والله منحرجه اقول بس تعتقدون الي فيني مرض؟؟

[مضاوي]

السلام عليكم خواتي والله لو ماحسيتكم خواتي ماكتبت مشكلتي لكم
واتمنى الاقى الحل عندكم وبصراحه انا منحرجه شلون اكتب الموضوع
بس بدخل سيده بسالفتي واهي عندي مشكلة العرق الزايد :0bee2e8d89:
دايم عرقانه ومهما انظف اباطي تطلع ريحه كريهه حتى لو توني سابحه وحاطه ديودرنت
تطلع الريحه تفوح وتسبب لي احرااااااااااااااااااج والله من نفسي قبل بعدين زوجي وعيالي واهلي
والكل ملاحظ بس ساكت علشان محد يحرجني وطبعا فيه الي تعطي وصفات بشكل غير مباشر
بمعنى الريحه ذابحتنا فهمي عاد :0bee2e8d89:
انزين ادري ذابحتني قبلكم وماكو شي ما استعملته :0bee2e8d89:
بتقولون
الشبه والمسك
ديودرنت الشايع
ديودرنت بودي شوب
ديودرنت الاعشاب
كل شي استعملته بس ماكو فود :0bee2e8d89:
شنو رايكم بحالتي وقد مرت عليكم حاله مشابه لحالتي

 

[هوفه]

اختي اكيد انت تاكلين شئ معين مسبب لج هذي الريحة

لان الاكل له علاقة كبيرة بريحة العرق

والله يشافيج

 

[اركيديا]

هلا ما فيك الا العافية أخاف فيك بكتيريا روحي الطبيب وتاكدي

 

[عالي مستواها]

روحي لطبيب يمكن بكتريا مو سالفة نظافة

 

[احلى كويتيه]

الله يعينج

روحي طبيبي جلديه ولازم فحص وهوا يعطيج العلاج الازم وكل شي له حل وان شاء الله مو مرض يعتبر مشكله ادعي ربنا يحلها لج

 

[خاشووقه]

لا تهيتين نفسج اذا وصلتي لها المستوى
وانصحج تروحين طبيب جلديه وانشالله بفيدج
والله يشافيج

 

[supermarket]

حاولي تقللين من البهارات بالاكل

 

[ناعمه العود]

اختي يمكن فيج هرمونات زايده روحي للطبيب

 

[مضاوي]

اختي اكيد انت تاكلين شئ معين مسبب لج هذي الريحة

لان الاكل له علاقة كبيرة بريحة العرق

والله يشافيج

مشكورة اختي هوفه على الدعوه بس والله انا مااكل اصلا اعمل دايت

 

[مضاوي]

شذا
عالي مستواها

احلى كويتيه

خاشوقه

ناعمة العود

مشكورين خواتي وجزاكم الله خير
بس تعتقدون يمكن من الدوا انا اخذ دوا ارض شوكي حقن احقنها كل عشر ايام

 

[Kuwait]

palm resort

بالبدع
روحي حق ليلى بالصالون هناك

تعطيج ابر بوتوكس وانسي العرق

 

[ذوؤوؤق]

حبيبتي روحي دكتور جلديه

واقترحي عليه تشيلين الغده العرقيه بهالمكان اذا مايضر

او تحقنينه بالبوتكس


لان دول جنوب شرق آسيا اغلبهم شايلين هالغده



يعني لازم تسألين دكتور جلديه وقوليله عن الحقنه شوفي شيقولج


لاتستحين حطي جدامج زوجج وبتلقين نفسج تتحدين الصعاب

والله يعينج على بلواج


وكلنا خواتج ونبي الفايده لج ولغيرج

 

[..مفاهيم الغرور..]

روحي مجمع النقرة الشمالي

في محل تحت اسمه بيوتيشووب

و اخذي الديوديرنت من عندهم بالالفيرا الاصفر


و راح تدعيلي ان شاء لأنه وايد وايد وايد زين

 

[Dancing^Queen]

اختي
في حقن بوتكس يخفف التعرق
يمكن يساعد مشكلتج

 

[القرآن ربيع قلبي]

حطي الكريمات بالصيدلية تنحط بالاسبوع مرة انتي حطيه 3 مرات تدريجيا والله تقضي على الريحة نهائيا وعلى فكرة الديودرنت يطلع ريحة يعني يزيد الطين بلة ولا تسكتين حبيبتي لازم لازم تعالجين روحي الطبيب عادي ما فيها شي احسن من انه اتفشل وانحرج والكل ينغزني واتعذب والمشكلة لها حل لا وبسيط وفترة وتعدي ان شاء الله

 

[AFRoDiT]

ديريبالج احد يقص عليج ويقولج قزي ابر في صالون

روحي طبيب جلديه

شخص متخصص يعالجج


انا سمعت عن ابر تتحكم في الغدد العرقيه

روحي سئلي و شوفي

وانشالله تنحل مشكلتج حبوبه

 

[نووووونا]

ما تشوفين شر يارب


بس مشكلتج مو هينه ,, الله يعينج المفروض تروحين طبيب جلديه

متخصص واهو اكيد بساعدج. الحين العلم تقدم , وفى ابر البوتكس للتعرق

تفتكين وتعيشين حياتج بدون احراج ,,

وسلامات

 

[رهوف]

الله يشفيج ويعينج اول شي انصحج تشربين مرمية كل يوم لأنها معروفة تقلل افراز العرق<< بس التزمي فيها اسبوع وبتقل معاج المشكلة بشكل ملحوظ

وتغسلين هالمنطقة بصابون ديتول يقضي على البكتيريا

ثالث شي لا تحطين شبه وهالخرابيط لأنها ماراح تفيدج صدقيني انتي يبيلج ديودرنت يكون فيه الومنيوم كلورايد وانصحج ب ليدي سبيد ستيك اول ما تطلعين من الحمام وفي كريم ينحط مره بالاسبوع هذا واااااااااايد فعال للناس اللي يعانون من التعرق الزايد

واهم شي الاستحمام عالاقل مرتين باليوم

امشي على هالخطوات وصدقيني ماراح تحتاجين بوتكس ولا عملية انا اعرف وحده كانت تعاني من هالمشكلة والحين وقلت لها عن هالشغلات والحمدلله الحين ريحتها دايما عطور وبخور

 

[laylaas]

روحي الصيدلية قولي ابي كريم (( فيبكس))في بدينار وفي بدينارين عجيييب
حتى اسبوع ماتسبحين ريييحةماااكو .
امي تييبه حق الخدم تعرفين ريحة الهنود تصرع
وموعن الريحةبس انا ورفيجاتي نستخدمة ومع الوقت يبيض الابااط
وطبييييي
اشتريه وجربيه وقوووولي شصار معاااج عفية

 

[جوك احلى جو]

راجعي دكتور احسن