وحشتني سواليفك ....

[najdeya]

up

up

 

[zizo0ou-x3]

Stell waiting

 

[الغيلم]

وييييتنققق

 

[om sa3ad]

نناطرينج

 

[واحشني مووووت]

نجوووووووده انا اهنيه ترا:rgewrg:
منزله قصه وانا اخر من يعلم مااااااااااااشي:eh_s(16):
زعلااانه منج :eh_s(11):​

 

[άGώâ ми àώàŁ]

Waiting

 

[zizo0ou-x3]

Waiting you

 

[واحشني مووووت]

up
up
up:eh_s(7):​

 

[najdeya]

سارا و نورا و بنات خالتهم نور و نوف كانوا قاعدين علي البحر…

سارا مسحت المسج المزعج و سكرت موبايلها ما لها خلق ازعاج

نورا اختها كانت قاعده تسولف مع نور و نوف …. شوي و لا حمد يتنحنح بيقعد وياهم

نور: هلا و غلا
حمد: السلام عليكم
الكل: و عليكم السلام
نوف: حمد!!!!! ولهانه عليك حبيبي (و راحت قعدت يم اخوها)
حمد: بسكم حش بسكم
سارا: ههههههه و الله عارف لنا
حمد: سوير شخبارج!! قاطعه !!
سارا: اي انت كلش ما تزور
حمد: نورا … (و يآشر لها بيده)
نورا: هلا (بنفسيه)
حمد: شدعوه يبه شدعوه
نور: شفيج عليه!!!
نورا: ما فيني شي!!! شتبي
حمد: افا افا افا (و يسوي حركات بوجهه يكون يكسر الخاطر)
نورا: ما يضحك …
نور: انتي شفيج فجآه معصبه!!!
حمد: ما لج شغل فيها تحب تسوي لويه
نوف: انا مقفله بقوم انام… تصبحون على خير
سارا: نطريني بقوم وياج

حمد حس القعده بتنفل…. على طول طرش bbm حق نورا "قعدي ابيج"

نورا: انا بعد بقوم
حمد: (رفع الحاجب) نورا قعدي ابيج بسالفه
نور: شنو؟؟
حمد: انا قلت اسمج؟
نورا: نور قعدي اخوج ما عنده سالفه صدقيني
حمد: نور شوي ابيها بسالفه
نور: نوير انا بدق علي رفيجتي اذا خلصتي من الحجي تعاليلي بقعد هناك

الكل را و بقوا حمد و نورا بروحهم قاعدين على التراب …

حمد: انتي شفيج!!!!!!!
نورا: …..
حمد: احاجيج!!!!
نورا: نعم؟
حمد: شفيج ادق عليج تحقرين؟! و لا تدقين و لا تسآلين
نورا: ما فيني شي
حمد: نورا!! (و قرب منها يحاول يشوف وجهها)
نورا: و بعدين معاك!!! متى بتيوز من خرابيطك!!!
حمد: ها….



محمد قاعد ويا ربعه ينطر لولو تدق….. قايل ما راح يدق عليها لانها صايره وايد تتغلى

صارت الساعه ٢ و للحين ما دقت …. و محمد كل دقيقتين يطل يشوف اذا دزت مسج او شي ….. قاعد مع ربعه بس باله شوي مو وياه… و كل شوي سرحان

مل و هو ينطر … و ما له خلق سوالف الشباب …. بطل الصور اللي بموبايله و قعد يطالعها …..

صور عيال اخته ،،،، صوره بالبحر …. صور لولو اللي تدزها من فتره لي فتره ….

قعد يشوف صورها …. البنت حلوه!! ملكه جمال ،،،،، و بكل صوره شكلها احلي من الثانيه …..

راح بطل الصور الاقدم …. شوي و لا تطلعله صوره خلت دقات قلبه تصير سريعه … و مثل الشي اللي يعصر قلبه …. قعد يطالع الصوره مده …..

شوي جان يتصل على رقم …. الجهاز مغلق

محمد: اففففففف

ربعه لاحظوا انه ساكت و ما تكلم من قعد …

بدر: انت شفيك سرحان و حالتك حاله
محمد: ما فيني شي …. (رن موبايله قام على طوووووووووووووول) انا بمشي شوي …… الووو

و يسمع الشباب يعلقون عليه و يضحكون ….

