وايد اعيب شسوي :(

[M!Ss Smart]

السلام عليكم ورحمه الله وبركاته

بناات ابي بدخل بالموضوع بدون مقدمات انا عندي مشكله وضميري حييييييييييييل يأنبني وقعد استغفرربي بس ارجع لنفس الموال بنات انا وايد اعيب يعني مثلا اذا رحت عرس لازم اعلق وعيب على البنت ولبسها ومثلا اذا وحده مستانسه بولدها ولدها مو حلو اقعد اعلق وعيب واذا رحت مطعم مثلا شفت وحده ومعاها ريلها واهيا مو حلوه اقعد طووول الوقت اعيب عليهم وعلق شلون ماخذها شلون يطل بويها ومن هالحجي وبس ارجع بيتنا اندم وقعد استغفر ماحب هالطريقه بس مادري شسوي حاولت وايد اوخر عن هالشي بس ماقدر ولله يعني حزات في ناس اشكره يبووون الحجي حق عمرهم
​

بليز بنات اللي تبي تطنز وتهاوش لااا تعلق احسن لها ومشكورين​

 

[دبي العز]

نص الحريم في النار والسبب لسانهم .::*_*::.

نحن ماشي متعبنا في حياتنا غير لسانا هذا ما ادري شو نسوي فيه

المصيبه اني ما احب اتفلسف في شي يمكن اسويه انا يمكن اسوي هالشي بقلة الحين لاني صرت احاسب نفسي بديت اتجنب اني اعلق بس ساعات بالغلط اعلق


يعني والله بديت اقرا حكم هالشي وصرت اخاف احاول اتجنبه لان ما يجوز وعقابه كبير قبل كنت جييه 24 ساعه استهزاء في استهزاء ما ادري شو اتحرا عمري الملاك البشري ولا الكامله بس عقب بديت احس بعظمة الذنب وخففت واييييييييييد بعد

الحين مرات وبالغلط بعد !!!!! وساعات بدون ما احس


الله يعينا ويهدينا اجمعين بحطلج بعض الاشياء والله يهدينا ان شاء الله بس استمري ذكري نفسج مب بعد ما تخربينها لا حاولي قبل خخخ



ما يلفظ من قول إلا لديه رقيب عتيد


قال رسول الله: ( إن المفلس من أمتي يأتي يوم القيامة بصلاة وصيام وزكاة، ويأتي قد شتم هذا، وقذف هذا، وأكل مال هذا، وسفك دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يقضى ما عليه أخذ من خطاياهم فطرحت عليه، ثم طرح في النار! ) صحيح مسلم (2581)



وفي البخاري قال عليه الصلاة والسلام: (إذا أصبح ابن آدم فإن الأعضاء كلها تكفر اللسان، تقول: اتق الله فينا، فإنما نحن بك، فإن استقمت استقمنا، وإن اعوججت اعوججنا) رواه الترمذي.


فلا عجب إذا صورها القرآن في صورة منفرة تتقزز منها النفوس، وتنبو عنها الأذواق: (ولا يغتب بعضكم بعضا، أيحب أحدكم أن يأكل لحم أخيه ميتا فكرهتموه) الحجرات:12. والإنسان يأنف أن يأكل لحم أي إنسان، فكيف إذا كان لحم أخيه؟ وكيف إذا كان ميتا؟‍!


قال ابن مسعود: كنا عند النبي صلى الله عليه وسلم فقام رجل (أي غاب عن المجلس) فوقع فيه رجل من بعده. فقال النبي لهذا الرجل: "تخلل" فقال: ومم أتخلل؟ ما أكلت لحما. قال: "إنك أكلت لحم أخيك".


وعن جابر قال: كنا عند النبي صلى الله عليه وسلم فهبت ريح منتنة فقال الرسول صلى الله عليه وسلم: "أتدرون ما هذه الريح؟ هذه ريح الذين يغتابون المؤمنين".



وقال عليه الصلاة والسلام: "لا يدخل الجنة قتات" والقتات هو النمام وقيل النمام: هو الذي يكون مع جماعة يتحدثون حديثا فينم عليهم. والقتات: هو الذي يتسمع عليهم وهم لا يعلمون ثم ينم.



