وربي وصلت حدي من هالموضوع ..وربي اكتب وانا ابكي ..

[@عسولهـ@]

السلام عليكم ..

الله يبارك لنا ولكم في رمضان ..

ماعندي مقدمه لانو والله وانا اكتب جالسه ابكي لااانو وربي تعبت معه وقلت مالي الا كويتيات يارب تفيدووووني وش اسوي..

انا متزوجه ولي سبع سنوات ..والحمدالله عندي بنت وولد ..وتزوجت انا وزوجي صغار يعني الحمدالله تربينا سواااا وعشنا ايااام مستحيل انساااها ..:yaaaaaarb:

واهم شي احبه واموووت عليه واحسه يباادلني نفس الشي ...وكل شي حلو مااايقصر فيه ...

بس لي فتتره تعبااانه معه تخيلووو يعااندني بكل شي واحسه يفضل نفسه باشياااء كثيررره ومن اطلب منه شي او اقول له شي يقووول لا لاتقووولين ماايحتاج تقوولين انا اجيب لك ومو مقصر معك واحمدي ربك انو انا عندك يعني بالعربي شااايف نفسه علي يعني يتمنن في كل شي :eh_s(16):

وفوووق كذااا واللي قاااهرني انووو ينتقدني عند شغلات كان يحبها فيني ...والله هذا الشي اللي ذبح قلبي ..ووقف دمي بعروووقي ...

وكااان يغار علي وذلحين عااادي ..اطلع وادخل مايسالني عن شي ..احسه بااارد له على هالفتره يمكن 3 شهووور ..

والبااارح قال لي شي هد حيلي والله يااابنات انووو وقف قلبي ..

قلت له خالتك عازمتني وقلت لها اوك انشالله ..

ولما كنت اكلم خالته كان عندي ...وبس قفلت من المكالمه ناظر فيني من فوق لتحت وقال ومن قال بتروووحين يعني واثقه ..قلت عادي حبيبي خالتك واكيد يعني بتوديني لانو ماعندنا ارتباطات ..قال لي وبكل برووود عناد فيك بكره مااابي ارووح مكان ومابي اطلع احد معي ..
وناقشته نقاش بسيط قلت وليش عاد فشله قلت للمره كلمه مستحيه ارد اكلمها لانها من بدا رمضان وهي تعزمني ..وعصب علي تعصيب ماااايسوووى حسيت انو انا سويت جريمه ومن شفته عصب خفت وربي ودمعت عيوني ..لان حسيته مو هووو ..

وقرب مني وقال لي انتي مسكينه تبكين على كل شي ..ياااحرام كسرتي خاطري ..خلاص لو تبين اطلقك وروحي لاهلك وزوووري اللي تبينه ..وكان يتكلم جد ..

بنااات وربي زووجي مو طبيعي تعبت ..ومن قبل السحور ليما هالوقت ماكلمني ولا كلمته ولا حتى اعتذر مني ..

حسيت منه انوو ماصدق تجي فرصه ويقول لي هالكلام ..

بنااات وربي مااابااالغ في علاقتي معه قبل وربي كان يصحيني يبوس لي رجلي ..
كان لي ام واب و حبيب وكل شي ..
كان يقول لي لو تطلع روحي ماتركك اهم شي اموت وانتي على ذمتي ..


وربي تعبت من كلامه البارح حسيت نفسي في رمشة عين ولا شي ..

ماعاد فيني اكمل سوري ..

