وربي انصدمت يا بناااااات

[JulllY]

انتي صارحيها كنصيحه لها وأخوج الله يكتبله وحده أحسن عنها لانها
أخلاقيا مش ولابد..

 

[Bloom]

من ستر على مسلم عورة ستره الله في الدنيا والآخرة ، والله في عون العبد ما دام العبد في عون أخيه

 

[Japanese]

حرااااام عليييج اذا الله ساتر عليها انتي تبين تفضحينها؟ كلششش ماآآيدج بهالسالفه :/

وتذكري الطيبون للطيبات والخبيثون للخبيثات

ولاتحكمين عليها من صور بينها وبين ولد عمها :/

انا قاعده تصير وياي نفسسسس السالفه تقريبا ،، اخوي ميت على وحده من اهلنا وهالبنت ابدا مب نازلتلي من زور!! ونفس الشي هي حلوه ومتعلمه وكل شي ماعليها قاصر يعني

بس مادري يختي ماحس انها بتسعد اخوي وغير انه في اشيا وايد مب عاجبتني فيها :/ ف سويت سالفه يوم قالي انه يبيها بس تخيلي هالشي ماغير مشاعره ولا قراره ولا شي

ف انتي لاتدخلين نفسج بشي جذي وتقهرين نفسج واخر شي ممكن اخوج يقولج هاي حياتي وانا ابخص فيها

ماتتخيلين شكثر بتحسين بآنه زوجه المستقبل صارت اغلى من الاخت مادري احساس خايس لول

انتي دوم ادعيله الله يكتب له اللي فيه الخير سواء مع هالبنت او غيررها ،،​

 

[Japanese]

وي شكلي فهمت الموضوع غلط! توني انتبه انها هي اللي ماوافقت ،، يمكن خيره :/ وخلاص يعني الله يوفقله ان شاء الله

 

[Rooz Aziz]

الله يرزق اخوج ويهديها ويبعد عنج اللقافه

 

[توته النعومه]

المفروض عرفتي عنها كذا تقولين لخوكي ماتنفعك من غير ماتفضحينها
من ستر على اخيه المسلم ستر الله عليه
او انصحيه بينك وبينها اما تفضحينها فانتي بتسببين مشاكل بينها وبين اهلها انا افضل اذا كنتم تمونون ع بعض انصحيها
والصراحه انتي غلطتي ليه تفتشين في جوالها مالكي الحق

 

[Miss Cherry]

لا تفضحينها ولا شي كيفها مره عاقله وكبيرة تعرف شتسوي

بس احرصي أنه أخوج مايخذها لأنها مو كفو وطالما هي رفضت أحسن بعد جت منها

 

[بلوبيري مافن]

غريبه انتي.. استهدي بالله.. اخوجورفضته واسمها ما بيرتبط باسم اخوج خلصنا.. كل وحده لها خصوصيات.. ابدا ما حبيت حركتج تنبشين باغراضها.. يعني لو انتي مكانها ترضين حد يفتح تيلفونج؟؟ حتى لو ما عندج علقة حب يمكن فواتير حسابج بالنك او غيره من الخصوصيات.. لاااااا البنت ما غلطت ابدا معاكم.. مب من حقج تفضحينها.. بالنهاية هذي بنت باول حياتها يمكن غلطت وبتتندم باجر وتستغفر ربها ويمكن الله يغفر لها ويجعلها فوق منزلتج ودرجتج عنده سبحانه.. حطي نفسج مكانها.. تخيلي عندج اخت مثلا تعرفت على شاب؟؟ ترضينبنت عمج او بنت خالتج تمركمالبيت وتفتش في تيلفونها وتسير تخبر اهلج ابوج او اخوجولا تنصحج؟؟ احس حركةنذاله وحره مب نصيحةوحب الخير لو تبين لها الخيروقلبج نظيف سيري كلميها وانصحيها باسلوب حلوه.. او اتركي الخلق للخالق.. وتذكري الدنيا دواره ومن ستر على مسلم الله يستر عليه.. وانه الله من فوق سبع سموات يشوف عباده تعصي وترتكب الذنوب ويغفر ويسامح عل وعسى حد يتوب .. ان الله يحب التوابين...

 

[برنسس كاتي]

الصراحة انتي الغلطانة !
ليش تفتشين جوال البنت ! وتشوفين أيش ترسل وتستقبل يعني هذي من الخصوصيات
لو هي سوت هل حركة كان عصبتي وجيتي هنا حطيتي موضوع طويل :bbbiu:
ثانيا هي تحب ولد عمك الثاني وسمعته مدري كيف هذا الشي يخصها هي وحدها
حياتها وهي حره بغض النظر عن اذا الي تسويه صح او خطأ !
يمكن يحبون بعض ويبون يتزوجون
انتي مقهوره الحين على اخوك
واذا خطبها شكلها بترفضه زي ما رفضت الباقيين .....
- مسألة انك تفضحينها وووو هذي وخري عن هل سااالفة
ممكن تنقلب على راسج انتي ...
واذا اخوج يبي يتزوجها حاولي تقنعينه بأسلوب او ما ادري
بس اظن لمن يخطبها هي من نفسها بترفض ....

 

[♥MaSteRiyA♥]

الزواج مو غصب ..!!
يعني اذا ماوافقت على اخوج لازم تنتقمين منها ..!!
لو انج صج تبين الخير تنصحينها مو تفضحينها ..!
ترضين احد يغصبج على انسان ماتبينه ؟
مافيها زعل ولا فيها شوفة خشم ..
الله امر بالستر وماراح تستفيدين شي اذا فضحتيها غير انج راح تسببينلها مشاكل وألم وتولدين حقد وكره وخلاف بينكم بين بعض
هالشي بشنو راح يفيدج عقب ؟؟
اكرر الزواج مو غصب ولها حرية انها توافق او لا
واذا اهي تحب انسان وبينها وبينه علاقه هاذا شي خاص فيها اهي مو فيج ..!!
راعي سفرات ولا راعي روحات انتي مو وصي عليها عشان تحكمين عليهم صح او غلط ؟

كلامج واااايد حلو.. ووايد أثَر فيني
الله يهدي الجميع ان شالله​