وتلوموني لي قلت بتزوج !!!

[ڕۆۆحــي ڣــڍااگ]

الله يعينج قلبي

 

[ليتني مـآ كبرت]

الله يكون بعونج ويهدي أهلج

ويرزقج بالزوج الصالح اللي يخاف الله

فيج عاجلا غير اجل يارب

وحاولي تتقربين من أمج أكثر بوسي راسها بكل حزة

قعدي أقري قران وياها قلوليلها يمة بنختم القران مع

بعض ماتدرين يمكن اللي فأمج وأبوج نفس

وشغلي الرقية على طول فالبيت

و أنتي بعد أقري فبطل الماي وخلي أبوج يشرب

منه بدون لايدري

ترا القران علاج بإذن الله لكل شي

 

[PassionFruit]

الله يكون بعونج ويهدي أهلج

ويرزقج بالزوج الصالح اللي يخاف الله

فيج عاجلا غير اجل يارب

وحاولي تتقربين من أمج أكثر بوسي راسها بكل حزة

قعدي أقري قران وياها قلوليلها يمة بنختم القران مع

بعض ماتدرين يمكن اللي فأمج وأبوج نفس

وشغلي الرقية على طول فالبيت

و أنتي بعد أقري فبطل الماي وخلي أبوج يشرب

منه بدون لايدري

ترا القران علاج بإذن الله لكل شي

فديتج حبيبتي انا والله اني مو مقصصره بولاشي اتجاههااا وان شالله ماكوون مقصره بشي تبيه وانا مادري عنه واذا على طاري البوس طفرت مني من كثر مابوسهاا ههه علني كل ماحنيت لهااا بستهااا بس ماتحب البوس بس الله احس فيني حناان وابي اطلعه لوو بالبووس بس الحين ماصرت ابوسهم لان العايله الكريمه اغلبهااا ماتحب تنبااس !!! << حسيت نفسي ياسر عرفات :eh_s(10):
بس القصصد بيتنااا مايحترم المشااعر وامي مرات احسهاا ودهاا تتقرب مني وانا ودي بعد بس شخصيتي حيل غير عن شخصيتهااا يعني مثلا شكثر اشياء هي تحبهااا وانا عكسهااا فيهااا علشان جذي احس اني بعيده عنهااا والله يسامحهاااا ماتبين حنانهااا لنا يعني ناااااااااادر تيي اللمه منهاااا يعني المشكله تحبناا بس تكتم مشاعرهااا مادري ليش :eh_s(2): << محتاجييين لحنانج يالغاليه :eh_s(2):
بنات ادري بتستغربون بس مره قاعده تسولف جان فجأه تقول حبيبتي جان الف عليهااا اقولهاا منوو انا ؟؟ حسيت احرجتهاا من غير لا اقصد بس ناااادر ماسمع منهااا هالكلمه علشان جذي استغربت

 

[رجااوي]

الله يعينك ي قلبي انا الحين بكمل 23 ولا مره طلعت مع صديقاتي كللش ..
واحس اني تعبت من البيت ماعندنا شغاله وانا عاطله وخواتي يدرسون واذا المطبخ او اي معفوس يقولون ماعندج بطاليه ليه ماتشتغلين ,, تعبت صصج ,, اتمنى فعلا اتزوج وارتاح هذي اشياء بسيطه قلتها ..!!
الله يعين والله

 

[عادت ذكرياتي]

الله يفرج عنج ويرزقج باللي تتمنينه ....

