والله مليت ورب الكعبه خلاص كرهت كل شي

[تولة مسك030]

الله يعينك حبيبتي
الطلاق لاتفكرين فيه بسبب لحظة يأس
يبي لك تعيدين ترتيب حساباتك معاه من الألف للياء
الضعف والصياح يخليه يفهم انك حيطه هبيطه خلاص كل مره بكفخ وهي ماتحس تصيح شوي وتسكت
غيري هالروتين بس بذكاء مو كل مره تصيحين خلاص تصير دموعك ماتسوى عنده لاترخصين دمعتك وبتشوفين كيف تفرضين عليه احترامك رتا الزوج على ماعودتيه اقل شي تبينين له أنه سوا شي كبير يوم مد يده جربي تسكتين ووأنتي معصبه وماتورينه ردة فعل خليه يستغرب ومايقدر يتوقع وش بتسوين
وسألفة الطق مثل ماقالو البنات لازم تنهينها
ونصييييييييحه اقري قصص ناعمه الهاشمي راح تنبهك على أمور ماكنتي تتوقعين انها سبب مشاكلك.
والله يصلحكم لبعضكم يارب

مع الاخت :eh_s(15)::eh_s(15):

 

[دلوعه ناعمه]

صدقيني مو كفو وبو طبيع ماراح اييوز من طبعه ،، انا اعرف وحده كان منكد حياتها طلعات ممنوع اهلجممنوع كل شي ممنوع ويابت عيال وصابره على بو يتعدل بس ماتغير كله سب وطق وحكره بلبيت . اخرتها زهقت وتطلقت ومعاها كوكش يهال ..!!


دام مايبتي عيال اشتري راحتج وربي يعوضج بالاحسن

 

[أدعج غنج]

بنااات!! انتو ملاحظين انكم تاركين المشكله الأساسية ؟ قاعدين تقولون لها لا تطلعين معاه !!! يبا المشكله مو فالطلعات! بالطقاق الطلعه... المشكله انه عاااااادي كل مره يمد ايده عااادي بكل وقاحه ويسب!!!

والله المره اللي تسكت على الضرب من أول مره لازم تعرف ان موضوع كرامتها عند الريال منتهي

وقفيه عند حده وخلي ابوج يتدخل كله ولا الضرب ...عقبها تقدرين تحلين باجي مشاكلج من طلعات وغيرها بالتفاهم .لكن يمد ايده وتسكتين !! اسمحيلي
​

 

[his only]

واي الله يعينج خصوصا ان سالفه الطلعه تهون بس سالفه قاعدين بالبيت متجابلين
واهوا في عالم ثاني هذي حدها اح و تقتل !

 

[البارونـه]

اقلها روحي بيت اهلج ووصليها للطلاق وخل الريايل يتفاهمون معاه
خل يحسسونه بحجم الموضوع وانج من تزوجتي تغيرتي للاسوء بسبب الضرب لان هذا فعلا ما ينسكت عنه
لازم يقولونله يصير ريال لانها مو رجوله ان الواحد يضرب زوجته ويطلع عقده عليج
بعدين ممكن تردين بعد شهر وتاكلين حبوب منع حمل وتختبرينه ، تغير كان بها
ما تغير خلاص ما منه رجا اما تتقبلين الضرب طول حياتج او تقطعين العلاقه وتطلقين

 

[قاهره عذالي]

انسي الطلاق الحين
الطلاق قرار مو سهل
لازم تدرسين السالفه عدل وتستفين شيوخ بامرج مفتين احسن
مافي انسان كامل
لا انا ولا بنات المنتدى نعرف ظروفج وحياتج وعلاقتج مع زوجج عشان نفتي ونقول فكري بالطلاق
الرجال هذا نكدي وحاط بباله ما تروحين معاه ولا تركبين سياره معاه ولا يطلعج
عشان جذي يضيق خلقج ويسبج وينكد عليج بالطلعه
وهدفع تتوبين تطلبين منه تركبين السياره ويطلعج
يبي طاقته ومشاويره حق نفسه وبس


الحل

حريه

هو بادي الحرب معاج وترا الدموع والاستعطاف ما ينفع معاه
قولي له ابي اسوق سياره
وتدربي ع السواقه واذا ما شرى لج سياره دبري سياره وسوقيه
اذا انتي باول الزواج وجذي اسلوبه معاج يعني الرجال قبل يتزوج عاقد العزم مثل اغلب الشباب الي طايح حظه
انه مايوديج ولا يجيبج ولا يشتغل لج سايق
النوعيه هذي واجد ترا وترس الكويت

وان تطلقتي ترا ماراح تضمنين يجيج رجال يودي ويجيب ونفسه حلوه

حسسيه انه ماله فايده وولا شي بحياتج وانج عايشه فيه وبلياه

اذا عندج وظيفه نعمه اذا ما عندج اسعي انج توظفين او تكملين دراسه وتسوقين سياره

بعض الرجال ما يحب المراه الي تبين حاجتها له يقوم يهج ويهرب

ويركض ورا اللي قويه وماهي محتاجته ويعرض عليها خدماته


الناس شخصيات


وادعي ربج كل شي مقدر ومكتوب

 

[Perfume]

مع الشهد كله و taliya

 

[Miss Basma ..}]

يمد إيده عليج ؟؟؟؟
بكرة لا جتج عاهة مستديمة و إلا إعاقة قولي ظل الرجال و لا ظل الحيط
حبيبتي احنا نصبر على الناس و نحتسب الأجر بس في حدود
و خليج من كلام الناس ، أنتي عارفة مصلحتج و حالتج و شوفي شنو اللي يناسبج من قرار

 

[دلع انثه]

