ودي حيييييـل ودي أسويهآ !

[MayOumii~]

السلام عليكم ورحمة الله و بركآته

بنآت عندي شغلة مآ أعتبرهآ مشكلة بس ودي أحققهآ وأسويهآ .. وكله ايي ابآلي ان لا مآ رآح اقدر أسويهآ ورآح أتعب و.. و .. إلخ


آنآ بنية عمري 17 سنة طبعآ ادرس الحين آخر سنة ثآنوي..بنآت آنآ طموحي كبير الحمدلله حيل كبير ويمكن تستغربون منه !
طبعآ بحكم اني رآح اتخرج هالسنة ان شاء الله فلآزم من الحين اقرر الكليات الي رآح ادشهآ..
الحين السآلفة ان انا تخصصي علمي مآشي !
انا حآبة ادخل هندسة وبالتحديد " هندسة كيميائية " لآن فيهآ ريآضيآت وفيزيآ وكيميا وانآ احب هالموآد وجذي..وبنفس الوقت مقررة اني لمن اتخرج من كلية الهندسة ان شاء الله ودي اشتغل سنتين جذي بمجآل درآستي وبعدهآ ادخل الجآمعة مرة ثآنية آدرس علم نفس !
بنآت انا أحب هالعلم وآيد وآحب آقرآ عنه واشتري كتب واقرآهم " مآدشيت ادبي لآن مآحب الموآد الادبية باستثناء علم النفس وبنفس الوقت قتلكم ودي اصير مهندسة ان شاء الله".. وانا عندي قنآعة اني اذا مآخذيت معلومآت كل يوم احس يومي مآله معنى !!
وشرط اذا تخصصت بعلم النفس ان شاء الله حآبة اشغتل بدآر رعآية الايتآم واشوف معآنآتهم وأوقف معآهم..حتى لو كآن هالشي تطوعي

عشآن جذي حآبة ادرس تخصصين بالجآمعة حتى لو اضطريت ادفع فلوس وادرس..:eh_s(22):
وشغلة ثآنية حآطتهآ ابآلي وبخآطري آسويهآ " أشتغل الصبح مهندسة وبليل ابدي شغلي كاختصاصية بعلم النفس ان شاء الله آو العكس والعصآري فترة رآحة آشوف آهلي فيهآ "..وبنفس الوقت آنآ ودي ادش اعمآل حرة " افتح مطعم او محل حلويآت او مثل التآجرآت آبيع شغلآت من برآ وجذي "

وبنآت آبي تحطون ابآلكم شغلة مهمة اني كل هذآ ودي آسويه مو عشآن الفلوس لا.. بس عشآن انآ بذآتي آحب آحس اني قآعدة انجز شي بحيآتي و ودي آحس اني سويت شي استحقيت اني اعيش له..

بنآت بليز لآ تكسرون مجآديفي..آبي احد يوقف معآي ويقولي اذا في آمل اني اسوي كل هذآ بحيآتي واني انجز هالشغلآت ؟..ادري صعبة بس انا احب الشغل وآيد وآحب اتعب واتعلم عشآن جذي بخآطري آظل اشتغل لي آخر يوم بعمري..

 

[روح مغليهاM]

ان شاءالله حبوبه تقدرين ترى العلماءالمعرووفين تعبو لين وصلوا للي يبوووووون قريت حياتهم الشخصيه تعجبت مشاءالله عليهم وااصلي خيتو ومادام عندك ارااده تقدرين انتي توك ببدايه عمررررك يعني فيه امل كبييييير وقت بعد يالله ي رب يوفقك ويرزقك ماتتمنين

 

[PassionFruit]

مشالله عليج دامج حاطه هالشغلات ابالج تسوينهاااا يعني بتسوينهاا ان شالله بس اهم شي خليج واثقه بربج وبنفسسسج وانج قدهااا
واهم شي لاآآآآآآآزم انج تطولين بالج وتصصصبرين علشان تنالين اللي بخاطرج فيه وهم بعد في شغله مهمه عشان تمشين بكل المجالات لاآآآآآزم لاآآآآآآآآزم تنظميييييين وقتج ومشالله حيييل عجبني طموووحج وهدفج وحسيت انج تقدرين على هالشي وبتحقيقينه بأذن الله والله يوفقج يآآآآآرب .. بس بقووولج شغله اهيااا موو تحبيييط لا والله بسس عشان تستوعبين اكثر انج الحيين حاطه ابالج هالاهدااف بس لي تخرجتي ان شالله وشفتي درب دراستج لااتكعين بريك كملي حتى لوو حسيتيه صعب لان الشي الزين ما اييي بسهووووله :rerrerek:

 

[ليمووونه]

كل الي اقدر عليه اني ادعيلح حبوبه الله يوفقج يااااارب ويسهل دربج ويسرلج امورج ويبعد كل شي موزين جدامج
بس نصيحتي لج ابدي اشويشوي طبعا الحين لازم يكون همج اتخلصين المدرسه وعقبها ابدي بشي وخلصيه وابدي بالي عقبه وجذي والله يستر عليج ودايما ارقي نفسج

 

[FDET NFSY]

مووفقه

اااااااااااااب

 

[أعشقه]

ماشاء الله
ان شاء الله بنتي تطلع عليك ههه اذا كبرت يعني لان تو عمرها سنه و7 شهور
اول شي اهني اهلك فيك .. بجد تفكير قمه
بس حاليا خلي همك الدراسه اذا خلصتي ويارب تجيبين نسبه عاليه بعدين دخلي كلحين شي وخلي اهتمامك فيه عشان تخلصين لا تشتتين نفسك باكثر من شي
بس اذا كل ها الامور في راسك سويها ياختي وخاصه ان تو عمرك صغير .. واذا متاح لك كل شي
ابدي كلحين في شي وربي يوفقك

 

[Unusual]

حبيبة قلبي الله يعطييييك الصحة والعافية وترفعين راسك وراس اهلك ..
ويرزقك اعلى المراتب في الدنيا والأخرة ..


