وبعدين مع هالياهل ؟؟؟؟؟؟

[جلكسيه اس 3]

مادري ليش مدخله روحج بينهم
عادي خل اخوج يتصرف و الا اهو مو ريال
قالت له مادش اعتبت الباب
يقولها احترمي نفسج و لا بطلقج

ماله داعي انتي تدخلين بمشاكلهم
ما اضن انج اتحبين احد يتدخل بحياتج
فمثل ما انتي ماتحبين خلي الناس على راحتهم

 

[أسووووومـــه]

الله يسخرهم لبعض ويبعد عنهم المشاكل
ويهديهم لبعض

لاتتدخلين واااااااااجد

وادعيلهم ان الله يسخرهم لبعض

 

[فوفو22]

احب الزوجين يتفاهمون مع بعض

في كل شؤونهم

ولا احد يتدخل بينهم

إلا لما يطلبون استشاره من احد



فوفو

 

[حلوه بكيفي]

على كلمه ما تدش عتبه الباب

لمن نسمعها نشهق ومادري شنو

بس والله عادي

انا مره تزاعلنا وقلتله اول ما تدش سيده على غرفتك مابيك تقعد معاي وانا بنام بالصاله<<<< كاني انا الرجال ههههه

والله عادي وهو ساعات يسمعني كلام اووووف بس كلها كم يوم وترجع الامور عادي

 

[شادن33]

اي بس هي ليش جذي تتعامل وياه معنه اسلوبه حلو معاها
اكيد في غلط في اسلوبه وهذا اللي خلاها تتمادى

 

[! بــدويه وآآيــد !]

،


الله يعين مرت اخوج عليج انتي عينه من الحموات الي يتشكون منهم البنات بالمنتدى !

 

[أم عزيـز]

حبيبتي انتي نفسي يما احتريت على اخواني من حريهم وتصرفاتهم خاصه لما اشوفهم شايلينهم شيل ومو قصرين
وحتى امي ما تقصر معاهم وتوجبهم

لكن في النهايه اقول داو اخوي عاجبه الوضع وراضي ومو هامه هالمعامله من زوجته كيفه
انا ليش احر قلبي !

وانتي نفس الشي دام اخوج ساكت وراضي يعني الوضع طبيعي عنده
من حقج تنقهرين على احوج لانج شايفته مو مقصر ومو غلطان
لكن بنفس الوقت مو من حقج تدخلين دامه اهو نفسه قتعد يطةف هالسوالف بمزاجه

ريحي بالج ولا تعورين قلبج زود مثلي هههههه
مره بيوصل حده بياخذ موقف اذا حس ان الشي زاد عن حده
والله يهديهم ويصلحهم

 

[mmloo7a]

وي وي بنات بليز ليش كلكم تقولون لاتتدخلين


بنات ولله ادررررررررررررري بس انا بقوله وبنصحه وبخليهم بس ماراح اتدخل وكلمها

 

[mmloo7a]

بنات انا ولله ماراح اتدخل بينهم

بس خايفه لايصير شي

اهو مايقولي كل شي بالعكس ادري هالشي بيناتهم

بس لاتوصل طلاق على اتفه الاسباب نفس ماصارت فيه من قبل وانفصل وانظلم مع هذيج الاولانيه مع ان مانتدخل بشي بس اهي كانت تدخل اهلها بكل شي

مابيه ينظلم نفس هذيج


مع اني اشوف زوجته هذي زينه معاه بس ماني عارفه ليش تسوي فيه سوالف وتخليه يتضايق وهو مومقصر


انا بس ابي اناقشكم شرايكم بس

مابي اتدخل ولا شي


باي

 

[mmloo7a]

بنات تكفون فهموني انا موكاتبه الموضوع عشان اتدخل

بس خايفه لاينظلم وتحط عذر جدامها وبعدين مابيه

يعني اذا تصرف وياها تصرف ثاني تزعل

وذا عطاها وي تزعل

شلون يعني ليش جذيه تعامله تهقون شنو ؟

 

[english muffin]

انا مو فاهمة اخوج ليش يتشكى عندج
عيب اصلا مايحترم خصزصية حياته الزوجية

 

[منال $]

حبيبي لاتدخلي بينهم
منو الها يختلصوا
واخوكي رجال يعرف يتصرف

لاتوجعي راسك بامورهم

 

[مطرها يسبق رعدها]

مالش شغل بحياته لا انتي ولا غيرش

الهي بنفسش وحياتش

وهو غلطان اللي علمش

دعو الخلق للخااااااااالق




*

 

[انثى بحق]

الله يعينا على العاهات اللي بهالدنيا .. المهم انج تخلين اخوج يتصرف معاها افضل ..
والصراحة اذا ما وقفها عند حدها من البداية ماراح يقدر يوقفها بعدين ..
الله المستعان ..​

 

[om-3azo-83z]

تبي تتحكم من الحين تبي تفرض شخصيتها المفروض اهوا ما يشد يشد لا عشان لا تمل المفروض مره يشد و مره يرخي حسب مقدرته بس لا ياخذ اكبر من طاقته كلللللش يعني مثلا فلوسه على قده لا يوديها مطعم راقي يقطها بويها ما عندي الحين بس انشالله اعوضج بعدين لا يتسلف عشانها كلللللش

 

[شرغوفة]

عندي وعندك خير
بس مدخل بس انقهر من جوى وربي خوي وش حلاته بس ربي ماعطه حرمه تفهمه
لهم 4 سنوات بس مشكلتها متربيه مع صبيان وتعامل اخوي مثل معامملتها لاخوانها
وربي حتى المزح كنها مزح شاب م بنت
حتى مرى انحرج اخوي قدمنا وضحك
قال عادي تراها واحد من ربع

كيفهم اتركيهم
وربي يهديهم

ههههههههههههههههه حنااان والله فطست من الضحك ربي يسعدك وانااا نفس الكلام ..

 

[لمى...]

مالج دخل فيهم

شدعوه اتدخل بين اخوي ومرته اصلا لو ياني اخوي يتشكى اقوله هذا شي خاص بينك وبينها طلعني من الموضوع

عشان الله يوفقني ومايدعي علي احد

 

[نعم نعم شنو]

يمكن اخوج ماعنده خبره بالحياة ف خليه شوي يفكر ويعرف يدير اموره بحيث يشد ويرخي

واكثر ردين اعجبوني
رد ((انثى بحق + om-3azo-83z))

وهذا اهوا الصح

 

[جوري 2007]

هذي فاهمة الدلع والتغلي غلط ،،

 

[fan fojy]

اول شي لاتتدخلين بحياتهم لان هذا مايخصج
لان حتى انتي اذا تزوجتي وحمواتج تدخلو بتتظايقين
وعلى كلامج صارلهم جم شهر
ماتدرين ان المشاكل تيي اول سنين الزواج وكل واحد يتعلم من اخطائه ؟
انا اسفه اذا ماعجبج كلامي خليهم بحالهم ولاتشيشين اخوج
لان الي بتسوينه فبنت الناس بيردلج يوم من الايام وبزوجج وحمواتج
ريحي بالج ولاتتدخلين وانشغلي بشي يخصج
لكن باخوج ومرته خصوصيتهم لاتتعدين عليها
كيفها بتتدلع عليه وتبيه يراظيها كلنا نقيس غلاتنا ومعرتنا
اذا عندج خير سويه
ماعندج خير اكفيهم شرج

هههههه انا عصبت

:rerrerek::rerrerek::rerrerek: