**(( ودي ابجي على تايلند !! ))**

[ضيا نجد]

السلام عليكم ...

والله ميته من القهر

ودي ابجي ودي اعصب :rgewrg:

تدرون ليش ؟؟؟:0bee2e8d89:







صارلي 10 شهور وانا اقولب بالنت من موقع لموقع ادور عن السياحة بتايلند والاماكن والفنادق والمنتجعات والاسواق


والشوارع حتى من كثر ماقريت عنها حسيت اني رايحتلها ... يعني عرفت كل داعوس فيها .. وصج صج حبيتها من كثر


ماسولفوا عنها ...

حتى الحين السوق اللي عندي ما اطبه واجد اقول اشتري لي رحت تايلند .. لي رحت تايلند ..


عسى الحين مافيه تايلند ::eh_s(11)::eh_s(11):


يقولون فيه حرب وضرب :23_asmilies-com:


وانفجارات :eh_s(13):


ومظاهرات :flower:


ياربي شسوي الحين ؟؟ انا ابي تايلند ياناس ياهوووووووو ابي تايلند:eh_s(1)::eh_s(9):



العام واللي قبله رحت اوروبا هالسنة بشوف شرق اسيا ابي اغير شوي


عمري مافكرت بآسيا والحين يوم خططت لها وحتى الاوراق طبعتها .. تدقر سالفتنا ؟؟


بنااااات شسوي انطر لي شهر 6 واشوف الاوضاع يمكن تتحسن واحجز ؟؟؟ والا اغير؟؟؟ بس ما ابي ماليزيا


ابي ديرة نفس تايلند ... سياحة وسوق ورخص وطبيعة



ابي شـــــــــــــوركم ياللـــــي دشيــــــتـــــــــــــــــوا

تكفــــــوووووووووون​

 

[*((كـارينـا))*]

حبيبتي شحادج على هالمغامره ؟؟؟
بلاد الله واسعــه
وانا انصحج اتروحين عمره .. هذي والله احلى سفره

 

[fat]

لا تبجين ولا تعصبين اهم شي سلامتكم والديار كلهم نفس الشي انا رايحة تايلاند بصراحة حلوة بس خيرة روحي سنغافورة ولا ماليزيا وايد حلوين على الاقل مسلمين وديار نظيفة تايلاند اكلهم مو حلال ومتنا من اليوع بطنا زرع من التوست والجبن

 

[سحر الشرق@]

اه جبتيها عالجرررررح
نفسج بالضضضضبط
كنت بسافر مثل هالوقت ومخططه من شهر 2 لهالسفرة
بس الحمدالله الخير فيما اختاره الله
والله يجعلها اكبر المصايب
الاسبوع الجاي بسافر سوريه ان شاء الله

 

[الغلا؟]

االله يعينج
غير مو لازم تايلند

 

[مسك81]

يا فرحه ما تمت خيره وعسى ان تكرهو شيئا وهو خيرا لكم

 

[DaShTeYa_Q8]

حبيبتي ما انصحج حتى ابوي غير رايه و أهوه بالسنة مرتين يروحلها
الحين مطلعين مناك قانون ممنوع التجول بليل يعني حدكم لي ساعه 10 ويصكون كل شي
و تايلند خااايسة الصبح أحلى شي فيها بلييل .. كل شي عندهم بلييل
سوق الليل والمجمعات و السوااح والوناسة كلها بليل يعني الحين صارت ولا شي
وبعد صكرو فيها جم مجمع و منفجر مجمع يم طووكيو
يعني كلش ما أنصحج .. وو على فكرة تره شرق آسيا بالصييف ما تنبغى خصوصا تايلند و مناطقها

واااااااايد حر خييييييسة شي مو طبيعيي إحنا كنا رايحين شهر 1 بعطله 15
كان بلييل برااد و الصبح حرر هذا شتااهم جذي .. عيل صيفهم شلون ,

حتى أبووي يقوول ماتنبغى .. أنصحج تروحين لها بعطله 15 على شهر 1

تكون أمورهم هدت و خفوو شوي لأن الحين مو أماان والله يعوضج بسفرة أحلى

 

[DaShTeYa_Q8]

إي وحبيبتي صج تايلند رخيصة بس هذا بوقت إلي ماافيه عندهم سوااح " سياحة "

مثلا شهر 4 , شهر 5 شهر 11

يكونون الأوادم دوامات و مو مال سفر .. بس بالعطل إنسي تكون رخيصة تره تغلى و ينصبوون مناك و يغشوون بالأسعار
يعني يبيلهم واحد يعرفلهم عدل بالعطله مايعطونج ويه بس شووفيهم بوقت مافيه سياحة يركضون وراج عشان تشترين
حتى لو بـ 1 باات .. حتى الفنادق بوقت العطل الليله تصير ب 20 الغرفه العادية و وقت مافيه سياحة تصير بـ 7 دنانير و الـ vip بعد لا و يترجونج عشان تسكنين عندهم بالفندق