همسة من قلبي ل قلبك :-
لاتحكين لأحد عن طموحك كثيييير اعملي بصمت ، نصيحة قالولها لي من ايام اني كنت كبرك ..
بس والله ماسمعتها وخليييت الكل يشاركني .. طموحي .. والنتيجة ....

اخوانا المصرييين يقولوا داري ع شمعتك تقيد ..

الله يوفقك يارب 

 

[هنووفوو]

يحليلج انتي نفس اختي وبنفس عمرها

اهي ناويه تكمل طب جراحه بعثه تقول ودها بتخصص نادر


ليش ماتكملين بره لان العلم هناك متطور وافضل


الله يوفقج بدراستج ويحقق لج مرادج:eh_s(7):
ا

 

[cute lulu]

مووووفقه

 

[إبتسامهـ]

ماشاءالله تفكيرج وايد حلو .. حبيبتي مافي مانع تدرسين التخصص الي تشوفين نفسج فيه .. وبنفس الوقت خلي عندج هواية دراسة علم النفس يعني مو شرط تدرسينه بالجامعه انتي من نفسج اقري وخليها كهوايه عشان ماتكرهينه ..
صراحه مادري عن نظام الجامعات اذا تقدرين تكملين بس استخيري ماتدرين وين الخيره فيه .. وانتي طموحج حلو خصوصا انج بمرحلة تكوين ذاتج .... لاتيأسين مهما واجهتج متاعب ......... وفالاخير الافضل لج راح يختاره ربي ......اهم شي كل ماحسيتي انج محتاره قومي وصلي وادعي الاستخاره
وان شاءالله تصيرين شي وايد مهم بالديره .............

موفقه ..........

 

[مجنونة هع]

اممممممم ترى سهلة دشي الجامعة وتخرجي منها واشتغلي الصبح مهندسة وبليل حق حد يدري اعمالج وانتي روحي حق على النفس

 

[الحللللوه]

ماااشااء الله الله يوفقك طمووحك مرره عااالي
لاتنسي اقري على نفسسك خيتوو

 

[الحللللوه]

لاتنسوو التكبير
الله اكبر الله اكبر لااله الا الله الله اكبر الله اكبر ولله الحمد

 

[MayOumii~]

مشكووورين بنآت ومآقصرتو على تشجيعي ..
وانا ان شاء الله بدور بموضوع الجآمعة اذا يصير ادخلهآ مرتين وآخذ شهآدتين بتخصص مختلف..

ومشكوورين عالدعآوي الحلوة والله يعطيكم العآفية ويرزقكم على نيآتكم..
وبالنسبة للدرآسة برآ انا اهلي رآضيين وموآفقين وابوي وده اني ادرس برآ..بس انآ اخآف من الغربة حيييل
عشآن جذي مترددة بس ان شاء الله اذا مآ قبلوني بهندسة الكويت اروح بعثة خآرجية والي فيه الخير ان شاء الله الله يكتبه~

 

[قلبي محمد]

شي واااايد حلو بالعكس حبيبتي
لا تتراجعين عن اللي تبينه وحطي هالأشياء كلها أهداف تبين تحققينها
واذا شديتي حيلج وأصريتي على اللي تبينه باذن الله راح تحققين كل أحلامج
الله يوفقج حبيبتي

 

[FeShinGoOo]

الله يوفقج ياحيااااااااااااتي والله يكثر من امثالج

 

[دلوعة صلوح]

الله يوفقج ويحقق لى فى بالج يارب العالمين.

 

[مس تسذآ]

و ليش ما تسوينها

الانسان لا حط شي بباله يسويه

انا كبرج و بتخرج هالسنه علمي و نسبتي حلوه

بالتسعينات ,

و شسمه

بدش كليه التربيه تخصص اقتصاد منزلي

خوش طموح ها

بس انا ظروفي يمكن تختلف عن ظروفج و بيئتج عرفتي

يعني انا اهلي ماعندهم بنت تدش غير التربيه

و الحمدالله هالشي مو مضايقني بالعكس و الله

قبل كنت اقول انا نسبتي تدخلني طب ليش ادش تربيه اللي نسبتهم 75 يدشونها

بس بعدين فكرت فيها

قلت لا انا غير

انا ما تعودت اني بعدين اشتغل بمكان كله رياييل و ناس و اتعامل معاهم

مادري يمكن يكون عندكم شي عادي

لكن بالنسبه لي شي صعب لاني ابدا ما تعودت عليه ,

ادري راح تقولين لي اذا انتي محترمه الكل يحترمج مهما كان حولج رياييل

لكن مادري ماقدر ماعرف

خليني عالتربيه ابرك

موفقه حبيبتي و ربي يوفقج و تحققين كل طموحج يارب

اما بالنسبه ف انا قنوعه

 

[غدووو العنزي]

الله يوفقك ويكتبلك الخيييييييييييير

 

[ޢޢޢإيمانޢޢޢะۣۨ>]

ماشاء الله عليج ، ربي يوفقج ويحقق أمنياتج ويبعد عنج الحسد ، حبيبتي اختاري التخصص اللي تحبينه أكثر لأن فرصة دخول الجامعة مرتين ماأعتقد إنه يصير ، ولا تيأسين أبداً وحاولي تركزين بشغله وحده ولما تخلصين منها تفكرين بغيرها عشان ما تشتتين نفسج وعشان تعطين كل شي حقه وتبدعين فيه ​