وبعدين ويه خطيبي اللي كل يوم مضايق وزعلان مني

[انثى عاشقة]

صح مو حلوة تقاطعين كلامه
بس يوصلها للطلاق ويفكر ويدرس الموضوع !!!!!
حيل مصخها خطيبك اسمحي لي
لو مكانك ما اسكت له طنااااااااااااااااااااااش كبر البحر
خليه هو الي يدور وراي ​

 

[Pinky -cat]

حبوبه راجعي نفسج وشنو اذا مناسبين حق بعض من ناحية الاطباع ولالا رغم انه الانسان ما يبين اذا بالعشرة وكاه

اهواه بين شنو اهوا بالضبط ، فكري عدل واستخيري ربج

 

[قصة حياة]

اتوقع لازم تكونين اكثر رسمية وتحددين لج شخصية جادة شويه وياه عشان يعرف انج سوري يعني مو تافهه يمكن

اهوا على باله طيبتج هبل ولا تفاهه وانج ياهل وهالشي مو صحيح طبعا فا الاكيد انج لازم تحددين كلامج وياه

وما تعطينه ويه زيادة لان مبين عامل الوقت اثر على علاقتكم الى حد ما ، يعني اى علاقة تطول جذي

بدون تطورات راح يدش لها الملل والمشاكل وكل من يدور الذله مافي شي يديد يشده لج فابتالي

الاخ يدور التفاهه يتكلم فيها

 

[البارونـه]

يـ اختي انا زوجج هذا قبل ماشوفه مادانيه Lool
لا جد ماحبه من كلامج عنه , قريت كل المواضيع عنه ,,لاعت جبدي
صج الحب اعمى
انا اكره الزواج الي فيه نوع من العبوديه وان يبي يشكلج على كيفه
اذا هو حاب يغيرج ويغير من صفاتج ,,مايشوف شر خل يشوف غيرج
القرار الاول والاخير لج بس صدقيني انتي تستاهلين واحد احسن منه
هاي يبي يغير كل صفاتج ,, ريال شرقي بحت

 

[cat-girlq8]

بنات وايد وايد مشكورين علي ردودكم الي صج اسعدتني ولازم افكر عدل يا اما اتخلي عن عفويتي واراقب كلامي او اني اضل بما انا عليه

اليوم دق علي بس مالي خلقه حقرته لاني بصراحه قاعده افكر بهالموضوع علي اقل شي زعل وتضايق عيل شنقول عن اليهالووه

هذا بكبره يبيله سياسيه خاصه اتعامل معاه فيها

الله يعيني

 

[cat-girlq8]

بنات انا كتبت موضوع من جم يوم ومانزلوه الاداره
بليززززززززز بنات ساعدوني
شويه وابجي اليوم تناجرت مع خطيبي علي سالفه ماتسوي والله مادري ليش احس انه يدور الزله علي ..وفوق هذا كله يقولي اليوم لا انتي اصلا مستحيل يعني انتي مو محترمتني لا انا لازم افكر بعلاقتنا .........
بنات شسوي اذا اهوا كله ساكت ويبيني بس انا اتكلم وفوق هذا كله يقولي طبعج مو عاجبني وحاولي انج اتغيرين والكلام لاتكررينه اكثر من مره
واذا كلمته كله ساكت واليوم يقولي انتي للحين تعيدين نفس الاغلاط شتبيني اسوي اطق راسي بالطوفه !!!
يقولي بس انا تعبت من كثر ماتعبت عيوني صاروو حمرر

قولو لي شلون اتعامل وياه بليزززززززززز

 

[بارشيكا]

حقريييييه والله اسمحيلي شايف نفسه

وخليه يعرف قيمتج

واذا صراحه دق عليج بيصلح الامور طبعا وافقي بس قولي له شي

اذا تعبت من مقاطعتي لكلامك فهذا بسبب عفويتي وطبيتي ووايد رياييل يبون حريمهم على نياتهم

وقولي لو انفعلت ولا تحمست هذا شي طبيعي والطبع يغلب التطبع

انا اغير فيني الي اقدر عليه عشانك عشان احبك وابي اتزوج واحد تارس عيني

بس هذا مو معناته يمسح شخصيتي ويقولي افكر اذا اعطيج فرصه ثانيه

شايفني عادي باي وقت ابيج ولا مابيج اذا ماتبي كيفك بس هم انا مابي بعد واحد يلعب فيني

وقوليله انت قاعد تلعب وعصبيتك ومشاكلك على اشياء تافهه بتخليني انا الي افكر مليون مره انك تصلح لي ولا لاء

