ودييييييييييي اسافر بس ماكو ميزانيه حدنا 1500 وين تودينا هذي :(

[زيـنـه]

تايلند
شرم الشيخ

و لا تفكرين بهونغ كونغ لانها غاليه .

 

[أمانيQ8]

كلامي نفس كلام بتبوتا


وفي غير شرم الشيخ مكان اسمه سيدي مطروح هم حلو ونفس نظام شرم الشيخ هذا انسب شي لميزانيتج وونااسه

 

[سمبوسة]

هلا حبيبتي انا معاج أوروبا غالية بس اذا شخصين معاهم ثلاث ألاف يورو لمدة أسبوع بس مصرف والتذاكر والفندق مدفوع من الكويت راح تكفي بس أكيد من غير سوق والمواصلات مو تكاسي لأنها نااار والطواريء لا قدر الله لازم يكون فيه فيزا احتياطي غيييير عن فلوس المصرف وهذا شي طبيعي حق أي مكان تروحينه حتى لو البحرين والأكل اذا بتدشين مطاعم غالية أو مطاعم عربية أكيد حسابج خمسين دينار بس لو تروحين مطاعم الفاست فوود هذي أسعارها عادية ماتتعدى 3 دنانير الوجبة واكوفي شوب نفس الشي ماراح يوصل حسابج سبعين يورو وانا والله اتكلم عن تجربة الواحد لازم يعرف يفرق ويختار اللي يناسب ميزانيته من غير ما يقصر على روحه لأن أكيد رايح يستانس وانا السفرة لازم أدرسها عدل قبل لا أخطي عليها والا ما أرووووح وهذا شي الكل لازم يسوي مو يروح وعلى الله آكيد بيغلط والفندق اللي يحاسبج زيادة ليش انشالله اذا الريوق عليه ما أدفع ولا فلس زايد انا أذكر مرة في باريس حاجزين الفندق مع الريوق ويوم الجيك أوت قالنا دفعوا ما أدري جم حق الريوق ريلي قاله الريوق مع الغرفة وطلع له صورة من الحجز فتأسف لنا وما دفعنا ولا فلس يعني لا تخلين أحد يقص عليج أو يستغلج دايما يكون معاج صورة من الحجوزات واذا طلبتي من الرووم سيرفس أكيد انت شايفة الأسعار وتعرفين كم لأنج بتوقعين على الحساب أو دفعيه كاش وفكي روحج وانا لازم أول يوم أوصل أي ديرة أروح السوبر ماركت وأشتري خفايف من خبز وجبن وكرواسون وعصاير وأخليهم بالفندق حق السناكس وبالأخير فيه اعلانات السفريات 14 يوم أوربا بحدود 500 الواحد أول مرة يروح أوربا يقدر يروح مع قروب علشان يرتاح وأرد أكد اذا ما خططتي رحلتج عدل لا تروحين أحسن أو روحي مكان ثاني وانت راهية مثل شرم الشيخ أو تايلند والله يهنيكم بسفرة سنعة هالصيفية

 

[حاااايره]

سمبوسه يسلموووووووو حبوبه برنامجج حلو وانتي احلااااا بشاور السي سيد واوريه برنامجج ونشوف
الله يوفقج وينولج اللي فبالج ياااااااااااااااااااااااااااااااااااااااااااااااااااااارب




بنت عبد الغني مادري والله مو فخاطري شرق اسيا بس اذا انحديت اصلا مالي غيرها خخخخخ
عموما يسلمووو ياعسل




لالا ماليزيا حلوه للعائلات وميزانيتج مناسبه لها بس الله يعينكم عالرطوووووبه






غير الناس من صجج خرعتيني احنا ناخذ الفيزا للطوارئ بس جد حبطتيني

وعمان من صجج لو جوها خيال وببلاش وعجيبه وتموت ماابيها الكويت ارحم

عمووووووووووما يسلمووو يالحلوه

 

[حاااايره]

