وربي ... } ا ن چ { ... طيحتي سوق بنت أمرشا >>> بقلمي انا بيبا :**

[Pippa]

Part 2 ​

مرررت الأيآم وتكررت الصدف بين مريم وباتل .. زآد اعجآب مريم فيه ووصل لدرجة الـــحـــب :eh_s(21):! بـس باتل ما حس بشي​

وبعد مرور اسبوعين ...​

طين طون طين طون ​

ام مريم : مريم يما روحي شوفي منو بالباب ؟؟​

مريم : ان شاء الله يما
​

وبسرعة لبست ملفع امها وكانت لابسة دراعة امها لان بجايمها كانت تغسلهم الخدامة !!​

فتحت مريم بشكلها المضحك وتفاجأت بـ باتل ​

باتل : السلام عليكم .. هاذي نقصة من بيت ام باتل ​

ومدلهآ الأكل ..​

مريم ما تحركت للحين متنحة: @@​

باتل : احمم الاكل الله يعافيج ​

استوعبت اخذت الاكل بسرعة وسكرت الباب ..​

مريم تساسر روحها : الله ياخذني الله ياخذني مالت علي وعلى حظي الخآيس :eh_s(4):​

مرت فاطمة وشافت مريم تحلطم ​

فاطمة : شفيييج ؟​

مريم : شفيني بعد ! حظي الخآيس .. بآتل توه جاي وشافني​

فاطمة بطتها ضحكة ههههههههههههههههههه​

خزتها مريم وكملت للمطبخ ​

بعد الغدا ..

​

مريم تحاجي فآطمة : والله لا اثبتله عكس الي شافه الحين
​

فاطمة : ميووم شبتسوين !

​

مريم : نطري نطري.. والله لا اصدمه اليوم بالسايد ووك :rerrerek:

​

الساعه 5 العصر ​

السآيد ووك ​

وفي طاولة كانو قاعدين بآتل وفهد وحصة وسارا وعمر​

دخلت مريم مع اخوانها الي اول مادشت تفرقوا وراحو يلعبون


مشت مريم بثقة حق طاولتهم تبي تسلم على البنات <<<الجرأة طلعت ​

مريم كآنت لابسة قميص بنفسجي فاتح طويل من كنزو وجيينز من بربري


ولابسة ملفع لونه ابيض موضابطته كالعادة ولابسة جنطة كروس هانا مونتانا !!


كاشخة فيهآ لانها من امريكآ وجوتي رياضة على هانا مونتانا @!@


وقاطة نظارتها الطبية السودة ولابسة النظارة الطبية الوردية وموحاطة مكياج


بس حاطة قلوس برتقالي وكلش مولايق !!!!:krkrkr:​

مريم مبتسمة : السلام عليكم بنآت ​

لفو عليهآ وطالعوهآ الشباب بنص عين وكملو طالعو تلفوناتهم ​

سارا : هلآ والله وقآمت تسلم اهيآ وحصة ​

أول ماراحت عنهم وماكملت خطوتين


سمعت صوت ضحكة عااالية كانت طالعة من ​

حصة :كااااااااااااااااااااااااااااااااك شلابسة هاذي؟؟​

سارا خزتها : بس بس قصري صوتج ​

فهد : ياعمتي شكلها نكتتتتتته هالجآهل ​

بآتل بصوت عآلي حق فهد الي كآن مو يمه : فهد فهد شوف


طلعت صور واجد لمنى امرشا الي وريتني اياها قبل :eh_s(1):​

.​

.​

.​

مريم سمعت كللللللللل هذآ سمعته مريم
​

حست انهآ حشرة حست كرآمتهآ انمسحت بالقآع خنقتهآ العبرة .. ردت بيتهم وقعدت تبجي تبجي على سريرها​

دخلت فآطمة عليهآ انصدمت منهآ يتهآ ركض : ميووم ميووم شفيج @!@​

بس مريم ماردت عليهآ بس تبجي


قعدت فاطمة تحاول فيهآ ماكو فايدة ليما تعبت مريم ونآمت ​

وحكرت مريم نفسهآ بالبيت لا تطلع ولا شي ليما ردو الكـويـت ​

يآهم رمضآن وبأول يوم ..


