ودي أخذ قلبي وأقطة اب أكبر زباله

[Shasawi]

ارد واقول كل اللي رديتو علي مشكورين وايد وايد ماقصرتو واسفه ماقدر ارد عليكم كلكم

كل اللي قالولي تقربي من ربج وصلي..
تره انا من قبل لانتهاوش كنت اتقرب من ربي اكثر واكثر...
وكنت ادعي اذا مونصيبي الله يبعده عني..
واذكر مره منالمرات قبل لانتهاوش بجم يوم الفير كنت قاعده ابجي وادعي ربي
واقوله يارب مابي شهاده ولا شغل ولا فلان ولا احد بس ابي انت ترضى عني
وسبحان الله يمكن هذا ربي استجاب دعائي وابعده عني مادري..
والحين تقربت اكثر واكثر واصلي صلاة الليل واقرا قرآن وكل شي والف الحمدالله
وصح كلامكم انا قمت افكر جذي اقول حتى لوذلني وانا الحين احسه احسن مني ومستانس
وانا اهني تعبانه خل اتذكر اني انا عالاقل اصلي واقاعده اتقرب من ربي هذا سبب كافي اني اشوف نفسي عليه
وقمت اقنع نفسي انه الدنيا مثل ماقال الرسول علية الصلاة والسلام انه الدنيا مثل ظل شيره يظللج شوي ويروح..
وقمت دايما ادعي انه الله مايخلي احد بقلبي غيره ويخلي الدنيا اخر همي
قمت دايما افكر انه انا بالدنيا جني مسافره ديره غربه مايهمني شيصير فيها لانه مردي برد ديرتي الثانيه..
والف الحمدالله الحين انا احسن من قبل بس ليلحين احس فيني جرح واحس بضيقه
اتمنى محد يلومني احس انا بالذات صعب علي انسى... لانه كان زين معاي وماشفت منه ولانص غلطه
شفت بنات كلمو وشفت شباب وشفت شوفت بس مثل هالانسان ماشفت.. الله يخليلي ابوي ويطول بعمره
بس فلان كنت احسه ظهري كنت احس عادي لو اي بلوه تصيرلي بالدنيا دام فلان معاي كنت احس محد يقدر ياكل حقي ولا يجرحني بشي واهو موجود ياربي كنت احسه ظهريييي صج صج ظهري لانه كان جدمي فعلا ريال وكان الكل يخاف منه وهيبه وامه واهله وبس معاي انا غير حنون وطيب ومايرضى علي وفوق هذا كان طبعه يعجبني من جميع النواحي انا حبيته بعقلي قبل قلبي كنت اقول حق رفيجتي فلان مفصلي تفصيل بس انا ليش ماحبه؟؟ ماكنت ادري ... عرفتو شلون يعني لمه احد يكون مفصل حقج تفصيل بكل شي.. ويكون ذهبه معاج
ماتشوفين منه ولاغلطه كافي انه مايرضى احد يقولج نص كلمه والله لواتضايق من احد ولا احد يسويلي شي بالشارع ويكون بالبر ولامكان بعيد يهد ربعه وينزل ايني كنت احس صج مايرضى علي.. العلاقات كلها تمر بفتره فتور كل ماطالت.. انا فتره الفتور هذي ماعرفتها كل ماطالت العلاقه كل ما صرنا اقرب وتكلمنا اكثر ودخلنا فبعض اكثر وصرت اقرب حق اهله وصار اقرب حق اهلي...واخر شي ينقلب ويوريج ويه عمرج ماتخيلتي تشوفينه؟؟ يعني لوالفتره اللي فاتت غلط معاي نص غلطه لو قصر معاي لو1% لا ماسوا جذي صعدني سابع سما ونزلني سابع ارض بثانيه وحده مافي بين البينين
ناس وايد يمرون بحياتنا ويطلعون.. بس في ناس تتوقعين يمكن يطلعون من حياتج لكن موبهالطريقه...
ادري غلط ليلحين اتذكر الاشياء الزينه اللي سوالي ياها.. وموعبالكم ابررحقه انا ابرر حق نفسي اني صدقت..
انا احس راح انسى واعيش حياتي وكل شي تمام بس يظل جزء مني مجروح مايطيب الا اذا اهو ندم وحس محد يسويله ولايعرفله كثري..
او عالاقل اهو والي مثله.. يستوعبون انه الله مايرضى بجذي.. صج العلاقه حرام لكن في طرف بالعلاقه نيته كانت صافيه.. وفي طرف لا.. هل الله بيحاسبهم اثنينهم نفس الشي؟؟ والله مادري

