والله مفتشلة اسألكم ..

[:: براءهـ ::]

اختي نطووعه انصحك تسمعين كلام خبيرتنا ام خالد
ماشاءالله عليها خبيرة في المجال
و اسم خبيرة ما جا من فراغ
مــــــــشكـــــــــورة خبيرتنا يعطيج العافيه
جعله الله في ميزان حسناتك
تقبلي مني كــــــــــل الــشــكــــر و التقــديـــــــــر...

 

[مهاوي البحرين]

انا الحمدلله ما عندي هالمشكله بس استفدت من تجاربكم

ربي يعطيكم العافيه

 

[manoooram]

حبيبتى ساعات ايصير جذى فى اوضاع معينه : /

بس لشفتيه مستمر هذا ايسمونه هواا وفيه حريم ايعالجونه

او تبخرى بقشر بصل ..او عود زين..وتدفى على طول

وان شاء الله مالج شر

عدل كلامج ماقصرتي

 

[mrmr mrmora]

السلام عليكم

هذا موضوع مغطي سؤالج
http://q8yat.net/showthread.php?t=86129

 

[أوركيد الحب]

انا أمى الله يرحمها كانت تعالج الحريم اللى عندهم مشاكل ونفس حالتج ينفعها البخور بقشر البصل والله وحده بوحده وبعدها تدفى وما تشوفين شر ياقلبى

 

[نطوووعه]

مشكوووريييييييين بنااااااااات ماقصرتووووو حبيباتي كنت بسأل عنطريقه التبخر بس حبيباتي رهوووف و سعوووديه ماااقصرووو


الحين ابي اسال رهوف شكثر بضبط قشوربصلة و كركم و مره؟
و شكثر اقعد فوق البخور؟
و لما اتسبح عقب اول مرة اتبخر فيها اكرر العمليه مره ثانيه بنفس اليوم والا يوم ثاني؟
و شكثر استمر جم يوم؟

و اسوي البخور بايام الدوره)( اي ايام من الدوره والا الايام العاديه؟

ويصير خلال ايام التبخر يصير شي بيني وبين ريلي والا لاء؟


و صاجين لازم اتدفي لاني كله بالبيت قصير و حفر و مكيفنا بارد:\



و سوري جان كثرت عليكم بالاسئله:*

 

[نطوووعه]

اوركيد الحب

الله يرحمها و يغندروحه الجنه يااارب


ان شاء الله بجرب البصل و ياااارب ينفع وياااي ماتصورون شكثر الموضوع مسويلي ازززززمه


بنات تهقووون ماروح حقطبيبه بدال لا احووورف بعمري؟

 

[لؤلؤة المحيط]

حبيبتي مالج الا بخور قشر البصل بنت خالتي نفسج متزوجه وهمن فيها جذي عادي ترى لاتخترعين ولا شي عادي ياقلبي
الطريقه اخذيلج كرسي اللي يكون له فتحه يبيعونه بالمحلات اوكي حطي الفحم طبعا تحت الكرسي ولقشور ملوت البصل ديربالج لاتحترقين هههه المهم وقعدي عالكرسي واخذي شرشف وغطي نفسج فيه وتبخري راح يطلع كل شي بعدها تدفي بسرعه روحي فراشج عشان لايدخلج هوى وترى هذا معروف من نظام فيافي اشتري كتاب اسمه اسرار الحريم تلاقينه فيه ونفع بنت خالتي حيل موشوي ولاتخافين ولايخرعونج الحريم وديربالج على نفسج ايام الدوره حبوبه والله يخليكم ويهنيكم يارب

 

[Dancing^Queen]

بنات لاتخرعونعها شدعوا
عادي يصير هوا في المتزوجه والعلاج سهل تتبخر بقشر بصله وحنه ثلاث ايام ورا بعض
وانتهينا
واخر يوم من الدوره اليوم الخامس في تحميله تحطينها تنظف وتشد وتطلع الهوا واصفتها لي دكتوره اعطيج اسمها انشاءالله بالليل
ولاتهولون الامور

