وزن البيبي بالسونار وبعد الولاده مباشره ... بليييز فيدوني

[بعد الصبر]

السلام عليكم


اشلونكم بنات عساكم طيبييين

أبي استفسر ويالييييييييييييييييييييت تفودوني

قالتلي وحده من رفيجاتي كانت حامل بتوأم أن عيالها بالسونار (قبل الولاده) كان اوزانهم كيلوين وواحد منهم 1900 لكن بعد الولاده اصغروا وصار واحد 1500 والثاني 1700 وحطوهم بالشيشه تقريبا 20 يوم
فتقول مو صحيح الوزن بالسونار

هل هالشي صحيح ؟ ولا دكتورها ما عرف يقيس وزن اعيالها صح ؟

الي جربوا ياليت يفيدونا يتغير وايد الوزن بالسونار وبعد الولاده ؟؟؟؟؟؟؟؟؟؟؟؟

 

[*Little**Angel*]

انا الحمدلله دكتورتي شاطرهودايم يضبط الوزن معاي

 

[وردة الكاميليا]

ممكن يفرق بس مو وايد 100 أو150 غرام

 

[ساندريلا]

يمكن سوناره مو دقيق

 

[a7la MUM]

رد : وزن البيبي بالسونار وبعد الولاده مباشره ... بليييز فيدوني

انا ولدي قالي 3 كيلوات يوم ولدته والا كيلوين و600 !!
تقولي لان واهو فبطنج فيه ماي دار مداره فيخليه مورم عاد مادري بس صج انا فرق معاي

 

[نور كوليكشن]

في فرق بسيط بين السونار وبعد الولادة بس يمكن يكون بعد الولادة اكثر مو اقل

 

[ktkota_we9we9]

ماادري ماحطيت ابالي ما لاحظت
خل ا اشوف هالمره و اقولج

 

[MONY--87]

انا ولدت بالسابع و الصبح سويت سونار كان 730 و لما ولدوني العصر كان 930 ...

و طبعا حطوه بالحضانه و وزنه وااايد قل اول اسبوع بس الحمدلله ثاني اسبوع بدا يزيد ...

 

[سموره 87]

اي صح لان اول ماتولدينه يكون مورم من الماي بعدين يفش بس ماينزل وايد 100 جرام او 150جرام

 

[&شهرزاد&]

الله يقوومج بسلامه

 

[_ظل الياسمين _]

ربى يهون عليج وتولدين بالسلااامه انتى والبيبى.

 

[أمـ مـحـمـد ــ]

رد : وزن البيبي بالسونار وبعد الولاده مباشره ... بليييز فيدوني

انا قالولي وزن البيبي 3 وربع قلت مشالله زين بتطلع بنتي تختووخه شويه
ولما يبتلهاا كيلوين ونص ههههههه يعني غشووني طلعت نتتتتتتفه

 

[بعد الصبر]

رد : وزن البيبي بالسونار وبعد الولاده مباشره ... بليييز فيدوني

تسلمووووووووووووووون وماقصرتوا خواتي
عسى ربي يرضى على كل وحده ردت علي


أنا حامل بتوأم ووزن عيالي للحين زين واحتمال تولدني الدكتوره قيصريه اول التاسع يعني بعد 3 أسابيع لاني حييييل تعبانه
بس مابي عيالي ينحطون بالشيشه :eh_s(2):

فحبطتني لما قالتلي ان الوزن راح يقل

ودي أولد وارتاح وودي اتحمل علشان اعيالي :eh_s(2):

 

[hneen2]

انا قالولي انه بنتي 3 و700 ولما ولدتها ماشالله ماشالله يبتها 4 و160 اهم شي الا160 خخخ اسم الله عليها يعني في فرق مادري

 

[& الذاهبه &]

يفرق شي بسيط

 

[ام ناييف]

رد : وزن البيبي بالسونار وبعد الولاده مباشره ... بليييز فيدوني

اللي اعرفه انه يعتمد على دقة السونار
لان الدكتور مرات يسوي سونار على السريع مو دقيق جدا لانه مهتم باشياء ثانية
غير الوزن
مو مهم الوزن عندهم كثير الا اذا كان الفرق كبير حسب اي اسبوع انت فيه
المهم محيط الراس وفتحة الحوض علشان الولاده تكون طبيعية او قيصرية
وبعد وضع المشيمة وراس الطفل تحت والا لا


واهم شي وانا اختج السلامه لج وللطفل
وربج يسهلها

 

[@ دهن العود @]

ممكن يفرق بس مو وايد

 

[ديمـة]

انا قالوا لي 4 كيلو و250 جرام وطلع 3 كيلو و700 جرام وعليكم حساب الفرق !

 

[wafa82]

رد : وزن البيبي بالسونار وبعد الولاده مباشره ... بليييز فيدوني

انا بنتي واهي ببطني قالولي 3.200 لما طلعت 4.100 اسم الله عليها

 

[أريام الكويت]

رد : رد: وزن البيبي بالسونار وبعد الولاده مباشره ... بليييز فيدوني

لازم الطفل يكون ناقص 200جرام بعد الولادة طبيعي