ودج تسوقين بس ماتقدرين حياج ؟!!

[spanish-girl]

وي ماعندج سالفه قووووووووووووي قلبج حبوبه وخليج جريئه جريئة مو مطيوره وتدوسين لا عادي سوقي وشوفي جدامج واهم شي لا تتوترين وركزي بل سياقه شوفي المناظر وطقي اشاره لمن تلفين يمين ولا يسار يعني هل اشياء بتحميج من وايد اشياء وبس صدقيني الحين ماكو احد ما يسوق ترى السياقه سهله بس لا تخلين الخوف يسيطر عليج انا حطيتلي مدربة والله يومين وتعلمت وسويت تراي ونجحت لاني جريئة ومو خوافه انتي لا تحطين ابالج الخوف شيليه حاولي قولي انا اقدر الي يسوقون مو احسن مني؛

 

[درة أهل الطولات]

لا تحتاتين ترى الموضوع ما في اسهل منه

انا اسوق واحسه عادي

 

[حامله القنديل]

نفسسسسسسس حالتي الخوف مسيطر علي!

اول ما كنت جذي بسراحه الطريج حده يخوف والناس طآآيره
!

 

[marami]

وااااااي انا انطر مناااطر هالـ 18 بسووق لووووول

حبيبتي اهم شي تركزييين انا من قوي قلبي حنيت على ابوي بسوووق
و سقت طررررت فيه لووول قعدت ادووس و اهوا صرااخ خففييييييي لوووووول
و بالدوار رايحه ماكو بريييك ولا شي لوووول
و بالصفطه شوي و ادعم لووول جان اعطيه بريك قوي الي نقزت لي الجامه لوووووووول

اهم شي انتي لا تخافين و شيلي فكره الخوووف مولييييييييييه
خلج ريلاااكس و صدقيني بتقدرين
و لا تخااااااااافييييييييين
وانتي تسوقييين حطي في بالج انج تقدرييين و مو خايفه
و الله معاج انشالله

 

[bent_ayawed]

حبيبتي سمي بالرحمن وماكو الا العافيه .. كلنه كنا جذيه اول الوقت بريكات لووووول
بس مع الوقت خلاص اتعودين لازم تسوقين علشان تفيدين روحج .. اليوماهلج حولج او فاضين باجر ماتدرين يلهون وانتي مايصير تقعدين على تكلاهم ! اهم شي تعوذي من بليس وكله قولي اقدر اسوق لاتخوفين روحج والمقدر كاين حبيبتي
دعاء الركوب وبالهون وانتبهي .. الله يحفظج او يحفظنه من كل شر اللهم امين

 

[بموت من الندم]

اقــول بعد هذي فيها تفكيــر ااه اقول روحي سووقي وانتي مغمظه والموت مكتووب يعني لا تقولين بسوق وبموت وانشالله تسوقين بالسلامه ولا تخافين لا يصيبنا الا ما كتب الله لنا سووقي وفحطي بعد بس لا تسرعين واقري دعا السياره <<<ااخ بس متى نسووووق بس السوواق موجودد مو

 

[Miss.Piano]

انتي ما صار فيج فوبيا إلا من الحوادث اللي تسمعين عنهااا

شوفي حبيبتي ,, اذا كان مكتوب لج انج تموتين بالسيارة (اسم الله عليج ) فـهذا قدر و مكتوب

محد راح يغير منه شي .. و محد فينا ما يخاف من الموت

و خصوصا من الحواادث اللي نشوفها بعيننا و نسمع عنها > بعيد الشر عنكم كلكم

و انا ترى كنت احن على امي .. أبي اسوق و جذي .. بس من سمعت عن حادث مريع

خفت و ماادري وين راح تفكيري .. اخاف اموووت من السياااقة و مااادري شنوووو و و و و إلخ

صدقيني حبيبتي لو تفكرين زين .. راح تشوفين ان هالشي تافه

كااااه شوفي الناس بالشارع .. عاااادي ولا جنه اكو شي

حطي ببالج لو تعلمتي و سقتي عدل .. ما راح يصير فيج شي انشالللله بإذن الله

و كاه ماشالله على امي و اختي .. الحمدلله الحمدلللله ولا مرة صارلهم شي اسم الله عليهم

خلج قوية حبيبتي ,, شيلي هالتفكير السلبي من رااااسج ,, و اذا دشيتي السيارة حطي وياج مصحف صغير

و اقري دعاء الركووب و خلي ثقتج بالله كبيرة .. ان ما راح يصير فيني شي لو رحت المكان الفلاني

و نصيحتي لج .. اذا تشجعتي و بتسوقين .. اول شي روحي الاماكن القريبة

الجمعية مثلا او الفرع او المصبغة .. عساس لا تحاتين اي شي .. و بسرعة توصلين عرفتي ؟

عاد بعدين شوي شوي روحي الاماكن الابعد .. و شيليييي هالوساااوس من بالج طيعيني

اللي الله كاتبه بيصير ماكو شي انشالله

 

[miss_math]

