وبعديييين مع هالسالفه وبعدين !!!!!

[tolay]

شلونكم بنات








بقولكم عن شغله منرفزتني او طبع فيني ياريت اغيره

اللي اهوه حزه الهواش مع ابو الشباب !! اتوقع كل المتزوجات يتهاوشون مع رياييلهم سواء بسيطه او قويه الله يبعد عنه الهواش

المهم انا مضايققه من روحي اذا تهاوشت مع زوجي حتى لو هوشه عاديه اقعد مكتئبه اليوم كله ومزاجي اكس واحاتي ومرات ماروح الدوام يعني حزه الهوشه يوقف كلشي عندي ونفسيتي تصير اكس !! مع المفروض تهاوشنا اسكت على مانطخ وحلاص انتهت سالفه !! لاااا انا اشيل هم ومزاي يتعكر اليوم كله فمضايقه من روحي مايصير كل ماتهاوشنا نفسيتي تصير جذي!! ودي لي تهاوشنا خلاص اسكت واعيش حياتي طبيعيه وامشي اليوم متى ماتراضينا وخلاص ؟؟

شلون اصير جذي وشلون اتغلب على اللي قاعد يصير فيني

 

[احلى خدود]

اسمعي قرآن راح يتعدل مزاجج ان شاء الله

 

[بنوته ستايل]

اممممم نفس المشكله بس بديت اتعود ومااتعكر الا اذا طولت الزعله يقلب مزاجي

 

[Tom ♥ Jerry]

.

بسيطه لا تخلين المشاكل تطول و راح يتعدل مزاجج

 

[farina]

وييييييه انا نفسج لا اكل و لا اشرب و اقعد بالايام حزينه و ماضايقه و خصوصا لما اشوفه هوه عايش حياته عادي و انا طاف ... النفسيه اذا كانت حلوة الواحد يشوف كل شي حلو جدامه بس اذا لعكس انسي انج تقدرين تعيشين يوم طبيعي

 

[كوين سويرا]

انا مو متزوجه بس ببدي رايي

لاتهتمين حييل
اذا تهاوشتي تعوذي من ابليس واستغفري حيل وحطي قرآن عشان يهدا بالج
وابدا لا تحرين عمرج وتتضايقين ماراح تستفيدين شي صدقيني..


الله يبعد عنكم الهواش ويخليكم لبعض :** ♥♥

 

[ام الشقى]

نفس المشكله فوق هذا ماقدر اكل وانغث حتى لو رضينا احس اني متضايقه

الله يسخر لنا ازواجنا ويرزقتنا بالحياه الحلوة ومزاج تمام التمام

 

[متواضعة]

اللي يتضايقون من بعد الهووشه شكلكم توكم متزوجين يعني للحين ماصرتوا 5 سنوات من الزواج

انا كنت جذي بس اللحين لا اتهاوش واكبر الوساد وانام

فهمي انه الهواشه ممكن يصير في اي وقت وعقب بتنحل الامور ماله داعي تتضيقين بالعكس لين شافج عايشه حياتج ومستانسه اهو بيحتر وبيي يراضيج امه اذا شافج جذي بيستانس وبيعطيج طاااف

 

[بسم الحب]

امممممم والله نفس شي بس هاي الفتره احول اني مازعل وااايدa]أهو مرتح ويطلع ويوسع صدره وانا حرقه قلبي ليش صرت اسوي نفسه أشغل نفسه سي في أي شئ ((متواضعة)) صحيح انا لحين ماكملت 5 سنوات بس في وايد بنات مرتحين وماعندهم مشاكل وايد ماشاءالله وانا و زوجي مستحيل يمر يومين مانتهوش أساس أشك في نفسي غريبه متهوشات افرح بس الحمدلله على كل شئ بس طريقه للي عندها حل جذري​

 

[أم حسوون]

السلام عليكم ، صاجه متواضعه يكون هالكلام في بدايه الزواج لأني ماني عارفه طبعه أو طريقة تفكيره أو رده فعله عقب مع العشرة ، عادددددي كبري مخج ، أصلا مرات أنسى أن بيني وبينه خلاف ، وفعلا المفروض أن المرأة ما تصير حساسه بزياده وتعدي اذا الأمور ما تستاهل وتعيش حياتها ، بتلاحظ أن الرجل مع الوقت بيداريها ويحاول هو اللي ما يزعلها .