(ولا تطع كل حلاف مهين. هماز -طعان في الناس- مشاء بنميم) سورة القلم:10-11.





الله يصلحنا جميعاً =(

 

[مارغريتا]

لما بتعيبين تذكري عيوبج انتي بعد
مافي انسان مافيه عيوب !
واذا بتعيبين افتحي موضوع ثاني مع الي وياج ولهي عمرج بشي !
او لا تقعدين اطالعين بالناس !
والله يهدينا كلنا

 

[Kocheko]

الموضوع مو منج الموضوع من وانتى صغيره
انا ما بفتى من عندى ولا بتفلسف بس شكلج كنتى صغيره اتعلقين على اشيا واهلج كانوا يضحكوون فتم هالطبع فيييج بس لما كبرتى اكتشفتى انج غلطانه , وصرتى مكروه من قبل بعض الناس ...
حبيبتى بنت خالتى كانت هلووون
وهالطبع فيها لحين وتزوجت ولحين لها مشاكل مع اهل ريلها
لان مو كل من يرضى على روحه
انتى حطى نفسج مكان هالاوادم
.. ترضين احد يعيب عليييج
ومن عاب يعاب فديتج .... ويمكن يطلع فى عيالج او الله يعطيج زوج حده مب شى لا شكل ولا اخلاق
دايما قولى الحمد لله الذي عافني مما ابتلاه به وفضلني على كثير من خلقه تفضيلا
بدل ما تعيبين
ترا ربج بيعدل وضعهم وبيبايج انتى
وأحنا أهنى كلنا خوات ومحد كامل فديتج حتى انا فينى عيوووب وغيرى فيه عيوووب وحتى اللى تفلسف بعد فيها عيوووووب ... بس المهم أنعرف الغلط ونعدله

 

[M!Ss Smart]

نص الحريم في النار والسبب لسانهم .::*_*::.

نحن ماشي متعبنا في حياتنا غير لسانا هذا ما ادري شو نسوي فيه

المصيبه اني ما احب اتفلسف في شي يمكن اسويه انا يمكن اسوي هالشي بقلة الحين لاني صرت احاسب نفسي بديت اتجنب اني اعلق بس ساعات بالغلط اعلق


يعني والله بديت اقرا حكم هالشي وصرت اخاف احاول اتجنبه لان ما يجوز وعقابه كبير قبل كنت جييه 24 ساعه استهزاء في استهزاء ما ادري شو اتحرا عمري الملاك البشري ولا الكامله بس عقب بديت احس بعظمة الذنب وخففت واييييييييييد بعد

الحين مرات وبالغلط بعد !!!!! وساعات بدون ما احس


الله يعينا ويهدينا اجمعين بحطلج بعض الاشياء والله يهدينا ان شاء الله بس استمري ذكري نفسج مب بعد ما تخربينها لا حاولي قبل خخخ



ما يلفظ من قول إلا لديه رقيب عتيد


قال رسول الله: ( إن المفلس من أمتي يأتي يوم القيامة بصلاة وصيام وزكاة، ويأتي قد شتم هذا، وقذف هذا، وأكل مال هذا، وسفك دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يقضى ما عليه أخذ من خطاياهم فطرحت عليه، ثم طرح في النار! ) صحيح مسلم (2581)



وفي البخاري قال عليه الصلاة والسلام: (إذا أصبح ابن آدم فإن الأعضاء كلها تكفر اللسان، تقول: اتق الله فينا، فإنما نحن بك، فإن استقمت استقمنا، وإن اعوججت اعوججنا) رواه الترمذي.


فلا عجب إذا صورها القرآن في صورة منفرة تتقزز منها النفوس، وتنبو عنها الأذواق: (ولا يغتب بعضكم بعضا، أيحب أحدكم أن يأكل لحم أخيه ميتا فكرهتموه) الحجرات:12. والإنسان يأنف أن يأكل لحم أي إنسان، فكيف إذا كان لحم أخيه؟ وكيف إذا كان ميتا؟‍!


قال ابن مسعود: كنا عند النبي صلى الله عليه وسلم فقام رجل (أي غاب عن المجلس) فوقع فيه رجل من بعده. فقال النبي لهذا الرجل: "تخلل" فقال: ومم أتخلل؟ ما أكلت لحما. قال: "إنك أكلت لحم أخيك".