ههههههه

جان زين امي ترضى اني اسوق جان اقحص بالشوراع تقحيص خخخخخخخخ


تبادليني وازيدج ههههههه فصلت

 

[~ miss NERD ~]

عاد آنا عــ السنه اليايه ان شاء الله موعدي مع هــ الشي >_< ..
... حدي خايفه من الحين امبيه مادري ليش!! :/

الله يفكنا من هــ الخوف ان شاء الله -_-

 

[مجروح ياقلبى]

اشدعوه حبيبتى مشكلتج عاديه كلش عيل انا شقول توكلى على الله وهدى نفسج قبل لاتطلعين علشان لاتكونين متوتره انا كنت نفسج ببداية سواقتى ولما تطلعين لاتفكرين شلون الف الحين اذا صار جذى شنو اسوى خلج طبيعيه سوقى بكل هداوه وتقبلى مرورى

 

[㋡..PRINCESS..㋡]

ترى كلنا كنا نخاف من السواقه بس صدقيني ماله داعي الخوووف .. اذا على الحوادث ترى اذا ربج كاتب ان بيصير بالواحد شي حتى واهوا داخل بيته راح يصير له هالشي .. والله حبيبتي جد اكلمج لا تخافين انا قبل كنت نفسج بس بعدين قلت اذا الشياب و العيايز يحليلهم يسوقون ليش انا ما اسوووق ؟ شاللي يمنع ؟

و أريح لج عشان لا تعتمدين على احد و تعتمدين على نفسج و محد يتمنن عليج ^^

 

[صاحبـ السمو ـة]

انا ماااخذها الليسن من 2007
وبعد فترة ان شاء الله بتعلم مرة ثاانيه ابي اتعود ع الزحمه وجذي لاني هالكورس بتخرج باذن الله ولااازم سياارة

زاناا اقووولج قووووي قلبج وسوووقي

 

[kunooz]

نفس مشكلتج حبيبتى
وللحين مصره انى ما اسوق

 

[عالمي المجنون]

صاحبة السمو

انتي نفسي انا بتخرج وبتعلم قبل التخرج

ان شاءالله بالعطلة الصغيرة اتعلم

 

[عاشقة أحلامي]

انا مو خوافه ولا شي بس اهلي ما يرضون اسوق

 

[بنت الوفا]

انااااااااااخوافه مشكلتى اسرح تخيلي اسرح واناااااااسوق

 

[آلسحرآلحلال]

واااااااااااااي

نفسي عندي ليسن بس ماااااااااقدر اسوق

اخاااااااف اذا مرت السيارة يمي احس بدعم .. ياربي شنو الحل !!!

ابي اسوووق

 

[أشبـاهـ المطـر]

عادي الاميرات مايسوقون
والله انا اخاف من الشاحنات والباصات لاقربوا من سيارة فمابالج اذا كنت اسوق واي بمسك بريك لوووووووووول
قبل ابوي ميننته اتصالات خصوصاً اذا كان الجو غبار او مطر والحين المقرود ريلي اتصالات
الواحد يتوكل على الله ويقول دعاء الركوب وكان الله غفور رحيم
انا عن نفسي ما عندي شجاعه نهائياً

 

[يبقى الوله]

غـرآمي السيآقه


بس كثيره الحوآدث وفووووق هاذا ع فكره ماعندي ليسن لوووووول


وتوني قبل يومين رايحه انا وامي الفـرع ودعمت سيـاره هندي لعنت خيري امي هههههههههه


لآتخافوون بنات عادي ترى السياره كنها قاري<< مـهآيطيه

 

[G!RLooNa]

يا حلووو السواااقه والله ما انزرع انطر سايق يمرني الكليه و لا اطلع من سوق تعالي فهميه انتي وينج ويع ماحب السايق

كلنا ترى كنا نخاف بالبدايه وفي اغلاط لازم تصير حتى حكيم زمانه سواها

يعني تطقين رصيف و من هالسوالف

انا اول ما سقت كنت اخاف لي مرت يمي سياره كبيره باص ولا من هذول السيارات الكبيره و ماكنت اقدر المسافات عدل كله احس بطق السياره اللي يمي و لا وانا ماشيه بالشارع بطق الرصيف ولا بالفريج سايد رايح راد اموت من الخوف لي مرت سياره وانا ماره

عادي كلها اشياء عايه بالبدايه

اهم شي تتعلمين الاساسيات

شلون تدشين الدوار شلون تطلعين من اليو تيرن
شلون تسفطين شلون تجيورين هالاشياء الاساسيه وباجي الاشياء تيي ويا الوقت

وبعد مو تدوسين خلج على راحتج

عشان لو لا سمح الله ار حادث يكون بسيط مجرد طقه يعني والله الحافظ انشالله

قولي دعاء الركوب

و انا اول يوم سقت بروحي وانا رايحه الجامعه مو مشغله لا رادو ولا شي هدووووء بالسياره بس مبققه عيوني عالطريج


يالله انشالله يروح هالخوف منكم ياللي تخافون و صج لي جربتو السواقه وانه كل شي تبونه تسوونه بروحكم بتقولون ليش منزمااااان ما سقنا