وداعاً ياموضي الحمود @ نصائح نقدمها الى وزير التربية الجديد المليفي سجلوا مقترحاتكم

[مطيريه ماركه]

آولآً سآلفة آلملف آلآنجآزي يعيدون آلنظر فيهآ
آلطلبة صآروآ يوصلون رآبع وخآمس وقد يوصلون متوسط مآيعرفون يقرون

مشكلـــــــــــــــــة !

ثآنيآً : آحترآم آلمعلمون وآلمعلمآت آحنآ بـ آلنهآية بشر
آحترآمنآ معنويآً ومعنويآً ثم مآديآً آول قرآر :
آقتصآر عملنآ في آلتدريس محنآ آدآريآت ولآ حنّآ منآوبآت ولآ بيآعآت بـ مقصف
وبـ آلحفلآت ضيآفة ولبيسآت وآحيآنآ مدربآت

حتّى لو بغينآ نطلع من آلتدريس جلّبوآ فينآ
مآيصير !!

سوآلف آلنّدب تحر آلقلب بعد وآلنقل يغث
وشلون يحطون معلمين آوآئل على آختبآر !

يآنآس فيه آوآدم مو كفوووووو مكآنهم كلش
ولآ يدرون وين آلله قآطهم

 

[الاميره سارونه]

ما نبي شي غير انهم يفرغونا للتدريس ما نبي سوالف صبغي وزيني وسوي حفله وزيني المكان الفلاني وكل ولا لا مرت مناسبه نبي بطاقات نبي عروض نبي نبي ونبي.................الخ زين احنا اشلون ندرس ولا نخلص طلباتكم

 

[الدكتورة الريم]

نبي يفرغون المعلم لمهنته الاساسية الا وهي التدريس. ملينا من الانشطة والمسابقات والاوبريتات. ووونبي طاقم يشيل الاعمال الادارية مثل المناوبة والإشراف وو المقصفً والاحتياط والكنترول

@

أؤيد هالاقتراح بشدة

:eh_s(15):

@​

 

[الدكتورة الريم]

يالله نبي يكنسلون اطالة الدوام المدرسي

و نبي الكادر اللي بغته جمعية المعلميين

و نبي مممممممممممممممممممممممم

اجازة اموومة معاش كامل

و نبي ممممممممممممممممم ستاف اداري متخصص بالشغل الاداري اللي قلتوو فووق


بنات انا من الفرحة مو اببالي الا هالشغلات

كملوو من بعدي

@

PuPa^^SWeeT

ياهلا ومرحبا .. شكلك مستانسة :eh_s(15):

بخصوص قرار اطالة الدوام المدرسي ما اتوقع انهم بيفكرون فيه مرة ثانية

لانه قرار فاشل


ومقترح ان اجازة الامومة تكون براتب كامل

انا اؤيد كلامك

:eh_s(15):

@​

 

[الدكتورة الريم]

@

ملاحظة

جد .. جد .. يابنات

ترى لا تستبعدون ان رابط هالموضوع سيتم ارساله لوزير التربية القادم

وان شاء ياخذ مقترحاتكم بعين الاعتبار

@​

 

[أبله رورو]

اتمنى من الوزير اليديد ان يعرف ان المدرسه شغلها مو بس بالمدرسه حتى بالبيت تاخذه معاها عشان جذي لايفكر يطول الدوام لان اذا طولو الدوام المدرسي متى المدرسه يمديها ترتاح وتدرس عيالها وتجابل بيتها ياريت يفكر شوي وبيعرف ان غلط الي يسوونه اذا طولو الدوام وين فينا حيل نرد الدوام ثاني يوم ونعطي بمجهود وندرس
وياريت بعد يعطينا بدل البلاوي الي نجابلها بالمدرسه وتكون اختياريه مثل المراقبه والبطايق الي نسويها والدروس الرياديه والدروس النوذجيه والاحتفالات والبلاوي الي تسويها المدرسه من جيبها الخاص
وغير هذا المناوبات البلوه يعني هدت حيل مطلوب منا ندرس ونحضر ونصلح دفاتر ومراقبه ومناوبه ودرس ريادي ودرس نموذجي وبطايق للمناسبات والموجهه تطالب بشغل والوكيله والناظره كله عشان التقييم ياريت يكوون تقيم المعلم محصور على تدريسه بالفصل للطلاب وتوصيله للمعلومه مو عشان المعلمه تسووي بوفيه يبيض الوي ولا درس تعزم عليه امة محمد ينحطلها تقيمم احنا مجبورين نخسر بلاوي ومعاشاتنا طايره ياريت يزيدونا اذا مو ناوين يشيلون منا الأعمال الشاقه الي مكلفينا فيها من غير اي وجه حق بس عشان ينحط لنا تقيم

اتمنى ان الوزير اليديد يقرى ردي

 

[جيتك تعال]

يااريت الراابط فعلا يتم ارساله للوزير

وداامك بترسليينه للوزير عيل اخذي عندك ....