 

[rosemary]

واااااي عورتي قلبي حسييت بكل شي قلتييه

بس نصييحه اهياا اولها صعبه وبجي بس انتي تغلبي على هالشي لهي نفسج طلعي استانسي

انسي وتناسي طلعي مع بناات وضحكي وروحي وتعالي واستانسي ترا مو ماخ>ين من الدنيا شي

ريحي نفسج ولاا تخلين روحج فاضيه عساس ما يمديج حتاا تفكرين بشي ولاا تقعدين بروحج

دايما قعدي ويا احد وطلعي لانه من تقعدين بروحج كل الوساويس بترجعلج

ويارب تنسينه وتنسين اللي خلفه وياخ>ج اليي يستاهلج ولاا يهمج شي

 

[((shoOoshoOo))]

والله والله عورتي قلبي

الله يعوضج باللي أحسن منه مليوووووووون مرهـ

 

[نفـــائس]

ولله ما ادري شقولج بضبط

الصراحة انتي اسلوبج يطفش كم مره قلتيله لادق كم مره قلتيله نقطع العلاقة وانتي عشره معاه تعرفين شنو يحب مايحب

انا اتكلم عن نفسي

انا ما احب الحنة واللي بقعد يحن على راسي بشغله يبيها مني اعاند وليما يوقف عن الحن يلا اسويها وكل ما يحن زدت عناد

يمكن هو نفس اسلوبي ما تدرين ؟؟؟؟؟؟؟؟؟

وعلى قولة السوريين يا مأمن الرجال يا مأمن الميه فى الغربال

وماشاء لله عليكم الدعوه فري حدها الامك وامه وعمتج وخوانه ؟؟؟؟؟؟؟:nocommint::nocommint::nocommint:

 

[[[ عيون جابر ]]]

عوررررررتي قلبي والله عيوني دمعت
صحنج أهم شي والله كل شي يتعوض وباجر ربج يرزقج بلي يحطج بعيونه ولا يفرط فيج
صج صج لازم تطوين هالصفحه وتشوفين حياتج

 

[أسيرة_أحزاني]

كثري من هالدعاء

اللهم انك تعلم اني اخترت مصيبة فراقه وهي علي عظيمه..خشية منك وخوفا من نارك..فخذه من قلبي كما أخذته من عالمي..
واكفني شر الحنين اليه..

اللهم امين

 

[الاخلاص]

انا فاهمه شعورج بس نظفي نفسج منه غيري خطج شفيج جذي اكبري وان

 

[العيون الشقيه]

شوفي حبيبتي لقيت هالموضوع بالنت وعجبني

حبيت اجيبه لج تستفيدين منه

فيه نقاط حلوه اذا طبقتيها راح تكون النتيجه مذهله

لان وحده من صديقاتي طبقتها وربي خلال 3 شهور نست الشخص اللي حبته بالمرررررررررررررررررره

مع انه كان يبيها ومواقفه مشرفه وهي لازالت تذكره بالخير لكن تقول مابي اسوي شي حرام خلاص تبت



تفضلي





الحب هو جحيم الدنيا.. فعلاً دائماً ما نسمع قصص تنتهي بدمار الشخصيتين .. أو على الأقل أحد الشخصيتين ..
فيعيش الأول حياته .. وأما الثاني فتنهار حياته و تتكدر عيشته ! والمثير أن الأول والذي عاش حياته يكون هو الظالم .. وأما الثاني يكون هو المظلوم . حديثنا هذا ليس موجه لفئة الظالمين فنحن نعلمهم جيداً ..
نحن نتحدث إلى ضحايا الحب و مظلوميه .. إلى من اعتزلوا الناس .. إلى من سجنوا أنفسهم داخل ذكريات وآلام من ورق .. إلى من أحبت شاباً عابثا فتركها حائرة ولم يبالي .. إلى الشاب الذي أحب فتاة تلاعبت به و تركته متألما تحت وطأة العذاب .. إلى الذين يقولون أنه لا يمكنهم العيش بدون المحبوب !! إلى الذين يقولون أنهم يتمنون الموت فلا سعادة في الدنيا !! رجاء قفوا و لو مرة واحدة وقفة جادة لتجنب مثل هذه المآسي....