إذا تبين تروحين لها وودج مو شرط بانكوك لأن المظاهرات كله بانكوك .. روحي الجزر شنق ماي , بتايا , جذي يعني

 

[كوب كابتشينو]

روحي ماليزيا

 

[gogona]

عسى أن تكرهوا شيً وهو خير لكم

 

[حوريه84]

حبيبتي لاتزعلين انا رحت لماليزيا فيها مثل ماتقولين سوق رخيص وجو وطبيعة
وترى تايلند ديرة قذرة والعياذ بالله مو حلوة وياج زوجك وتشوفون هالمناظر

رووووحي لماليزيا ولارديتي راح تبجين عليها

 

[المدينه]

حبيبتي انطري وان شاء الله تتعدل الاوضاع

 

[om-apple]

روحي بلاد الشاي--- سيلان
((( او الهند)))

 

[غزل بنات]

روحي تايلند بس اول ماطبين مطار بانكوك دايركت احجزو وانتو بالمطار علي بوكيت روووووووووووووعه وماعتقد فيها الي يصير

ببانكوك ولما تبون تردون ردو مطار بانكوك واخذو طياره رجعه موشرط اتمشين ببانكوك اصلا كلها ريحه خايسه الي صج روعه بوكيت

والله انا رحت بوكيت وبتايا وبانكوك بتايا تلوع الجبد قذاره وبانكوك زوينه اما بوكيت عجييييييييييييييييييييييييييييييييبه شويه عليها

كل ماشوف تصويرنا انا وزوجي نتشيش نروح لها

واذا خايفين روحي زلمسي رووووووووووووووووعه انا وزوجي ناوين علي زلمسي انشالله دشي علي النت شوفي زلمسي شي

خيالي

 

[** باربي **]

عاد انا ما صارلي جم يوم راده من تايلند مع ريلي
بس الحمدالله وقت الي سافرنا هدت الاوضاع ولمن خلصنا وردينا ثاني يوم شبوا جنهم نطرونا نروح خخخخخ مع انه امه كانت خايفه علينا
بس انا مثلج الا بروح واحنا رحنا بوكيت الجزيرة والمشكله ترى بالعاصمه بانكوك بس صج بوكيت حلوة
بس ترى نهيييبين وحراميه حق العرب الخايسين اكله الزهويه والدود ولا تصدقين وايد كل شي غالي حتى الجناط الماركه التقليد
يبيعونها بسعر عبالهم الاصليه مالت وتخيلي ريلي انقطع انعاله برحله بالبحر مال حمام يييه بيتشري توقعين جم سعره ؟؟؟ 6دنانير!
بسر شراه مسكين منقهر لانه مضطر وغير هذا اكتشف ريلي انه الرسبشن لاعبين ونهابين منا زايدين سعر الغرفه بالغلط لمح الكمبيوتر الي بمطعهم بيدفع ولا يشوف سعر الغرفه انصدم وسأل الريال قاله اي هذا سعر الغرف راح لهم خافوا جان يقولون اي الزياده لازم حق راعي التكسي لانه يابكم زباين قالهم ريلي انا عارف الفندق وانا قايله ودني مو اهوا ودق على التكسي انصدم الريال وقال ما خذيت ولا شي وكان ببيي وتصير مذبحه خافوا وقالوا نرد لك فلوسك بس لا توصلها للمدير البوذيين وغير هذا توني اجيك على جناطي ولا اشوف سعر على جنه ماخذتها بألفين وشي بات ولا اهي بألف وشي بنت الحرام البوذيه قصت علينا وهذا انا شاريه منها جم جنطه يعني نهبتنا عدل ولا موراضيه تخصم دايمن يدبلون السعر 5مرات لمن يشوفونا عرب واشكرة يقولون لنا انتوا عندمن فلوس حتى التكاسي سعرهم خيالي الله ياخذهم حتى هذا التك تك السياره جنها سيايير الهند خخخ وارياييلهم كلهم جنوس وحريمهم كلهم مساج ينادون بالشارع قطيعه
بس انتي وين بتروحين بانكوك ولا جزر؟؟انصحج ببوكيت صج تايلند حر ورطوبه موطبيعيه وخيسه بس حلوة وجوها يتعدل بالليل واذا تبين رحلات الاكشن والمغامرات روحي لها اهيا جنها ميامي كلها عالبيج بس بالليل من تغيب الشمس اشويه الا اطلعت كل شيطان الدنيا والدعاره تغطي حتى الغيم بتنصدمين تبدي البارات والاستربتيز والمصخره والعاهرات امهات شنب يتمشون وكر دعاره كبير عالم غريب الحين عرفت ليش الله سلط عليهم تسونامي بس انتي ما عليج منهم اساسا انتي تكونين طالعه من الصبح رحله تردين المغرب مهلوكين تبين الفراش
بس ما عرفت انتي وين بتروحين فيها اي مكان ؟؟

