وحيده وحزينه وفاقده الحنان

[شونغ هونغ]

انا مقهوره حيييل احس رزقي مقطووع مااعرف اوصف بس احس اني مو مثل باقي البنات كل البنات اهلهم يهتمون فيهم ويلبون احتياجاتهم الا انا جالسه بين اربع حيطان ولا حد دراى عني احاول اجلس معهم ماالقى احد يهتم فيني ويقولون قومي زين مايبوني اجلس عندهم عايشه بووحده في الجامعه وفي البيت ..بديت احقد على البنات الي عايشين حياتهم واهلهم يحبونهم ويعطونهم حنان وحب صدقوني انا ماحد يصرف علي اصرف على نفسي بفلوس الجامعه ولا قبل محد يعطيني ابي اشياء كثير بس صابره وساكته محد يعطيني فلوس ليش الدنيا كذا حياتي تخرع :eh_s(2):محرومه من كل شي ماادي ومعنووي ودايم يظلموني احيانا احس اني بنجن وافقد عقلي يارب رحمتك الله لايسامحهم

 

[Tom ♥ Jerry]

.


حبيبتي حطي بالج على دراستج هالفتره !
و تالي ان شاء الله تتوظفين احسن وظيفه و تتعرفين على بنات
تروحين و تردين وياهم و تقزين وياهم
الحين اذا كان لج وقت فراغ اشتركي بنادي دورة تروحين لها بعد الجامعة
لو حتى تروحين الممشى كل يوم ساعه و لا ساعتين تتمشين ..
منها رياضه و منها تشمين هوا و تغيرين نفسيتج :*


الله يوفقج يارب و تقربي من ربج و الله يفرج همج

 

[لمى الهاجري]

الفلوس مو كل شي ماتدرين يمكن يجي نصيبج ويعوضج

 

[* ليــــدي *]

مشكله

 

[شونغ هونغ]

متى اموت ؟

 

[روانتي 12]

احمدي ربج ع صحه و العافيه . . وانتي مكتوب بتوقيعج زواجج بعد شهرين ماتدرين يمكن ريلج يعوضج عن كل شي . . تحملي مابقا غير شهرين . . وهذا اختبار من ربج تحملي وصبري وربي بيجازيج ياقلبي . . موفقه

 

[روانتي 12]

متى اموت ؟

حكم الموت : محرم ، و ترا الموت مو حل

 

[* ليــــدي *]

متى اموت ؟

ما ادري

 

[اشلون يعني &]

الفراغ يجيب الجنون
اشغلي نفسج بشيء مفيد
وين قرانج
مهملته من زمان
وين الكلمة الطيبه
وين حسن الظن بالناس
وين هم الاخره


ترى تركيزج على الدنيا
روحي لهم وغرقيهم بالكلمة الطيبه والجمل الحلوه لوجه الله امورج تتغير
قرانج صاحبيه ترى ابرك من البشر

 

[Vous jamais]

الله يعينج حبيبتي

تقربي من الله وثقي ان الله ارحم فيج من كل الناس

كل الناس تحبج و تعطيج مقابل مصلحة

والله يرزقج و يعطيج و هو غني سبحانه عن عبادتج له

انصحج بكثرة الاستغفار

 

[Patcholli]

اي والله حمدي ربج عالصحه والعافيه الي ماتنشرى بالفلوس ناس على قولتهم هوامير وملايين والسرطان ماكلهم اكال
حمدي ربج تاكلين وتشربين طبيعي ناس ماتقدر تبلع ريجها هوز قاض رقبتهم عشان ياكلون ويتنفسون
حمدي ربج جامعيه وتقدرين تكملين تعليمج ناس حتى الفاتجه مايقدرون يقرونها
هاذا وسواس مسيطر عليج مخليج تشوفين السلبيات وتتجاهلين نعم رب العالمين
انا اقول حمدي ربج واستعدي للموت ماتدري متى تموتين بس بييلج يوم بتموتين هل انتي مستعده لهاليوم هل اعمال كافيه حق صعوبه هاليوم ؟؟
انا اقول مدام عندج هالوقت الكبير شغلي نفسج فيه بشي يفيدج بدنيتج واخرتج القران راح يحل مشاكل كلها النفسيه والجسديه والمعنويه ويفيدج حق اخرتج ..
الحل سهل وبيدنا بس احنا مالنا خلق نبحث ونتعب روحنا نبي كلشي ايلنا على صحن من ذهب ..
صدقيني لو كنتي شاغله روحج بذكر الله وقيام الليل والادعيه والقران بتحسين بلذه ومتعه بحياتج انا ماتفسلف عليج بس هالشي صج خاصه للانسان اليائس مثلج يحتاج يتقرب لربه لانج حسب مافهمت ماعندج احد قريب وربج اقربلج من حبل الوريد ليش ماتتقربينله بدال الناس الي مايستاهلون ؟

 

[قرنفله 99]

الله يرزقج بالزوج الي يعوضج عن كل الي انحرمتي منه انا كنت نفس حالتج والله عوضني الحمدلله بس للحين غصة بقلبي لاني ما لقيت اهتمام من أهلي

 

[روحها في الكويت]

لاتمنين الموت صلي ركعتين واقري قران وعيشي حياتج صح وعييلي من الله خير

 

[بنوته ذربه]

الله يفرج همج ويسخر لج زوجج يعوضج كل الحنان اللي فقدتيه