ودوني لأهلي أريد أهلي..

[أنا Top أنا]

رد : ودوني لأهلي أريد أهلي..

صحيح ما الومج انج ما تحسين فيهااا .. لانها بعد هالعمر همن ما حسستكم ..

بس انا اقولج تجيكم زواره حيااها بس انها تسكن معاكم لا لا ما تنفع كلششششش.. واضلا اهي ما تبي لانها تبي ولدها العراقي وتحن عليه اكثر منكم ~

والله يكون بعونج حبيبتي ... وانا اقولج فقدتي امج من زمان ماله داعي ترد لكم !

 

[Ameeraaaaaa]

اويلييييييييي
الللله يساعدكم هاي شنووووووووووووو؟؟
ههههههههههههههههه
اتغشمر وياج
طبعا انا ما الومج ولا الوم اخوانج لانكم ما حسيتو بأمومتها ومع ذلك كنتوا باريين فيها لاخر مدى
انا اقول خلوها بديرتها مو عقب كل هالسنين بتقدرون تحسون فيها ولا بتقدر اهي تحس فيكم ,, انا من رأي
خلوها في ديرتها وكل شهر دزوا لها شهرية تكفيها شر العازة والققر لانها طبعا مسوؤلة منك
وبنات لا تلومون البنت ,, اعرف رفيجة نفس الشي ما قدرت تحس في امها ابدا لان الام تركتهم من يوم اهما صغار
بالعكس ساعات الياهل يكره امه لانه يحس انها كانت المفروض انها تضحي عشانه وتتحمل الضيم ولا تهده بطفولته بروحه محروم من حنان الام

الله يعينكم حبوبة .

 

[ماعرفتك زين!!]

رد : ودوني لأهلي أريد أهلي..

والله جنج تتكلمين عننا وعن امنا انا امي هم عراقيه وامج بالنسبه لامي>>>>جنه
امي حتى طلاقنا سعت فيه بس الحمدلله لي الحين نبرها لانها ام ولو تشوف وحده فينا بالشارع محترقه مااطفيها والله وانا ووحده من خواتي لما تطلقنا والله يدري انه ظلم تقول هاذي حوبتي عشان ماعطيتوني من المهر حق التربيه والتعب والحمل!!!مع انها كانت تحمل وتروح لاهلها وتجي تولد تقطنا ع ابوي الله يرحمه ليما اخر شي طلقها وغير وغير وغير وغير شقول وشخلي يالله ترحمنا برحمتك وعسانا نحن على عيالنا ونرحمهم ونحسن تربيتهم
احمدي ربج والله يهديها ويسخرها لكم بس لاطرشون لها مبلغ كبير طرشولها مصروف قدها ولاتجيبونها لانها راح تضل تروح وترد وماتمل والله مو تحريض بس احنا مجربين هالامهات اللي تخليج غصب تغضبين الله
طمنينا عليج حبيبتي
لاحول ولا قوة الا بالله

 

[الغاليه نونو]

تبونها تزوركم ياهلا ويامرحبا امكم وغصبن عليكم تبرونها حتي لوهي من موزمبيق بر الوالدين ماله جنسية محدده يمه وثاني شي اذا بتعطونها بيزات هذا شي راجع لكم وعلي ميزانياتكم اذا انتوا تشوفون انها تطلب منكم فوق طاقتكم كلموها باللتي هي احسن واشرحوا لها ظروفكم حتي لوهي داشه عليكم علي طمع لازم تبررون تصرفها هذا مهما كانت الدوافع
انتوا مخيرين بين شغلتين اما تتحملونها بكل مافيها زين وشين ويكون مثل العسل علي قلوبكم وتبرونها وتكسبون فيها رضا ربكم
او انكم تقولولها مانبيج ومانبي شوفتج وقعدي مكانج وهالشغله ربي بيحاسبكم عليها

لكن سالفة ان امج تشرشحينها بهالطريقه وتتطنزين عليها مايجوز حبوبه هذا من باب العقوق بالوالدين

جان كتبتي وقلتي وعرضتي مشكلتج بطريقه احسن من جذى بدون ذكر التفاصيل الفكاهيه <<< ماتت من الضحك علي الاسلوب


انتي المفروض يوم يتكم تودينها الصالون وتسنعينها وتعلمينها بعادتنا وتقاليدنا وتعلمينها شي من الذرابه وتكونين لها عون مو فرعون

انا من راييي انكم اتييبونها عندكم وتحسنون النيه حتي لو اطلب منكم المستحيل ردوا عليها بما يرضي الله وماكو ام بالدنيا تحمل عيالها فوق طاقتهم خليكم اقراب منها اكثر والله يهدي النفوس ويسخرها لكم وتعوضكم الايام اللي طاافت بعيده عنكم

 

[الزين 85]

حياتي دمج خفيف بطرح المشكله وياقلبي لاتلومينها على الظروف اللي مرت فيها صج هناك جوع وفقر وكافي الضيم والحسره اللي شافوه
وبالنسبه لامج هذاي امج ماتقدرين تكرهينها والله يحنن القلوب

 

[MzMzq8]

رد : ودوني لأهلي أريد أهلي..