زينه شكلي آخر شي بصفي على تايلند
يسلمووو


اماني انا مابي مصر مشكوووره حبيبتي


سمبوسه انا اليوم شفت اعلان سفريات فينا زلامسي ميونخ 13 يوم ب345 تذاكر وسكن
وانا ترا مو راعية شري جان صوغه لخالتي وامي وخواتي الصغار وحماتي ماعندي الا وحده والمطاعم فاست فوود فاذا جذي يكون التذاكر والسكن لي ولزوجي ب690 يبقى للصرف1300 معقوله ما يكفي؟؟

والله مادري احترت

 

[سمبوسة]

حبيبتي انت شوفي هالرابط وفصفصيه عدل مدل علشان أبري ذمتي اقري كل صفحاته ووري ريلج والله يكتب اللي فيه الخير
http://travel.maktoob.com/vb/travelarab23/
وهذا عن الأماكن السياحية
http://travel.maktoob.com/vb/travel129852/
وهذا عن واحد من الفنادق
http://travel.maktoob.com/vb/travel146129/

وهذي عن الاندرقراوند
http://travel.maktoob.com/vb/travel171092/

وهذا عن فندق حلو ورخيص
http://travel.maktoob.com/vb/travel58608/
وهذا عن قارميش
http://travel.maktoob.com/vb/travel89558/

انت شوفي المعلومات وعلى كيفج وحطي في بالج مثلا انج بتصرفين 100 دينار باليوم مع ان هذا مستبعد بس يالله علشان أسوأ الاحتمالات يعني سبعمية دينار مصرف فانشالله تكفي فلوسكم بس اذا عندج خوف لا تروحين حبيبتي الا وانت مطمنة والا لاااااا
انا السنة رايحة أوربا البداية من النمسا وبنأجر سيارة نفر فيها أوربا والله ييسر الأمور للجميع

 

[حاااايره]

سمبوسه حبيبتي الف شكر لج يالغاله جد تعبتج معاي ماقصرتي يالغااااااااااااااااااااليه
وموفقه في رحتلج انشاءالله تستانسون فيها يارب

 

[غيـ الناس ـر]

عدل كلامج .. بس الواحد ساعات يحتاج يطلب غدا وله عشا بالفندق ويحرقونج بالسعر ..

والله حلاته الواحد ما يروح المكان الا اذا كان مطمئن ان عنده الميزانيه .. انا وريلي اوربا رحنا 18 يوم كلفتنا حول ال 9 الاف دينار والحين اليورو مرتفع حيل اليورو حول ال 500 فلس بالكويت ما تحسون يمكن بهالشي بس اللي راح اوربا العام وبيروح هالسنه بيحس بالفرق


الله يهنيج حبوووبه .. شزيييين مكه لو بحر الحرووور

 

[دمـوع الشـموع]

روحي سريلانكا
بتكفيكم هالميزانية 10ايام وزود
تذاكر رخيصه
وفنادق 5 نجوم مثل الهيلتون والانتر ب 80 او 100 دولار
ولافيها مفصخ زيماتقولين
وفيها طبيعه حلوه
الا بنتوته على البحر فيها سواح اجانب بالبكيني لاتروحين لها مع انها حلوه على المحيط
اذا تبين معلومات زيادة راسليني على الخاص

 

[brettey]

مالج الا تايلند

 

[سمبوسة]

حبيبتي فينا زلامسي ميونخ 13 يوم ب345 هذا سعر مشكوك فيه لو اسبوع أقول يمكن بس 14 يوم مو معقولة هالسعر أخاف يقطكم بفنادق ما أدري شلون صايرة والمصرف راح يكون شوية على 13 يوم وفينا ترى أغلى من ميونخ حتى لو بالاندرقراوند لأن يحاسبون على الشخص يعني تذكرة 8 يورو على ما أذكر حق اليوم,بس تصير 16 حق الأثنين ميونخ 9 يورو عائلية تكفي خمس أشخاص ففيه فرق كبير وزلامسي غالية لأن متروووووسة خليجيين فأغلب المطاعم مستغلة هالوضع والرحلات حتى لو بالباص هم غالية لأن مثل ما قلتلج النمسا يحاسبون على الشخص يعني بقولج ميزانية ثلاث ألاف دينار حق هالسفرة اوكي بس سألي السفريات لو بس ميونخ اسبوع كم؟ واذا نويتي على تايلند حجزي من ألحييييين أختي ما لقت حجز حق شهر 8 لا على القطرية ولا الاماراتية ولا التايلندية فتلاحقي روحج حطي اسمج بالسفريات بعدين فكري على راحتج قبل لا تتوهقين

