وبعدين مع طلبات المدارس ( مدرسة الكويت الاهلية )

[أهداب]

مرحبا امهات

اللة يسلمكم انا حطيت هالموضوع علشان بس اعرف المدارس الثانية تطلب مثل طلبات مدرسة الكويت الاهلية ولا لا

اللي اشوف مبالغين فيها الصراحة:bbbiu:

وانا راح اكتب من لستتهم اللي مطرشينها مع ولدي مع العلم ولدي 2 رياض اطفال

ورق كروشية الوان مختلفة
الوان مائية \ الوان اصابع \ اوان خشبية \ الوان شمع \ الوان شينية \2 بتلة الوان \ فرش مختلفة الاحجام \ صداري \ طباعات مختلفة \ 2 مقص بلاستك \ قطن ملون \ خامات تشكيل

خرز وترتر احجام مختلفة
خيوط بلاستك
3 اكياس رمل ملون
لعبة تعليمية
هيدفون
مكعبات
سبورة صغيرة
2 بازل
5 لاصق
5 دفتر قص ولزق
اقلام ملونة
قصص مصورة ومكبرة
4 كراس رسم
4 دفتر مربعات
4 دفتر انجليزي
4 دفتر عربي
كروت تعليمية للاحرف عربي وانجليزي
كروت تعليمية للارقام عربي وانكليزي
جليتر احجام مختلفة
لعبة ضم الخرز
لوح ورقية الوان مختلفة (كانسون)
شرائط ستان الوان واحجام مختلفة
خيوط صوف الوان مختلفة
صابون سائل
صينية صغيرة
فوطة صغيرة
3 علب كلينكس
كوب بلاستك
شوك بلاستك
سكين بلاستك
3 ملف متعدد الجيوب
3 ملف بلاستك
فوم الوان مختلفة
فوم لامع
3 كرتون مضلع الوان مختلفة
بالطو ابيض

اللي حارني اكثر ان السنة اللي طافت طالبين زيادة عليها معطر جو !!!:rgewrg:

الحين بسالكم احنا مسؤليين عن تجهيز المدرسة وليش الحكومة تدفع لهم مبالغ خيالية مدام احنا اللي نييب كل شئ

والمدارس الثانية تطلب مثل طلباتهم:eh_s(4):
​

 

[بمبة المفترسة]

عيل ليش دافعين لهم
انا خابرة الناس تدخل عيالها مدارس خاصة عشان مافيها طلبات
قدموا شكوى انتي واولياء الامور الباجين
والطلبات هاتيها من بو 100 فلس ترتر وورق كروشيه وهالسوالف

 

[ماريي]

السلام عليكم
اختى المدارس اليومين دول ومن قبل فعلا بيستغلوا اولياء الامور والمدرسين لان لو ولي الامر ماجبش بتتضطر المدرسة تجيب على حسابها عشان تبين شغلها وفي الحالتين استغلال مع انهم بياخدوا مصاريف كبيرة خصوصا من طلاب الاحتياجات الخاصة الموضوع دا فعلا محتاج وقفة وتصعيد على مستوى المدارس كلها دول حتى بيبعتوا يجطلبوا غسول اليد المطهر موش للطلاب ولكن لاستخدام المدرسة وغيره وغيره

المهم ان تقوم وليات الامر بمتابعة موضوع آخر مهم وخطير وهو (تكرمون) الحمام حمامات الروضة بتكون مشتركة وفيه مدارس مافيهاش رقابة ولا حتى فراشة تساعد الطلاب وتنظم دخولهم المنظر سئ جدا خصوصا وجود اولاد بيقلعوا ملابسهم لدخول الحمام وتكون هناك بنات في المكان من الضروري متابعة هذا الموضوع بشكل جدى وسؤال ابنائكم باستمرار (راحت حمام - مين راح معاها -المعلمة ولا الفراشة - فيه ولاد هناك ...وهكذا ) من اجل سلامة اولادنا وغرس القيم الاسلامية والتربية السليمة مع العلم ان فيه مدارس الحمامات تكرمون مشتركة بين رياض الاطفال والاحتياجات الخاصة والمعلمات بيرفضوا يروحوا حمامات مع الطلاب خصوصا الاحتياجات برغم ان من برامجهم التدريب على دخول الحمام يعنى من صميم تخصصهم المتابعة والتدريب _ وكمان لاتوجد فراشة ثابتة على باب الحمام وبتضيع المسئولية بين الخدم والمعلمات والمظلوم اطفالنا .......... يعنى مهازل رجاء المتابعة من أولياء الامور

 

[الصابرة المحتسبة]

هلا أهداب

الطلبات واجد والأفضل انج تكلمين المسؤولة وتشوفين هل هذي ضرورية ولا بس شكل؟؟؟

 

[CH.22]

ما شاء الله تبارك الرحمن كل هذا طلبات هههههههههههههه
ورياض اطفال بعد ..

الله يعيينج والله​

 

[بنوته كيكه]

ماخلو شي طلبات مو ناقص بعد زليه وسلة فواكه بلااستيك
حبيبتي قدمي شكوه انتي مع وليا امور وين قادعه دافعين فلوس بعد ونجيب طلبات
اوكي نجيب طلبات بعين عقل بس مو هل كثر لا تسكوة دشو علي مديره

 

[مشاعل الشمري]

انا ولدي صار له 3 سنين فيها وموضروري كل هالطلبات انتي سالي المسؤله ساعات يكون الحاله ماتحتاج
وشكرا

 

[رومــآ]

غريبة شدعوة كل هالطلبات

 

[سلطانة الاحساس]

لا شدعوه حبيبتي اول دوام يعطونهم ورقة فيها الطلبات لان عيال اخواني جذي
اغراضج هذا حتى المدارس موجذي

 

[سلطانة الاحساس]

واللسته هذي شنو لازم تقدمين شكوه بالوزاره

 

[قاهره عذالي]

والله دشيت الروضه انا واخواني وطلعنا
وكانت روضة حكومه
جان بس دفتر رسم والوان ونفنوف حق حفل التخرج وبس

روحي اشتكي بالمنطقه التعليميه عليهم

 

[Patcholli]

مايبون معاه خدامه وسايق بعد ..!!

اوله شالطلبات ؟؟؟ حبيبتي قدمي شكوى عند الجه المختصه اذا المدرسه تبع الوزاره روحي اشتكي

والله مصخوها عيل شوظيفتهم اهما لازم يوفرون كل هالاحتياجات مو انتو