ورب الكعبه احس مخنوقه وببجي من القهر تكفون حسو فيني

[دمع القلوب]

بنات انا توني بالاربعين لي تقريبا 19 يوم اول ما ولدت بنتي كانت متبتبه وخدودها تجنن اسم الله عليها

والحين ضعفت حيل حيل ما ادري شنو اسوي يا ربي

حليبها اس 26 ودي اغيره اذا في حليب يمتن بنتي راح استخدمه

تكفون بنات اللي تعرف حليب يمتن الجاهل تقولي والله العظيم حلم حياتي تكون عندي بنت بطوطه حيـــــــــــل وخدودها حلوه

احس اني اختنق لما يشوفها احد يكون شايفها اول ما ولدتها ويقول حرام ليش جذي ضعفت حيل امووووووت من القهر وبالليل بس ابجي افكر فيها احس اني مقصره ومادري شسوي

الله يوفق اللي ترد علي وتعطيني الحل المضمون ويحقق كل اللي ببالها يااا رب :yaaaaaarb:

 

[غنوة ستايل]

ياقلبي يمكن اهي بنيتها ضعيفة
فلا تحاولين انج تمتنينها بس لانج تبينها متينه . يمكن توها لانها صغيره
ترا صدقيني تكبر زياده بالاربعين يعني توها معدتها وامعاءها صغيره حيل
انا ولدي جذي كان
بعدين متن شوي شوي .
استخدمي نان واااااايد حلووو

 

[noynoy]

ابيه من صجج زعلانه
ترا الياهل بالاربعين يضعف حيل
اول ما ينولد يكون متفوخ و ويها مبطبط من الولاده و من الماي اللي ببطنج
بس بعدين كله يروح
انا بنتي جذي ولدتها وزنها 3.7 بس عقب اسبوعين لما راجعت المستشفى وزنها كان 3
و بالاربعين كل من يشوفها يقولي نتفه
بس بعدين مع الوقت تصحصحت
انتي رضعيها منج افيد لها عشان يصير عندها مناعه
و خلي حليب اس 26 بس رضعه وحده اللي اهي بالليل عشان تريحج بنومتها و تشبع

 

[الينبوعة]

شوفي حبيبتي اصبري عليها شوي انا ابني ربي يحفظة ويحفظ اولادكم جان يخبل سمين ما شاء الله علية دبدوب والناس من يشوفونة يقولون شنو هذا الجمال الظاهر انحسد عمرة شهرين والله شاهد علية ترك الحليب وما يرضع لحد هذا اليوم وضعف كيلو وصار يخرع المهم ضليت معاة قلت الولد راح يروح مني بالكوة مشيتها معاة لحين دخل 3 اشهر وشوي بديت اوكلة لان ما يرضع ابدا من يشوف الرضاعة يبجي وما يريد

المهم كمل 4 اشهر بديت اطعمة والحمدالله رجعت لة صحتة اهم شي الاكل الي كنت اشتري بي كالسيوم وفيتامنيات تعوضة هسة من تبدي تاكل في 4 اشهر تسمن حيل ان شاء الله الحليب ما الة علاقة ترا حتى لو غيرتي​

 

[دمع القلوب]

انا بعد كان وزنها 3.6 والحين احاف اروح اشوف وزنها

ابيها تكبر وتمتن ابي تكون متبتبه شسوي شلون

تكفون عطوني الحل الله يوفقكم

 

[دمع القلوب]

الينبوعه والله سمعت ان الحليب يمتن البيبي بس مو اي حليب

مثل ما بعض انواع الحليب تسبب امساك والبعض الثاني يسبب غازات اكيد في حليب يمتن

يا رب بس وحده تكون مجربه حليب ومتن ولدها عليه وتقولي

سمعت بسيميلاك بس مادري ابي تجارب

 

[*ماي الورد*]

كل اليهال يفشون بعد الولادة طبيعي

 

[تخيل اعطيك وجه]

سميلاك بس يجيب غازات دربالك دمع لا تلعبين بالبنت خليها اهم شي الصحه

 

[Om 3zo0oz_2011]

من صجج تبجين علشان نبييينها متينه

امبيه ماعندج سالفه
حبيبتي اهم شي قولي الصحه والعافيه اشتبين بالمتن


اول شي

ضعفت لان اول ما تولدين تتفخ منالطلق والماي وطبيعي تفش

ولا تغيرين حليبها كل دقيقه ترى موزين علي معدتها خليج علي حليبتها وتعوذي من ابلليس اهم شي صحتها وعافيتها باجر تكبر تمتن

 

[ايشوريا]

انتى فاضية صح حمدى ربج اهم شي انها بخير لا تلعبين بنتج اختى لعبة بولدها من حليب لى حليب واخذى امساك ولا يقب الجسم ولا ينغث وكلة ترجيع وصار معاة ارتجاع حمدى ربج على العافية وتطلعين من كل شر وسمحى لى

 

[المطيريه 1982]