 

[الفـارسـة]

أنا تخرعت

ألحين أبي أعرف

أنا يصير فيني هوا وأنا مو متزوجه عادي؟؟

أسفه أختي دشيت عرض بس اخترعت لما قريت الكلام

 

[شهرزاد الكويت]

اختي لازم اديرين بالج ايام الدورة و لازم اتعدين نفسج جنج في النفاس يعني تدفي و لايحوشج هوا و لا تاكلين الاشياء الباردة و الحامضة و انا انصحج بخري ابقشر بصل

 

[*سكون*]

أغلب المتزوجات جذي .. تبخري بقشر بصل هذا اللي اعرفه بس اذا تعانين
وايد استشيري دكتورتج

 

[أم فصولي]

شوفي حبيبتي هذا يجي إذا كانت الوضعيه اثناء شسمونه ... ياجدام التكييف أو تعرضتي لتيار هوا بس ديري بالج على عمرج ،، تبحري مثل ما نصحوج الخوات والله وياااااااج ،،،،

 

[ladybird-143]

اهو يصير بالجماع بوضعيات معينه بس لا اعشاب ولاشي روحي الصيدليه شرحيلها حالتج وتعطيج تحميله وطلع كل الهوا ووقت الجماع تغطي بالكمبل وبين فتره وفتره تبخري بحرمل ووقت الدوره دفي نفسج عدل وشربي شي ساخن ترا انا نفس حالتج واخس

 

[بحر الرمال]

الاخت اللي قالت ان الهوا يطلع بأوضاع معينه صح كلامها..حتى البنات تصير لهم عادي لاتحاتين..لان في اوضاع معينه عنق الرحم يكون يدخل هوا..

 

[أم صالح]

حبوبه مثل ماقالو الخوات اللي قبلي عادي بس عشان يطلع الهوا تبخري بقشر بصل وكركم وورق الشاي حطي المبخر تحتج بدون ملابس داخليه وتغطي عدل خلي الدخان يدخل وتسمعين الهوا يطلع بنفس الوقت بس تبخري بمكان مافيه تكييف وسلامتج

 

[الفنانه79]

نطووووووووووووعه

لا موووووووووووشي طبيعي كا احنا كل الحركات انسوي ومايطلع صوت

شوفي وقت الدوره لبسي عدل مدل وادلاغات ولاتاكلين (ليمون موز باميه بيديان خيار لبن جبن بيبسي برد لااااااااااااااااااااااااااا ولا شي من هذيل

اكلي اكل انفاس واكلي اول ثلاث ايام حسو
وتبخري ثاني وثالث الدوره بقشر بصل وحنه

وخامس يوم الدوره حطي تحميلة البوثيل اتوخر الالتهابات واتجدد خلايا الرحم الميته واتضيق

وسادس وسابع يوم فوحي جفت مع ماي وتشطفي منه بالبطه واهو دافي

وادعييييييييييييييييييلي

على فكره هالبرنامج اسويه كل دوره والحمدلله ناشه لاالتهابات ولاهوى ولاغيره

 

[ضي76]

هذا يكون من ارتخاء عضلات الرحم او دخول الهواء فيها
عليج بتمارين كيجل شد عضلات الرحم قبظ وبسط كانج تقطعين البول جربيها
والله راح تلاحظين الفرق وحتي البول تكرمون يتغيرحتي دكتوراة الولادة ينصحن فيها لحالتج ونشالله تنفع

 

[بدويه عيميه]

هذا من النفاس يكون موزين يعنى مثل تشربين ماى وايد على يوع وعصير ورقى وهالخرابيط الحل هو اذا يتج الدوره تاكلين دوا نفاس مع قبوط اومرقوق لمده 3 ايام من الدوره وانشالله بتشوفين نتيجه

 

[rayaan]

استعملي تحاميل بيتادين اخر 3 أيام من الدورة