ودي أخذ قلبي وأقطة اب أكبر زباله

[Shasawi]

السلام عليكم جميعا وعيدكم مبارك ولو انها متاخره موداشه سبوع كنت مريضه
انا الحمدالله احسن واييد والله من كتبت الموضوع هني وايد صرت احسن انا متاكده كله من دعائكم وكل الكلام اللي انتو قلتوه على عيني وراسي وادري كله صح بس ماكنت اقدر اطبقه قبل والحين الحمدالله قاعده اطبقه ومشكوووووورين وايد انكم تدعونلي وتنصحوني ومعطيني من وقتكم هالشي وايد رفع معنوياتيييييي حسيت اني فقدت انسان تافه ولا يسوى وكسببببت ناس وايد تنحط عالراس

 

[manarah]

سالفتج سالفه .ز انا مابي اقولج انتي غلطانه هذا شي مفروغ منه بس اهم شي الحين مثل ما قلتي تتقربين من ربج وتنسينه وتعيشين حياتج وتطورين من نفسج واللي الله كاتبه لج بيصييييير .. الله يكتبلج الخير والصالح انشالله

 

[نــوي]

امبيييييييه والله حرام هالنوعيه من الصبيان عايشين في هالدنيا
يجذبون على خلق الله ويحرقون قلوبهم ..
القلب لين احترق في البنت خلااااص مايرد مثل قبل
الله يعينج ..

 

[نــوي]

شوفي بيني وبينج اهي مسأله وقت الحين ومارح تحسين بنفس الضيجه..
وبعدين ترى في بنات مشاكلهم تصير بعد الزواج يعني قولي الحمدلله انج مارتبطتي في انسان مثل هذا
وانتي ذهبه تستاهلين انسان يحبج ويخاف عليج ومايشوف غيرج .. والاهم من هذا كله يكون صادق معاج
صدقيني انتي تعلمتي درس وراح تحسين بتغيير وراح تعرفين تميزين بين اللي يجذب واللي يقول الصج

 

[وردة-الكويت]

غريبه للحين ماتقفل الموضوع

 

[_ظل الياسمين _]

غريبه للحين ماتقفل الموضوع

لانه الموضوع بحاااجه الى تعاااطف اقوى من جذيه :dddds:


:0bee2e8d89:

 

[أدري طيبتي غلطة]

آمبيه اقرى وانا ابجي بجي .....~
عورتي قلبي حيييييييييييييل ........~
والله تحطمت ....~
لو انا مكانج مت من زماااان.........~
صدقيني مرده بتحسف مليووووون مرررررة ........~
لان الانسان مهما كآن يحن لحبه الاول .....~
فديت قلبج ...........~
والله يرزقج بولد الحلآل اللي يسعدج يارب...~

 

[جوري وبنفسج]

السلام عليكم

أعتبريها تجربة خطأ وأنتي أخذت منها درس مهم ... وقلبج مو رخيص حتى تقطينه بالزبالة

محد يستاهل أنج تخسرين أحترامج لنفسج أو تذلين نفسج علشانه ألا رب العالمين

وتوبي عن سيئاتج وأبدأي صفحة جديدة مع ربج وحاولي تحيطين نفسج بصحبة صالحة تعينج على الخير . ​

 

[Shasawi]

ارد واقول حق البنات اللي ردو كلكم مشكوووورين وادري كلامكم صح وادري الانسان لازم مايذل نفسه احد ولا في اتحد يستاهل والحمدالله انا الحيين احسن ومشكووووووريييييه انكم تقرون موضوعي وتردون عليه

لانه الموضوع بحاااجه الى تعاااطف اقوى من جذيه :dddds:


:0bee2e8d89:

انا مابي اسيء الظن ولاادري انتو شنو قصدكم لكن اذا كان استهزاء فاقول حق الاخت ريحانه والاخت ورده انا موكاتبه الموضوع عشان الناس تطبطب علي وتتعاطف الف مره قلت هالحجي اانا كاتبه الموضوع عشان اللي يفكرون يغلطون غلطتي يتراجعون وبــــــس!!

 

[نــوي]

ارد واقول حق البنات اللي ردو كلكم مشكوووورين وادري كلامكم صح وادري الانسان لازم مايذل نفسه احد ولا في اتحد يستاهل والحمدالله انا الحيين احسن ومشكووووووريييييه انكم تقرون موضوعي وتردون عليه



انا مابي اسيء الظن ولاادري انتو شنو قصدكم لكن اذا كان استهزاء فاقول حق الاخت ريحانه والاخت ورده انا موكاتبه الموضوع عشان الناس تطبطب علي وتتعاطف الف مره قلت هالحجي اانا كاتبه الموضوع عشان اللي يفكرون يغلطون غلطتي يتراجعون وبــــــس!!