الطلاق مو الحل ابدا
بس لازم تحطين له حد مايصير يمد ايده قعدي معاه وتفاهمي معاه وقوليله انت جذي تهيني واطيح من كرامتي قوليله ابي احس باحترامك لي عشان احترامي لك يزيد
وان مانفع معاه روحي بيت اهلي بس جربي الاول تتفاهمين معاه عشان مايتعود يمد ايده والله يهديه لج يارب

 

[سرى اليل]

لاخير في رجال يمد يده على حرمه الاولى انج تروحين بكرامتج اهلج لانج انسانه مو حيوانه بالغه عاقله مو طفله يادبه يابنت الحلال صدقيني ربما يجي واحد يعزج ابرك من الهمجي ذا

 

[زينانه]

مشكله الرجال الخبل
اي والله خبل
انا جذي اسميييه
لانه مو صاحي،،،،مو عارف شنو يعني اخذ بنت الناس وتعيش معاي وامسخرها وادوس ببطنها واهين كرامتها
وابيها تحترمني وتجيب لي عيال ،،وامسخرها هي وعيالها واطقهم
واخر الليل اراضيها ببوسه وهي دمعتها مانشفت

هذا الرجل الخبل بوجهة نظري
اللي ما تربى عدل

والمصيبه صايرين بتزايد
وين و وين تسمعين عن واحد خلوق محترم،، حتى لو مرته غثته
عاقبها برزانه وثقل
من غير طق وصراخ


الحل بايدج
اذا راضيه بالطق
ارضي فيه لطول العمر مع عيال ومشاكل وصرف فلوس وخدم وووو
واذا مو راضيه بالاهانه والطق يوقف عند حده

والا احفظي كرامتج

وعندي نصيييحه لكل العارايس
لا تحملون بعيال وتتوهقون والرجال مو كفو

 

[زينانه]

اللي زوجها تشوفه
مو كفو
مو صاحي
بالكويتي حيوان

لا تحمل،،، لين تعرفين راسج من مداسج
لان الاشكال هذي
حتى الطفل مايعقلهم ولايغيرهم كللللش
اقل شي
يقطج مع ولدج عند اهلج
ويطرش ورقتج
ويتزوج غيرج
وانتي اللي ضايعه مع الولد،،لا انتي اللي بروحج ماعندج عيال
ولا انتي الللي لاقيه سند يعينج على تربيه الولد


انتبهو وفكرو ولاتسالون علانه وفلانه
ترا الناس ماتعطي خير ولا تعينج مثل قبل
القرار بايد كل زوجه
هي تقرر حد لتعاستها

 

[ذات قلب أبيض]

انا اقول اذا سباج وطقاج قوليلة خلاص رجعني البيت

وبعدين كلميه شكو يمد ايدة (قوليلة انا بنت ناس مو متزوجني علشان تطقني)

وعسى الله يفرجها عليج

 

[keka89]

الله يعنيج حبيبتي
ها بشري تطلقتي وافتكيتي منه او شصار ؟

 

[Tom ♥ Jerry]

حسيته مو طبيعي/:
مو ريال الي يطق مرته و يهزأها جدام الناس

 

[وجودي كافي]

حبيبتي اسمعي اللي بقوله بالحرف لاني عانيت مثلج
انا زوجي لي قتله طلعي يجيب مشاكل تلوع الجبد وسوالف سخيفه ويتأفف تدرين شسوي ؟
اسكت وماتساله شفيك وليش تقول جذي وشحقا وارادد لا اتكلم بموضوع ثاني وافرفش واشوف سالفه ثانيه تشده وتضحكه وينسي سخافته ومواضيعه الزفت اللي كل مانطلع يبلش فيها
ومده الايد واجهيه واذا تقدرين ترديله الطراق بعد احسن

 

[وجودي كافي]

لا تطلقين شهالغباء اللي تنصحج بالطلاق تبي تدمر حياتج لا يماما زوجج لا سكير ولا مدمن ولا زاني احمدي ربج بس وانتي بايدك تحكمينه
اللحين الرجال كلهم سوا زين ليش الرجال لو تزوج حرمتين مثلا يجي مع حرمه سلس وطيب ومع حرمته الثانيه شرير واقشر؟؟؟
لان هي تعرف مفاتيحه وتعرف شلون تكوكه لصالحها
الرجال عجينه انتي شكليها

 

[حصة2010]

حبيبتى اصبرى وكثرى من ذكر الله عليكى كل يوم الاستغفار والله ربك راح يحل مشكلتك وشكرررررررررررررا

 

[لمساتـي]

انا مع راي الاخت الشهد كله
والله يكون بعونج حبيبتي

 

[حور رومانسية]

حبيبتي بعض الرجال اذا طلع لاماكن في نساء فاتنات مايتحمل فيسوي اي شي يمكن هو نوعية جذي بس مستحيل يعترفلج انت اعرفيله وشوفي يمكن هذا مفتاحه جذي هو لما يطلع يستثار فتبدا العصبيه عاد هني انت اما تكملين هدوئج وتنسحبين للبيت وتعرفين شغلج او لاتطلعين معاه لاماكن نساء متبرجات روحي اماكن صاده دامج موعارفه ليش ان طلعتوا عصب جربي وحطيها ببالج هالشغله
وهذي ترى ميزه موعيوب بس يبيلها زوجة ذكيه تمسسسسسسك اعصابها وتستخدم انوثتها وقت عصبيته لانه هو مويمج والدليل على طول جيتو البيت خذا حقه الشرعي. يعني لو لو هو نفسيه وموزين و و و شلون بيصير له خلق على الفراش لو موالشغله الي قلتها كان لما يرد مايبي ينام معج ولايبي منج شي