والله يا بنات مو فلم هندي هذا الي صار وياها

[softlady]

اشلونكم بنات :hearting:


بنات بقولكم هالسالفه


رفيجتي انخطبت

ولما يوا يخطبونها بس أخت المعرس وعمتة من غير الام


لما أسألت خير وين الام :eh_s(10):


قالوا اهي معوقه ماتقدر تطلع


المهم


بعد ما شافوها املجوا بسرعه بعد ما اسألوا عنه مالقوا شي عليه




الكاااااااااااااااااااااااااااااااااااااااااارثه







بعد الملجه


شافت الام مافيها شي !!!!!!!!!!!!!!!!!!!!!


سألتها ليش ما يت اخطبتني ؟؟؟؟



جان يقولها ختولي !!!!!!!!!!!!!


انا صارلي 4 سنوات ما اكلمها !!!!!!!!!!!!!!!!!!!!!!!!!!!!!!!!!!


قالته ليش ؟؟؟


قاعد يقول ويقول ويقول ويقووووووول مالقت ولا سبب واحد مقنع في كلامة

كل الي قاله عصبيه
مو متفهمة

عنيده ومتمسكة برايها

جان تقوله : الحييييين بس عشان هالشي وانا عبالي مسويه شي جايد مثلا ضرتك بشي او ضرت حياتك ومستقبلك بشي

لكن بس عشان عصبيه !!!!!!!!!!!!


4 سنوات ماتكلم امك!!! والمشكله ان اختة متزوجه وهو ساكن مع امة بروحهم في البيت لان الأبو متوفي


تخيلوا الفضاعه يسمع صوتها ويدش ويطلع وياكل وينام وما يكلم امة 4 سنوات :rgewrg:


المهم نصحتة ماكو فايده

واهلها قالوا لها خل يولي هذا عااااااااق

والي يسويه في امة مرده يسويه فيج

جان تقول انا الحين ملجت وما شفت منة شي وكيفه وياها وما ابي الطلاق يمكن انا غلاتي غير اهي غير وانا غير



والله يا بنات

ما صار اسبوعين

صار بينهم زعل بسيط

اعيزت اعيزت تراضي فيه مووووووووووووووراضي


قلبه جااااااااااااسي


بغت تموت جدامة وهم مو راضي


اخر شي استوعبت ان هالانسان قلبه حجر

من عمايله مع امة مبين وانها لاغير ولا شي



ولاعت جبدها منه وقالتله طلقني

اهي تطلقت واهلها شالوها وحبوها وخففوا عنها واهو حشاكم جنة .................. ماني قايله


كله قاعد بروحه




أشرايكم؟؟؟






.​

 

[^noonaa^]

واااااااااااي الحمدالله والشكر


شنووو هالبني ادم اللي جذي يسوي بأمه !!

واكييد اللي ماافيه خيير حق اهله ماراح يكون فيه خير حق بنت النااااس


واشوه انها افتكت منه والله يعوضهاا

 

[زبــــــــدة]

استغفر الله

شنوو هذااا

اهم شي انها افتكت منه

اللي يسوي جذيه امه اكييد عادي عنده الباجي بالطقاق

الحمدالله والشكر

الله يعوضها خيير انشالله

 

[لؤلؤية]

حبيبتي....
هذا الفكة منه غنيمة

زين اللي افتكت منه وبدووون عيال
يطلعوون عاقين مثل ابوهم
لانه العقووق والقطاعة تورث

ويارب يعوضها بالاحسن منه

 

[ام الفهد712]

الله يهديه انشاالله
وزين ان افتكت منه من اولهااا جذيه تاليهااا شبصيررر
واللي مافي خيررر بهله مافي خيررر باحد

 

[*دنــيـQ8 ــا الوله*]

4 سنين وفي بيت واحد ولا يكلم امه ........ لاحول الله
زين انها افتكت منه ... واعرفت حقيقته .... والله يعوضها خير

 

[irresistible]

تهههههههههههههههههده بدون تفكير هذي اولها ينعاف تاليها

 

[حبيبته آنا]

زين سوت افتكت منه والله يعين امه هالمسكينه

 

[شندوخه]

اعووذ بالله هذا مع امه جذي بعد شترجي منه
الله فكها منه والله

 

[إستبرق]

اعوووووووووووووووووووووووذ بالله مبين من اول شي ان قلبه قاسي
الحمدلله انها عرفت طبعه من اول شي
والله يعوضها يارب

 

[Stylist]

اعوذ بالله شهالقلب!!!!!
من حضها انفصلت

 

[بحر الرمال]

اشوه انها افتكت منه..هذي الله يحبها انها اكتشفته ببدايه الطريج قبل لا تتزوجه و تييب منه عيال..والله يوفقها مع غيره

 

[رنين]

لا حول و لا قوة الا بالله....
من اولها واضحه!
الي مافيه خير لأمه مافيه خير لبنت الناس....

 

[katko0ota]

magyola " ely mafeh 5air leahalah ma feh 5air lbaitah"

hatha bany adam mareeee'6 alla ykafena el shar

o alla y7bha enha te6algat mena , a9lan wain alla bywafga o ohwa chethy emswy eb omah !!!!!!!!

 

[rzaan77]

واى زين افتكة منه ابصراحه ولدها عاق وبعدين احتى اختى اشلون اخطبتله واتقول عن امها معوقه مو حرام عليها ليش حتى لو امها مو زينه معاها ما اتقول عن امها هالشي الحمدلله انها تطلقة والله يعين الام المسكينه

 

[OmRashed]

اللي مافيه خير بامه
ثقي تماما ماراح يكون فيه خير بمرته

 

[^ليلاس^]

ما عليه حسوف

افتكت منه

 

[منورة الكويتية]

فور شوور هذا متعقد نفسيا
اكيد مو صاحي
الحمدلله الي ربي فكها منه
والي مافيه خير لامه ماله خير بالناس

 

[بتبوتااا]

خيررررررررررررررررررررررره شفت ناس تزعل بس مو بهالطريقه !!

 

[xxx]

الي مافيه خير لاهله

مافيه خير حق أحد


حمدالله افتكت منه قبل لاترتبط بعيال

لاحول ولا قوة الا بالله شلون 4 سنين مايكلم امه