ودي .. بس ماني قادرة .. أشلون ؟؟

[Mulan]

السلام عليكم ورحمة الله وبركاته

بنات عندي مشكلة محيرتني وماني قادرة إني اسيطر عليها

مشكلتي إني ما أداوم على شي صحي ومفيد أبدا

مثلا ..

ودي استمر على الرجيم وأنزل وزني .. ما أقدر .. يعني انزل خمس كيلوات وأردهم وهذي حالتي

ودي استمر على خلطة شعر أو كريمات للبشرة .. ما أقدر يعني استمر اسبوع وبعدين أقطع

ودي استمر على الرياضة .. ما أقدر .. معني مشتركة بنادي بس ما أروح

ودي استمر على قيام الليل مثل قبل .. بس ما أداوم استغفر الله :0bee2e8d89:

ودي يكون لي ورد يومي أقراه من القرآن .. بس ما استمر

ما أقدر استمر على شي :0bee2e8d89:

مع إني ما كنت جذي قبل بالعكس كنت مهتمه بنفسي ولي أمور يومية أسويها بس ما أدري اشفيني ألحين !!

يعني ودي أغير ستايل حياتي ويكون لي روتين صحي بحياتي بس ليش ما استمر ما أدري ؟؟

مستغربة من نفسي !!

انتوا جذي ؟؟ أو اتعرفون ناس جذي ؟؟

أبي نصايحكم

 

[أعرف قدر نفسي]

تحتاجين تشجيع ويكون احد يعاني معاك عشان تتشجعون هذي حماتي كله تقول لي جذي

 

[هوى الدار]

اعتقد اهم شي الاراده والرغبه الصاادقه والاستمراار

يعني اذا نويتي شي توكلي على الله ولا تشوفين جدامج الا هالهدف وتحدي نفسج بتحقيقه

وعسى الله يوفقج

 

[نونو ام كشة]

سويلج جدول بالاشياء اللي تبين تسوينها وعلقيه بمكان واضح
وكل يوم سوي شي واذا خلصتي منه اشطبي عليه مو شرط تسوين كل الاشياء بيوم وحد قسميها خلال الاسبوع

 

[جماااانة]

صح كلام مشرفتنا هوى الداار .. لازم يكوون عندج إرادة وطبعااا لازم قبل تبدين بأي سيء تتوكلين على الله عشاان تتوفقين باللي تبينه

 

[Mulan]

:tek:

"أعرف قدر نفسي"

اي والله أبي تشجيع ودي وحدة اتشاركني .. مشكورة على الرد حبوبة :eh_s(6):



"هوى الدار"

اذا نويتي شي توكلي على الله ولا تشوفين جدامج الا هالهدف وتحدي نفسج بتحقيقه

كلامج هذا وااايد أثر فيني .. صح الواحد لازم يحط هدف جدامه ويتحدى نفسه عشان يوصل .. آنا ودي انه تكون الأمور إللي بسويها روتين حياة .. وربي يسهل لي ولكم .. مشكورة حبوبة :eh_s(6):



"نونو ام كشة "

اعجبتني سالفة الجدول :ggdw: .. بضبط لي جدول اسبوعي وبعلقه وإذا الله يسر راح انزله هني بالمنتدى

ما قصرتي حبوبة :eh_s(6):



"جماااانة"

صح كلامج من توكل على الله ما خاب .. مشكورة على الرد حبوبة

مشكورين على الردود ما قصرتوا حبايبي ​