وزاره التربيه وما ادراك ما وزاره التربيه

[ام _ الدانه]

السلام عليكم:eh_s(7):

بنات انا اشتغل بوزاره التربيه صارلي سنتين وحاولت انقل ماكو لازم واسطه:rgewrg:

سؤااااال
اذا استقلت اقدر علي طول بس يفتح الديوان اقدم ويطلع اسمي بسرعه ولا يعاقبوني وطول علي مايطلع اسمي؟؟؟؟ لان اول مره ليما قدمت علي الديوان تعيين يديد ماطولت مشاء الله علي طووول نزل اسمي

الله يجزاها الف خير اللي تفيدني لان صج لاعت جبدي من هالوزاره:yaaaaaarb:​

 

[الفوز حلو]

لاليش الاستقاله انقلي احسن موظف الديوان بتويتر في احد سأل نفسج
قال ماكو داعي للاستقاله النقل كافي وماااانصح تقدمين بالديوان هذا احنااا للحين مانزلت اسامينا وخطي ابالج راح اطولين والتسجيل يبدء٦/١٥

 

[amooL]

نفس وضعي

ماله داعي الاستقاله بس نقل وزاري وان شاءالله يتسهل بدون واسطات

 

[athora198]

الله يوفقج انشالله

 

[عادت ذكرياتي]

نقلي لوزارة ثانية أفضل لأن الامور كل مالها تصعب واكيد بيطول دورج على ما يقبلونج ...

الله ييسرلج أمورج

 

[foshia girl]

وي حبيبتي ذكرتيني بعمري

انا كنت بالتربيه واستقلت

كنت بالوزاره نفسها وحدي ماكنت مرتاحه كلش فسويت واسطه ويالله نقلت رحت منطقه تعليميه وجان زين مانقلت طلعت اردى من الوزاره
وحاولت انقل مدارس مانصحوني البنات اللي ياين من مدارس فقررت اني استقيل

ومن استقلت حطيت اسمي بالديوان ولي يومج ماحطوا اسمي كل مااروح لهم الدفعه اليايه الدفعه اليايه ليما صارلي 2 ونص
حتى آخر مره يوم يأست صعدت انا وامي فوق عند المسؤول ولا يقولي اشكره الأولويه للخريجات والخريجين يعني مالي امل يطلع اسمي الحين

ما انصحج حبيبتي بالاستقاله راح تتغربلين على مايقبلونج الديوان
انا انصحج تحملي مكانج او حاولي تسوين واسطه وتنقلين بس شيلي فكرة الاستقاله من بالج

والله يوفقج

 

[أمواج الرحيل]

ابدا ما انصحج بالاستقاله بينقعونج كم سنه فالبيت
حاولي تحولين لمكان ثاني ولا تستقيلين انا خريجه وصار لي سنتين بالبيت :eh_s(2):
حيييل تغيرو عن اول الحين الخريجات يطولون على ما يوظفونهم
والله ييسر لج أمورج حبيبتي:eh_s(17):

 

[غراوي]

ابتعدي عن الاستقالع لان توظيفج راح يطول حيييييل وبدل البطاله ماراح يعطونج اذا انتي ماخذته منقبل

كثر ماتقدرين انقلي
او عندج حل بما انج بالتربيه قدي علي تفرغ دراسي وادرسي بالاساسيه او الجامعه وصيري مدرسه
انا اسمع ان موظفات التربيه لهم الاحقيه انهم يصيرون مدرسات وتوصلكم نشره للي حابه تكمل دراستها

لا تستقيلين والله عندي ترقعينها طبيات ولا انج تستقيلين

 

[ام _ الدانه]

بنات بعدعمري ماقصرتوا والله يجزاكم كل خير:eh_s(7):

ياربي الله يعيني علي هالوزاره,,, والله يرزق كل وحده بتوظف ان شاء الله بس يارب ماتنقط بوزاره التربيه :eh_s(11):

ادعولي القى واااااسطه والله كريم ان شاء الله:eh_s(2):

​

 

[lebanon night]

الله يوفقك انقلي عوزارة تانية بيقولو التخطيط حلوة او الاعلام
و اذا فيكي الهيئة العامة للاستثمار او البنك المركزي وممكن صندوق التنمية و معهد الكويت للابحاث
أو اطلعي انتداب دراسي و ادرسي بشي جامعة وصيري مدرسة حاولي تدرسي شي متل الانكليزي او العربي فيه نقص بالمدرسات أو نقي المجال اللي بيعجبك
بالتوفيق

 

[اشلون يعني &]

رفع اا

 

[catchy_nano]

اي صح الاستقاله مو شي
بس اذا تين تنقلين وما عندج واسطه
نطري 3 سنين لان من شروط النقل بالوزاره المدة 3 سنوات للنقل الداخلي
انا كملت 3 سنوات بالوزارة ونقلت بدون واسطه
بس نصيحه
الوزارة احسن بوايد من المناطق التعليمية وحتى المدارس
بيتنا بعيد عن الوزارة ولا شغل الوزارة احسن بوايد وان شاء الله اذا نقلت الوزارة لي جنوب السره برد لها او يمكن اكون ناقله نقل خارجي