 

[PAMELLA]

هارد لك :d

عسى ان تكرهو شيئا وهو خير لكم

 

[ضيا نجد]

حبيبتي شحادج على هالمغامره ؟؟؟
بلاد الله واسعــه
وانا انصحج اتروحين عمره .. هذي والله احلى سفره

هلا حبيبتي كارينا .. العمرة لابد منها وانا انشالله مخليتها برمضان
بس بغيت سفرة طويلة وسياحية

لا تبجين ولا تعصبين اهم شي سلامتكم والديار كلهم نفس الشي انا رايحة تايلاند بصراحة حلوة بس خيرة روحي سنغافورة ولا ماليزيا وايد حلوين على الاقل مسلمين وديار نظيفة تايلاند اكلهم مو حلال ومتنا من اليوع بطنا زرع من التوست والجبن

شكرا على المرور fat ... الظاهر ماكو غير ماليزيا

اه جبتيها عالجرررررح
نفسج بالضضضضبط
كنت بسافر مثل هالوقت ومخططه من شهر 2 لهالسفرة
بس الحمدالله الخير فيما اختاره الله
والله يجعلها اكبر المصايب
الاسبوع الجاي بسافر سوريه ان شاء الله

اهلين ام شهودة .. تروحين وتردين بالسلامة

شرايج ننطر لين تتحسن الاوضا ونحجز ؟؟:ggdw:

 

[ضيا نجد]

االله يعينج
غير مو لازم تايلند

هلا والله يالغلا بس حطيتها ببالي !!

يا فرحه ما تمت خيره وعسى ان تكرهو شيئا وهو خيرا لكم

هلا بالمسك والعنبر ... والله على قولتج يافرحة ماصارت ولا راح تصير !!!

حبيبتي ما انصحج حتى ابوي غير رايه و أهوه بالسنة مرتين يروحلها
الحين مطلعين مناك قانون ممنوع التجول بليل يعني حدكم لي ساعه 10 ويصكون كل شي
و تايلند خااايسة الصبح أحلى شي فيها بلييل .. كل شي عندهم بلييل
سوق الليل والمجمعات و السوااح والوناسة كلها بليل يعني الحين صارت ولا شي
وبعد صكرو فيها جم مجمع و منفجر مجمع يم طووكيو
يعني كلش ما أنصحج .. وو على فكرة تره شرق آسيا بالصييف ما تنبغى خصوصا تايلند و مناطقها

واااااااايد حر خييييييسة شي مو طبيعيي إحنا كنا رايحين شهر 1 بعطله 15
كان بلييل برااد و الصبح حرر هذا شتااهم جذي .. عيل صيفهم شلون ,

حتى أبووي يقوول ماتنبغى .. أنصحج تروحين لها بعطله 15 على شهر 1

تكون أمورهم هدت و خفوو شوي لأن الحين مو أماان والله يعوضج بسفرة أحلى

اجواء تايلند استوائية على طول مدار السنة يعني درجة حرارتها وحدة

والغلاء يكون بشهر 1 علشان الموسم عندهم مولع نار


شاكرة مروركم حبيباتي

 

[ضيا نجد]

روحي ماليزيا

عسى أن تكرهوا شيً وهو خير لكم

كوب كابتشينو و gogona

شاكرة مروركم واهتمامكم بالموضوع

حبيبتي لاتزعلين انا رحت لماليزيا فيها مثل ماتقولين سوق رخيص وجو وطبيعة
وترى تايلند ديرة قذرة والعياذ بالله مو حلوة وياج زوجك وتشوفون هالمناظر

رووووحي لماليزيا ولارديتي راح تبجين عليها

حبيبتي حورية .. زوجي مو راضي يقول ماليزيا زحمة خليجيين

يعني ماتاخذين راحتج تمشين وتسلمين من كثر الناس اللي تعرفينهم رايحين لها ..

ودي بديرة غريبة شوي !!

 

[سفرجل]

اي والله كنت ناويه اروح
بس كنت بروح بوكت مااعتقد فيها شى بس المشكله لازم انطب بانكوك
يالله خيره