وجبات سب واي ؟؟

[ShoShii<3]

هاي بنات

انا مسويه رجيم و مو ماكله شي من الساعه 10 الصبح كليت كورن فلكس مع حليب خالي دسم:eh_s(2):

ميته يوع


و مشتهيه سندويج :bbbiu:


عفيه بنات شنو اطلب من سب وي ولا عمري طلبت منه

ممكن تقولون لي اكله حلوه و خفيفه من عنده و شنو مكوناتها و جم سعره حراريه


آوخيتكم تنطركم :eh_s(7):

 

[الأميرة جوري]

لرفع

 

[sho-sho_93]

تقدرين تاكلين روست بيف او تركي مع جبن لايت ونص صمونه سمره بالنسبه للصوص لا تحطين أي شي ابيض لان فيه مايو خلج عالماسترد وكاتشب و بتربيكيو ولا تاكلينه كل يوم خلج مره بالاسبوع

 

[Katkoota85]

طلبي فاهيتا مع الخضار اللي تحبينها حطي اللي تبين خس طماط زيتون .. بس خلي صمونتج سمرا وبدون سوس احسن

 

[طريق السعاده]

تقريبا كل وجبات صب وي حلوه لانها تعتمد ع الخضار والسلطه

بس طبعا بدون صلصات

اذا تهورتي حطي جبن لايت فقط وطبعا مو كل يوم تاكلينه بس مثلا بالاسبوع مره يعني مثلا طالعه بدل ماتشترين عشا يخرب الدنيا اشتري صب وي وخلي اختيارك خبز اسمر او نخاله النخاله مب بكل الفروع الاقيه انا لكن عموما الاسمر يادي الغرض وطبعا الي 6 انش وحطي سلطات وخضار الي تحبين وزيتون بعد انا اذا اشتهيت مطعم اطلب منه وجربت فاهيتا وترياكي وديك رومي وروست بيف عادي اي وجبه المهم مب مقلي ولاتحطين صلصات

هذرت واجد هع

 

[Mrs.H]

شوفي اختاري نص صمونة سمرا

مع تيركي او صدر دياي (التركي اخف)

خس خيار فلفل بارد زيتون ممكن بيكلز للنكهة

مع صلصة الباربكيو لانها تعتبر رجيم

وبس موووفقة

 

[Koko7taty]

بالعافية

​