وبعدين من خز البنات للازواج

[Pinky -cat]

عادي في ناس عندهم مرض نفسي مشفوحين على الرياييل ما وراهم غير انهم يخربون طلعة المتزوجين

طولي بالج وطنشي ولا تخربين يومج عليهم وتحقين هدفهم ان قالوا حلو او طالعوا عادي قولي حاقدين

او مقهورين وعيشي الحياة بوناسة .

 

[حبيبي مالكني]

الله يهديهم
انا يعصبوني بس مابين حق ريلي
عشان لا تهتز ثقتي بنفسي بعينه

 

[Sanyoreta_20]

ذكرتني ايام الملجه كنت طالعه مع ريلي ولابنات قاعدين ويتحرشون يقطون كلام انا حدي عصبت وقمت اقط كلاام لووول ريلي انصدم تلني ركبني السياره واخر شي الطلعه صارت خايسه بس الحين ماقمت اهتم ريلي يقولي شنو ماتغارين علي اقوله يعني تبيني اتهاوش :eh_s(4): يقولي لالا يامعوده .... ماعرفناله هههههههه

 

[انا لحبيبي .]

الله يهديهم يارب العالمين ،

 

[بطوووطة$بيضة]

صح كلامج الخز منتشر

وانا بنت مو متزوجة همن الاحظ رياييل مع حريمهم ويخزون ويتحرشون بعد ينطرون حريمهم ينشغلون علشان يرقمون البنات

ترئ مو بس البنات يخزون ياحياتي

 

[bal8es]

ذكرتيني مسافرين دبي و بالمطار البنات مو صج يليت يخزون ريلي يخزوني هع عيونهم فيها حره
ظل ريلي هذول شفيهم
قلت له عادي لان معاك
خل يولون والله من الحره طنش تعش وانتعش احلى طاف ولا ازعل
قلتيها عيال بليس لا تربيه ولا اخلاق

 

[عطاء أنثى]

هههههه

تدرون ليش البنات يسوون جذي
يعني تلحق اللي معاه مره مو العزابي





عشان تبين لنفسها انها قادره على انها تاخذ كل شي صعب


الله لايبلانا

نقص نقص نقص

 

[نورعيونك]

ملاااااااحظه الشي هذا زايد ان البنات مايعجبهم غير الريال المتزوج يعنى لما يتزوج يحلا بعين الكل
حسبي الله علي الصنف هذا

 

[برنسس كاتي]

" من راقب الناس مات هما " !!
شحقا اقعد ادقق وبس اي وحده تطالع بويه ريلي انقض عليها زي الفك المفترس !!!
شدعووووه عادي يعني وانتو تمشون ما قد مره طليتو بويه احد حتى لو بالغلط
ترى احنا عايشين وسط ناسس !!
انا عن نفسي لمن اطلع ما علي من الناس
حتى قبل الزواج وانا ورفيجاتي نطلع ونتمشى وعادي فجأة رفيجتي تقولي ما شفتي هذا شلون خزززج
ولا تنح بويهج وانا اقول لها لا ما شفت ولا انتبهت عشان لمن اطلع اركز مع الي طالعه وياه مو اركز على الناس
ونفس الشي ريلي
اولا لانه ما اشوف ادقق على الناس
وحتى لو وحده خزت عادي عندي لا اقعد احط براسه اشيا ويقعدت يشووف نفسه عنتر زمانه !!!
واذا هو قالي طع هذي تخزني عادي اقوله ويييين لا لا ما تخزك شقاعد تقول لووول لمن يشك بنفسه

وبعد مو كل بنت طالعت ويه ريلج يعني معجبة يمكن بالغلط !!!

 

[أجمل إنسـآنـه ~]

هذول فيهم نقص الحمدللله والششكر...ويبون يحرون زوجته..لأنها هي متزوجه ومستانسه وطالعه مع رجلها وهي مامعاها الا الفاشلات مثلها استغفرالله ياربي ربي يهديييهم..فمن القهر ماتدري شتسوي مسكينه....


أنا والله مومتزوجه زواجي قريب ان شاءالله ادعولي يتمم لي ع خيير يارب العالمين وع بنات المسلمين..بس اذا شفت وحده تخز زوجي والله بلزق فيييه واتبسسسسم واعطيهاا ضضحككه بغمززه اخليها تحترق ...


