منار123
New member
- إنضم
- 22 أبريل 2010
- المشاركات
- 744
- مستوى التفاعل
- 0
- النقاط
- 0
السدر الاصلي تاخذين منه شوي بايدج مع شوية ماي دافي وتفركينه ليما تطلع رغوه تغسلين فيه الوجه مثل الصابون بحركات دائرية وطولي اخذي اكثر من دقيقه وبعدها غسليه بماي وغسلي وجهج بماي بارد
وتقدرين تسوين منه قناع قبل النوم تخلطينه مع قفشه صغييره روب وشوييية ماي بدون ماتفركينه حطيه بيصير لونه اخضر مو رغوه .
يعني تغسلين فيه الصبح وتسوينه ماسك بالليل
ترى بينشششف بس تعالي شوفي اسبوع ووجه صاافي ان شاءالله
واذا ع الناشف اخذي فازلين بفيتامين اي او العادي بطبقه رقيييييقه جدا ع الاماكن الناشفه بسس مو ع الحبوب لأ
ونصيحة كل اسبوع سوي تقشير طبيعي بقطرات ليمون او برتقال على سكر وفركي فيه بحركات دائرية
عشان يشيل الحبوب الي تنشفت والبشره الي اسمرت واتلفت
وبتلاحظين ان البشره افتحت اكثر وتنورت مو بس علاج للحبوب
اتمنى تجربين هذا الشي تريحين اسبوع من علاجات الطبيبه
وان شاءالله مايكون للتقشير الكرستالي تاثير على نتيجة هذي الطريقه
بس اذا اعجبت كملي عليها وابتعدي عن اي شي كيميائي
وانتي سوي الي يريحج
وبالتوفيق يارب
التعديل الأخير:
