ودي احمل----بس اكتشفت ان فيني تكيس بالمبايض :(

[pink-rose]

هلا كويتيات اشلونكم ؟؟
عساكم بخير ان شاء الله


من اربع شهور تقريبا صار فيني تخربط بالدورة---تتأخر عن موعدها ---متقطعه---ماتنزل
ويوم كشفت توني اكتشفت ان فيني تكيس بالمبايض

والله حدي خايفه واحاتي خصوصا ان ودي احمل بهالوقت


بنات الله يخليكم الي عندها تكيس ياريت تقولي عن تجربتها واشلون احملت؟
وشتو الاشياء الي تساعد علي علاجه وتقوة المبايض والبويضات؟؟

وادعوا لي ان الله يرزقني ان شاء الله​

 

[*دبدوووبه*]

بنك روز حبيبتي
الله يشافيج ياقلبي

بس تكيس على المبايض هذا شي موخطير
وعلاجه سهل
ان حبوب تنظم الدوره
خلال شهرين او ثلاث
وفي اغلب الحالات ست اشهر
مع متابعه من الدكتوره
وان شاءالله كل الخير ياقلبي

وفي بنات وايد حملوا معاهم تكيس على المبايض خفيف
يعني مع ايام العلاج سبحان الله احملوا

وهذا يدل على شطارة دكتورتها وعلاجها

والله يرزقج ان شااءالله وتحملين
ولاتشيلين هم
بس راجعي الدكتوره
وامشي على النظام
وان شاءالله كل الخير

 

[pink-rose]

يعطيج الف عافيه دبدوبه
والله طمنتيني بكلامج الحلو
ومشكورة عالدعوه الحلوي

 

[TeAcHeR_BeZaRiN]

عدل حبوبة التكيس شي مو خطير أبدا
ومع العلاج يروح ان شاء لله وانا انصحج بدارسين وزنجبيل اثناء الدورة

وربي يرزقج بالذرية الصالحة

 

[++The DuchesS++]

حبوبه التكيس مو مشكله كبيره
انصحج بحبوب الجلوكوفاج وايد زينين حق التكيس
وحاولي تسوين رياضه وتخففين وزنج احسن
واهم شي تراجعين الدكتور
والله يوفقج ويرزقج ان شاء الله

 

[القطانيه]

الله يرزقج يارب علييج بالاستغفاار

 

[بساط الريح]

حبيبتي صاجة اختي غفران ترى الحبوب الكلوفاج وايد زينيين انتي اذا رحتي حق الدكتورة سأليها عنهم وترى يفيدون مع تنظيم الدورة انشالله يارب الله يرزقج الذرية الصالحة وتبشرينا الشهر الياي انج حامل ياكريم

 

[bnt_kwt]

مثل ما قالوا البنات ترا التكيس مو خطير وله علاج
عادي يروح

 

[ام الفهد712]

تاتكيس حبيتي شي مووو خطير انا فيني الحين وقاعده اعااالج ومعطيني الدكتوووور حبوب مان اسمه ديان35 يعاج التكيس وينظم الدوره ويصفي البشره ويخفف نمو الشعرررر وقالي استخدميه من اول يوم الدوره علشان تنتظم لي 3او4 شهووور واراجعه
لا تحاتين ترى شي عادي

 

[ام الفهد712]

عادي بنات طوفوووو البدليات لان قاااعده بالظلمه وما اشوف الاحرف عدل
خخخخخخخخخخخخخخخخخخخخخخخخخخخخخخخخخخخخخخخخخخخخ
تاتكيس =تكيس
مان=مانع
يعاج=يعالج
لووووووووووووووووووووووووووووول

 

[pink-rose]

والله كلامكم يطمن ويشرح الصدر

مشكورررررررررين خواتي عالرد وما قصرتوا

 

[a.alshly]

علاجه واايد سهل بس اعرضي نفسج على دكتورة وهي بتعالجج وانا اعرف اشكثر بنات كان فيهم التكيس وحملو والله يكتبلج اللي فيه الخير حبيبتي

 

[أمونة الحلوة]

حبيبتي لا تحاتين ترى التكيس مو مشكله صعبه ولا فيها خطورة مثل ماقالولج البنات علاجها سهل ان شاء الله اخذي كلوكوفاج وايد زين واذا وزنج زايد حاولي انج تخففين من زنج شوي وعليج بالمرامية وان اشاء الله خير يارب وتفرحينه الشهر الياي بحمالج يارب بس اهم شي تعالجين عند دكتور يتابع حالتج احسن

 

[كويتيه مذهله 87]

ماعدي حبيبتي كل شي له علاج انا حملت وفيني تكيسات انا راحوا اول شي باعشاب طبيعيه الي هي قرفه وحبة سودا وكمون وحلبة مثل الشاي تشربينهم طول ايام الدوورهه ثلاث تشهر وردوا علي الحين اخخذ جلوووفاج الحمدالله راحوا

 

[pink-rose]

a.alshly
امونه الحلوة
كويتيه مذهله

مشكورين عالرد وان شاء الله عندي موعد علي شهر 2 وبسأل الدكتوره عن الكلوكوفاج

 

[القطانيه]

الله يفرح قلبج يارب ويرزق كل من يبي

 

[djandal]

التكيس عادي و الدوره تتنظم بالحبوب بس المشكله اتمتن هالحبوب انا مجربتها و متنت بسبتها
و بعدين على قولت الدكتوره كل بنات الكويت فيهم تكيس بس يختلف من وحده لي وحده