ودي أروح عمرة ،،، لكن...

[أســيــل]

حبيبتي اذا ودك على قولتك لاتخلين بنفسك شي
وانا من المدينه والحمدلله ماصاار فيناا شي ولا سمعناا ان احد صاار فيه شي
توكلي على الله واستودعي نفسك
وان شاء الله مايصير شي واستخيري وشوفوي وش اللي ترتااحيله امكن هالمره سمحلت الفرصه ماراح تسمحلك مره ثاانيه
وانا بعد برووح آآخذ عمره بس برمضااان :eh_s(6):

حبيبتي لاتخافي اذا ودك تروحي لاتخليها بنفسك وتوكلي على الله
وخذي ابره احتياط بس انا من اهل المدينه واشوف اشكال والوان بالحرم بس الحمدالله ماصابني شي
والله يكتب لك اللي فيه الخير

هلا والله باهل المدينه
وانا اقول ليه دخلتي قلبي
من وين من المدينه >>العن ام القاافه :dddds:

 

[ياعشيري جعلك السلال]

احنا 2-8 رايحين انشالله

والي الله كاتبه بيصير

 

[*عزيزة نفس*]

اذا انتي متخوفه روحلي لدكتورج اللي عارفه حالتج واستشيريها في الموضوع

والله ييسر امرج :yaaaaaarb:

واذا رحتي الله الله بالصوغه الحلوة مو تنسين خواتج_03BA:

وهذا اللي ناوية أسويه إن شاء الله

وبالنسبة للصوغة :klhfl: إنتي بس قوليلي اشتبين وأبشري من عيوني...

 

[*عزيزة نفس*]

shjoon & سعودية كوول & حياة زوجي & أســيــل & يا عشيري جعلك السلال

مشكورين على التجاوب والتحفيز...
أختي shjoon أشكرج عالنصيحة.. ومتأكدة إنج ما تبين لي إلا الخير لكن صعبة علي ألغي وآنا كنت متحمسة لها..
وأبشري إنتي والخوات بدعوات صادقة أدعي لكم فيها في أطهر بقاع الأرض...
يا عشيري جعلك السلال ... احنا كانت طيارتنا على 2/8 وجدمناها يوم أستقبلج هناك إن شاء الله *الفندق جراند زمزم*
وجزاكم الله كل خير

إختكم عزيزة نفس

 

[مهموومه]

حرام عليج انتي حجزتي
توكلي علا الله والبسي ماسك او قناع
الله يتقبل منكم

 

[*عزيزة نفس*]

أرد و أقول ماله داعي مو من الدين إلقاء النفس في التهلكة خصوصا للضعفاء جسميا
اليوم كان في أخبار عن توصيات بمنع حج و عمرة اللي أقل من 12 سنة و أكبر من 65 سنة بسبب ضعف المناعة
و إنتي مناعتك ضعيفة فيفضل لك تنطرين لفرصة ثانية و خصوصا أكرر خصوصا إنها عمرة عمرة يا ناس مو شي واجب و اللا ضروري
ليش نتدافع على الفاضي
خلي اللي حج يقعد ها السنة و يعطي فرصة للي عمرهم ماحجوا و حتى يقل ها التدافع البشري في المشاعر المقدسة !!
للأسف أغلبنا المسلمين ما نفكر إلا بشكل أناني و مندفع عاطفيا
قعدي يا بنتي و وكلي أمرك لله ييسرها مرة ثانية و بظروف أفضل !!

إختي والله من هالردين حبيتج لله في لله أحسج حيل نصوحة،،، وكلامج صدقيني مو قاعدة أقراه بعيني أحسه دش في قلبي:tek:

آنا سألت شيخ ثقة - هذا ولا أزكي على الله أحد- وقالي يجوز أداء العمرة مع أخذ الاحتياطات وأكل العسل مع حبة البركة..
وآنا أهل زوجي توهم رادين والحمد لله ،،، الله ردهم سالمين غانمين،،، وهم رفيجتي توها رداة من العمرة والحمدلله...
وآنا أكيد باستخدم الكمام وآخذ لي دوا وآكل حبة البركة والله الحامي...

