ورشه عمل حافظه ابر كروشيه

[miss-fofo]

السلام عليكم

منو يحب يسجل معاي بالورشه

هي للامانه منقوله من منتدى اخر وعجبتني وحبيت افيدكم

هذه صور الحافظه





يالله بدا التسجيل

 

[الهاجريه]

ابله انا ان شالله معاج
وعساج علي القوه
والله يجزاج كل خير

 

[أم هـجـرس]

وانا بعد وياكم

 

[chocolat]

يعطيج العافيه حبوبه و انا بعد وياكم ننطر الدرس

 

[أم هـجـرس]

حبيت ادش اسلم على عاشقات الكورشيه

وشوف اذا الابله بلشت الدرس ولا بعد


يالله يا ابله ناطرينج

 

[دلوعة روحي]

و انا بعد مع انه عندي حافظتين

زيادة الخير خيرين

 

[miss-fofo]

يالله الحين ايبلكم الطريقه

 

[miss-fofo]

حياكم الله حبيباتي

وان شاء الله تستمتعون بالعمل في الورشة

وهي بسيطة وسهلة حتى للمبتدئات



اول شي نجهز المقادير ههههههههههههههه


كرتونة خفيفة مثل الكرتون اللي يجي وسط الفانيلات الرجالية أو الغلاف الخلفي لدفتر الرسائل ...واضح المهم يكون كرتون خفيف..... وممكن تستغنين عنه بس وجوده افضل يعطي دعامة للشغل ....

وهذي صورته ولاحظوا اني ثنتيه من الوسط مثل الدفتر



وبعدين نشتغل بالكروشيه مستطيلين بنفس حجم الكرتون ... انا اشتغلت بغرزة العمود الناقص ...

وملاحظة مهمة جدا: تشتغلين المستطيلات بالعرض مو بالطول




وهذي صورة توضح الغرز




بعدين نعمل القطع الداخلية و ممكن تعمليها حسب الرغبة وحسسب انتي شنو تبين تحطين في الحافظة ....




هنا بعد ماعملنا القطع اللي نبيها و نعاين المقاس قبل ما نثبتها



بعدين نثبت القطع




والقطعة المستطيلة حق السنارات نلاحظ انا عملتها بالعرض ايضا وبقولكم ليش بعد شوي ....





اوكي عملناها بالعرض عشان نقدر نخيط بين الغرز ...

وهنا رسمت لكم مكان الخياطة ..... عشان نعمل خانات للسنارات.... اتمنى يكون شرحي واضح...





نشبك القطعة الامامية والقطعة الخلفية مع بعض بغرزة الحشووو او ممكن بالخياطة العادية ..




وقبل ان نقفل اخر جزء نضع بينهم الكرتون ... لاتنسوووونه

 

[miss-fofo]

بعد مانقفل القطعتين مع بعض ....

ممكن تركبين زر عشان اغلاق الحافظة او ممكن تركبين شريط او حتى تسوين خيط من السلسلة بالكروشيه ... يعني براحتك .....



وبالنسبة للأطراف انا زينتها بغرزة البيكو ... وانتي براحتك زينيها بطريقك وبلمساتك الخاصة

والديكور الداخلي سويت فيه ورود بسيطة جدا .. عبارة عن 4 سلسلة و تقفلينها بمنزلقة وبعدين تسوين 3 سلسلة و 2 عمود بلفة و بعدين ثلاثة سلسلة و تثبتينها بمنزلقة .. وتكررين خمس مرات عشان تحصلين على خمس بتلات ....


طبعا مثل ماقلت التزيين راجع لك تعملينه بالطريقة اللي تريحك....






وبكذا نكون خلصنا احلى حافظة من صنع ايدينا .....


وأي سؤال ياجماعة انا حاضرة .....




وخل نشوف تطبيقاتكم

 

[miss-fofo]

وهذا شغل بعض البنات في المنتدى الاخر لاخذ بعض الافكار








وهذه الثانيه









وهذه الثالثه





وهذه الاخيره








ويالله صكوا عليهم يا كويتيات

 

[miss-fofo]

ها وين ردودكم وين مشاركاتكم

 

[دلوعة روحي]

مس انا قاعدة ادور كرتووونة خخخخخخخخ

 

[الهاجريه]

الله يعطيج العافيه ابله وانا بعد قاعده ادور الكرتون
بس ان شالله بس اخلص بنزل الصور
ومشكوره

 

[دلوعة روحي]

و اخيرا حصلت كرتووون

 

[أم هـجـرس]

تسلم ايدج وايد الي سووهم

وايد حلوين

جاري البحث عن كرتون

 

[miss-fofo]

ها لقيتوا كراتين ولا اعطيكم
يالله خل نشوف الابداعات

 

[chocolat]

مشكوره و تسلم الايادي و ما شاء الله حلوين انا ببلش بس ممكن اعرف الغرزه الناقصه شنو تعني

 

[miss-fofo]

شوكليت

الي هي الهاف دبل

 

[chocolat]

مشكوره حبوبه على التوضيح و الله ضعنا بين المسميات

 

[دلوعة روحي]

مس انا راح اشتغل من اخلص اللي بايدي

و من اخلص اصور و انزل الصور ان شاء الله