​

وفي أحد بيوت منطقة حطين السكنية ..


​

ام مريم : مريم يمآ اليوم بنروح نسير عشآن اول يوم رمضآن مو تقولين لأ ! من ردينآ من السفرة ماطلعتي
​

مريم طالعت امهآ بنظرة حزينة وكئيبة : مابي​

ام مريم : امشي يمآ عشآن خآطري .. بنروح حق ام بآتل وبتشوفين حصة وسارا رفيجاتج بلبنان
​

مريم فزت : يمآ مو رفيجاتي ورووووحة ماني رايحة .. وقامت صعدت دآرهآ
​

مر رمضآن عليهم كآن غير غييير عن مريم .. أول مره تحس انهآ ولا شي ولاشي​

وبأول يوم عـيـد ..​

واليمعة كانت ببيت عمآم مريم ..​

عمتهآ غنيمة : مريوووم يالقاطعة .. وينج مشتاقتلج
​

ابتسمت مريم : عيدج مبآرك عميمة
​

ام مريم: شفتيهآ لاتطلع ولاتروح .. مااصدق ان هآذي الي قبل كانت تفر من سوق ليما سوق
​

عمتهآ عبير : وي وي ليش ياحافظ !!
​

ام مريم : كآهي جدامج سئليهآ ​

كلهم طالعوا مريم بس مريم اكتفت بابـتـسـامـــة !!




​

بدت المدآرس انشغل الكل بشغله ومريم لآزالت وحيدة من الدآخل محد يدري شفيهآ إلا فطوم ...​

ومررررت 3 سنـيـن ..​

للعلم : مريم ابوهآ حضري بس امهآ بدوية ​

وانتظروني في البآرت القادم الي رآح يكون فيه الأحدآث وسامحوني على القصور :wqedqw:​

 

[om-Jana]

يعطيج العافيه متى البارت الي بعده ؟

 

[Pippa]

يعطيج العافيه متى البارت الي بعده ؟

’

الله يعآفيج .. البآرت اليآي اذآ مو بآجر الي عقبه

 

[كويتية نايس]

اب اب

 

[الريــم]

ناطرينج ,, لوووووووووول بس حدج هلقتي بالبنت هع

 

[Sweet Angle]

وااااااي شيصبرني لين باجرر
صراحه القصه مشووقه حدهاا تسلم ايدج
و العنوان شي ثاااااااني ملفت و عجييب حدده
اكسرت خااطري مريووم
صج سآرآ و حصة مايستحوون و قليلآت ادب

بتابعج ياقلبي و عسااج ع القوة :**

 

[caesara]

لي فترة ما قريت روايات
متابعه

 

[Pippa]

,


حبايبي اتشرف أنكم من متابعيني
والبارت اليوم بنزله ان شاء الله .. قاعده أكتبه أول مااخلص أنزله

 

[om-Jana]

اي هذي الاخبار الحلوه

 

[Pippa]

Part 3

​

الساعة 5 العصر
25 نوفمير 2010
منزل بطلتنا الكآئن في منطقة حطين السكنية ​

تــقــف هـنـاك أمـام نافذتها تــذرف دموع أليمة أتت من حرمآن عآطفي قآسي عليهآ ...




وفـــجــأة دخلت ( فاطمة ) عليهآ وسكرت الباب حييييل مسكت مريم من ذراعهآ ولفتهآ عليهآ

فاطمة تصرخ : ليه متى ليه متى ؟؟؟

مريم طالعتها بعدين نزلت راسها ونزلت دموعها معاها

فاطمة تكمل بصراااخ : ميووووم قبل 5 ايام كملتي 18 سنة .. راضية عن نفسج راااااضية ؟؟؟

رفعت مريم راسها ببرود بعكس اختهآ الي كانت تغللللي : لـيـش شفيني آنا ؟


فاطمة احترررت منهآ وقعدت تصرخ من قمة راسهآ :

شفيني !!! .. وتسئلييين شفيني بعاااد ؟؟

انتي مينونه مينونه تفهمين يعني شنو مينونه والله العظيم غـبـيـة غـبـيـة ..
هدمتي نفسج حرمتي عمرج من الكلية الي تبينهآ استهترتي بدراستج وانتي الي قبل الكل يضرب فيج المثل بالدراسة..رفضتي هدية ابوي السيارة موعلشان تخافين ! لاااا لانج تدرين انج ماتقدرين تركزين لانج تكرهين نفسج .. طاااالعي شكلج شوفي شسويتي بعمرج جنج وحده عمرها 40 سنة شوووفي ..