مشكووووووووووورة عالكلام الطيب وأكيد ما طلع إلا من قلب طيب
شاكرة لج تواجدج وحضورج الكريم

أختج/ عزيزة نفس

 

[*عزيزة نفس*]

حرام عليج انتي حجزتي
توكلي علا الله والبسي ماسك او قناع
الله يتقبل منكم

الحمد لله عزمت أروح ... والله الحامي
وآنا متفاءلة ،، وإن شاء الله ما راح يصير إلا كل خير
مشكورة عالتشجيع ..


أختج / عزيزة نفس..

 

[dodowa el7elwa]

الله يووفقج حبوووووووووبه.....

 

[بطاط مهروس]

حبيبتى توكلى هلى الله ...... وروحى اذا على الانفلونزا كل مكان والله الحافظ

 

[ScarletteO'Hara]

انشاء الله تروحين و تردين بالسلامة
ديري بالج على عمرج
و لا تنسينا بالدعاء

 

[*عزيزة نفس*]

dodowa el7elwa & بطاط مهروس & ScarletteO'Hara

حياكم الله ... الله يبارك فيكم ويمدكم بالصحة والعافية

*عزيزة نفس*

 

[AL-7ooR]

اتصدقين نفس حالتي انا بعد ناوية اروح العمره على تاريخ 7-8 بس حدي خايفة لانه معاي اعيالي ووايد خايفة عليهم ريلي يقولي لا تخافين ماراح ندخلهم داخل الحرم واحنا نحط بالنا يعني نلبس ماسك من هالسوالف بس مادري ودي اروح بس وايد مترددة وانا اعيالي نتفه واحد 7 اشهر والثاني 3 سنين

 

[*عزيزة نفس*]

إختي الحور ما أنصحج تاخذين عيالج ،،يعني إحنا كبار ونحاتي فمابالج الصغار..
وعلى قولتج راح آخذ الاحتياطات..
وسمعت إنه العسل الطبيعي وحبة البركة والزنجبيل ينفعون بإذن الله لرفع المناعة...
والله الحافظ

 

[كريستال ليدي]

تروحون و تردون بالسلامة انشالله

 

[*عزيزة نفس*]

تروحون و تردون بالسلامة انشالله

الله يسلمج إختي ومشكورة عالدعوة الطيبة

 

[aquamarine]

بنات تدون انا وين .. انا بامريكا يعني بعز انفلونزا الخنازير وتدرون شنو صار ؟!!! اول ماكنا بمطار الكويت ولا الكل شاد حيله ولابس كمام وبس وصلنا امريكا ولا احد لابس ولا جنه اكو شي عاد سألنا جم واحد بالمطار وبالمستشفى وبيت جيرانا الكل قال ان ماكو شي اسمه انفلونزا الخنازير كله كلام فاظي يقصون على الدول اللي عندها فلوس ومايدرون شيسون فيه (نفس الكويت) فيسون ادويه واجهزه واحنا مثل الميانين نشتري وانقط الفلوس .. قلنالهم وشلون على اللي صار فيهم قال الدكتور هذي انفلونزا عاديه بس انتو مكبرين الموضوع الحين صارلي هني شهرين لا سمعت بجريده ولا تلفزيون ولا مجله !! بالله فسرولي هالشي

 

[*عزيزة نفس*]

مشكورة إختي ...
وإن شاء الله ماكو إلا العافية
والله يردج للديرة سالمة غانمة..
صج بعد ردج ارتفعت معنوياتي أكثر وأكثر..

 

[pama girl]

خل تتوكل عل الله انشاءالله ماكو الا كل خير

خالي توا راد من العمره من يومين


الحمدلله رب العالمين مافيهم الا كل خير

 

[السلسبيل 2005]

تروحين وتردين بالسلامه
بس الحين لازم تاخذين تطعيم من اقرب صحه وقائية عندكم ولازم يعطونج ورقه لان ماراح يدخلونج السعوديه الا اذا شافوا الورقه معاج اهلنا توهم راييحين واطلبوا منهم الاوراق مالت التطعيم.
والله يسهل دربج

 

[علولي]

حبيبتي
انا ساكنة بمكة وكل فترة بالحرم
والحمد الله ما صابنا شي
توكلي على الله
ويلا خلينا نشوفكم جميعا
ونتعرف عليكم