وعن جابر قال: كنا عند النبي صلى الله عليه وسلم فهبت ريح منتنة فقال الرسول صلى الله عليه وسلم: "أتدرون ما هذه الريح؟ هذه ريح الذين يغتابون المؤمنين".



وقال عليه الصلاة والسلام: "لا يدخل الجنة قتات" والقتات هو النمام وقيل النمام: هو الذي يكون مع جماعة يتحدثون حديثا فينم عليهم. والقتات: هو الذي يتسمع عليهم وهم لا يعلمون ثم ينم.



(ولا تطع كل حلاف مهين. هماز -طعان في الناس- مشاء بنميم) سورة القلم:10-11.





الله يصلحنا جميعاً =(

مشكوره حبيبتي جزاج الله خييير وكلامج صح

 

[M!Ss Smart]

الموضوع مو منج الموضوع من وانتى صغيره
انا ما بفتى من عندى ولا بتفلسف بس شكلج كنتى صغيره اتعلقين على اشيا واهلج كانوا يضحكوون فتم هالطبع فيييج بس لما كبرتى اكتشفتى انج غلطانه , وصرتى مكروه من قبل بعض الناس ...
حبيبتى بنت خالتى كانت هلووون
وهالطبع فيها لحين وتزوجت ولحين لها مشاكل مع اهل ريلها
لان مو كل من يرضى على روحه
انتى حطى نفسج مكان هالاوادم
.. ترضين احد يعيب عليييج
ومن عاب يعاب فديتج .... ويمكن يطلع فى عيالج او الله يعطيج زوج حده مب شى لا شكل ولا اخلاق
دايما قولى الحمد لله الذي عافني مما ابتلاه به وفضلني على كثير من خلقه تفضيلا
بدل ما تعيبين
ترا ربج بيعدل وضعهم وبيبايج انتى
وأحنا أهنى كلنا خوات ومحد كامل فديتج حتى انا فينى عيوووب وغيرى فيه عيوووب وحتى اللى تفلسف بعد فيها عيوووووب ... بس المهم أنعرف الغلط ونعدله

مشكوره على الرد بس انا ماكنت اعيب وانا ياهل عادييي بس لما كبرت صرت اتطنز وعلق ولله كلا استغفر واخاف ان الله يبليني بعيااااالي باجر ولله يغفرلي ياااارب

 

[om deaj]

حبيبتي حاولي كل ما تيين تعيبين تقولين استغفرالله

انا اعيب على خواتي وايد
بس الي الناس الي برة احاول اقول الحمدلله يارب
ويارب لا تبلينا
او استغفرالله

الله يعننا على لساننا

 

[T R F]

رد : وايد اعيب شسوي

صباح الخير حبوبه ... احب اصبح على الجميع ... وعلى اختي الغاليه ... دبي العز .. لأن مابعد كلامها كلام ..
بس حبيت اضيف ..

شوفي اختي ... انتي قلتي هالكلام ... وهذي دلاله طيبه منك .. إن هذا الشي غلط ... وهذا بحد ذاته يكفي ... دايم حطي ببالك إذا عزمتي على امر ... من داخلك قولي اقدر ... وبتقدرين ... وبالعكس اختي .. كلنا اغلاط .. احنا مش ملائكه احنا بشر ... وترس اغلاط ... بس الذكي فينا ... اللي يعرف غلطه ويصلحه ... مش يشوف عيوب الناس ... ودائما حطي ببالك..إن من عيب ابتلى بنفس العيب ... إن طال الزمان اوقصر ... انا برأيي لفتره قليله ... انقطعي عن الأماكن اللي تشوفين وتتأكدين إنه بيطلع معك تعييب على خلق الله ... وشوفي نتج معك شي اولا ... مهما كانت حياتك لازم يكون عندك وازع ديني لو قليل ...استعيني بكتيبات اواذكار ... او حتى خلي قول ... استغر الله على لسانك ...
حاولي تقرين كتب مش شرط ثقافيه ... حتى لوترفيهيه ... سبحان الله لاتحقرين هالأمور
تدرين ليش ... لأن الفراغ عندنا ... هو اللي يخلينا من سئ إلى اسوء ... حاولي تطورين من ذاتك يالحبيه

