وسواس الموت وتجاربكم

[أم تنوح]

مرحبا حبايبي

بغيت استفسر منكم. عن وسواس الموت هل احد منكم مر عليه
بصراحه انا مرات اعاني من هالوسواس خاصه وقت انوم
ويمكن هذا اللي جابلي الارق مرات اقول احساس اعووذ بالله
اهملت كل شي بحياتي وكله مالي خلق واحاتي افقد اهلي
او يصير فيني شي. ماحس بطعم اي شي اعتفست حيل
منو مر عليها نفسي وتشافت تعبت حيل احس مو عايشه
طبيعيه كل احس في شي بصير استغفر الله
ابي. رايكم

 

[Patcholli]

واااااااااااي جنج تتكلمين عني ..!!

كل يوم قبل النوم يحوشني هالوسواس وماقدر انام

افكر بامي وابوي وزوجي اخاف افقد احد فيهم بعيد الشر عنهم

وافكر بروحي ساعات اكره نفسي اقول الحين نايمه على مخده وحرير وفراش باجر بنام بالقبر والتراب ..

كل يوم تمر علي هالافكار من جذي حايشني اكتئاب وماحس بطعم الوناسه اعوذو بالله من ابليس

 

[pink Barbie]

انا بعد امبيييييييه مرات اعيش الدور ان امي الله يحفظها ويطول بعمرها يا رب ماراح اقدر اعيش بدونهااا وابجيييي واسوي مناحه لوووووول الحمدلله والشكر

عبالي بس انا يحوشني جذي طلعتوا انتوا بعد
اعوذ بالله من الشيطان الرجيم

 

[❞ Cleoραtrα ❝]

انا بعد اعاني من هاذا الوسوآس بين فتره وفتره

واقعد اصييييييح ,, ! > مع نفسسسي :d

 

[مطيرية متواضعة]

اكييد كثيرة السهر

انسي السهر ونامي باليل واقعدي الصبح وبيروح الوسواس

وشغلات كثيرة تسبب هالامر

بعض هالاسباب
احساسك بانك مقصر ناحية دينك وربك

مثل التسويف بوقت الصلاة وانتي تدرين انة شي مهم

وبالاخير هو شي من الشيطان الرجيم لهدف معين
​

 

[أم حورية]

لووووول

طلع وايد نفسنا جذي ،، انا بعد جذي

بس تذكري ان الا بذكر الله تطمئن القلوب يعني اذا حاشج هالشعور

سبحي وصلي عالنبي و اقري قرآن ليييين تييج النومة

منها تستفيدين من وقتج بشي زين ومنها ترتاحين ووتتخلصين من الوسواس

انا جذي اسوي

وانا ساعات احمد ربي اني اذكر الموت لان هذا شي زين احسن من اللي مايذكره

*

 

[فلانه وعلانه]

ههههههه كلنا في الهوا سوا

اعوذ بالله من الشيطان اي والله يابنات ساعات اسمع صوت مشي اقول ملك الموت جاني وانط من فراشي

وساعات اقول ليش اخاف من الموت الحمدلله اصلي واصوم واقرا قرآن مافيه شي يخوف

وساعات اتعمق حيييل بالوسواس اقعد بالقبر اشوف المحاسبين اتخيل ظلمة القبر وضيقه واقعد اصيح

 

[أم تنوح]

ياربي شنو الحل ومنو كانت نفسنا وتخلصت منه

 

[ماتغير شي]

الحــل (( الاستغفآر قبل النوووم + المعوذااات + آية الكرســي + اشغلي نفسج بشي ينفعج بالنهايهـ هذا وسواس )) ،، تمــر علي هذي الحالهـ بس مو نفسج '' ،

 

[om MaRyooM]

امي الله يطول بعمرها ذاك اليوم تقولي عن هالمعاناة جان انصدم لأن قتلها (يمااا حسبالي بس انا اللي اعاني من هالشي)

وترا بالعكس هالشي احسه زين لأن يخليج تحاسبين روحج على كل شي
ويمكن لأن اتوقع هالوسواس يجي للاغلبية من كثر مانسمع عن موت الفجاة

بس اذا زااد عن حده ودخلج بمرحلة الكابة والانعزال لازم تستشيرين احد مختص
او تلتزمين بالاستغفار وقراءة القران .. حل لجميع المشاكل


والله يحسن خاتمتنا
ويرحم امواتنا

 

[granted]

بنات قبل النوم موتحطون راسكم وتنطرون النومه اكيد بتفكرون وابليس يلعب براسكم
كل وحده تجيب لها كتاب او روايه او مجله وتقرا فيه شويه والا انتوا نايمين مو فون او اي باد او هالسوالف لا هذول تطير النومه
بس سالفه انج تحطين راسج واتمين تفكرين وتذكرين مواقف وتتخيلين تطورات لبعض السوالف
هذا كله وسواس ترى

اختي صاحبة المشكله
اذا زادت المشكله وياج لدرجه انج تخافين اتسوين شي او ماتحركين او اثرت على علاقتج باهلج اوحياتج
لازم تراجعين طبيبه نفسيه وطبيبة علاج سلوكي

 

[أم تنوح]

مرات اقول احساس مو وسواس استغفر الله العظيم
نبي ناس مرت فيه وشنو سوت عشان خف منها

 

[كويتيه كول عطول]

بنات حبايبي ليش قبل ماتنامون تصلون لكم ركعتين وتدعون الله وبعدها حتى لوتقرين لج صفحة او صفحتين قرآن وبعدها روحي حطي راسج ع المخده و اقروا اذكار قبل النوم وشوفوا الراحه الي بتي لكم طبعاً قبل لاتنامون لاتنسون تحطون منبه حق صلاة الفير بوقتها والله بنات احنا ما شاء الله كل شي نبيه يصير عندنا ترى هذي نعم من رب العالمين كل مره يعطينا ليش احنا مقصرين ومانعطيه؟؟

 

["غـَّلآۅِي ♥~]

هلآ حبيبتي ..

ألي لآزم تعرفينه أنّ ألموت حق , وكِلٍ بيفترق عن أخوهـ وأمه وأبوهـ بيفترق عن كككل ألي يعزهـ و مردهـ للترآب .!!

أسستعدي للموت وبِ أذذن ألله مآرآح تخآفين من ششي .! ودآومي على ذكر ألله و قرآءة كتآبه وألنوآفل وألله يوفقج أن ششآء ألله

,’​

 

[محاميه مجتهده]

من زماااااااااااااااااااان عندي هالوسوااس خصوصا وقت النوم ولمن اطلع المجمعات وبالسفر ولمن اسوق السياره دايما افكر اني بسوي حااادث وبقلب وبموت بس الحمدالله احسها نعمه من الله بعد هالتفكير دايما اصلي واذكر الله واقرا قرأن

 

[أم تنوح]

شكرا ع المرور
الله يعين يارب

 

[عادت ذكرياتي]

هذي نعمة تخليج تحاسبين نفسج بكل صغيرة وكبيرة ...

 

[أم تنوح]

الحمدالله علي كل حال

 

[أأأحبه]

يجيني هالشي كثيررر
اتوقع الحل
انو نستفيد من الوسواس وتشتغل للمثوانا الاخير
راح نرتاح ونستفيد بنفس الوقت

الله يحسن خاتمتنا ويهدينا .،،

 

[frozntouch]

حبيبتي انا بعد نفسج
وايد يحوشني هالشي و اوسوس بين فتره وفتره
والله الشعور هذا حده قااااااتل :""