني ماتستحين وانتي متكشفه عند رجال


طبعاً عندي سؤال ثاني ... وشلون زوجها يرضى ان رجال يولدها؟؟


اتمنى محد يزعل مني واتمنى الاقي اجابه شافيه .....



كتبت الموضوع بسبب موضوعين بالمنتدى استفزوني


الموضوع الاول .. وحده مسويه عملية تجميل للمنطقه الي تحت ومابي اتعمق بالموضوع بس بصراحه ضاق صدري

وش الي حدها تروح تسوي العمليه عند طبيب ليش ماراحت عند طبيبه والي زاد الطين بالله ردود البنات

محد قالها ان هشي مايجوز وخاصة ان زوجها مايدري مسويته له مفاجئه .. الله يهديها



الموضوع الثاني .. تقبلين انك تتزوجين دكتور نساء ولاده واستغربت من ردود البنات الي اغلبها تقول عادي عشان يتفهمني

يعني الرجال ماراح يتفهم زوجته الا اذا صار دكتور نساء ودلاده مايتفهم الا اذا تكشف على حريم خلق الله وش ذا المنطق

ماتخافين يصير زوجك بليد ماتخافين يكون عنده برود ماتخافين من المقارنه ماتخافين انه يمل منك اذا شاف وحده احسن منك

اسمحولي انا اشوفها اكبر عيب انه يكون دكتور نساء ولاده لانها وظيفه ماتشرف الرجل احس انها تقلل من قيمته



واتمنى محد يهاجمني هذي وجهة نظري .... ابي اسمع وجهة نظركم​

 

[كويتية أصيلة]

رد : ((( وشلون زوجها راضي )))

طيب اختي انا بسئلج سؤال واحد

اللي يتخصص طبيب نسا يقعد عزوبي ما يتزوج ؟؟ ولا يتزوج اجنبية ويقعدون بناتنا بجبدنا؟

 

[ELFAD3Ah]

رد : ((( وشلون زوجها راضي )))

انا ولدت عند دكتوره لان استحي بصراحه ومااحب ريال غير زوجي يحط ايده علي حتى لودكتور
وزوجي لما بغيت اسوي سونار ثلاثي البعاد وكان في الا دكتور عصب وزف دكتورتي

 

[منوة القلب]

اكيد يتزوج من بناتنا بس للي ترضى فيه .. والله يوفقهم

بس سؤالي تولدين عند دكتور او دكتوره

 

[كويتية أصيلة]

رد : ((( وشلون زوجها راضي )))

انا ما تفرق عندي دكتور ولا دكتورة

وانا اختلف معاج .. انا اشوف ان الدكتور وظيفته تشرف وما تنتقص من رجولته شي

بغض النظر عن الامور اللي ذكرتيها .. ما وصل لمرحلة دكتور ويولد حريم إلا مخه اكبر من انه يقارن

مع احترامي حق وجهة نظرج ووجهة نظر اللي راح يردون مثل ردج

 

[منوة القلب]

كويتيه اصيله .. هلا فيك نورتي

حبيبتي مو معناته ان اخذ الطب خلاص ماراح يقارن

المقارنه من صفه بالانسان لو معاه اعلى الشهادات

عمر الشهادات ماتقيس عقل الواحد هل هو صار واعي وفاهم اولا

ياما ناس اخذوا شهادات ووصلوا اعلى المراتب وللاسف فاشلين بحياتهم



ام حمني .. مشكوره ياقلبي نورتي

 

[*ريما*]

رد : ((( وشلون زوجها راضي )))

انا مستحيل اولد عند دكتور
لاني ماحب انكشف ع رجال غريب
وموضوعك حلو
يعطيك العافية

 

[قطــرات مطــر]

رد : ((( وشلون زوجها راضي )))

المهم الخبره واذا حلت الضرورة تحللت المحرمات

مع العلم اني عند طبيبه!