 

[اعاتبك بإبتسامه]

حبيبتي الله يعينك
وانا رايي لك انك تحاولين تبسطين الامور علشان نفسك وصحتك
وصدقيني مهما سوو الاهل اكيد حب لعيالهم
واذا كنتي متوقعه انك انت بس بهالحاله تراك غلطانه
كثير اللي مثلك وقالو نفس كلامك ويوم تزوجو ماارتاحو قالو ياليتنا قاعدين في بيت اهنا احسن بكثير

 

[نووونتها]

عسسى الله يهوون عليييج و يفتحها بوجهج يارب العآلمين

صبرٌ جميل و الله المستعآن

 

[ṦάЯỢηά ĚŁђĻώạ]

انا لقيت الحل وصراحة انا مفكرة اسوي وحدة من الثنتين ​

يا انه نتشهد وبعدها ننتحر عشان نفتك من الدنيا
او انه ننحاش ونفــــــــــــــتك من البيت عشان يحسون الاهل بغلاتنا عندهم
ومثل ما وانطقينا وانقهرنا وتعقدنا احنا بعد لازم نقهرهم
وانا افضل الحل الثاني
لانه اعرف وحدة
انحاشت مرتين واهلها اللحين تعالي شوفي شلون يعاملونهاا
يرجفوون منها مااا يمدون ايدهم عليهاا يخافون لا تنحاش مرة ثالثة
وانا وحدة مليييييييييت ملييييييييييت من العيشة اللي انا عاايشتهااا
اصلا المفروووض اللي مثلنااا مااااا تعيييييش بالدنياا ​

 

[الجورى 2007]

يارب يرزقك بالزوج الصالح اللى يستاهلك ..

يالغلا عادى بس بسالك هل ففى يوم دعيتى ان الله يحنن قلب والديك عليك ادعى وربى ما راح يردك , صدقينى ..

 

[شمس 20]

انا لقيت الحل وصراحة انا مفكرة اسوي وحدة من الثنتين ​

يا انه نتشهد وبعدها ننتحر عشان نفتك من الدنيا
او انه ننحاش ونفــــــــــــــتك من البيت عشان يحسون الاهل بغلاتنا عندهم
ومثل ما وانطقينا وانقهرنا وتعقدنا احنا بعد لازم نقهرهم
وانا افضل الحل الثاني
لانه اعرف وحدة
انحاشت مرتين واهلها اللحين تعالي شوفي شلون يعاملونهاا
يرجفوون منها مااا يمدون ايدهم عليهاا يخافون لا تنحاش مرة ثالثة
وانا وحدة مليييييييييت ملييييييييييت من العيشة اللي انا عاايشتهااا
اصلا المفروووض اللي مثلنااا مااااا تعيييييش بالدنياا ​

استغفرالله. وش ذا الكلام

اذا نحشتي فيها تبليغ من المخفر عليج غير الفضيحه وياما مرينا بالعن الظروف مانحشنا من بيت اهلنا


جيل قاضي :eh_s(4):

 

[غلآ نوآف]

ماعليه حبيبتي
بكرة ان شاء الله تتزوجين وتعيشين حياتك وتجيبين عيال وتشوفين حرصهم وتفهمين كل شي
ادري حكرة وضيقة خلق وماكو خصوصية
بس الصبر زين اختي
وعسى ربي يوفقك ويسعدك بحياتك ويرزقك الزوج الصالح
الي يقر عينك ويفرحك

 

[نور مغليها]

مافي حل لأن هذول آمج وأبوج ولو شنو تسوين ماتلاقين حل لأن ما تقدرين تغيرين أطباعهم او تصرفاتهم
إدعي إن الله يررزقج بالزوج الصآلح ..
وتحرري اوقات الاستجآبه ( بين الاذان والاقامه - بالثلث الاخير من الليل - بأخر سآعه من هاليوم يوم الجمعه - بالسجده اثناء الصلاة ) ولا تنسين ان الله مايرد دعوة إنسان دعاه يؤجل الاماني ولا يردهآ ..
احلى شي لوضعج إن تكون اعصابج مااااي باررد عشان ترتاحين

 

[Flower20]

الله يعينج ويعوضج
ما اخذ الله منك الا ليعطيك

انتي ادعي ان الله يرزقج الزوج الصالح عاجلا غير اجلا والله كريم

 