لو كنت مرة باذلاً جهداً فابذله ولو مرة واحدة بأقصى ما يمكن .. لتنطلق إلى الحياة من جديد مولوداً جديداً فنفرح بك .. لقد حان أن تضعوا حدا للآلام وحدا لهذا القلب وللقلب قدرة كبيرة .. فكما أحب يمكنه أن يتخلص من هذا الحب ... معادلات الحب مختلفة عن المعادلات الرياضية والكيميائية .. فمن تحبه بسهولة صعب أن تتخلى عنه وتنساه بسهولة .. أحببت سنة فلن تنسى إلا بعد خمسة سنوات بالجهاد والمجاهدة ..



وربما يعود الحب القديم وآلامه وذكرياته في لحظة لذا يحتاج الشخص إلى همة وإرادة ..



ومحاولات جادة و إجتهاد .. وعدم الإستسلام لما يقال وعرف عن الحب !



من أنه لا يمكن التخلص منه ؟



والله والله والله يمكن التخلص منه!



فقط العزيمة العزيمة!



هنا نحب أن نقدم بعض الطرق للتخلص من الحب



عدم الدخول في الذكريات القديمة مهما حصل وكان


الإبتعاد قدر الإمكان عن الدخول في الذكريات القديمة و الوقوف على الأطلال كشعراء العصر الجاهلي والتحسر عليه وتمني لو أنه بقي ولم يرحل ، فالذكريات سواء سيئة أو جميلة فهي تتعب القلب والروح كثيراً والذكريات تجلب المشاعر القديمة وربما تصاب أو تصابين بالاكتئاب واليأس.


عدم قراءة الأشعار القديمة والرسائل القديمة أو قراءة أشعار الحب والغزل


الكثير من العاشقين يتبادلون الرسائل الغرامية على الورق أو على البريد الإلكتروني أو في رسائل الجوال .. فيجب التخلص منها فوراً وعدم قراءتها ولو كانت عزيزة على القلب، أيضا الكثير من العاشقين لديه أشعار عن المحبوب عليه ألا يقرأها على الأقل لمدة طويلة سنتين ثلاث أو أكثر، أيضا عدم قراءة أشعار الغرام والغزل فهي حتما ستقلب الأوجاع و الذكريات. التخلص من كل شيء يخص المحبوب مثل الهدايا مثلا فهي تربطك بالمحبوب


الإبتعاد ولو مؤقتا عن التلفاز


بالمائة من المسلسلات والأغاني كلها تتضمن قصص الحب والغرام وخاصة الأغاني فهي تقلب الأوجاع بشكل رهيب. الابتعاد عن التلفاز من أهم النصائح ، والله جربوها ستشعرون بصفاء العقل والقلب.


عدم الدعاء على المحبوب


حتى لو كنت مظلوماً و مجروحاً فلا تدعو عليه لأن الحقد و الغل والنقمة على المحبوب تتعب القلب و الروح كثيراً .. وأيضا عندما تدعو على المحبوب ستتذكره أو تتذكرينه وهذا ما اتفقنا على تجنبه .. بل لو تمكنت من التمني السعادة له أو لها سترتاح أو ترتاحين أكثر.


عدم لوم النفس أو لوم واقعك


لا تلم أو تلومي نفسك لماذا أحببتها أو أحببتيه ؟ بل بالعكس تقبل نفسك وقل هي تجربة ومرت وهي مرحلة من مراحل العمر .. تعلمت منها الكثير ! لا تتمنى أنه لو كانت العلاقة مع المحبوب مستمرة لكنت من أسعد الناس


قل أو قولي الحمدلله على كل حال ، انتهت القصة مع المحبوب ولا داعي لإكمال فصول خيالية فلا فائدة من ذلك سوى الهروب من الواقع قليلاً ثم تعود فتصدم بواقعك فلا أنت من دنياك و لا أنت من خيالك .. إذاً لماذا تتمنى الأماني الكاذبة؟


تجنب الألفاظ السلبية


(مستحيل أنساه) ، ( مستحيل أحب غيرها) ، (كانت أكثر وحدة تفهمني) ، (كان أكثر واحد يفهمني)


دائرة مفرغة نصنعها بأيدينا لنعذب أنفسنا و ندخل أنفسنا عذابات الحب وآلامه .. هل هذه العبارات ستغير واقعك؟ .. هل ستعيد لك المحبوب؟ .. هل ستنفعك في شيء؟ ! بل ستضرك و تجلب لك التعاسة..