حبيبتي انتي الله يعين قلبج


بنات حرام ليش تلومونها اهي امبين ماقصرت مع امها لا اهي ولا اخوانها


الله يعينكم الصراحه صج شر البليه ما يضحك

مالكم الا الصبر واتدزون لها بين فتره و فتره مبلغ بسيط عشان ماتصرف

على العايله الكريمه اللي معاها وبعدين مااظن فبالها ابدا تجي الكويت

بس تبي الفلوس فأنتوا دزو لها لانها مهما كان امكم وربي بيحاسبكم

الله كريم ان شاءالله

 

[بيتي بوب بس كويتيه]

انا اقرأ واضحك
معنى المعروف العراقيه حنونه( جداتي عراقيات )

حبيبتي لانه بعد الغزو وايد صارو فقاره وتعذبو فاسلوبها طبيعي من ناحيه الاكل
تدرين كويتين فسقانين بعد طبعنا جذي
خلوها ترد لكم بعد هذي امكم شتسوون
بس اذا قالت بترد لأهلها وتبي فلوس قولو لها ما عندنا

 

[CUTE ENGINEER]

رد : ودوني لأهلي أريد أهلي..

الله يعينكم

ورايي انكم ماتييبونها دام انها حابة تعيش هناك خلوها هناك ودزو لها الفلوس بشكل شهري أحسن

يعني كل واحد يقط 100 ولا 50 يمعوهم ودزوا لها على حسابها خل تفتح لها حساب أحسن

 

[hazel eyes]

رد : ودوني لأهلي أريد أهلي..

صراحه ماكملت الكلام بس مايحق لج تتكلمين عن انج جذيه عساس تضحكين الاوادم حتى لو متضايقه منهاا خليها بقلبج موو شرط كل الناس تدري الله نهانا عن كلمه اف واهي من حرفين وانتي ماشاءالله كاتبه قصه كامله

 

[أم روعة]

اذا بتيي تعيش عندكم وقلبها عليكم حياها الله بس ان اتيي تاخذ بهالفلوس والذهب و تمشي لا تعطونها

 

[رماني زماني]

دمج خفييييييييييييييييييييف
عالعموم مابي أضيق خلقج بس توكم ماشفتوا شي باجر بتخليكم تصرفون على أهاها اللي بالعراق كلللللللللللللللللهم

ذكرتيني بحياة الفهد بالشريب بزه ههههههههههههههههههههه

 

[**روان**]

من رأيي المتواضع .. بما ان امكم عاشت بعيده عنكم من صغركم .. و التصرفات اللي قريتها .. تدل على ان همها الاول و الاخير الفلوس , وشيء جيد انكم تبرون لامكم .. بس الافضل انها ماترجع لكم و دام تبي فلوس .. حولولها بحسابها مبلغ شهري عالاقل بر لها بس .

 

[+بسبوسة+]

وي


اسلوبج فصصصصصصصصلة

شوفي انا مع كل امهات العالم إلا امج...

ماتبي ترد الاطاقها اليوع...


وانتوا وراكم زواج ورياييل وانساب...وصراحة اسمحيلي امج لوترد لكم بتخرب عليكم اكثر مماتفيدكم

خلوها بديرتها ومشولها معاش قطية منكم

الي تقدرون عليه اميه ميتين مو اكثر لانها تسوي بلاوي عندهم..


وحطوا كاشف بتلفون البيت ردوا عليها مرة بالشهر

وكل ماقالت بيي قولوا ان شاء الله بس ماصارت الفيزا...


عيل لو تدري ان يحق لها الجنسية...اكثر وحدة بتفرح انتي:lololoe:

والله يعينكم

وانتوا خلو كلمتكم وحدة وهي كلمة اخوج العود..

وريحوا راسكم..

 

[reema q8]

الله يعينج بصراحة لا تعليق

 

[ام جويسم]

ديروا بالكم لاتسويلكم سحر

 

[Tom ♥ Jerry]

.


لوووووووووووووووووول !
و الله موتيني من الظحك على سالفه جويل


شوفي حياتي هاذي آمج لو تعطينهآ حيآتج كلها عآدي
مهمآ كآن حتى لو قطتكم و مآ تدري عنكم
و مآ تحن و يايه عشان الفلوس حق الآم مآ يضيع
لا تسوين شي يضيق خلقها و دآيمآ آحترميهآ
و آحتسبي الآجر :*

عسى الله يهديها لكمـ :eh_s(7):

 

[Lucky12]

رد : رد: ودوني لأهلي أريد أهلي..

انا اقرأ واضحك
معنى المعروف العراقيه حنونه( جداتي عراقيات )

حبيبتي لانه بعد الغزو وايد صارو فقاره وتعذبو فاسلوبها طبيعي من ناحيه الاكل
تدرين كويتين فسقانين بعد طبعنا جذي
خلوها ترد لكم بعد هذي امكم شتسوون
بس اذا قالت بترد لأهلها وتبي فلوس قولو لها ما عندنا

أول مره اسمع إن العراقيات حنونات

الظاهر انتي ماتعرفين طبع العراقيين عدل

واحنا الكويتيين طلعنا الفساقى والكواوله مساكين ؟

 

[A L L U R E]

رد : رد: ودوني لأهلي أريد أهلي..

أول مره اسمع إن العراقيات حنونات

الظاهر انتي ماتعرفين طبع العراقيين عدل

واحنا الكويتيين طلعنا الفساقى والكواوله مساكين ؟

عجبتيني

،،
وصاحبة الموضوع الله يعينج انتي واخوانج بين نارين الله يكون بعونكم ~

 

[ام الدرر]

حبوبة الله يعينج انا اعرف ناس مثل حالتكم
ييون زيارة بس عشان يتطلبون ويعبون الجناط ويمشون
رايي تييكم زيارة مايخالف ونبرونها باللي امر فيه رب العالمين
بس مو ملزومين تصرفون على العشيرة كلها
وقولو لها احنا طرق معاشاتنا ويالله يكفينا لآخر الشهر
وانتي لج مصروق شهري 50 ولا 100 يكفيها لبس واكل وشرب
والله يكفيكم الشر

 

[f@rsaq8]

لا يبااا لا تردونها دزولها فلوس معقوله مو همجات عشان لا تنفجع