طولي بالج البنت ماستهزئت بس قاعد يسولفون عشوائي ترى في كل موضوع البنات يتكلمون مني مناك مو شرط الكلام متعلق فيج..
لاتخلين اي شي يأثر فيج خلي بالج وسيع وخليج عادي

 

[ام قريش 501]

تكفين انسي السالفه و عيشي حياتج حياه عاديه مع رفيجاتج و اهلج و الجو الحلو معاهم و دوامج
انسي السالفه و تمسكي بالعباده ترا هذا احسن حل

 

[M!$$.3NoNa]

من صجج مسويه بروحج جذي عشان هل نعال < اسفه ومحشومين كللللللللللللللللكم فديتكم بس جد نعال

وبعدين اهو الي خسر مو انتي !! ليش ماعطته اكبر من حجمه ليش !
مو هو قال صفحة ونطوت ليش ماتشقينها بدال لاتطوينها !!

وقسمن بالله سالفتج ذكرتني بيام غبره لعنت الله عليها من ايام << خذاها الحماس
خل يولي بلعنته هو الي خسر مالت على التفكير المريض انسان معقد وراعي بنات .. ربج حابج شالج من طرررررررريجه

بس انا زعلانه عليج والله ماعطته اكبر من حجمه خلي الدنيا تمشي انتي الي بتتعبين انتي الي بتخسرين

ليش هو عايش حياته وكل يوم احلى من الثاني وانتي دافنه روحج ! عسى مااااشر
ليش ماتحبين نفسج ليش ماتغيرين جو
سافري غيري جو رجعي احسن من اول خلاص اعتبريه مااااات يعني لو ميت بيرجع لج !!!

خلاص هو مات
احين انتي لما تفتحين الدريشه وانتي تسوقين وحذفتي شي ف الهوااااا تقدرين ترجعين تاخينه !

خلاص طار طار طار راح مات اختفى ذاب دمارن دمره



حبي نفسج وعيشي حياتج يمكن ربي خاشلج شي احسن !!


وعسى ان تكرهو شيا وهو خيرلكم


والله بعوضج بلي يستاهلج يا الحناااااااااااااااانه ( على فكره واضح من موضوعج انج صج صج حنننننه هههههههههههههههههههههههههه اضحك وياج لاتزعلين )

 

[M!$$.3NoNa]

السلام عليكم جميعا وعيدكم مبارك ولو انها متاخره موداشه سبوع كنت مريضه
انا الحمدالله احسن واييد والله من كتبت الموضوع هني وايد صرت احسن انا متاكده كله من دعائكم وكل الكلام اللي انتو قلتوه على عيني وراسي وادري كله صح بس ماكنت اقدر اطبقه قبل والحين الحمدالله قاعده اطبقه ومشكوووووورين وايد انكم تدعونلي وتنصحوني ومعطيني من وقتكم هالشي وايد رفع معنوياتيييييي حسيت اني فقدت انسان تافه ولا يسوى وكسببببت ناس وايد تنحط عالراس

لووووووووول ايوا جذي _03ba:

 

[EleGanZa]

سالفتج تعور القلب ..

بس اهوه ما يستاهلج ..!! صج مو كفوووو يركضون ورا بنات الشوارع استغفرالله ..

الله يعوضج بالزوج الصالح اللي يسعدج وينسيج طوايف اهله كلهم

 

[إمـــاراتـــيهـ]

متاابعه ...

الحمد لله صرتي احسن و ربي يعوضج بالأحسن ان شاء الله..

 

[M a y a]

اختي موضوعج بصراحة يعور القلب

لكن نصيحتي لج .. حبي نفسج اول .. خلي كرامتج اول .. كفايه اللي انداس منج

شتبين بعد ؟!!! الحب ابد ابد ابد ما كان بهالطريقة صدقيني

اهتمي بنفسج اكثر الحين وطلعي واستانسي وخلج مع اهلج وغيري من ستايلج وتطوري في شغلج !!

ترى وايد انهانيتي بصراحة حرام تضيعين ثانية وحده زيادة على شخص جذي !!!!!! لا تضيعين وقتج اكثر

 

[Miss.Piano]

اهم شي انج تتعلمين شلون تكونين عزيزة نفس

و ما تقطين نفسج قط ..

و اذا ردلج .. ما تردين .. لأنه مو كفو !!

الحين اهو قاعد ببيتهم مستانس .. وانتي مضيقة خلقج ؟؟ ليش بالله ؟؟؟؟

مامااااا الريال نذل !! مو حاس فيييييج .. خلج انذل منه حبيبتي انتي !!

استااانسي بيووومج فرفشي

الحياة جدااامج .. طلعي ويا اهلج .. رفيجاتج .. بنات خالاااتج

سولفي وياهم ضحكي نااااقزي سوي اللي تبيييين .. انسيييييه !!!