وسحبتهآ جدام المراية الطويلة وحطت ايدها على بطن مريم : تشوفين تشوووفين كرشتج مااا تاكلين الا فآست فود حاااكره عمرج لا طلعات ولا روحات شوفي ويهج ذبلان اصفر وعيووونج جنج مدمنة مخدرات السواااد تحت عينج نسيتي شي اسمه نوم واذا نمتي 3 او 4 ساعات وشعرج شوفيه شلون طاااح ..

والله والله ذبحتي عمرج حتى ضحكة ماا تعرفين تضحكين !



لفت عليهآ مريم وصرخت : كاااافي كااافي موناقصتج حرااام عليـ

بــس قاطعتهآ فاطمة : لا موكافي موكافي يامريم موووكافي .. كل هذا عشان الزفت باتل صــح؟؟

جاوبي شفيج صــــح وإلا لاء ؟؟


مريم نزلت رآسهآ ...



فاطمة : يــا الخبلة والله مادرى عن هوا دارج .. ذبحتي عمرج واهوا عاااايش حيآته ومايعرفج ولا حتى يعرف وحده اسمها مريم .. خليج خليج على حاااالج انتي واهوا بآجر يتزوج وانتي محد بيطل بويهج .. بــس هاا لااا تندمين حزتهآ على الوقت الي ضيعتيه عليه !


طلعت فآطمة وصفقت الباااب وراها




طلعت وتركت قـلـب تايه مشتاق محروووم متحطم وندماااان !!!!



كلام فآطمة كان مثل الطراق الي صحى مريم من الغيبوبة الي كانت عايشتهآ ..



كلام فآطمة هز مريم حتى الصميييم ..



بـالفعل مريم كانت محتاجة لواحد يصحيهآ من الوهم الي حطت نفسهآ فيه ..



طآحت مريم على الارض وقعدت تبجي ..​

 

[Pippa]

بجت بجت بجت مريم ليمآ خدررررت وغمضت عيونهآ وفـتحـتـهـآ على صـوت نـآس وأغاني وضحكآت

كل الموجودين كانو يطالعونهآ ابتسمت لهم ابتسامة ترد الروح أسنانهآ كانوا مثل حبآت اللولو عقب ماشآلت التقويم وبيضتهم ...

نفخت على الشمعة الموجودة على الكيكة وكانت على شكل 19 ..


عمتهآ غنيمة : مبروك مريوم كملتي 19 .. صرتي مره

ابتسمت مريم وردت عليها بصوت ناعم عذب : الله يبارك فيج عميمة

خالتها ندى : عقبال 100 سنة

ضحكت مريم : لااا اسم الله علي مابي اصير عيوز

الكل ضحك بعدين حطو اغنية غنو لحبيبي وقامت رقصت مع البنآت :


غنو لحبيبي وقدموله التهاني في عيد ميلاده عساها 100 عام

افرح حبيبي واطلب اغلى الاماني الليلة ياعمري تناااديك الاحلام

ودعت عام وقابلك عام ثآني ...


عقب ماخلصت الاغنية مسكت تلفونهآ وصورت نفسهآ مع البنآت وهيا ماده البوز <<< حركة بنات هالايام


مريم : بحط صورتنا بالبي بي ام


داليا (بنت عمتهآ غنيمة ) : وااي تيننين اليوم والصورة فضيييعه بس حسافه آنا ايفون !

مريم : أفااا عليج ادزها لج بالوتس اب

ضحكت داليا : ياربي ويلوموني فيج .. عسل عسل

ابتسموا البنآت وقعدوا يسولفون ويضحكون ويستعبطون ومريم كانت مثل الشعله بينهم



خلصت الحفلة صعدت مريم دارهآ وجكجكت جم صورة حقهآ واهيآ لابسة نفنوف بيج من ربورتو كفالي ضيج بآاارز جمال
جسمهآ ولا جسم كيم كارديشن خصرهآ مثل الخاتم والكرشة اختفت وشعرهآ كانت لامه اول
خصلتين ومنزلة شوي من قذلتهآ والباجي مفلول واصل ليما آخر ظهرهآ كثيف وحلوو ..


