وتزوجنا ودخلنا القفص الذهبي

[احلام روحي]

انا ولله الحمد مو عادية بتفكيري

الحمدالله ناضجه وفاهمه وان شاء الله من الي يخافون الله

وشفت وسمعت وايد من تجاربكم وتجارب الي حوالي

وتوقعت اني فنتك لما اتزوج وبدير دفه حياتي الزوجية باصبع ايدي الصغير >> من زود الثقه يعني :080402ask_prv:

لكن بعد ماتسكر علي باب الشقه وخفت ضجه حياة العزوبيه

وشفت ان الامر جد جد ومامنهاش مهرب هالواقعيه فتحت حلجي

صكتني بوهه

عشت علامه تعجب كبييييرة

عرفت ان عمري التحم بعمر شخص جديد علي

جديد بتفكيره

جديد بطلباته

جديد بصوته

جديد بانفعالاته وردات الفعل

وحاولت احفر احاديث الرسول صلى الله عليه وسلم بنن العين
عشان وين ماالتفت اتذكرها واطبق

بس هم تعبت :yaaaaaarb:

لييييييش يعصب ماادري !!!!!!!!!!!!!!!!!!!!!

ليش لازم نتهاوش ماادري !!!!!!!!!!!!!!!!!

ليش مايعجبه بعض حجيي !!!!!!!!!!!

ليش اخر شي نزعل :!

مع اني طيبه وهو طيوب

مع اني دينه وهو متدين


شلون ارضيه !! واوامره كلها في الله وهالشي يسعد قلبي

بس انصدم ويصير تتش بينا

يقول ليش ماتقولين ان شاء الله وحاضر اقوله انت ماطلبت انت ناقشت عشان جذي اناقشك

والا اوامرك ع راسي من فوق <<< شعقبه !! عقب الزف والتشره :bbbiu:


بس تعبت وودي يكون راضي ومتهني لانه يستاهل الخير وعزالله مو مقصر معاي :wqedqw:

واحبه:hjy5jewf:

وه

من حر قلبي حبيت اتحجى معاكم وافضفض :n2006107:

 

[Fe6aMi]

رد : وتزوجنا ودخلنا القفص الذهبي

حبيبتي هذا الزواج يوم حلو ويوم مر وانتي شوي شوي بتتعودين واتعرفين اطباع ريلج اكثر واهو بعد بعرفج اكثر والله يوفقج ويسعدج ويتمم عليج :yaaaaaarb:​

 

[ابدا يالغالي مانساك]

رد : وتزوجنا ودخلنا القفص الذهبي

تووووووووج شووفي
وسمعي
بيطلعلج قرووووووون
خخخخخخخخخخخخخخخخخخخخخ

 

[الرها]

حسيت انج تتكلمين عني أنا
لو أكتب كلمه زيااااده بصييييييييييييح لين انفقع

 

[منوووووله]

صاجه اول الزواج لازم تحسين انه في شي غلط ليش مايسمع وجهة نظري ؟ اكيد له وجهة نظر ويبي يطبقها وانتي موراضيه

وكلن مقتنع بوجهة نظره < اول اختلاف

وفي شغلات اتحسينه غريبه عليج مثل الواجبات اليوميه للزوجه وانتي توج متزوجه ومومتعوده .. وفي مسوؤليه وفي شغلات تنقال وماتنقال

والزوج طبعا على حسب تفكيره اشلون يبي يعلم زوجته طريقته واسلوبه بالدنياا والزوجه ودها تعرف اكثر عن ريلها وتبي اتشوفه بس فارس الاحلام

ويعطيها من الكلام الطيب والرومانسيه .. في شغلات اكبر من جذي اهمها التفااهم بينهم

 

[Model Look]

الله يعينج

ادعي ربج واذا طلب شي لا تجادلينه طبقي اوامره

بس اذا سوالف قولي وجهه نظرج وناقشيه بالسوالف بس

 

[بتبوتااا]

.ماعليه حياتي شوي شوي راح تتعودين وتعرفين شنو الشي الي يحبه والشي الي يضايقه .وهكذاا

 

[عتيبيه ناعمه]

رد : وتزوجنا ودخلنا القفص الذهبي

كأنج تكلمين عني وربي شوي وابجي لو كنت ادري الزواج صعب جذي جان رفضته مع ان زوجي وايد طيوووب ويحبني

مووووت بس عصبي و صعب صعب صعب وكل شي عنده ممنوع تخيلي حتى الكعب ممنوع البسه والميكب ممنوع

ورفيقاتي ممنوع اطلع معاهم ولا ازورهم ولا اروح مكان الا معاه حكره من قلب وغيره مو طبيعيه حتى من اهله

وكل شوي يصير بينا تتش على اقل شي وانا ما احب العصبيه والصوت العالي بعدين يقول انتي شايفه نفسج وانا مو عاجبج وهالشي مو صحيح بس مو قادره اتألقم مع طباعه :cxxxp:

 

[شمس 20]

