واي تعالو احسدوني علي اعز صديقاتي ال 3هههه ):

[جنون العشق]

اه :nbptr:


اعز صديقاتي الي علي قلبي 3 يكملون بعض :33_1185028183:



الاولي لي معاها سنين فقط صديقه طلعات وتمشي وفراره يعني ادزلها مسج طلعه ترد بمسج يلا ونطلع مع ان لها معزه حيل بس هذي علاقتي معاها هذا الي تبي مني



الثانيه قرقه بالتلفون وارتاحلها حيل واعزها بس هذي حدود العلاقه يعني تبي تطلع سوق او مطعم تطلع مع غيري بس هذي علاقتي معاها تلفون هذا الي تبي مني




الثالثه صديقه من سنين كانت علاقتي معاها قويه حيل ايام الدراسه بس بعدها خفت العلاقه حيل والحين احتمال انتهت ليش؟؟




لاني فقدتها من 5 شهور ادزلها مسجات ماترد مر رمضان والعيد فقدت مسجاتها المهم قبل شوي دزيت لها مسج


اني مت خوف عليك طمنيني لو بمسج ردت وقالت بكل برود منو معاي الارقام عندي انمسحت رديت وقتلها بمسج من خمس شهور فقدتك وخفت عليك وسالت عنك وحده طمنتني خلاص بجد تضايقت باي



تدروووون شردت


باي



اخ مت قهر قلبي ذبحني شان ارد اقولها امسحي رقمي بعد وخلي العلاقه الي لها سنين بالاسم تنقطع والله يوفقك


والقهر انها فلا طنشت ولاعبرتني ومن اليوم وانا ابكي وصاكه فيني الدنيا لاني بحزتها بغيت بجد رفيجه وحده توقف يمي لاكن للاسف مالقيت




وخلاص بمسح من حياتي كلمه رفيجه والله يخلي لي خواتي وبس

 

[زوووز77]

رد : واي تعالو احسدوني علي اعز صديقاتي ال 3هههه ):

الله يعينج حبيبتي بس ترى عادي كلنا تصير معانا جذي البعيد عن العين بعيد عن القلب

والله يعوضج برفيجات احسن منهم

 

[خانها الحظ]

رد : واي تعالو احسدوني علي اعز صديقاتي ال 3هههه ):

بس شلون رفيجه للطلعه ورفيجه للتلفون ..........!

اول مره اسمه جذيه


الصداقه شي اسمى من جذيه انسانه تكون اخت لي واكون اخت لها

تحب لي الخير واحب الخير لها ولا بلاش من صداقه




.

 

[@أجمل سنيني @]

اصلا لا صداقه في زمنا هذا
مجرد صداقات عابره مرتبطه بالمصالح فقط
لازم تتأقلمين مع الوضع

 

[جنون العشق]

هذا حظي مع الرفيجات وحده اسمها رفيجه تلفون لاوبعد اذا دقت توصل السوالف لل 3 ساعات متواصله



وصديقه الطلعات لاتعد طلعاتي معاها ولا تحصي




افخر بالصديقه لاصارت قريبه واثق فيها لاكن مالي حظ

 

[RoWaIsHeDyA]

رد : واي تعالو احسدوني علي اعز صديقاتي ال 3هههه ):

حبيبتي نصنا جذي لازم تمر علينا اوقات مانلاقي صديقات يستاهلون او مانلقى نهائيا والعلاقات الي كانت عندنا كل ماكبرنا تنقطع شوي شوي ومايعود في احد غالى وايد على قلبج تكون علاقاتج سطحيه ولابحدود اذكر رفيجاتي بالثانويه تتطشروا بين كليات ثانيه مااعرف غير جم وحده بالايميل ومانسولف وايد , فمابالج بالجامعه بالكثير 4 بالجامعه ولا في منهم مو كل يوم نشوف بعض بس نطلع احيانا يعني كل وحده تخصص غير وغير الي تخرجوا الحين ويشتغلون وحتى رفيجاتي الي كانوا معاي بالشغل ماقمت اسمع عنهم اخبار الا من بعيد وحده تزوجت وماعرفت الا لمن شفتها حامل عادي حبيبتي راح تنصدمين وايد بحياتج بس لاتفقدين الامل خلج اجتماعيه بس مو غبيه يعني في فرق لاتامينين بسرعه وتعطين الكل اسرارج اختبريهم عدل حطيهم بمواقف تحسين صج بتبين منو رفيجتج وان شاء الله تحصلين

 

[جنون العشق]

يا كثر من انصدمت من رفايج كانو قراب ونوعي ما اتقرب الا اذا عاشرت وعرفت الطبع عدل وينهم الحين راحو ولاعرف شي عنهم



بس هذولا ال 3 اقرب شي علي قلبي وربي ذبحتني الضيقه والبكي علي كثر ماحرقت دمي عليها حتي اني ولدت وبس دزت مسج ولا زارتني بس ماهمني اهم شي انها تحمدتلي بالسلامه ومن 5 شهور وانا احترق دمي عليها ادز مسجات واسال وبالاخر شذي

 

[Tulips]