أما من أحب فتاة وأحبته لكن الظروف أحالت دون زواجهم فهؤلاء من يحتاجون صبراً أكثر و جهادا أكبر كي يحيوا حياتهم وربما يظل الواحد منهم يحب المحبوب حتى آخر لحظة من حياته .. هؤلاء أقول لهم لو لم تتمكنوا من نسيان المحبوب ، استمر في حبك و لكن استمر في حياتك أيضا.. ولكن لا ترجعوا للحبيب القديم طالما كان هناك جديد , فاذا وعدت واحدة/واحد .. عش له وليس لغيره.. وبالحلال.. اخوتي واخواتي..


أرجوا أن يكوون موضوعي مفيد لو للبعض ...

ولكم مني أرق تحية

 

[zqertya]

حبيبتي الله يعينج وانشالله تكون خيره لج

بس بقولج شغله اذا يحبج صج راح يرد لج بس نصيحه اذا رد قوليله تبيني تعال اخطبني غير جذي ماراح ارجع لك يعني حطيه جدام الامر الواقع تبيني تعال تزوجني غيرجذي ماكو وهالشي احسن لج عشان مو كل شوي تتعبين وهم نصيحه ثانيه اذا رجع لاتشكين فيه وعطيه الثقه ترا الريال مايحب الوحده تشك فيه خصوصا اذا مو مسوي شي بهالطريقه تجبرينه انه يسوي الغلط وهو مايحب جذي ترا الشك يخرب بيوت انشالله يرجع لج وتتزوجون بس هم شي ولاتخلين الشك يهدم حياتج مرتين كافي مره وانشالله تكونين تعلمتي من غلطتج الله يوفقج دنيا واخره ويعطيجالي ببالج امين وبالحلال انشالله

 

[غروري ضروري]

اي والله سالفتج تعووور القلب.. وتييب الغمته..
الله يعينج..
تدرين انتي لازم تغيرين رووتين حياتج.. مالازم تبجين ع الاطلال والذكريات وتقعدين تندبين حظج..
اللي نساك انساااااااااااااااااه.. واللي قدر فرقاك تقدر ع فرقاااااااه..
بالطقاق اللي يطقه.. روحي شوووفي عمرج .. هالعمر اللي انتي فيه احلى عمر واحلى مرحله..
تمتعي فيه بكل مافيه..
حاولي تتقربين من ربج اكثر صدقيني بتحسين برااااااحه حلووة..
اشتركي بنوادي واشغلي نفسج بسوالف الرجيم والخلطات والمووضه صدقين ررااااااااح تلهين وايد..
وحاولي تقللين من قعدات النت..
ولا تنسين الدعاء..
ادعي ربج انج تنسينه ويشغل بالج بشي ثاني..
ياربي الله يرزقج بالريال الصالح..

 

[بنية ذربة]

حسبي الله عليهم ونعم الوكيل ليش منزلة نفسج له؟ خل يولي الرياييل مثل الجلاب من تصدين وتتغلين يصير لج نعال

ميخالف انتي كنتي تحنين لانج تحبينه بس اهو اللي مايفتهم خيولي الدنيا جدامج ومافي وحدة مشت هالطريج وتوفقت

 

[أم حسون]

حبيبتي سالفتج عورت قلبي صج شباب مامنهم فايده والله

 

[Shasawi]

مشكورين بنات على نصايحكم وفلا هالكلام الكل يقولي يا وقاعده احاول اسوي واحاول اغير روتيني
وانشالله باجر راح اروح اخلص اجراءات الشغل عشان لاتروح علي الوظيفه
العيون الشقية.. مشكوووووووووووووره وايد عالموضووووووع انشالله راح اطبقه بحذاافيره
zqertya انتي وحده ثانيه من الخوات قلتولي يمكن يردلج واذا ردلج قوليله اخطبني... على كثر ما اتمنى هالشي.. على كثر ما انا هالمره مصصمه حتى لويا وخطبني اقول لا واصلا اهلي ماراح يرضون فيه.. ومابي اهو باعني مره... بعد الزواج ولمه تصير مشاكل وسوالف وعيال وتربيه.. مره ثانيه حضرته بينفجر من الحنه ويبيعني مره ثانيه ويحتاج فتره نقاهه مع زبالاته اللي يعرفهم؟؟

صج انا ودي يرد ويشوفني اصده عشان يعرف اني انا صج مابي الحين
وودي اكلمه لومره اخيره بس عشان ابط سوالف اخوه جدامه بس بعدين اقول لا مابي ازلغ وايرات بين الاخوان اخليه حق ربه يفضحه

 

[راوووونه]

حبيبتي .. اختصار الحديث كله


(( الخيره فيما اختاره الله )) ... لا يكون عبالج ان الدنيا راح تنتهي وتوقف عنده لاااااا مستحيل