ولا تضحكين معاه وكله قوليله امممم امممم لا تعلقين وايد عشان يعرف انج زعلتي


لان هالشي باجر بيزيد وبتصير عيشه لا تطاق

صح لساااااااانك حبيبتي اخت كاات سوي اللي تقولك عليه او شوووواقه ...
ومبين ان شخصيتك ممسوحه عنده عشان كذا قاعد يلطش فيك ويحاسبك عالنازل والطالع والمشكله هذا طبعك يعني يبله وقت عشان يتغير وهو خلقه ضيق ياأنه يحترم حاله ويكبر عقله شوي ولا كل واحد في طريق عشتو مو حياة هذي يابنت الناس مبين انه زهق منك ، ومو تارسة عينه عشان كذا يدور عالزلة ،، طنشيه كم يوم وخذي القرار وكلميه بجديه نفس ام شوق :eh_s(22): وغيير كذا احسه مو محترمك متزوجك عشان جسد بس وانتقادي لابعد درجه مبين عليه مايعجبه المزح والضحك على الاشياء الحلوه من نظرك وتافهه من نظره صح وطول الوقت يعلق ، وتحسينه بأي طريقه يبي يتهاوش على تصرفاتك يعني تارك الموضوع اللي تتناقشون فيه ويجي يعلق ، وين الاحترام بين الزوجين وسعة الخاطر وهو في بدايتها كذا اذا هذي بدايتها ينعافي تاليها ،،،،،،،،،،
الله يقدملكك اللي فيه الخير اذا وهو مالك عليك كذا اجل لو تزوجتو وش بيسوي بعد !!
مبين زواج مايبشر بالخير الله يعينك ..... استخيري اذا بتنفصليين عنه لان مو وجه تضحيه ولا احترام طالما هو مايسويلك اعتبار بحركاته موفقه حلوتي :eh_s(14):​

 

[BshBshanea]

وااااي ماشاء الله عليج انتي واااايد صبوووره

انا كنت متابعتج من موضوع جذبة ابريل وشلون كبر السالفه

لو انا مكانج من زمان كل واحد يروح بطريج

الصراحه ما اقدر استحمل واحد نفس طبعه وخصوصا ان اهوا خطيبج مو ريلج

الله يعينج بصراحه

 

[Mamselle]

حبيبتي اقري ردي عدل
انا ما اعرف شنو طبيعة العلاقة بينج و بينه بالضبط و ماشفتج عشان احكم..يمكن انتي فعلا تسوين تصرفات تضايقه لكن
من خلال فهمي للموضوع اغلب الظن ان المشكلة او الخلل فيه هو مو انتي!

في رياييل عندهم نوع من العنف العاطفي..تلقينه يحب يطلع شي عشان يهاوش حبيبته عشانه و يستلذ في هالشي ..و تلقينه اقرب و احب الناس له هم الي يطلع عنفه عليهم و مع البقية طبيعي
و للعنف العاطفي تصرفات معينه : دايما ينتقد زوجته..كله يسكت و مايرد اذا هي تكلمه و يتم ايام جذي على سبب تافه.. عنده غيره مرضية و شك فيها...يعاقبها بالتمنع عن رغباتها

ف انتي حطي في بالج..اذا انتي انسانه طيبة و نيتج صافية الله بيعطيج زوج على نيتج..
سالفة انه قال ما ابي اكلمج و باتركج لاسباب سخيفة ...بكرة اذا صار شي كبير شبيسوي؟؟؟؟
.تحملي تحملي..تخلين هالموقف يقلل من ثقتج في نفسج ..او يحسسج انج فيج خــلل.. حاولي تصالحينه مع المحافظة على كرامتج و صحتج النفسية..اذا ما نفع.. و للحين ما يراعي مشاعرج و نفسيتج..خليه يبتعد بكيفه..خيرة لج.. و ربي يجيب لج الي ما يضايقج بكلمة

و الله ييسر لج الزوج الي يناسبج و يسعدج يارب

 

[دهورتني يازين]

اب اب اب اب

 

[الاستاذة نونو]

الله يسهل

 

[BlueDazy]

في شغلتين قلتيهم ( يتكلم وانا من غير قصد اقطع سالفته) (اذا كررت له السالفه اكثر من مره يتضايق)...الريال يبي يكون له اهتمام و خصوصية في المعاملة...ضيفي ذكاء الانثى في معاملتج لريلج...اخذي الامور بجدية اكثر...موفقه