رد : واي تعالو احسدوني علي اعز صديقاتي ال 3هههه ):

الله يعينج حبيبتي .. هذي الدنيا

 

[روح امها]

على سالفة انمسح الرقم لان بدلت الجهاز عادي
هذي تصير مع ناس وايد
بس شلون كل رفيجة حق شي
اول مرة اعرف الصراحة
لا تبجين ولا تحرقين دمج مافي شي يسوى

 

[بتبوتااا]

حياتي حاولي انج تقوين علاقتج مع رفيجاتج الثنتين يعني الي تقولين لها نطلع عزميها عندج البيت وقعدو مع بعض وبين فتره وفتره جذي وحتى الثانيه يعني مو شرط بس تلفون وطلعه .. بيدج تقريبنهم اكثر منج فديتج .

 

[وهج الحب]

السلام:
اصلا غير الاخت ما في صديقة ..الاخت هي اللي اذا قلتي لها شئ خلاص اعرفي انه في بير اما الصديقة اذا راضية يا زينك واذا ازعلت كل كلمة انقالت لها تنتشر ويمكن تنزاد بعد ..
يما لا تحسفين على احد وخلي اخوتج صديقاتج وبس ..
انا تعرفت على واحدة اربع سنين نتواعد ونروح ونيجي مع بعض وانا اللي مصممة لها دكور بيتها واشتري لها الناقص ولا اطالبها بالفلوس وكنت اوصلها المدرسة واجيبها واحيانا شغلها الكتابي اسوي عنها ..
واخرتها عزمتها على بيتي قامت تدور فيه مثل المجنونه بيتك حلو بيتك حلو واطلعي ووكيلك لا صارت ترد على مسجاتي ولا تلفوناتي ورحت ازورها كنت اظن فيها شئ الا عند الباب تقولي لا ما فيني شئ بس مشغولة ما اقدر ارد عليك ولا اكلمك ولا حتى تفضلي ما قالت لي والله اني ما تحسفت عليها يوم واحد ..وهذا الامر من 3 سنين بس من اتذكرها اتذكر اشلون تدور ببيتي واضحك عليها ..

 

[&& دعاء &&]

رد : واي تعالو احسدوني علي اعز صديقاتي ال 3هههه ):

هذي الدنيا
بعدين حلات الصداقه تكون رسميه .......

 

[غلاي امي وزوجي]

الله يعينج ويصبرج

 

[غمزة خجل]

رد : واي تعالو احسدوني علي اعز صديقاتي ال 3هههه ):

هاذولي مايعتبرون صديقات لمصلحه وبس

لاتضايقين نفسج انتي عارفتهم ومحددتهم المفروض ماتضايقين عمرج

الاخت هي اقرب صديقه والام مافي غيرهم

 

[^وجد قلبي^]

وييييه عادي
تعيشين وتشوفين

ليش تبجين ومكبره الموضوع .....!

الصراحه عطيتيهم اكبر من حجمهم

 

[صآعده تحت}..]

رد : واي تعالو احسدوني علي اعز صديقاتي ال 3هههه ):


ماعليه عادي صارت معاي والحياه ماشيه

بس الفرق انج قلتي خلاص ماراح ارافج احد

اذا فشلتي بالصديقتين الى قلتي عنهم لاتعقدين نفسج ولا شى رافجي غيرهم بس خلي العلاقه مو قويه حيل

وسرج لاتطلعينه لاحد لخواتج وبس .. الانسان يحتاج صديق يفهمه ويستشيره وماتقدرين تعيشين بدون صديقات

بس الشئ لازاد عن حده ينقلب ضده .. السالفه موحسد يمكن كنتو يوميا مع بعض فون فطبيعي تملون والسوالف تخلص

 

[منوة القلب]

بس اختي اسمحيلي انتي غلطانه كان قلتيلها انتي مين .. مو ترسليلها الغاز وتبين منها تعرفك صعبه

احتمال كلامها صحيح امسحت ارقامها من التلفون

دايم تصير ومن اقرب الناس لي مو صديقات بس

يمكن تحسبك لعاب فطنشتك ماردت

ارجعي ارسليلها رساله وعلميها مين انتي ... وشوفي ردت فعلها هل معاها حق او لا .. اخلق لاخيك 70 عذر

وهذي مو اخت وبس صديقة عمر

 

[بدلية]

^^

انا معاها

ليش ماقلتيلها انتي منو؟؟!!!!

يمكن صج ماعرفتج

 

[om al ghaleen]

من صصج زعلآنه بالعكس استانسي انج عرفتي قيمتهمٌ عدل !!
ياعمي الوحده تعيش مرتاحه من المصآلح

\\

 

[وضح النقى]

رد : واي تعالو احسدوني علي اعز صديقاتي ال 3هههه ):

انا ما أشوف انها غلطت !!

انتي لما سألتي عنها قبل 5 شهور ولا ردت ليش ماحاولي تشوفين شفيها ؟؟؟

يمكن البنت صار لها ظروف و شايله بخاطرها

بصراحه انتي غلطانه ومفروض تاخذين بخاطرها