يااارب فرج همي وسخر لي زوجي

 

[خالف تعرف]

الله يهديه يارب ويسخره لج

 

[الـــغـــلآ]

والله مادري شقول احس انهمو طبيعي مادري شنو مغيره عليج بس اكيد في سبب انتي ادعي ربج على طول و اقيمي الليل و ادعي ربج ان يفرج همج و يرجع زوجج على طبيعته
ولا تسولفين للناس عن زوجج انه يحبج و يسويلج خلي كل شي بينج و بين زوجج و الله يسخره لج و يرجعه لج على طبيعته و احسن بعد وانتي دايما استغفري و ادعيله

 

[iLLuMinaTion]

الله يهديه

 

[أدعج غنج]

الموضوع أكبر من انه مجرد تغير مزاجي وبس...لا حبيبتي الموضوع كبير ...انا ماريد احطج بوساوس وغيره بس نصيحتي لج انج تجارينه بكل اللي يبيه حاليا ادري صعبه عليج بس بالصبر بترجعين ريلج مثل ما كان

حبيبتي لا تعطينه مجال انه يمسك عليج ممسك...
فهالشهر الفضيل عليج بالدعاااااااااااااااااااااااااء والدعاء والدعاء
ربي يسخره لج يااارب

قعدي معاه وقوليله شنو اسباابه ......واياج والبجي ! او العصبيه ! او حتى طريقة الاستعطاف ...على انج مظلومه وهو متعبنج .لاااااااااااااا
خلج قويه ونبيهه..............كلميه بكل رزامه وهدوء: حبيبي آمر شلي يرضيك؟ شللي مضايقق ومزعلك يابو فلان
لااا تعاتبينه !!تحذري العتب ابدا بدا ابدا
لا امدحيه واذكري محاسنه ...يعني تقولين شفيك شللي مكدرك يا بو فلان خبري فيك الهادي اللي شايلني على كفوف الراحه اللي رافع راسي ومو مقصر بشي علي ربي يحفظك ياارب

يعني بهالاسلووب لين يقولج اللي عنده
و شوي شوي كسبيه ..........خلج من الماضي انه كان كذا وكذا...عليج بزوجج احين تعاملي معاه على حاله الجديد
وعليج بالرقيه والبقره بعد يمكن عين وصابتكم يختي ما تدرين
وربي يوفقج ويسخره لج

 

[A7La Na3oOoma]

شوفي حبيبتي ادعي ربج بكل صلاه وكثري استغفار وانشالله بيرد مثل اول واحسن
واقري سورة البقره وخليها شغاله بشقتج​

 

[Tom ♥ Jerry]

.


لا حول و لا قوة الا بالله !
حبيبتي آقري المعوذات عليج و شغلي سورة البقره في البيت كل يوم
وعليج بالدعاء بهالايام الحلوة ؛***
الله يسمع منج دعائج يارب و يستجيب لج ,، : )
آدعي ربج بكل صلاتج آنه الله يهديه ،
بعدين آنتي لا تعآندين و لا تسوين شي يضآيقه كلش ,،
قال لا لا قال اي أوكي ،
لمآ تبين تطلعين آستأذني ، قعدي معاه لمآ يكون فاضي و هآدي
قوليله حبيبي شنو الي غيرك علي ؟!
يمكن يفضفضلج ؛*** ,،

 

[مألوفة]

حبيبتي يمكن يمر بظروف او احد مشيشه ترى الريياييل يتشيشون يقوله انا مع مرتي جذي وجذي واهوا بقلبه يقول وانا شحقه اعامل مرتي زين اخاف تشوف نفسها علي

حبيبتي انتي صايرة حساسة شوي والريال عطيه فجة خليه وعامليه بنفس معاملته لج وشوفي والله يطخ ويمل ويصير يبي اتعاملينه بطريقة زينه ويتمنى تصيرين نفس قلبل نفس ما انتي تتمنين الحين يرد نفس قبل
والله الريال ما يبي وحدة ضعيفة يبي وحدة قوية وتواجهه وتبين له انو هم اهوا مو اقل منها وحقريه ولبسي وكشخي وغيري من شكلج ومن تصرفاتج ومالج شغل فيه اذا جافاج جافيه واذا صد عنج صدي عنه والله بيطخ ويتمنى تردين نفس قبل واهوا يصير زين

 

[الدرة الغالية]

يارب يهديه ويرد لج مثل اول واحسن

ويجمع بينكم على خير..ويبعد عنكم الشر..

عليج بالدعاء والاستغفار..وربي بيفرجها عليج ..