والله الحمدالله بصحه عافيه طبعي يظعف سمييلاك حلو بس الغازات يخليه ماينام واخذى صياح مع الوقت يمتن

 

[غلاي عزوزي]

اذا نزل الوزن فجأه
راجعي دكتور انصحج لفهد المخيزيم

 

[الوردة المكنونة]

حبيبتي عادي كل اليهال اول ما ينولدون متبتبين متفوخين من الولاده وبالاربعين يضعفون انا ولدت بنتي وزنها ٢٧٠٠ وقبل موعدها بشهر ملابس نيوبورن كبيره عليها والحين الحمدالله بعد كم يوم بدش الرابع وبروح اشتري لها مقاس من ٣لي ٦ يعني وزنها صار طبيعي بالنسبه حق عمرها اهم شي الصحه والعافيه وحمدالله على سلامتج ومبروك على البيببي ولا تحاتين وايد لا تصير عندج حاله اكتآب بعد الولاده

 

[شيخة الحلوة]

فديت اللي خايفه على بنتها والله

ماشفتي النتفه اللي عندي لوووووووووووووول

حياتي البيبي اول ما ينولد يكون متبتب مو من شي بس من ماي الي كان فيه

فا جسمها كان كله ماااااي وتفش عقبها عاااادي انا اعرف وحده ولدها البجر كان حيييييييييييل ضعيف وكلهم يقولولها عادي بنية جسمه جذي اذا كبر يصير زين وعطته فيتامينات طبعا باستشارة الطبيب
الحين اهوا بسن المراهقه ومن قبلها
مسكينة مبتلشه بالريجيم
وكللللللللهم يقولوها من الفيتامينات اللي كنتي تعطينه واهوا صغير
فا لا تلعبين فيها ولا تغيرين حليبها اذا مو مسبب لها غازات

وانتي اذا تبين تتطمنين وديها حق دكتور مصدق بدار الشفا خوووش دكتور اردني وريال فاااهم وراح يحسبلج طولها ووزنها ويشوف صحتها وراح تتطمنين صدقيني

بس نصيحة اخت من قلب تقولج لا تغيرين حليبها ولا تحاولين تعطينها شي يمتنها

انا بنتي نتتتتتتتفه وضعييييييييييفه حييييييييييييييييييييل على اهلها فا عادي لا تحاتين ياقلبي

 

[tmtmt]

خرعتيني الله يهديج
شنو هالعنوان :/

البنات ما قصروا

ومو زين تسوين جذي اصلا
تبجين وتعتفسين عشان شي عادي

الله يخليها لج ان شاءالله

 

[" ام حمود "]

عادي حبوبه ولا تتضايقين كل اليهال يفشون بعد الولااده بعدين يمتنون ..

 

[ورود خذلتها العاصفه]

حبيبتي خليها على حليبها لاتغيرينه والطفل بالربعين يبيله مداراه
انا اقولج شلون تدارينها

الحليب لازم يكووون دااافي لو شنو لا تعطينها مايل للبروده

اللي يبقى من الحليب قطيه لاتسخنينه وتشربينها لا سويلها جديده

واهم شغله لا تنام واااجد يعني كل ساعتين الاربع سوي مميه وعطيها قرصي خشمها

دعسي اللمميه غصب بحلجها حتى لو ترضع رقم اهم شي لاتظل بدون رضعه فوق الساعتين حتى اذا نمتي حطي منبه عشان تقومين ترضعينها ترا النوم سلطان

انا بالبجر كنت اقووول لامي لاتسوين له مميه مكتوب عالحليب عدد معين تقولي ماعلي من اللي مكتوب الجاهل لازم يرضع عشان ماتحوشه العيله مالت الاربعين

وابيج تشكين على شغله كل 3 ساعات لما تغيرين البامبرز مالها شوفيه فيه بووول واجد ولا لا يكرم السامع

بس اذا فيه تطمني واعرفي انه بنتج مافيها شي وهاذي بنيتها ضعيفه





وادعيلي ان الله يرزقني اللي اتمناااه

 

[دمع القلوب]

شرايكم استخدم سيميلاك ادفانس

 

[.حــنــان.]

امي تقول اول شي وديها الطبيب و الدكتور يختار لها حليب معين

و تقول بعد حليب سيميلاك زين وايد واهي تقول تتذكر قبل تعطينها اياه اما الحين مادري

و تقول 26 ما يمتن

مثل ما قلت لج وديها الطبيب يوصفلج على حليب معين لها

ومو تختارين اي حليب بكيفج

 

[++The DuchesS++]

حبوبه اهم شي انها بصحه وعافيه
بفهم ليش اغلب الامهات يبون عيالهم متان
وحسبالهم انه هذا مقياس الصحه ؟؟؟؟؟؟؟
شوفي عيالي اول ما انولدو
واحد 1و900 وبنتي كيلو و400 وزن ديايه
والحمدلله على الصحه والعافيه
لا تركزين على هالسالفه وايد مردها بتمتن ان شاء الله