يعطيييج العافيه وربي يسخرلج زوجج ويشووفج احلى البنات...!ّ

 

[الورد انا]

وايد اشوف مواضيع بنات هني يشكون من ازواجهم يخزون البنات ويتحرشون فيهم بالاسوقا فأنتي ماتقدرين تسيطرين على زوجج شلون تسيطرين على بنت الناس؛ والي تدخل شاده حيلها وتقول محترين منج وغايرين عشان انتي متزوجه صراحه عفوا قمه الغباء شكلج انتي ماصدقتي تزوجتي وخايفه زوجج يلحق هالبنت الي خزته لانك شايفه انها احلى منج من جذي خربتي طلعتج عشانها وزوجج مو ياهل لي بغى يسوي شي موراد عليج ؛ كلنا نتعرض لتحرشات من رياييل متزوجين مايينا اشتكينا قلنا قضبوا رياييل وشرط تكون زوجته معاه ركزي انتي بمشوارج لاتطالعين بحد ترتاحين ؛ ومنو قال المتزوجات مايخزون والله شوف عيني وداني مره اخوي السوق اخوي شكله عادي بس مرتب كل وحده معاها كوكش يهال هدت الي معاها وستلموا اخوي طبعا واضحه اشكالهم اخوي شنو قال قال الشره على الحمار الي مهيتج انتي وعيالج بالسوق ؛ انتي لاتحطين في بالك وتفتحين عين ريلج الله يسعدكم اجمعين ؛؛ ردي شوي قاسي لان هالموضوع ماله خصوصا ردود البنات الي تقول محترين اذا هذا تفكيرج الله يعينج ع نفسج

 

[كريستال]

قبل كنت ماصدق واقول يبالغون بس الحين اشوف هالنوعيه كثرت

بالنسبه لي ماشوفوهم ولا جنه موجودين

 

[rose2012]

تعرفون شنو مشكلة هالبنات اللي يخزون المتزوجين.................مشكلتهم انهم يظنون انفسهم احلى شي,,,,,,ومستغربين من (هالشينة والجيكرة بنظرهم ),,,متزوجة وهم لا,,,,,,او يستخسرون على بعض الحريم أزواجهم الحلوين.....
فتبي تحر المراة اللي معاه...وتسوي حركات بايخة مع صديقاتها.....وتميلح عند الرجال,,يعني شوفني وش حلاتي,وشوف العلة اللي عندك.....

ههههههه مره بالافنيوز شفت واحد مزيون و طويل جنه اجنبي و مرتة قصيره و بطه و مو حلوه تنحت قلت بقلبي من صجه ؟؟؟ فيمكن هذا سبب ليش تنخزون مو اعجاب بس استغراب من صجه؟

 

[رووح ابووها]

يخزون لدرجه تشكين ان زوجج ديفيد بيكهام ولا تشانينق تاتوم !!!
اعوذ بالله ماحب الي جذي

 

[ام شيخه 89]

اففففففف حده قهر

شكثر صارت معاي
والمشكله اول ايام عرسي
كنت اكره اطلع مع ريلي كنت كل يوم ارد اتهاوش معاه

اهو بعد كان يخز وانا ماجني تارسه عينه

كنت اسكت اسككككككت لمن بططيتها بويها و قلت له ليش تخز
كنت اشوف عيونه لمن نمشي واشوفه شنو يشوف يقهرني
يخليني احس انه الي يطالعهم يعيبون علي :"(



واااااي افففف بس لاعت جبدي تنرفزت

مره ثانيه ببط عيييينه وعينهم اذا خزوووو

<< ضاق خلقي :'(

 

[برووورة]

ياماصارت لي عاد أنة ولااهتم الا بالعكس احرهم ازيد ،شاسوي؟! اتلصق بريلي اكثر. باقول لكم موقف صار لنا. ماشاءالله تبارك الله زوجي من النوع الشبابي شكله ولبسه وأنة وياه اذا مشينا ويابعض ما كأن عندنا عيال، عاد مرة كنا بعذاري نلعب اليهال قسم العاب الصغار، وعيالي كانو بالألعاب وياالخدامة واحنا واقفين نطالعهم ونسولف ونصورهم ومستانسين الا شلة بنات طقة 25 واقل يطالعون في ريلي ويخزونه ويفصلونه من فوق لي تحت قاعدين بقسم العاب اليهال بس يتصيدون في الامتزوجين لان بهالقسم مافي العاب تناسب سنهم المفروض يروحون بقسهم برا، المهم جان يتدلعون ويلعبون بألعاب اليهال ، قلت حق بوالعيال جفتهم من مساعة يخازرون فيك طح حظهم اللي مايستحون، عاد ريلي مخرطها شوي هههه جان جدامهم بحركة سريعة ياخذ يدي ويبوسها جدامهم ،فاجئتني حركته ههه بس هاذي رسالة لهم ان أنتو ولاشي ويالله ذلفو وأنة احب زوجتي ، حسيتهم انقهروا وماعاد شفتهم ، الظاهر حصلو صيدة ثانية!! باختصار البنات المشفوحين على ريلي مايهموني كل ماخزوه كل ماحريتهم اكثر امسك بيده اتلصق فيه اكثر هههههه // ملاحظة: اللي بتعلق علينا تعليق موشي توفره

 

[&&&&&&&&]

تصير كثير

طنش تعش تنتعش​