 

[وردة وطني]

نفسسس الوضع عاااتي


لكن الوحده المفرروض يعيش لنفسسسه ولاحد يهمه

 

[tolay]

اللي يتضايقون من بعد الهووشه شكلكم توكم متزوجين يعني للحين ماصرتوا 5 سنوات من الزواج

انا كنت جذي بس اللحين لا اتهاوش واكبر الوساد وانام

فهمي انه الهواشه ممكن يصير في اي وقت وعقب بتنحل الامور ماله داعي تتضيقين بالعكس لين شافج عايشه حياتج ومستانسه اهو بيحتر وبيي يراضيج امه اذا شافج جذي بيستانس وبيعطيج طاااف

مرااااات اسوي جذي بس غالبا انقهرررر وابي اناقش واليوم كله يتعكر المزاج

ودي اسيطر على روحي

 

[shak!shoka]

مع الهواش بتتعودين ههههههههه


يختي الزم ما عليج اعصابج و صحتج فكري فيها من هالناحيه

خافي على نفسج من الضغط و البط و عطي الدنيا طاف

 

[اهذريبك~]

عودي نفسج و بتتغيرين

 

[Ēŋѕαnħ ツ]

حبيبتي عودي نفسك ماتدققين عليه و لا تتهاوشين معه على أمور تافهه
بهالشكل مابتكثر مشاكلكم إن شاء الله
الله يسخركم لبعض يارب

 

[his only]

واي اعرف هالحاله و اكرهها!!
يصير فيني جذي دايما مادري شسوي
والي يحر ان اهوا يا جبل ما يهزك ريح

 

[الغضى]

بناااااااااااااات صدقوني في بداية زواجي كنت مثلكم
واهو ولااااااااااا داري عني
مع الايام والسنين صرررت اتهاوش وخمس دقايق انسى واسولف وياه و اضحك
صار صج مومتعود يشوفني متنرفزة ولا زعلانه وابجي
وسبحان الله خف الهواش والزعل بالعكس صار اهو اللي يداريني لا ازعل.

 

[دلال الكويت q8]

نفسي بالضبط
لا وحتى عيالي يصير مالي خلقهم ونفسيتي زفت عليهم

والاخ عايش حياااااته ولاهامه شي

 

[نونه المنكوشه]

شخباااري ع المنتدي عموما تري الدنيا ماتسوي الزعل والهواش هونيها وتهون وأنظري للموضوع بنظره إيجابيه تري عموما الحياه الزوجيه مومنو يغلب وله يكسر راسي أو أنا أكسر راسه لأ لانه بالنهايه المره أهيا اللي خسرانه الريال بيطلع وله يروح الدوانيه وعايشه حياته وأنتي تطحنين بعمرج ع الفاضي أنتي قولي أول شي ببرد قلبي وبسامحه علشان الله ويابتات نصيحه لوجه الله كثروا أستغفار قسمابالله شي خيال أنا مريت بفتره صعبه حيل لوماالله ثم الاستغفار چان أنا داشه بأكتئاب بس الحمدالله لاتشغلين نفسج بالريال سوي الحق اللي بينج وبين الله بس وإذا تهاوشتوا كبري عقلج وصيري أنتي أحسن منه وإذا طلعت صلي ركعتين وأدعي ربي يسخره لج وقعدي أستغفري وشغلي نفسج بشي مفيد لاتخلينه همج الاول والأخير وقوي علاقتج بالله وراح كل شي أتشوفينه صغير مايسوي أعرف وحده تهاوشت ويا ريلها وطلع بعدها سوا حادث ومات وقامت تبجي أتقول ندامه ع كل لحظة زعل مرت علينا عيشي حياتج وياه بحب وسعاده لاتخلينه ند لج وتراقبينه ع كل شي سامحي وعدي وخليج هينه لينه وحطيله العذر تري الريال غبي شوي ههههه أنتي كوني الأحسن وتذكري قول الله ((( من عفا وأصلح فأجره علي الله )))) والله مافي شي يضيع تري الريال عايش فيج وبلاياج أحنا الحريم المساكين أنتأثر أما الريال سلامات هههه وليش تعيشين بهم وضيقه دقي وراضيه وعبري عن مشاعرج وإذا موكفو ياحيل الله ههههه راضيه علشان الله ثم علشان أنتي ترتاحين لاطولين الزعل علشان لايتعودو قولي لنفسج بعيش مره وحده عيشيها صح اللي بعينج ع إنج تعيشينها عدل الدعاء والإستغفار والله بتغيرين تغير جذري وأتمني للجميع حياه سعيده )

 

[فوفو22]

انت طبيعيه اذا كنت ببدايه سنه زواج

ولكن مع الوقت والسنين رح تتعودين

انه المشاكل ما توقف حياتج

في تربيه عيال وتدريسهم

وفي دوام وشغل

في اهل ومعارف. تشوفينهم

الحياه ابدا ما توقف مع المشاكل الزوجيه

بس الموضوع يختاج وقت وتالي تتعودين


فوفو