صح انج تعبتي وبتتعبين بس بعدين راح تتعودين صدقيني .. راح يصير شي عادي واذا شفتيه حتى لو صدفه ماراح تحسين بشي ناحبته او يمكن حتى تكرهينه لأنه سبب لج الالم والمعاناة >>> قاعده اكلمج عن تجربه صدقيني صدقيني صدقيني

هالكلام هذا كله بيصير سواااالف وبتنسين ... وثقي وامني بالله سبحانه ,, ربي يقول في حديث قدسي : ( انا عند ظن عبدي بي )
ما قال سبحانه عند حسن ظن عبدي .. قال عند ظن عبدي بي !! سواء ظنونج سلبيه راح تصير او اذا كانت ايجابيه راح تصير

عشان جذي الرسول صلى الله عليه وسلم قال : ( تفائلوا بالخير تجدوه ) !!

لازم تحسنين الظن بالله سبحانه لأنه هو اللي قادر يطلعج من اللي انتي فيه !! >> ووقتها بتذكرين كلام روان

ولا تظنين اني بنت متدينه وعباة وجذي ... لااااااااااااااا بالعكس انا متحجبة والبس واكشخ واطلع واروح وارد

بسسسسسسسسسس ايماني بالله قوي ,, ودايما عندي امل بكل شي واحسن الظن برب العالمين

ربي يوفقج حبيبتي ,, واذا تبين اي شي انا حاضرة راسليني على الخاص

 

[Shasawi]

مشكووره رواان ردج وايد شجعنييي وانشالله بطبق اللي قلتيية)

 

[_ظل الياسمين _]

حبيبتى كلمه ولو انها بتزعلج ..

مابنيه على غلط نهااايته غلط...وهالكلمه لازم تنقااااال هنيه ...

فى بنااات صغاااار بالمنتدى باجر يرحوووون يطبقون اللى انتى سويتيه طالما

بيشوووفون الردود اطبطب عليج كانه اللى تاركج ريلج مو رفيجج..

انتى يمكن ربى بسترك بنواااحى من فضله ..بس هالبنات مايندرى شيبى يصير معاااهوم...

هالموضوووع من اوله لاخره غلط ...وربى يستر عليج وعلى بنات المسلمين..

قلت كلمتى وحاولت كثر مااقدر انى مااقسى عليج..وكلمه الحق ماينزعل منها.

 

[Shasawi]

حبيبتي ريحانه بالعكس كلامج الجزء الاول من صحه اما الجزء الثاني موصح 100%
اللي بيشوف تجربتي يروح يقلدني على شنو؟؟ خبل؟؟ واللي يشوف الردود تطبطب علي لازم يستوعب انهم مومستانسين من تصرفي لكن قساوتهم ماراح ترد الماضي وبالعكس قاعدين يساعدوني اني مارد اي جزء من هالماضي او افكرر اكرر التجربه

 

[شيومة العوضي]

حييييييياتي انتي و الله مادري شقول غير الله يثبتج و انسي الماضي الله معطينا نعمة النسيان استغليها و اتعوذي من ابليس ترا الشيطان شاطر و بعدي عن هالطريج لأن غلط بغلط و دايما البنت تاكلها و الصبي جنه مو صايرله شي ,, و سالفة انه انسان كان 24 ساعة معاج و الحين فجأة مو موجود كل الناس يصيرلهم جذي و الله مو بس انتي ادري ان هالشعور يحرق القلب بس لازم ما تفكرين فيه عشان تعيشين عيشة طبيعية و تروح الكآبة منج حبي,, ان شاء الله تفهمين كلامي عدل و اطبقينه

 

[حـوريـه]

. . انسان باعج و أرخصج . . لاتزعلين على فراقه
واحمدي ربج افتكيتي منّه !
و احرقي كل ذكرياته اللي باعج و نكرج !!
مو كفو تتذكرينه أصلاً..
من صجج متحسره على واحد [ تركج ] .. ؟
شوفي حياتج وانسي الماضي
و طالعي جدام
وخلي حياتج ملونه
و [ كوني سعيده ]
مايستاهل كل دمعه نزلت منج

 

[Shasawi]

شيومة العوضي + حوريه اشكررررركم على ردكم تره والله كل اللي ردو كلامكم وايد يشجعني تره انا 6 اشهر تعبانه وماخليت احد ماتشكيتله ولارتحت مارحت الا لمه كتبت الموضوع هني يمكن في ناس دعولي)))

انا ماكتبت الموضوع لاني متحسره علية! انا متحسره على نفســـــــي