ودعواتي لك

:balo:

 

[DốǾốDї]

نفس الحاله بس انا على خفيف واذا خلصت اقعد استغفر واستغفرر والي معي يقولون عقب شنو لول
طبع شين الله يفكنا منه

 

[جروح خالده]

رد : وايد اعيب شسوي

شوفي عيبوج قبل عيوب الناس

 

[Kocheko]

عيل حبيبتى مشكلتج سهله وبيدج أنتى والبنات كفو ووفو
.....
وكل ما حسيتى بتطنزين تذكرى ان ربج ما يطق بعصا وراح هالعيب بيطلع فى عيالج مثلا او فى ريلج او فييج انتى حتى ...
شووى شوووى بتخفين ترا ما فى شى يصير بين يوم وليله ...
انا كنت جذى قبل بس على خفيف بس كل يوم قبل ما ارقد كنت احاسب نفسى كنت اقول انا تطنزت على فلانه لانها كريهه مثلا طيب هاى مو خلقه الله .. انا قاعده اطتنز على شى الله خالقه ...... وهالحجى أقوله لبنت خالتى بعد بس هذيك الله يهديها ويصلحها مو حاسه اصلا ...
أنتى طيببه من الداخل وحبوبه بس تعودتى على هالشى .... مثل ما تعودتى تسوينه بأذن الله بتعودين ما تسوينه
مادرى شفينى اليوم مووودى مود هذره ههههههههههههههههه
ارجو انى ما مللتج
واتمنى قضاء يوم سعيد

 

[Tutti-Frutti]

رد : وايد اعيب شسوي

لسانك لا تذكر به عورة امرئ
فـ كلك عورات وللناس ألسن ..

دايما تذكري هالبيت وانشالله تفتكين من هالعاده

 

[M!Ss Smart]

مشكورين بنااات ماقصرتوو ولله يفكنيييي من هالعاده ان شالله

 

[sweet.sanfoora]

حياتي ترضين انه اذا تزوجتي وكنتي معاه بمطعم ووحده علت عليج وقالت شلون ماخذ هاذي !:s هو أحلى

ترضين تكونين بعرس وبقمة كشختج وتيي وحدة وتتطنز عليج

ترضين ولدج يكون مو حلو<<بعيد الشر وفال الله ولا فالي

وتيي وحدة تعيب عليه وتجرح مشاعره

حطي هالشي ببالج وترا ما يعيب الا المعيوب واللي خايف من الناس انهم يشوفون عيوبه

سوري اذا حيل انتقدتج بس هاذا كله لمصلحتج

 

[الحلا و الزين كله]

حطي ببالج ترى الدنيا دواره وكما تدين تدان... مثل ماتعيبين راح ينعيب عليج مافي احد خالي عيوب..

 

[Loutes]

رد : وايد اعيب شسوي

تذكري ان ربي بيعاقبك ويبتليك وبتخافين وبتوبين

 

[shrouq]

رد : وايد اعيب شسوي

تذكري ربج واذا بتتكلمين استغفري بوقت تفكيرج بعيوب غيرج ولهي نفسج وخليه بقلبج

 

[فيفي محمد]

شوفي الغاليه انتي مدامج اعترفتي انه عندج طبع وانتي مب حابتنه هاذي اول خطوه للعلاج اتصدقين انا فيني من طبعج بس شوي مو وايد وكنت دايما اقول انا من كثر مااعيب علي الناس اخاف اييني يوم واطيح بحلوجهم والحين الحمدلله تقريبا مااعلق وايد اذا شفت شي ماعجبني

 

[al-musk]

تذكري ان هالصفة يكرهونها الناس وانا طفارتي البنت الي تعيب فمابالج غيري ..وتذكري ان من عاب ابتلى وعلى طول من تحسين بتعيبين قعدي اشتغفري وان شاء الله تقضين على هالوسواس

 

[M!Ss Smart]

مشكورين وماقصرتووو وانا لي عيبت على طووووول استغفر وادري حرام وغلط وكما تدين تدان بس مااادري شفيني الله يهديني