لا تقولين ماقدر انساه
امبلا تقدريييين

اذا استمريتي على وضعية انج تسولفين ويا رفيجاتج و تطلعين

صدقيني راح تنسيييينه .. راح يمر ببالج شوي .. مو نفس قبل

بعدين بتشوفين انها مجرد علاقة عاابرة ..

صحيح ان كان بينكم شغلات وااايد و ايام ما تنسي .. بس والله مع الايام نظرتج

لهالعلاقة بتتغير ,,,

اهم شي لا تضيقين خلقج .. ترى اهو الحين اكيد مستااااانس و ناسيج و مودايرلج بال

عشان جذي خلج قوية .. وانا ادري انج اقوى من جذي ماشالله عليج

من اولهاا تعلمتي الدرس عدل ,,, مو نفس بعض البنات اللي انشالله مرت بـ 5 تجارب

هم تقط روحها عالصبي قط !!! :s

المهم انج عرفتي غلطج وين .. و عرفتي انج تتميزين بالحنة شوي .. و تقدرين تعيدين النظر لهالصفة فيج

عساس ما تسببلج مشاكل مع زوجج بالمستقبل ,,,

و خلج عزيزة نفس .. و بس



اتمنى تكون نصايحي فادتج

 

[bent-oboha]

حبيبتي سمعيني عدل
اولا حتى لو ضليتي معاه وتزوجتي ما ضني ان الانسان الي قادر يتحمل مسؤلية بيت وعيال
ثانيا شلون يرضا اخوه يطلع معاكم مايغار مايخاف على بنات الناس
ثالثا لو احبج خاف على سمعتج مو يوما بمكان عام
روتين حياتج وحياته خلاج تتعلقين بشخص ماضني حبج ضيع وقت فقط
الحنه لازم تتخففين منها وانتي اعترفتي بنفسج انج وايد تحنين
انيي لشي الأهم تبين ترتاحين تبين تنسين عندج اهل تنحسدين عليهم مشاءالله
خلج مع ربج قومي توضي مسكي القران اقري اقري اقري صلي صلي صلي
داومي نصيحه غيري تلفونج عشان ماتعشين على امل بدقلج
مو انسان خير عشان بتموتين عليه خيره خيره بعاده
ربج ربج ربج واستفيدي من تجربتج
سمعتج تكانتج ثقلج حيائج احلا ما في البنت
يلا ابدي التغيير واي شي انا حاضره ومعاج​

 

[oranGe~Girl]

ياحبيبة قلبي انتي

قطييييييييه بالزباله قطيه

الله يعوضح خير ويصبرج

 

[SORAYA]

عورتي قلبي
حالي من حالج// اقرا لج وعن طريقتج جنج انا ونفس الكلام اللي يقوله لي بالضبط....
لي الحين بقلبي حسرة

