ودي افضفض: عمي وايد يتدخل بحياتنا !!!

[لمسه حزن]

رد : ودي افضفض: عمي وايد يتدخل بحياتنا !!!

الله يكون بعونج

 

[مر الايام]

الله يكون بالعون ... طبعا تدخل الاهل بحياة الأبناء بصراحة مشكلة كبيرة ولازم ينوضع لها حل من قبل الأبناء.
لأن الأهل عاشوا حياتهم ورسموها مثل مايبون من غير تدخل من احد ...طيب ليش مايتركون الابناء يعيشون حياتهم مثل مايبون ويرسمونها بطريقتهم بالتفاهم والمشاورة.


خلي ريلج يقول حق ابوه ان شاء الله وياخذ الكلام الزين من ابوه واللي مايبيه يطوفة.

وانتي لمايقولج ريلج اي شي ويكون موعاجبج قولي ان شاء الله لتجنب المشاكل حبوبة.


والله يوفقج للخير حياتي.

 

[الغاليه ام احمد]

حبيبتي خالتج موجوده
واذا مو موجوده ترى تدخله يصير من الضيقه اللي حاس فيها
عشان جذي يتدخل في كل شي مثل الريال يا تقاعد
ينبش بالبيت نبش

فزوجوه بنت حلال تكون كبيره ترد عليه الصوت
وصدقيني راح يصد عنكم

اما اذا خالتج موجوده وهذي تصرفاته الله يعينكم

 

[اشتياق]

ياشين الريـال لي صار هالنمونه
المره تترقع
اهو لايقوله هذي حياتي وانا ريـال
لا خل يقوله اي والله يبا صاج انت الخير والبركه
اي امبلا صدقت ومن هالكلام عشان لا يطنقر ويسوي سالفه!!

 

[Geisha]

بنات ريلي في البداية كان يسايره ويسايه بعدين لا زاد الكلام والتجريح وعارفين انتوا الريال الكبير في السن كل شي يقووووول مايفكر بمشاعر ولده والمشكلة انا زينة معااااه واحترمه وماعتقد اني من خذيت ولدهم شافوا مني شي شين الله كريم ويهديه

خالتي عايشة ام احمد ..

 

[مستهتـــرة _ Q8]

الله يعينج حبيبتي

ماعليه ريال عووود .. والشياب لي كبروا يصيرون جنهم حريم حنه ورنه ويتدخلون بكل شي

ماعليه تحملي واعتبريه مثل ابوج
ولا تنسين كان له الفضل على ريلج مهما كان ابوه ورباه وكبره
الحين لما كبر قام يتملل منه

اهو يبي لكم الزين بس الظاهر زودهااا شوي ..

انتو كله قولو ان شالله عشان يسكت وبعدين طنشوا وسوو اللي تبونه

واذا تقدرون تطلعون بشقه بروحكم احسن واحسن

الله يعينج ويصبرج ان شالله

 

[نـعـومـه]

رد : ودي افضفض: عمي وايد يتدخل بحياتنا !!!

غريبه عمج يدخل عادتا هذي سوالف الحريم !!!

الله يهديه بس

 

[Geisha]

اي والله احنا ماودنا تكبر المسألة بس عمي الله يهداه قام يتدخل حتى باتفه الامور واحنا ماشين سيده الحمدالله مو تقولون عويان ولا مسببين مشاكل المشكلة بدنيا هذي اللي يمشي سيده يتعععععب وايد ... الله ياجرنا ويهدي عمه

يعني تشوفون اعيالكم مرتاحين ومريحين ليش المشاكل !!