والخوات مابيقصرون بنصايحهم لج..

بس اهم شي كوني قوية الشخصية علشان محد يستغل نقطة ضعفج..

الله يحفظج..

 

[مطنـوخهـ]

الله يبعد عنه كل ما همه وقلب مزاجه عليج ويسخره لج ربي ان شاء الله

 

[нάγoηά cнεмίsтяγ]

عورتي قلبي حالتج وايد صعبه انا لو زوجي يوم واحد يكلمني بهالطريقـه تصك فيني الدنيا و احس مادري شلون
و3 شهور مو شوي من بعد عشره 7 سنين صعبه صراحة اكيد فيه سبب الله اعلم فيه
ادعيله الحين على الفطور الله يهديه ويسخره لج و مايشوف غيرج دعوة الصايم مستجابه وانشالله الله يستجيب لج
ماراح ترتاحين الا لمه اتعرفين السبب و هالشي ماتعرفينه الا منه
الله يكون في عونج

 

[فلنتينو]

ياااقلبي والله مادري شقولج
غير الله يهديه لج ويسخره لج

 

[اللهم رحمتك]

حاولي تعرفين السبب يمكن انتي مسويه شي غلط ومو منتبهه اسئليه وواجهيه قعدو وتناقشوه والله يهديه يارب

 

[قطوووة]

الموضوع أكبر من انه مجرد تغير مزاجي وبس...لا حبيبتي الموضوع كبير ...انا ماريد احطج بوساوس وغيره بس نصيحتي لج انج تجارينه بكل اللي يبيه حاليا ادري صعبه عليج بس بالصبر بترجعين ريلج مثل ما كان

حبيبتي لا تعطينه مجال انه يمسك عليج ممسك...
فهالشهر الفضيل عليج بالدعاااااااااااااااااااااااااء والدعاء والدعاء
ربي يسخره لج يااارب

قعدي معاه وقوليله شنو اسباابه ......واياج والبجي ! او العصبيه ! او حتى طريقة الاستعطاف ...على انج مظلومه وهو متعبنج .لاااااااااااااا
خلج قويه ونبيهه..............كلميه بكل رزامه وهدوء: حبيبي آمر شلي يرضيك؟ شللي مضايقق ومزعلك يابو فلان
لااا تعاتبينه !!تحذري العتب ابدا بدا ابدا
لا امدحيه واذكري محاسنه ...يعني تقولين شفيك شللي مكدرك يا بو فلان خبري فيك الهادي اللي شايلني على كفوف الراحه اللي رافع راسي ومو مقصر بشي علي ربي يحفظك ياارب

يعني بهالاسلووب لين يقولج اللي عنده
و شوي شوي كسبيه ..........خلج من الماضي انه كان كذا وكذا...عليج بزوجج احين تعاملي معاه على حاله الجديد
وعليج بالرقيه والبقره بعد يمكن عين وصابتكم يختي ما تدرين
وربي يوفقج ويسخره لج

رايي من رايها

ومالج الا الصبر حبيبتي ووحافظي ع هدوئج

 

[لبى عيؤنكـ]

عووورتــي قلبووو

ميخالف حبيبتي يمكن اهو متضايق من ششي
وانتي لاتتخلين عنه ولا تضايقينه ولا تضغطين عليه بطلعاتج
وربي وربي عورتي قلبي يابعد عممري

 

[ملوكـه]

ماااااالج
الا الاستغفااااااااااااااااااار
والله عن تجررررررربه ..

راح تشوفين شلون حياتج تغير للأفضل وترتاحين ان شاء الله

 

[*درر*]

الله بعونج غليج بالرقيااااء مع ان فيه مغلوومه دااايم يقولنهااااااااااااااا اعوذ بالله يمكن خرااافااات ان السنه السااابعه زواااااج تكوون كبيسه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ربي سبحانك]

الله يسخره لج انشاء الله

 

[بطوووطة$بيضة]

قطيعة الرياييل مالهم امان

 

[دلوعة كويتيات]

الله يسخره لج يارب