محمد: انتي وينج!!
لولو: توني داشه البيت
محمد: يا سلام عليج!!
لولو: محمد اذا بتصرخ والله مالي خلق راسي يعورني
محمد: حجي يديد هذآآ
لولو: والله محمد انا تعبت!!!!!! انت ما تلاحظ نفسك!!! و لا شي يعجبك!!! كل شي عيب !! كل شي اسويه غلط!!!
محمد: و انا صاج !!! رادين من الشاليهات بنات بروحكم الساعه ٢!!!
لولو: و من قالك راده بروحي!!
محمد: منو وياكم؟
لولو: خواتي راحوا ناموا بشاليه رفيجتهم … انا رديت ويا منذر عشانك
محمد: لحظه لحظه !!! منذر!!!؟؟؟
لولو: اي شفيك!!!
محمد: لولوه انتي من صجج راده ويا الصبي بروحج هالحزه!!! و بكل ثقه الحلوه تقولي عشانك!!! فهميني شلون راده ويا ولد عمج عشاني؟؟؟؟؟؟
لولو: اووووووه !!! ما يعجبك شي!! لاني ادري ما را ترضى انام عند رفيجتي رديت وياه..
محمد: لولوه يرحم والدينج لا ترفعين ضغطي
لولو: محمد!!!!!!! انا بنام… تبي شي؟؟؟
محمد: باي (معصب)!!!!

سكر التلفون و هو مفووووررررررر!!

لولوه …. خانقتها العبره … لانها للحين مو عارفه تتفاهم وياه!! على طول معصب و يدور الزله …. دخلت الشاور و لبست بيجامتها و قعدت بالفراش ضايق خلقها ….

محمد رد اتصل على ذاك الرقم ….. رن !!!! فتحت جهازها!!! دقات قلبه شوي شوي تزيد


سارا بغرفتها تلعب انجري بيرد ….. فجآه رن موبايلها ،،،، تطالع …. ذاك الرقم اللي يعور قلبها كل ما شافته …. فكرت ،،، يت بتسكره ،،،، بس قلبها خلاها ترد

محمد: سارا (مثل المو مصدق)
سارا: (حست شي رد لها لما سمعت الصوت …. الم على لذه على وله) نعم
محمد: (حس براحه ما يحسها الا لما يسمع نبره صوتها) شلونج؟
سارا: محمد شفيك … (تحاول كثر ما تقدر تكون رسميه)
محمد: سارا … يالظالمه ٤ شهور ما سمعت صوتج!!
سارا: محمد داق تقولي هالكلام!!! عندك شي ضروري؟؟
محمد: ابي اكلمج ،،، سارا تعبان ،،، و الله تعبان
سارا: (تدري من صوته انه تعبان …. تعرفه اكثر من نفسه) … شفيك؟
محمد: ….. (ساكت يبيها بس تتكلم و هو يسمع … )
سارا: محمد!!
محمد: سارا … والله ماني قادر …. ابي افل الخطبه
سارا: (منصدمه) …. شصاير خرعتني!!
محمد: مو صاير شي … بس انا ماني قادر
سارا: فهمني شصاير ؟
محمد: البنت ا فيها شي ،،،، بس ماني قادر افهمها …. و حاس اني ظالمها
سارا: ليش؟؟
محمد: …..
سارا: (حطت مكانها مكان لولوه) محمد اسمعني… انت اللي تمر فيه شي طبيعي ،،، كل اثنين ينخطبون يمرون بمشاكل …. يبيلك وقت تفهمها و تفهمك ،،،، لازم تطول بالك ….