طالعت نفسهآ وشافت بياضهآ المورد وتذكرت الاكل الصحي الي كانت تاكله الي ردلها بشرتها الطبيعية


طالعت عيونهآ عقب ماسوتهم ليزك وشافت جمالهم وتذكرت امهآ الي وارثتهم منهآ جمآل العيون البدوية ..



كانت ملاااك جمآلها يخلي الي يشوفها غصب يبتسملهآ عطت نفسهآ فلاينق كيس (بوسه طائرة)
ولبست بجامة وردية حفر وشورت عليه ورود بيضه وناااامت




تغيرت مريم تغييييييير جذري عقب مامرت سنه على كلام وصراخ فاطمة اختها الي هزها هز .. حآفظت على نفسهآ أكثررر حـبـت نفسهآ واستثمرت كل دقيقة تمر عليهآ باللي ينفعهآ مو بس الشكل حتى العقل نمته بالقراااايه صآرت تحب تقرى كتب وااايد ....​

 

[Pippa]

بـعـد مرور 3 أيآم ..

​

فتحت عينها على صوت الألآرم الي كانت حاطة رنة صوت طيور <<< صارت نعوووومه


تمقطت شوي بعدين قامت من سريرها الطبي <<< تدلع نفسهآ

راحت الحمام وانتو بكرامه اخذت شور داااافي ولفت الفوطة الوردية عليهآ

حطت ماسك بالعسل على ويهها بعدين غسلته صلت الفير

ولبست نفنوف مكسي بيج حرير مشير ازرق بوردي ولبست حزام عريض بيج بين جماااال جسمها
مشطت شعرها بـبروش ذهب شرته من ايطاليا الصيف الي طاف بعدين لمته
وحطت فاونديشن بوبي بروان نفس لون بشرتهآ الصحية <<< احلى من بشرة اليابانيات من كثر ماحافظة عليها
حطت كونسييلر جفنشي تحت عيونهآ عطاها بس اضاءة حلوه
حطت برايمر واي شدو ابيض بعدين حطت اي شدو درجات البيج ليما وصل للبني بس كان خفيييف وحلو حطت آي لاينر ومدته شوي برا عيونها
وصآرت عيونهآ جنهآ لعبة خيااال .. حطت مسكرا ماك البنيه على حواجبها..وحطت كحل من داخل ..بلشر وردي برز جمااال خدودها وويهها الدائري..
ابتسمت وحطت قلوس لحمي على شفايفها المليانيين وصغار شوي .. واختمتهآ بمسكرا لانكوم ..
لـفـت ملفع القطن البيج عليهآ <<< صارت خبيرة بالملافع
مسكت جنطتهآ شانيل بيج شرتهآ من لندن عطلة عيد الاضحى الي طاف ولبست كعب كرستيان لوبتن ايضا من لندن لونه بيج ساده
مسكت فايلها تيد بيكر بيج والفيونكه وردية لبست ساعتها الرولكس وخاتم واسوارة فان كلييف


طالعت نفسهآ نظرة اخيره : واااي اينن


فتحت باب بيتهم وشافت المرسيدس البنفسجية فاتح مالتهآ: بسم الله توكلت على الله ولاحول ولاقوة الا بالله << دعاء الخروج من المنزل


ركبت سيارتهآ وسفطت عند مواقف كلية العلوم الادارية بالشويخ نزلت وشافت

سلفرادو اسود متراكي عليه واحد طالعته من تحت نظارتها الفندي وكملت طريجهآ

( هذا احمد دايما يلاحقهآ صارله شهر منهبل عليها واهيا مسكبته )


طالعت اظافرها الي صابغتهم وردي فاتح رفعت راسها وشافت واحد بعييد واقف عند الباصات ناطرها بهمس:وليييه


( وهذا محسن مينون فيها صارله شهرين وطبعا حاله حال غيره اسكب )


وصلت عند الكراسي الي جدام الباص


نادية : مريوم ترى تأخرتي

مريم : واااي توه الكلاس باقيله 10 دقايق

عايشه : حلفي !!

