وحامي نفس بناتي يعني شكلها بنت

[ألمهره الاصيله]

السلام عليكم ورحمة الله وبركاته
اما بعد
تقبلوني اول مره معاكم بالمنتدى بس كنت متابعه لكم ولمواضيعكم الجميله
انا بس كنت ابي استفسر من اللي عندها خبره في الحمل :eh_s(15):
انا عندي ثلاث بنتين وولد والآن حامل بس احس وحامي نفس بناتي كنت اكره
ريحة ايدي بعد الاكل خخخخخخخخ شي غريب وبولدي عادي والان في حملي هذا
نفس الشي اكره ريحه ايدي بعد الاكل لدرجة ماعاد آكل فيها بس بملعقه
يعني شكلها بنات

بس حبيت استفسر منو جربت هالشي وجابت ولد
اتمنى فهمتوني

 

[00اوركيد00]

الله يرزقك الذكر السليم الصالح البار ويسهل لك حمله و وضعه

 

[كتالونيه]

هلافيج اختي
حياج بين خواتج
حبيت ارد عالموضوع
لاااا
انا طبعا بحمالاتي كلها اكره القهوه حيل
وبحمالي بولدي الاول كنت حيل تعبانه وطايحه مااتحرك
كلششش
اما ولدي الثاني نشيطه وماحسيت بالتعب كلش
وبنتي بعد نشيطه وماحسيت بشي
مو شرط الوحام مثل الشي لاتختلف
واهم شي الطفل السليم المعافي

 

[ابدا يالغالي مانساك]

الله يقوومج بالسلامه والضناا المعافي يارب ​

 

[shak!shoka]

مو شرط

الله يرزقج بالي تتمنيه

 

[ام ساره 4]

أنا حسيت بالفرق بين وحام البنت والولد وطبعا جسم عن جسم يفرق يعني مو شرط وحامج نفس بناتج يكون فيج بنت والعلم عند الله سبحانه والله يرزقج باللي تتمنين يارب

 

[حبيبي مالكني]

الله يرزقج ويرزقني بلي نتمناه

 

[Laymo0ona]

نساتي في ولدي خفيفه وفي بنتي مأساااااة
والحين حامل ووقت النساة تقريبا كانت نفس الولد بس فيني بنت ماله دخل

 

[امواج الكويت]

نساتي بالولد والبنت نفس الشي ماكو اختلاف نهائياً

 

[ام فواازي]

ماله شغل انا عندي ولدين وبنت ووحامي بولدي البجر وبنتي نفس الشي و ولدي الثاني كان غير سلني سل صرت عود منه و هالمره فيني ولد وهم وحامي غير يعني 3 اولاد كل واحد وحامه غير عن الثاني

 

[ألمهره الاصيله]

مشكووووورين حبايبي على ردودكم
والله ماقصرتوا .......وكل اللي دعتلي دعوه حلوه
لها بالم.

 

[ألمهره الاصيله]

وإنشاء الله اللي دعت لي دعوه حلوه لها بالمثل

 

[ألمهره الاصيله]

بس بغيت استفسر بشغله ثانيه


انا رحت بعد تاخر الدوره بعشرة ايام سويت سونار وقال لي
الدكتور الافغاني اني حامل بخمسه اسابيع وفي كيس بس صغير حيل
وشاف كان في كيس ثاني بس ماقال لي انا عرفت من الممرضه تكلم معاه
وفهمت بس ماادري ليش ماقال لي
مع اني اول ماحملت كان هرموني ٥٥ وبعدين تضاعف
وانا سمعت ان الحامل بتوام يكون هرمون الحمل مرتفع
فهموني وعطوني تجاربكم

 

[ام الحلوااات]

مــــــن حـــمــــل لــــحـــمــــل يــفـــرق بـــس مـــو شــــــرط نـــفـــس الــجــنـــــس

وعــــســـــى اللـــه يــــرزقــــج الـــولـــــد الـــســـلــيـــم تــــااام الــخــلــق والــخــلــقــــه يـــاااارب

 

[فرفشه منعنشه]

بس بغيت استفسر بشغله ثانيه


انا رحت بعد تاخر الدوره بعشرة ايام سويت سونار وقال لي
الدكتور الافغاني اني حامل بخمسه اسابيع وفي كيس بس صغير حيل
وشاف كان في كيس ثاني بس ماقال لي انا عرفت من الممرضه تكلم معاه
وفهمت بس ماادري ليش ماقال لي
مع اني اول ماحملت كان هرموني ٥٥ وبعدين تضاعف
وانا سمعت ان الحامل بتوام يكون هرمون الحمل مرتفع
فهموني وعطوني تجاربكم

الله يرزقج الولد الصالح حبيبتي ويتمم عليج
نسبتج طبيعيه للحمل المفرد لان النسبه بسيطه وانتي متاخره عليج 10 ايام التوم لازم بيوم الدوره مثال يكون بال200 تقريبا ويتضاعف يصير 1000 وشوي بعد يومين

وهذا جدول نسب الحمل بالاسابيع وربي يتمم عليج
نسبة هرمون الحمل...اتش.سى.جى

اسبوع-1 بعد التلقيح= 5-50ملى وحدة دولية (عادة حوالى 25)
اسبوع2= 5-50
اسبوع3= 5-50
اسبوع4= 10-425
اسبوع5=19-7340
اسبوع6=1080-56500
اسبوع7-8=7650-229000
اسبوع9-12=25000-288000
اسبوع13-16=13300-254000
اسبوع14-17=4060-165400
اسبوع25-40=3640-117000



الجيس اللي ماقالج عليه احتمال جيس فاضي يكون ماي ويتلاشي بروحه لان حجم كيس الحمل له مقاسات معينه وبالاسبوع الخامس التوم يكون واضح بنبضات القلب بالكثير بالاسبوع السابع

ويارب يفرح قلبج باللي تتمنين انشالله






​

 

[((غلاي))]

الله يتمم عليج يارب

لا مو مقياس ان البنت غير و الولد غير
و الله يرزقج بالي تبينه يارب
و كلهم نعمه من رب العالمين

 

[يارب احفظ عيالي]

لا اختي موصحيح ان الوحام يدل على نوع الجنين انا نساتي نفس الشي

 

[romance 1]

بالنسبة لي فرق وحام عيالي عن بنااتي

 

[عنووشه]

عادي طفل عن طفل يختلف نسااته

 

[ألمهره الاصيله]

مشكوووووووووووووووووورين حبايبي والله ماقصرتوا
وبما اني عليميه توني بالمنتديات مااعرف ارد عليكم وحده وحده
واوفيها حقها بس ابي اشملكم بهالدعاء


(((اللهم ياجبااااار إجبر على قلوبنا بالصبر والتقوى
وارزقنا من حيث لانحتسب واعف عنا واغفر لنا وارحمنا انت مولانا فإنصرنا
على القوم الظالمين ومتعنا باسماعنا وابصارنا وقواتنا ابدا
مااحييتنا ولاتجعل مصيبتنا في ديننا ولا إلى النار مصيرنا
اللهم ارزقنا بالذريه الصالحه الباره الموحدة لك سبحانك
واجعلهم قرة اعيننا اللهم اغفر لوالدينا وارحمهم واجمعنا
في الفردوس الاعلى مع النبيين والصديقين والشهداء
وحسن اولئك رفيقا ،،،،،،،،،،، وصلي اللهم وبارك على
نبينا وشفيعنا محمد وعلى آله وصحبه ومن اتبعه الى
يوم الدين))