ياريت يشدد الرقابة على الوجبات الغذائية ويشدد الرقابة بعد على مدرسة ذات الصواري الابتدائية - بنات

لان وكيلتها شغالة عالوجباات يوميا دبة سيارتهاا تتعبى من الوجباات على عينك ياا تااجر

تطلع الخدامات ويعبون السيارة بالوجباات يعني يا وزيرنا لما تودون وجبات لا تودوون بالهبل

عشاان لا تعلمون ضعااف العقوول السرقاات ... ولهالوكيلة نقوولها عيب علييك لما تطلب منك طالبة ابتدائي صغيرة

وتقوولك يا ابلة ابي وجبة ثانية ترديين عليها وتقوليين لها " مااافي وجبة ثانية يالمفجووعة "

ترى ما في مفجووعة ومشفووحة الا الي تترس دبة سيارتهاا بالوجباات مو حراام علييك وين بتودينهم

لكن ما نقوول الا الله لا يحرمك الحراام وعسااك من هالحاال واردى .... شفت يا وزيرناا

ولو كنت تبي اسم الوكيلة نرسله لك بعد وتحقق بنفسك

 

[جيتك تعال]

يتبع للوزير ...

ياريت يتم تفعيل العمل الاداري ... وتاخذ الاداريات كافة الاعمال الخاصة فيهم ...

ما نبي نشووف معلمة تبيع في مقصف ... او تشرف في الفرص وبداية الدوام ونهاايته

على المعلم القياام بمهاامه فقط ... وعلى الاداري القيام بمهاامه فقط

 

[ابله نظيرة]

الله يبارك لنا في وزيرنا ويجعل بتوليه هالمنصب انه يحل كل مشاكلنا اللي من ضمنها
1_ اطالة الدوام 2_المناهج التعجيزية 3_اعباء المعلم اللي زادت واصبحت الحصة الدراسية آخر شي تقيمه الادارة عليه
4_ظاهرة تسرب الطلاب من المدارس الحكومية الى الخاصة وماتبعها من انتشار ظاهرة المدرس الخصوصي بشكل ملفت للنظر
5_اعادة النظر في تأنيث المدارس واذا قلتوا ان عدد الخريجات اكثر من الخريجين من المعلمين على الاقل توضع لجنة مختصة في كل مدرسة بنين تقوم بفض الصراعات والتطاول على المعلمات حتى نعيد للمعلم هيبته اللي انفقدت 6_ عدم وضع شروط تجبر المعلم على البقاء بالوزارة لانه اذا اجبر لن يعطي التدريس حقه كما يجب 7_تشجيع اكمال الدراسة والحصول على شهادات عليا لمن لديه الطموح وليس تقييده 8_ عدم تقييم المعلم على ما انجزه من دروس نموذجيه وورش لان البعض يقوم بالتدريس اي كلام وبالاخير يقوم بعمل درس او ورشة ليحصل على الامتياز بل تقييم المعلم يبدا من حصته وثم حصته وثم حصته 9_فصل الطلاب اللذين يعانون من مشاكل او اعاقات في مدارس خاصة تعمل على علاج مشاكلهم لان دمجهم بالاطفال العاديين يجعل المشكلة تتفاقم 10_القضاء على ظاهرة الواسطة في المناطق التعليمية
11_ من حق المعلم ان يوصل شكواه لمكتب الوزير ولايكون ذلك الا بتخصيص يوم بالشهر على الاقل يفتح الوزير فيها صدره للمشتكين من المعلمين
واخيرا اقول ياريت نسوي نفس اليابان ونرتقي بوظيفة المعلم ويكون هو والوزير واحد حتى يرتقي التعليم عندنا

 

[كويتيه وافتتخر]

أويد أبلة نظيرة بشدة وأزيد عليها جعل مهنة التدريس من المهن الشاقه واعادة النظر في زيادة الكوادر ؟؟
لان حرام المعاش يروح كله ع وسائل والطلبه ..

 

[انتهيت]

اممممم اولا و اهم شييييييي يخففوووون المناااااهج التعذيبيه هلكووووونا فيها

و يلغووون الامتحانات القصير اقصد السخيفه اللي ما منها فاايده ع 3 درجات و 2 حطوها مع الشفوي او اي شي فكونا
ما يمدينا نخلص اختبارات فتره الا بلشنا بالقصير تعقدناااااااا

و بخصوص امتحان الحاسوب اللي ع درجه بسسسس ليش متعبين روحكم و حاطينه حطوها مع الشفووي مو تخلونا ندرس الكتاب كله ع دررررررجه شالسخاافه ....!!!!

