ودي اسافر بس خايفه عادي بنات

[q8helwa]

شلونكم بنات

ناويه اسافر لندن عالصيف واكون توني داشه
الرابع لي جم يوم
وتعرفون لندن 6 ساعات بالطياره

عادي بنات اسافر والا فيها ضرر
والجهاز اللي امر منه بالمطار ماله ضرر

والله حدي خايفه

وسالت دكتورتي قالت لاعادي راح تكونين
توج داشه الرابع سافري

بس انا ابي تجاربكم
والله متردده

 

[أكذب عليك]

انا سافرت باول الرابع لندن ورديت بالسادس
الدكتوره قالت عادي بس امشي بالطياره عاد انا بطياره قضيتها نوووم 
مشيت من الجهاز والحمدالله الله الحافظ 
الله يسهلج

 

[Meeesh]

الله الحافظ
انا سافرت وانا اخر الرابع لندن والحمدالله ماصار شي

 

[أم@الحلوين]

ماجربت السفر وانا حامل بس اعتقد عادي دامج عديتي الـ4شهور توكلي ع الله والله الحافظ

 

[@ام يوسف@]

اتكلي على رب العالمين وهو الحافظ

 

[yoyo"s mam]

سافري ولاتحاتين حبيبتي
وانبسطي
الله يرعاك يارب

 

[q8helwa]

والله خايفه حدي

 

[ع ـبدليه]

عادي حبيبتي وحاولي تمشين بالطياره
تروحين وتردين بالسلامه

 

[q8helwa]

استغفر الله

 

[أبكاني ذنبي]

الدكتورة قالتلي عادي سافري لما كنت بالخامس

بس انا وسواسيه وخايفه عالبيبي ولاحقه عالسفر

ماسافرت وناويه بس اطلع من الاربعين اعوضها ان شاء الله



استخيري والله يكتب لج اللي فيه الخير ياارب

 

[نور دنياه]

سئلي دكتورج. انا بعد وسواسيه ودي اسافر لكن خايفه وامي قالت لي انتي بجر ماتعرفين شلون طبيعه جسمج لايصير شي لاقدر الله وتتحسفين . بعد الولاده بسافر ان شالله

 

[q8helwa]

والله للحين وعندي موعد اخر هالشهر

وبستشيرها اذا كل شي اوك بقولها تعطيني

لامانع

 

[روح الأحزان]

حبيبتي دام امورج كلها بخير سافري واستانسي

 

[ٱستۆطنت خٱفقهْ]

اللهہ گريم

=)
وعسا الله يحفظچ ويحفظ البيبي

 

[q8helwa]

امين

 

[Perfume]

حبيبتي السفر آااامن للحامل بكل الشهور ما عدا التاسع وما عدا اللي مانعها الدكتور
انتي شاوري دكتورتج اذا كل شي تمام سافري وتونسي حبيبتي

 

[q8helwa]

الله كريم