((ورشه لتعليم الكروشيه مع علويه حياكم ))

[دلوعة روحي]

ام عاشور هذي عن طريق المرفقات

http://www.q8yat.net/showthread.php?t=60111

 

[princesse X]

اهااا عليج بالعافيه حبيبتي

الله يعافيج ان شاء الله

 

[princesse X]

حياج الله يا ام عاشور

 

[princesse X]

الفتحة هي ليش؟ انتي طوفتي سلسلة؟

 

[دلوعة روحي]

الظاهر جذي

بس ابلة الشغل ككل شلونه ؟ مضبوط ؟

 

[دلوعة روحي]

مس راح ارد اعيده

 

[princesse X]

الظاهر جذي

بس ابلة الشغل ككل شلونه ؟ مضبوط ؟

بصراحة انتي رافعة معنوياتي يعني لو مو انتي جان استقلت من المدرسة
كملي السطر الثالث وراح ينتظم شكل الغرز مع التكرار

 

[دلوعة روحي]

انا فتحته و قاعدة اعيده

و ان شاء الله اشتغل بالسطر الثالث

مس عساج على القوة مو مقصرة معاي

 

[princesse X]

مو قادرة ارفع الصور احاول مرة ثانية الفجر ان شاء الله

 

[دلوعة روحي]

مس بس عشان اعرف السطر الثالث نفس طريقة السطر الثاني ؟

 

[princesse X]

السطر الثالث
3 سلاسل، 2 مزدوجة في الغرزتين التاليتين ،2 مزدوجة في اللي بعدهم،
3 مزدوجة وبعدين 2 في اللي وراهم الى الآخر ونقفل بمزدوجة

مجموع الغرز النهائي راح يكون 45

 

[دلوعة روحي]

مس هذي الصور

 

[princesse X]

شكله مكشكش وايد ما أدري ليش؟ المهم عندج 45 غرزة؟ اذا العدد مضبوط نكمل

 

[دلوعة روحي]

شلون اعد الغرز ؟

 

[princesse X]

شلون اعد الغرز ؟

اول طريقة لعد الغرز هو انج تعدين وانتي تشتغلين
الطريقة الثانية تعدين العواميد




الطريقة الثالثة تعدين السلاسل من فوق


تذكري دايما ان أول 3 سلاسل نعدهم غرزة


لما الشغل يكشكش وايد غالبا السبب زيادة في الغرز
تذكير
السطر الأول 27 غرزة
السطر الثاني 36 غرزة
السطر الثالث 45 غرزة

 

[دلوعة روحي]

مس الغرز اكثر من العدد اللي انتي حاطته

بس انا ماشية على الطرية اللي كتبتيها

فشلون ؟

 

[princesse X]

راجعي الغرز اكيد تلقين في غلط في مكان
عدي معاي
سوينا 27 سلسلة واشتغلنا فيهم كل واحدة مزدوجة يعني 27 مزدوجة
السطر الثاني
3 سلاسل نحسبها واحدة مزدوجة والغرزة اللي وراها بعد واحدة مزدوجة واللي وراها 2 مزدوجة في نفس الغرزة
ونكمل 1 -1 -2 للآخر يعني في كل ثالث غرزة أزيد واحدة
27/3 = 9 هذا عدد الغرز الزيادة
27 + 9 = 36 مجموع الغرز في السطر
السطر الثالث
1-1-1 -2 يعني الزيادة كل رابع غرزة
36/4 =9 عدد الزيادة
36+9=45 مجموع غرز السطر
تذكري دايما ان 3 سلاسل في أول السطر نحسبهم واحدة مزدوجة

ياريت تحفظين بعد طريقة الزيادة تنفع لما تصممين شغلج بعدين بس يعني جدام شوي في الدورة المتقدمة اشرحها بالتفصيل ان شاء الله

 

[دلوعة روحي]

مس شرايج ؟

و عدد الغرز صار مضبوط

اول مرة كنت فاهمة كل شي غلط و الحين اوكي مع الشرح اليديد

عساج على القوة

 

[دلوعة روحي]

ياريت تحفظين بعد طريقة الزيادة تنفع لما تصممين شغلج بعدين بس يعني جدام شوي في الدورة المتقدمة اشرحها بالتفصيل ان شاء الله

الزيادة اللي اهية 1 - 1 -2

و لا 1 - 1- 1 - 2

و لا اللي سوينا ككل ؟

 

[SOSO2002_SOSO]

موضوع هايل يسلمو