و بخصوص تعديل المناهج كل شوي ما كو شغل مثلاااااااا ترا احنا بشششر نحس تعبنا فكوناااااااا

و بخصوص ان البدنيه و الرسم و غيره اساسي ترا هذا يعتمد ع قدرات الفرد غصببببب يكون رشيييييييق غصب يكون فناااااااااان ........!!!!
و بخصوص انا اكون امتحان بدنيه راح نصير مدربات منتخب مثلاااااااا
و بالنسبه لامتحان القراااااان اللي احفظ الايات و اكتبها حراااام عليكم حرفنا بالقراااااان و السبه انتو تعطونا من اخر الايه او نصها و تبونا نكتب عدل

ع فكره نص عاشر ساقطين بالقران لانهم ما يبون يحرفوووون فيه حرااااااااااااااام شيلوووو هالامتحان اخذنا ذنووووب

و بالنسبه اللاختبارات التعجيزيه خاصة المواد العلميه شايفينا عباااااااااقره لااااااا و لا سالفه تجفسون اوراق الاختبارات و كنترول و دنياه ليييش كل هذا
ما كو شغل ....!!!!

<<< منقهرررررررره فيها بعد ما خلصت بنت ابوها خههههههههه

 

[انتهيت]

و بخصوص انكم حاكرينا مليوووون ابله و ابله ع راااسنا ما تبونا نشم هواااا نموت مثلاااا و الله الواحد اذا قام الصبح يحس انه رايح سجن مو مدرسه من كثر هالابلتت اللي ع راسه ابله تشتغل مع الحترس لازم الصبح ترتز عند باب المدرسه و عند كل درج و ممر مدرسه حراااام عليكن ترا اهم معلمااااات مو شرطياااات كرفتووهم عدلللل حللتو معاشاتهم المساكين << تشيش ههههههههههه

و بالنسبه ان عاشر عليها 10 درجات حرام عليكم عذبتو الطلبه ليش هالتفرقه قبل سنتين او ثلاث كان بس عليها خمس شمعنا اللحين صارت عشر و الله يستر ع الدفعات الجايه

و بالنسبه للجغرافيا خففوووووه متناااااااااااااااااااااااا و نبي انجليزي الامارات فديته مو هذا المعقد باليوووم مليون كلمه لا و الست بوووووك 169 سوال شنحفظ و شنخلي...؟؟؟!!!

و نصيحه اللغو مادة الفلسفه لان اشوف انها معقده و مالها داعي يدش الطالب و يطلع و لا استفاد شي << وجهة نظر

و سلامتكم << خلص خطابها ههههههههه*

 

[غيمه ظميانه]

هههههههههههههههه انتهيت ههههههههههههههه اقولج قعدي بالبيت أحسن لج كل هاذا تبينه يصير بيوم وليلة

اهم شي يا سعادة الوزير عاوزين المعلمة تشتغلها شغلها وبسسسسسسسسسسسسسسس

لا للأشراف
لا للمناوبه
لا للمسابقات اللي مالها معنى
لا للمقصف
لا للأحتياط


وسلامتكم جميعا

 

[فطووومة]

الله يوفقها موضي الحمود وين ماكانت


لا تتفاءلون وايد كلهم يعطونا الامل وعقبها بيومين يصير كله كلام في الهوااااااا

 

[العز بنت ابوها]

السلام عليكم ورحمة الله وبركاته انقطعت فترة عن المنتدى لكن رجعت ومعاي اخبار حلوة
اليوم وزير التربية احمد المليفي زار مدرستنا
بالمسرح في مسابقة الربورت التابعة لمنظمة الملست للطلبة الكويت​

المهم سلمت على الوزير وباركت له بالمنصب الجديد كوزير للتربية
مبدئياً شكل الوزير يبشر بالخير
واهم شيء وقبل كل شيء قلت له عن موضوعنا والكادر واستمع لنا بكل رحابة صدر​

قلت له بالحرف الواحد : لاتنسى انك انت محامي ورجل قانون اتمنى انك تشوف وضع مصممي التقنيات
ونتمنى بعهدك يتم انصافنا وياليت تطلع على موضوع الكادر الي يقر بعدين تجي زيادة تشمل الكل الا احنا​

وقال : ابشروا بكل خير​

وهذه صور من زيارته​

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 960x720 75kb

وزير التربية احمد المليفي ومديرة مدرسة رقية منى العريفان والاستاذ عدنان المير​

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 960x720 84kb

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 960x720 86kb

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 960x720 109kb

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 960x720 78kb

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 960x720 74kb