سارا تحاول تهديه لانها حطت روحها مكان لولوه ،،،، و بنفس الوقت تبي الخير حق محمد …. و محمد ساكت ،،،،، مثل الياهل ،،،، يحس كلامها يريحه ،،،، ما كان يبيها تسكت ،،،،

سارا: بعدين مشاءالله البنت ملكه جمال و بنت ناس … و الكل يذكرها بالخير …. يعني كامله و الكامل الله ،،،،

سارا تتكلم و محمد يسمعها و مسكر عيونه ،،،،،، يبي يتم مغمض لما يرد فيه الزمن لما كانت هي خطيبته و حبيبته …

سارا: محمد؟
محمد: هلا (بصوت واطي)
سارا: طول بالك عليها …. و لا تعصب عليها … انت ريال عصبي و لما تعصب تقط حجي يجرح ،،،، مهما يكون البنت تنجرح …
محمد: سارا…. اذا رديت خطبتج ترضين؟؟؟؟
سارا: ها؟ (منصدمه!!!!!!!!!)


نرجع حق حمد و نورا

حمد: نوير شفيج؟؟؟ قبل نضحك و نتغشمر و على طول سوالف ،،،، كنتي اقرب من خواتي .،،،، و تدرين كنتي اختي الثالثه الحين كلش مو ملقيتني وجه
نورا: (تخش دموعها) حمد انت تغلط و تنسى …
حمد: ليش شسويت؟؟
نورا: انت لما تتصل علي سكران عبالك عادي عندي!!! (و قامت تبجي بجي ….. تعبت و هي تقمت البجيه)
حمد: …… (منحرج) نورا …. نواره ،،،، (و قرب منها حيل) تدرين ان محمد يعرفني كثرج ،،،، انتي اختي اللي ما يابتها امي …. نورا تدرين اني قاعد احاول اتعدل
نورا: حمد!!!! انت ماشي بطريج الله يستر منه!!! و الله حمد صرت ما اعرفك!!! مره اكتشف تكلم رفيجتي و مره مسافر مع شباب صايعين و الشرب و خرابيطك مع البنات …. بس والله تعبت و انا اغطي عليك
حمد: (يمسح دموعها و قلبه يعوره عليها و على روحه) نورا ….. و الله مو بيدي
نورا: حمد …. داق علي و انت بالفراش مع وحده!!!!!! تفهم شنو يعني سكران و مع وحده!!! (قامت تصرخ و تبجي)




يتبع …… ​

 

[najdeya]

انا اسفه علي التاخير بس اشتراكي حيل بطيء :rgewrg:

مو راضي يفتح صار له مده :rgewrg:

مشكورين علي الانتظار كلكم ذوق و هذي بوسه لكم وحده وحده :* :* :*




زيووووووووووووووووووووووووووووووووووووووووووووون :eh_s(16):

اااااخخخخخخ يا زيوووووووووووووون :eh_s(16):

والله مريت بظروف :eh_s(2): الله يعلم بالحال :eh_s(2):

انتي شلونج؟ انشالله طيبه؟ :*​

 

[om sa3ad]

تسلم ايدج وناطرينج لولوة بتصرفاتها قاعده تعطي محمد ينحاش ويلجأ للحب القديم اللي شكله لين الحين في قلبه وسارا خوش بنيه عجبتني وحمد مو شى ونورا تكسر الخاطر ومشكورة وعذرج معاج

 

[فركيته]

تسلم ايدج يالغاليه القصه روعه وياريت تطولين البارت او تنزلين اكثر من يوم بالاسبوع (اذا سمحت ظروفج) وربي يعطيج العافيه

 

[najdeya]

حبايبي ما تقصروووون ... و انشاءالله الياي احلى :*​

 

[najdeya]

up
up

 

[zizo0ou-x3]

yslmoo 7boba
w m3thora
waiting elyay

 

[najdeya]

yslmoo 7boba
w m3thora
waiting elyay

thank u :*

 

[zizo0ou-x3]

waiting elyay

 

[Aloolah]

يعطيج العافيه حبيبتي انا متابعة يديه حق قصتج ماشاءالله عليج اسلوووب و لا اروع

 

[واحشني مووووت]

البارت عجيييب و القصه تشوق

نجووووود انا بعد وينج عني انتي :eh_s(2):
دشي على بالبرايفيت :eh_s(16)::eh_s(11):​

 

[aldana]

Missss U
واااااااي البارت قصير ومشوق مايصير ....كل شي منج حلوووو ياقمر :********