مادري بشنو انصحج انا مثلج احوج الناس إلى نصيحة
تشوفين الوحدة فينا اخلاق وعقل وشخصية بين الناس لكن انسان واحد ما يفرق عن الناس يهز قلبج بكلمه والا نظرة و الامتياز الوحيد اللي عنده انج اتحبينه، احنا عطيناهم هالصلاحية الغير مستحقة، انه نحب من كل قلب ونسامح ونطوف على حساب كرامتنا وان احنا ندوس على نفسنا بحجة الحب تضحية وعطاء و نبادر لان المراة لازم اهي اللي ترضي الريال وتكسبة باسلوبها واثري احنا فاهمين الدنيا غلط ومخدوعين بمفهوم الحب وما نعرف انه مثل ما علينا لنا وقبل لا نعطي لازم ناخذ لان هالانسان مو زوجج هالصلاحية محد يستاهلها الا ريلج حلالج اللي اان اعتبر نفسي ظلمته مع انه بعده ما يه بس ان شالله اذا الله كتب لي الزوج الصالح صج بحس اني قصرت بحقه لاني حبيت غيره قبله مع انه الحمدلله الوحدة فينا ما تمادت بعلاقتها ولكن كافي انه عاطفتج صارت لواحد ما يستاهل وجزء من قلبج مات. ماله داعي الوحدة اتحس انها ماتت من داخل و موقادرة تعطي بعد ولا قادرة اتحب حتى ريلها. ما اتوقع لو اتزوجين الحين بيكون اهو حل المشكله. لان النسيان في الوقت الحالي هو الحل الوحيد. انسي مثلما انا قاعد احاول انسى ومرات اتناسى واذا طرا على بالج يا انج تحاولين اتوخرين طاريه بأي شي تشغلين فيه نفسج أو انج تذكرين وتنزلين جم دمعة واتعوذين من ابليس وتدعين ربج ودموعج ليلحينها على خدج ترا دعوة المظلوم مستجابة و مو شرط تدعين عليه ممكن تدعين لنفسج، و خلي املج بالله كبير رب العالمين ارحم الناس بعباده وما يتخلى عن احد لو مهما الناس بعدو عنه، اللله حنووون يا اختي احن علينا من اهلنا ، بس اطلبي رحمته ورحمته وعنايته بتشملج من حيث لا تشعرين، لا تخلين حياتج تتوقف عند انسان واحد وهالدنيا متروسة بشر اشكال والوان وفيهم الشي والزين مو كل الرياييل مثل اللي حبيتيه، ولا تخلين هالانسان يخليج اتحسين انه محد يحبج مرات الوحده اتحس انه الله مو راضي عليها لانها خلاها تعيش هالتجربة، احنا منو عشان نحكم على قضاء وقدر رب العالمين اذا كان ابتلاء والا بلاء. احنا عباده وله ان يفعل ما يشاء فينا. ولازم نرضا ونسلم وما نخلي تجربة وحدة سيئة تحول حياتنا الى حجيم وتغير نظرتنا للأمور بحيث انها اتصير سلبية وسوداوية. ترا اللي يبي يدور على الحزن يلقاه ، اسهل شي انه الواحد يحزن عطيني 5 دقايق بروحي افكر لج بجم شغلة حزينة بحياتي وابجي، لكن صعب انه الواحد يرد يضحك ويبتسم/// مو لانه ما في شي بهالدنيا يفرح بالعكس لان احنا تغيرنا من الداخل وماعدنا نحس بأي شي لا صغير ولا كبير. بس مع هذا حاولي تبتسمين تضحكين اتفرفشين حتى لو مو من قلبج حتى لو من وقت لي وقت حتى لو مجاملة جدام الناس على الاقل عشان امج اللي وقفت معاج خل اتطمن بالها عليج شوي،صدقيني مع الايام بتخف الضيجة وبيخف الاكتئاب، بس حتى لو ما راح حتى لو مر العيد او عيد ميلادج او ميلادة او اي يوم مميز في اجندتج و حزنتي ازيادة، ماعليه هذا شي طبيعي مو معناته انه حالتج انتكست //تقبلي الحزناذا تقبلتيه راح تنسينه ومع الايام الحزن بينساج ويفارج عنج، صدقيني مامن ضيقة الا وبعده فرج وما من شده الا وبعدها سعة.. والانسان لجم ودم وعظم مو ماخذ منها شي ولابد اتيي له لحظات او ايام يتذكر وينزعج اكثر من ايام فهالشعور لا يخليج تظنين انج فشلتي بالنسيان او ادقولين ما اقدر يمكن هالسنة بيمر عيد ميلادج وبتحسين انج ما كبرتي سنه لانه مو معاج عادي فكري ابجي كتبي حزنج ومشاعرج على ورق وقليهم بالبانيو ورشي عليهم ماي شايفة الحبر شلون يروح،، الانسان بكبره يروح من الدنيا تبين ذكرى علاقة اتعيش للابد؟ مستحيل،، حتى الريال تموت زوجته فترة وبعدين يكمل حياته،،، كملي حياتج انتي بداية عمرج وشبابج واللي بتعيشينه ان شالله يكون احلى من اللي عشتيه. لا تفكرين بالمستقبل وحياتج المستقبلية كزوجة وام اذا الله كتب راح يقودج للتفكير بالماضي،، فكري بالحاضر واشلون اتقوين نفسج بعدين فكري بالمستقبل. خلى عندج اهداف واضحة لكل مرحلة يعني ركزي على اشياء معينه بتصلحينها في نفسج ولمن اتخلصين منها حطي ابالج اشياء بتسوينها تكافئين نفسج وبعدها بمده سوي اشياء لناس انتي اتحبينهم وايحبونج هالشي ضروري لازم اتحبين نفسج عشان اتحبين الناس ولازم اتحبين الناس عشان قلبج يقدر يحب من يديد. هذا دوا القلب وجذاب من قال القلب يموت. بالدعاء يقال: يا مقلب القلوب ثبت قلبي على دينك ومعروف القلوب بين اصبعين من اصابع الرحمن يقلبها كيف يشاء. لا تقطين قلبج بالزبالة بإيي يوم وتحتاجينه. قطيه اهو بالزبالة. وقطي حياتج القديمة ورا ظهرج.


إهداء///لا تبكين على الطلل وعلى الحبيب اذ رحل
واقطع من الرحم الذي بك في المناسبة اتصل
سيان عندك فليكن من لم يصلك ومن وصل


وعلى الهامش// للقلب على الانسان سطوة//
"فقدتك يوم كل مع احبابه
وانا مثل اليتيم اللي هموم القلب يخفيها"

واذا تبين اي شي تواصلي معاي علخاص يمكن نقدر انساعد بعض في مهمة النسيان