 

[أمانيQ8]

خلااااااااااااااااااااااااااااااص خليج على عرض السفريات بس انشالفله يكونون ثقه توكلي على الله انتوا شخصين عيل احنا شنقول الله يحفظكم ويحفظنا شوفي لحقي عالعرض ترا يطير بسرعه بلاااااااااااااااش اثنينكم ب600

 

[bombo]

عندج بوكيت تقعدين باحلا لفنادق و تاخذين فيلا مع حوض سباحه حق شخصين مايكلفج شي و سافري على الخطوط القطريه

 

[&رعبوووبه&]

وليش ناسييين لبنان

خلاص مشاكلهم انحلت ومافيها الا العافيه

انا ناويه لها السنه انشالله

 

[حبيبة زوجـها]

روحي ماليزيا ما تحتاج ميزانيه حيل

 

[حاااايره]

غير الناس والله مادري احترت

دموع الشوع من صجج شنو سريلانكا لا مابي ال شكر

بريتي ثانكس حبوبه

 

[حاااايره]

سمبوبه اي السعر غريب مع ان الفنادق 4 نجوم بس الظاهر بعيده
وانا خلاص شلت اوروبا من بالي



اماني العرض بلاش بلاش بس يخرع ومانظمن روحنا ماالله حادنا


بومبو تايلند حاليا وارده فكرتها


رعبوبه يا خراااااااااااااااااااااشي لا واله لبنان مابيها الله يفظنا وياج من الشر يارب



حبيبة زوجها انا رايحه لماليزيا مابي اروحلها مره ثانيه ثانكس

 

[حاااايره]

بنات شكلي بصيف بالديره حبطتوني الظاهر ال 2000 ماتكفي شي الا (مصر تايلند ماليزيا تركيا دبي) وانا مابيهم خلاص مو لازم

 

[cat^q8]

والله شوقتوني على المانيا

الله كرييييم انشالله

 

[أم صالح]

اتصدقين عاد الميزانيه انتي وشطارتج انا العام رحت لندن مع اعيالي اثنين وريلي وشريت اللي بخاطري لي واعيالي ويبت هدايا للاهل ومابقى رحله الا ورحنا رحنا التون تاور الملاهي ورحنا برايتون والجزيره البيضه مع بورتموث والسفاري ومتحف الشمع مع انه تذكرته غاليه ماكلفتنا 2000 مع السكن ....ولا سكنا بعد باجول رود طبعا من غير التذاكر

اشلون انا اقولج ماسكنا بفندق سكنا بشقه باجول رود غرفه وصاله اليهال بالصاله واحنا بالدار انا ماخذه معاي خفابف حق الريوق شرينامن هناك بيض ونتريق بالشقه ونطلع تحتنا السوق والهايد بارك اجبالنا واكسفورد بينا شارع يعني كله مشي

الاماكن البعيده باص او اندر قراوند والرحلات في مكتب باجول رود اسمه كيلوباترا صاحبه مصري بس شايب وقديم وخبره لانه اول مرشد سياحي عربي بلندن اسعاره رخيصه ومواعيده مضبوطه يودينا رحلتين بسعر وحده ويشرح عند كل شي يمر عليه

ا
لمطاعم قزرناها كنتاكي وماقدونالدز والمطاعم العربيه الللي تحتنا واخر يومين شرينا شبس وهمبورجر وسويناة بالشقه
ملينا مطاعم
وشريت اللي ببالي بس ماخذيت ماركات غاليه خذيت دكن واي وروكوبوروكو والسوق بره لندن ارخص واحلى وكودت ملابس شتويه حقي وحق اليهال

كل هذا بحدود الفين واقل شويييه