 

[شقرديـه عالطل]

؟؟؟؟؟؟؟؟؟؟؟؟؟؟

 

[منوة القلب]

ريما .. نورتي يالغلا وجودك هو الاحلى

عروس خايفه .. نفسك يالله ويالله عند طبيبه واموت من الفشله نورتي يالغلا

قطرات مطر .. عند الضروره تحلل المحرمات اذا كان مافيه بديره دكتوره نهائياً .. بس ياكثرهم الطبيبات وبكل المستشفيات يعني مايحللها تولد عند دكتور نورتي حبيبتي

وانا مستعده اذكرلكم اسماء طبيبات ممتازات بتجربه خاصه

 

[كميثره]

كلامج ميه ميه بس وين اللي يفهم

يعطييج العافييه موضوع مفيد

 

[نونه الزعفرانه]

أنا بصراحة وقت الصجيه ما اميز بين دكتوره ودكتور!!!
شوفي انا ما جربت الحمل والولادة ( الله يكتب لي عن قريب )
بس حاشني مره التهاب من قوتها قمت انزف وكانت الدكتوره زحمه دخلت للدكتور ما قدرت

 

[ice mo0oca]

رد : ((( وشلون زوجها راضي )))

طبعا دكتورة

بس ترا الدكتور مايطالع لما يكشف الا اذا خلاص راس البيبي بيطلع وبهالوضع ماظن ان فيها اغراء

 

[باااربي]

ذكرتيني بولادتي دش علي دكتور مال اطفال يبي يجيك عالبيبي اول مايطلع ...
وانا مهلوسة وحالتي حالة جان اطرده هههههههههههههههههههههه
طبعا اولد عند دكتورة وريلي مايرضى دكتور حتى يكشف علي ... وكل وحده ووجهة نظرها

 

[كاميليا1]

اكيد دكتوره الله يستر على خلقه

 

[فاقده ابوهاااا]

رد : ((( وشلون زوجها راضي )))

حبيبتي بالشرع ما يجوز دام الدكتوره موجوده وكلهم زينات تؤثمين وتاخذين ذنب علشان يولدج ريال وانا استغرب من الرياييل اشلون يخلون حريمهم يولدون عند دكاتره وين راحت الغاريه ما ادري وبكل مشفى لازم تحصلين اكثر من دكتوره زينه وبعدين الولاده مو عمليه جراحيه خطره علشان اخذ واحد فاهم قبل امهاتنا يولدون بالبيت وامها او اختها العوده تولدها شالحجي الفاضي الي يخالف شرع الله .. انا حتى السونار او الفحص العادي ما ارضى دكتور يسويه لي دام ان الدكتوره موجوده

 

[حبيبه بدر]

انا صراحه مستحيييييييييل اولد عند رجال اساسا دكتورتي لما افحصتني داخلي مت من الفشلللللله شلون لو رجال

 

[النوري نور عيني]

صاحبة الموضوع ...ممكن سؤال ...انتي جربتي الولاده ..وجم عدد عيالج ؟

 

[نور78]

رد : ((( وشلون زوجها راضي )))

اختي لو سمحتي لاتحللين وتحرمين تري في بعض الامور تصير بوقت الولاده تستدعي حضور الدكتور او رئيس الوحده او تموت الوالده يعني انا لما ولدت الدكتوره ماقدرت اتولدني ونادت الدكتور وطبيب الاطفال لان البيبي شارب ماي وملتف فيه الحبل السري انتي انوي ان ربج يسهل الامور واحنا مومتعمدين ان الريال يشوفنه وشي ثاني الدكتور يقسم رب العالمين سواء كان مره او ريال ان مايشوف عورات الناس واللي يشوف هذا ذنبه علي جنبه

 

[Princess Lady]

رد : ((( وشلون زوجها راضي )))

والله يا حبيبتي أنا قبل الولاده ... سألوني هالسؤال : لو صار شي لج أو للبيبي .. هل يصير يدخل عليج دكتور !!
قلت أيه عشان اذا تعسرت علي الولاده يدخلونه ...

يعني المره لي تعسرت ولادتها شيسوون = بالله يحطون يدهم على خدهم .. لا طبعا اذا ما عرفت الدكتوره بتنادي الدكتور يمكن يكون احسن منها

يعني المره في وقت الولاده لبسها يلوع الجبد يعني بالله وين الاغراء !!!

وبعدين الأحسن نسأل شيخ دين في هالمسائل بدال ما نقول حرام أو لا !!!