مريم ابتسمت : اوه عوااش عادي الدكتور طيب ما يحاسب

ركبوا الثلاثه الباص واول مانزلو سمعو صوت وحده تنادي مريم

لفت عليهآ مريم : هلا

غدير : مريم شلونج شخبااارج

مريم: بخير !

غدير : اليوم امي وخالاتي على الموعد بيزورونكم

مريم : اي اوكي .. ولفت كملت طريجها مع رفيجاتها

عايشة : تعرفينهآ ؟؟

نادية : اي موعد ؟؟

مريم : كانت معاي الكلاس الي طاف كلمتني قبل قالت امها تبي تزورنا وعطيتها العنوان

نادية : شتبي !!

مريم : يعني شتبي حالها حال الف غيرها

عايشة : وطبعااا بترفضين ياحلوه

مريم : اكيييد

نادية : بس انتي ماشفتيه شلون حكمتي عليه ؟

مريم : توني صغيرة على هالسوالف العمر جدامي .. وما ياه الي يرضي غروري ويخليني اتزوجه

عايشه : البنت اذا كثروا خطاطيبهآ بااارت

مريم : والله محد معقد عمره غيركم

مشت جدامهم لحقوهآ وصلوا الكلاس




​

بنفس الحزة :

​

باتل الي صار عمره 22 سنة اشتغل باحدى الوزارات


سمع صوت امرشا : يايما حبيته


طالع تلفونه الي كانت خلفيته منى امرشا ابتسم وشاله :
هلا بالغاليه


ام باتل : هلا يما .. شلونك ؟

باتل : بخير عساج بخير

ام باتل : يما اليوم حصة اختك بتطلع بدلتها وماعندها احد يروح يوديها أنا بروح مع السايق وابوك مشغول

باتل : اي اوكي مو مشكلة أنا ارد اتغدى انام بعدين اوديها المغرب

ام باتل : ماقصرت يا بعد جبدي

باتل : تستاهلين يالغالية

ام باتل : مع السلامة

باتل : بــاي






قراءة ممتعة ​

 

[Pippa]

’



بنآآت حبآيبي مابي بس تكتبون مشكورة او متى البارت الياي:bbbiu: !!



ابــيــكم تكتبون توقعااااتكم عن مريم & باتل :eh_s(17):؟؟؟​

نآطرة ردودكم ​

 

[om-Jana]

هذا سؤال لابد منه هههههه. متى البارت الياي ؟




توقعاتي

راح يصادفها بس متى مادري. وتوقعاتي احتمال اول ما يشوفها ما يعرفها او العس ينبهر من التغير

 

[Pippa]

هذا سؤال لابد منه هههههه. متى البارت الياي ؟




توقعاتي

راح يصادفها بس متى مادري. وتوقعاتي احتمال اول ما يشوفها ما يعرفها او العس ينبهر من التغير

’
يـمـكــن

والبآرت متى ماقدرت حطيته يعني بآجر او عقب بآجر :eh_s(17):​

 

[om-Jana]

لان تحمسنا
ما ودنا تطولين

 

[ـــــParisـــــ]

ـــــــــــــــــــــــــــــــــــــــــــــــــــــــــــ


وااااي بيبا
و ربي مال أقرص خدودج على هالقصا
حرام عليج كمليها
بتعاقبيننا .. ترا و الله ماسوينا شي

..
فديتج كمليها كمليها لا تطولين





ـــ
..

 

[ـــــParisـــــ]

ـــــــــــــــــــــــــــــــــــــــــــــــــــــــــ

اممم أتوقع يتصادفون
و يعجب فيها بعد التغيير بس
تحقرا
يعني وحدا بوحدا




ــــــ
..

 

[caesara]

اتوقع ترد له الحركه وتحقره
كملي فديتك

 

[اميرة al-koon]

واي واي
باتل ححققييير عسى الله ياخذه
فديتها مريووووووووم عسل دوم
عفية خلي في مواقف بين مريم و باتل