[r0007]

انتي معاج القلق المرضي
لانو عندج خفقان بالقلب وهذا من الكتمان انج شايله اشياء بقلبه

 

[رجــــه بـس رزه]

تزوجي شتنطرين

 

[جوري الغرام]

الله يرزقج ويرزقني بازوااج صالحين

امــــــــيـــــــــــن

وأنا معاكم .... آميييييييييييييييييييييييييين :yaaaaaarb:

 

[مريومه النزغه]

الله يرزقج بالزوج عاجل غير اجل ياكريم

 

[shai5at al3arab]

حبيبتي فاهمة عليج

ان شا الله بييج نصيبج وانتتي الحين بعز عمر الزواج

الحمد لله تفائلي

لا انتي الكبيرة اللي تقولين طافها قطار الزواج

الحمد لله الحياة جدامج وتفائلي باللي ياي

وقولي ان شا الله ربي خاش لي ايام احلى وبيعوضني خير

الى ان تيي هالايام حاولي تكيفين نفسج مع واقعج ، عيشيه وتحملي اطباع اهلج

وفكري انه هذيله اهلج وعزوتج مهما كان

اهم ما يكرهونج ولا انتي تكرهينهم بسً اهي اطباع

حاولوا تغيرون السيء منها وتثبتون الحلو

وحاولي تقربين من امج ، انتي مبين وايد بعيدة عنها ،قربي منها وصادقيها وفتحي لها قلبج

جود لي قربتي بتعرف بنتها انها ترفع الراس وتستاهل الثقة

اهما للحين ما يشوفونج بنتهم الكبيرة ، خل يسمعون منج ويعرفون انج كبرتي ونضجتي وانتي قد الثقة

الله يوفقج ياربي

 

[*الهنوف*]

مصيبه اذا صار الوالدين عصبيين لو واحد نقول ميخالف
انتي خلصي دراستج واستمتعي بالجامعه
والله يرزقج بولد الحلال ويعوضج علي صبرج وبرج بوالدينج

 

[carlos santana]

حبيبتي تكيفي ويا الوضع

شلون يعني مثلا على سالفه النت
قولي اليوم عندي همووركات وايد بقعد بداري متى اخلصهم قاعده بصاله ايب كل كتبي اهنييي ؟؟ اخذيه وروحي جنه الوضع طبيعي عادي لكن اذا تاخذينه وانتي خايفه من رده فعلهم بخوف وقلق وعدم ثقه هالشي يخليهم يشكون

واذا قالولج ليش عطي اسباب مقنعه .

وعلى سالفه قفل باب الدار انا برايي تقفلينه سوي الي تبينه طبيعي وبثقه واذا قالو ليش وقلتي هالاسباب يمكن رده فعلهم عصبيه وصراخ عطي الموضوع حجمه مو اكثر لا تنفعلين انتي بعد لانه لو انفعلتي بيحسونه جنه في شي ليش انفعلت وعصبت ؟؟
عادي رده فعلج بارده اذا عصبو وقفلتيه قولي هالاسباب الي ذكرتيه قوليها بتظلم لانه صج واقعيه معقوله ومن حقج

انزين نيي حق الطلعه ويا الصديقات ..عندج بالجامعه تشوفينهم وتظلين وياهم طول اليوم وبالبريكات طلعي وياهم واذا تبين بعد امرج ماعندي مانع

وواتوقع راح يصدون عنج باذن الله بس انتي تركي عنج هالصوره الذهنيه الي راسمتها ببالج انا بحكره وسجن
وبعدي عنج القلق باتصالج مع ربج والاستغفار بنيه الزواج .. وحطي ببالج ماتضيق الا عند الله الفرج باجر ايي يوم وربج يعوضج
الله بصير بالعباد ومو غافل عنج

والله يرزقج برضا ربي ورضا الاهل والزوج الصالح