حياة جديده عليج شي طبيعي تستغربين وانتي اساسا ماتعودتي عليها

يوميات زوجه مسؤله عن بيت وزوج انتي توكلينه وتعشينه وتغسلين هدومه

وهكذااا

بس يبيلج شوية صبر ووقت وتتعودين عليها ان شالله


موفقه ​

 

[$سالي$]

قريبااا بندش القفص بأذن الله

بس من جد خوفتيني

انا اصلاااا فيه اشياءت صايره قبل متخوفه منها

والحين انتي كملتيها .. الله يعين يارب

الله يسخركم لبعض يارب

 

[مهفهفة]

احلام روحي .. اخذيها مني

صاحبة الشخصية القوية المستقلة الواثقة المثقفة صاحبة النقاش ليست مرغوبة عند الرجل الشرقي !

يحبها .. ينشد لها .. ينعجب فيها بس وحطي خطين تحت بس ما ياخذها !

وان خذاها مثل حالة زوجج يمكن ما كان عارف شخصيتج ولا جان ما خذاج بتكون هاذي النتيجة !

الريال الشرقي .. خصوصا الكويتي

لي ييه يختار زوجة يختار الي اهو يفطنها ما تعرف تناقش علشان يغلبها ويحس روحه منتصر !

للأسف هاذي العقلية الموجودة .. وهذا مستوى الثقة الموجود عند شبابنا !

يخافون من الي تناقش يخاف تغلبه ويحس انه اهو اقل منها بمستوى معين ويفسرونها عصيان مدني عليهم والدليل

كلمته : ليش ما تقولين انشالله وحاضر

الرياييل يبون جذي بنت وجذي حرمة

شخصيتج مرغوبة عند الرجل الغربي فقط لا غير ! لانه اهو يسمح للطرف الاخر بحرية الحديث ويقدسون الحديث وما يفاضلون بين المرة والريال

انا ما هاجمج انا وياج بالمركب على قولتهم

بس هذا الواقع المرير

اخذيها مني تبين تكسبين الريال الكويتي كـزوجة : الغي شخصيتج وحطي مكانها حاضر وبالشوفة وانت الي تعرف وانت الي تفهم !

والنماذج جدامي واييييييييييدة للأسف تخليني اوصل لي هالنقطة الاخيرة

ومبروك الزواج

 

[تبطي عظم!]

الله يسخره لج ويسخرج له ~

 

[الدلال]

لازم اول الزواج تحسون ان واحد شرق والثاني غرب

كنت احس مرات اني مع ريلي مثل خطين متوازيين لايمكن نلتقي بيوم >>> متأثره بالرياضيات دوم ادرس ولدها :dddds:

بس شوي شوي ومع العشره والتفاهم راح تحسون ان حتى تفكيركم في بعض الامور يكون واحد

السالفه يبيلها صبر من الطرفين

 

[sweet-love]

رد : وتزوجنا ودخلنا القفص الذهبي

الله يوفقج ويسعدج ويسخرلج زووجج

 

[Creamy Girl]

حبيبتي الله يكون بعونج ويساعدج

واللي تمريين فييه عااااااااااااااااااااااااااااااااادي

وكل المتزوجين اليدد يحسوووون فيييه

بس شوي شوي بتحسين صرتو اقرب فهمتو بعض اكثر وبتقل الخلافااات واااايد

داايم يقولون ان اول خمس سنين في خلافات وكل ماتزيد المده تفهمون بعض اكثر وتقل الخلافات وانشالله تنعدم

والله يخليكم حق بعض وتعيشون بعيد عن الزعل

 

[ام شووووق]

رد : وتزوجنا ودخلنا القفص الذهبي

حتى ولو الحياة الزوجيه ماتخلو من لحظات حلوة وخاصه

 

[توتة عسل]

رد : وتزوجنا ودخلنا القفص الذهبي

الله يسخركم لبعض

 

[bint_looda]

لوووووووووووووووووووووووووووووووووووووووووووووووووول جنج تتجين عني اتوقع الكل جذي
ساعات اقول ليش هالتج بينا ؟ ههههههههههههه افكر القا يا ماكو سبب يا سبب بسيط يا شي مايسوا مافي اشيا جايده
بس اول الزواج ويا الضغط النفسي وحياة يديده وجذي يخلي الطرفين يزعلون من اي شي عشان يصير اكشن P:
مادري شلون اشرح بس احس اني فاهمه وضعج عدل لاني قاعده امر فيه
الله يصبر الجميع ان شالله يووفقج ويسعدج ويوخر عنكم الزعل ... ترا احس كل مازاجت المده قل الحمدالله :denya:

 

[امواج الكويت]

حياتي كلنا كنا جذي والحين شوفينا تعودنا على بعض

والله اني قبل اخاف واستحي منه حيل والحين احط عيني بعينه ههههه:dddds:

 

[الأميرة جوري]

رد : وتزوجنا ودخلنا القفص الذهبي

الله يوفقج بس شوي شوي ليمن تعرفينه وتمشي حياتكم:denya: