اللي أعرفه بكل تجارة انج لازم تحسبين الخسارة أكبر من الربح وتخلين احتياطي له ’’ في حال ما كمل أو ما مشى موضوع المشروع ,,
وتكلفة مشروع حلا وفطاير مو بحجم تكلفة الملابس ,, أرخص بوايد ,, اذا الحلا والفطاير بشكل يديد والطعم حلو وتم تجربته من قبل الأهل ورفيجاتج وعجبهم ابدي وتوكلي .. واذ احد انتقد من ناحية الطعم حاولي ترضينهم بالاخير اهم بيكونون زباين شغلج واللي راح يشهرونه من بعد دعايات انتي تسوينها ,, مثل ( معارض + برودكاست + تويتر+ فيس بوك + حملات خيرية ,,الخ الخ )
واذ ناوية تفتحين محل هذي شوية فيها لوووية من ايجارات + واذا بتشترين مكان لازم تراجعين كذا وزارة وتتخذين الاجراءات اللازمة ,, غير الديكور من أثاث ولون مناسب للحلا والفطاير اللي مسويتهم ,, وتوزيع الكهربا داخل المحل + العاملات وصعب هالايام تلقين وحدة أمينة .. كاشير+ثلاجات عرض وفريزر حفظ بعد العرض .. لافتة المحل نفسها باسم مشروعج ومصممها ..
عندج التكليف بالطلبيات + توصيلها .. مثلا لمناسبات سواء كانت كمية كبيرة أو صغيرة ,, واذا منتي حاطة خدمة توصيل سوي نفس بعض البنات يسوون طلبيات الناس ويودونها المحل بنفس اليوم تستلمه ,, هذا اذا منتي مبطلة مطبخ تحضيري داخل المحل عشان تسوين فيه الطلبيات ,, لأن أغلب عمل الاوردرات تكون بالبيت بس المحلات الكبيرة تسويها داخل نظرا لكبر المساحة والايدي العاملة وكل هذا من الشهرة من حيث الشكل ( اذا انتي بالكويت ) ثاني شي الطعم ,, وهذا اللي حاصل حاليا ,,
انا مالي تجربة بس ولد خالي عنده محل حلويات معروف بالكويت وانتشر اسمه بسرعة البرق ما شاء الله نظرا لطعمه واهو مختص بس ككاو ,,وعندي جم وحدة من رفيجاتي يعطيهم العافية لهم محلات فطاير ,, يعني لو تتخصين بفطاير أو حلا يكون أحسن لج من حيث الوقت والايرادات والشهرة واهم شي تختارين اسم يناسب الطعم ..
وموفجة ان شاء الله ,,
