والله محتاره

[صمــت_ALsHfaaH]

ششدعووة كل المشاهدات

ولا وحده عندها رايي او حل للي انا فيه

 

[Queenleo]

رد : والله محتاره

في ريياييل يتمنى مرته تبعد عنه عشان ياخذ راحته
وفي العكس
الناس اجناس بصراحه
بس انا بالنسبه لي اقوولج لاتخلينه
حتى لو مانفع معاه على الاقل تكونين متاكده انج سوويتي الي عليج وماتلومين نفسج وتقولين لووو ولووو ولووو
واهم شيء استخيري بموضوع ريلج
حاولي تحجزين غرفه بفندق سوويله مفاجاه اوو دزيله بوكيه وورد
خليه يفكر اهوا فيج ووبشنو قاعده تسوووين
وغيري من لووكج
واهم شيء كثري من الاستغفار ووتصدقي عشان ربي يفتحها عليج
والله يوفقكم ويرزقكم من خيره ويخليكم لبعض ان شاء الله

 

[ام شووووق]

رد : والله محتاره

اكييييييييييييييييييييييد
علقيه فيج نفس قبل واتفنني بالدلع :wqedqw:

 

[Om_Ksha]

الله يعينج والله ماعندي رد ..

الله يثبتج زين منج متحمله .. بس لازم تشوفين حل مو عيشه هاذى .. عايشه بقلق وشك وتحاتينه ويليت يبين بعينهم

الله يكوووون بالعوووون

 

[صمــت_ALsHfaaH]

يااااااااااااارب سهلها علي والله تعبت نفسيتي غير تعب الحمال


بجرررب واشوف اخرررتها معاااه

 

[صمــت_ALsHfaaH]

تكفوون بنات ابي منكم دعووة بظهر الغيب ان الله يهديه لي ولكم المثل يارب

 

[Queenleo]

رد : والله محتاره

شووووفي حبيبتي
اول شيء الله يقومج بالسلامه ان شاء الله
وثاني شيء تقربي من ربج اكثر واكثر
لاتطلبين وتترجين من ريلج خلي كل توسلاتج ودموعج لربج انتي سوووي الي عليج عشان ربي يسهل اموورج"تووكلي على ربج " مو تتواكلين
وبعد "اسعى ياعبد وانا اسعى معاك"

اهم شيء:
1-كثري من الاستغفار
2-تحري صلاة الفجر
3-تحري رضى الوالدين ودعوه حلوه منهم واطلبي منهم انهم يدعوولج
4-ساعدي الناس في ضيجتهم وفرجيها عنهم عشان ربي يفرج عنج ووبيت الزكاة وغيره مايقصرووون ولا مو شرط تعنين اهما ايونج لعندج
5-قوومي الليل ومو معناة قيام الليل لازم نص الليل ..قيام الليل يبلش من عقب صلاة العشاااء صلي ركعتين القيام ورالشفع والوتر وقطي كل الي بقلبج عند ربج :rerrerek:
والله اني جرربت هالشيء والحمدددددددالله الحمدالللله ربي كريم مايقصر خلال ايام انفرجت عني ضيجتي
وودعي بهالدعاااء مو شرط هذا بالذات بس اذا عجبج"اللهم اني اسالك باسمك الحبيب الكافي ان تكفيني كل اموري مع زوجي مما يشوش خاطري ويسهر ناظري اللهم الف بين قلبي وقلبه كما الفت بين قلوب عبادك اللهم سخره لي كما سخرت البحر لموسى.اللهم اظهر محاسني لزوجي واظهر محاسنه لي واستر عيوبي عنه واستر عيوبه عني.اللهم سخر لي زوجي وسخرني له وباركه فيني وباك لي فيه.اللهم كما سخرت الريح لسليمان وكما سخرت البحر لموسى وكما سخرت جبريل لسيدنا محمد سخر لي زوجي تسخير العبد لسيده اللهم كما صرفت نساء العالمين عن يوسف اصرف نساء الكون عن زوجي اللهم اقذف حبي في قلب زوجي كما قذفت حب عائشة في قلب النبي صلى الله عليه وسلم اللهم جملني في عينه واجعله سكنا لي واجعلني سكن له واجعل بيننا مودة ورحمة انك على كل شيء قدير .ياودود ياودود يا ودود ياذا العرش المجيد يا فعال لما تريد اسالك يامن قريت عين ام موسى بابنها وحفظته لها ان تقر عيني برجوع زوجي ورده لي ردا جميلا كي نسبحك كثيرا ونذكرك كثيرا انك كنت بنا بصيرا .يالطيف يالطيف يالطيف اسالك بلطفك الخفي وبنورك الذي ملاء اركان عرشك ان تسخر لي من هو اقوى منب وتجعلني سكنا لزوجي وهو سكن لي (واطلبي حاجتك من العظيم المنان)."
وناطرين اخبار حلوه منج :hjy5jewf:

 

[صمــت_ALsHfaaH]

Queenleo

جزززاج الله الف خير ياقلبي والله يفرجها عليج ويسسر امرررج

 

[غدووور الكويت]

رد : والله محتاره

اذا يصير خليه ينام عندكم ابيت الوالد
الله يسخره لج

 

[صمــت_ALsHfaaH]

غدور مايرضى


المشكله انه مو فاقد هالشي ولا حتى يبين شوقه لو بمسج عاااااااادي الوضع

 

[al-musk]

رد : والله محتاره


شوفي قلبي يعني انتي مو قصة ثقل خليج على طبيعتج وسالي بالمعقول وهو باي علاقه طبيعية الواحد يلهى وينشغل والبعد يجدد الشوق

 

[زوجة عزيز]

رد: رد : والله محتاره

لا ديربالج لا تخلينه مدام عنده سوابق كل يوم طلعيله شغله ودقي عليه كل شوي لا تخلينه

عدل كلامها زوجج مو من النوع اللي ينهد ابروحه تابعيه والله يهديه ان شاء الله

 

[صمــت_ALsHfaaH]

بنات امس طرشت له مسجات احسسه اني زوجتك ولي حقوق عليك مايصير الي تسويه

يعني لاهي بالحرام وانت مو محتاجه انت نسيت انك صرت رجال شكبرك ومتزوج وبتصير ابو ومسئول عن عايله

بناات تخيلو يقولي ماقدر اجر لنا شقه معاشي مو قوي "للعلم اول زواجنا كنا مستاجرين مو ساكنين بيت حمولتي"

ويتعذر ويتعذر وجوابه قاسسي وقال الي يسمع كلامج مصبحج بطراق ومسيج بطراق

يقهر بناات صج صج احسه تعبني بس مشكلتي الوحيده اني احبه


بنات شرايكم اجبره ياجر لنا شقه نسكن فيها لان بيت حمولتي يبي لهم شهر على مايخلصون وانا الحين صار لي شهر فبيت اهلي والله تفششلت من النااااس وكلامهم

مادري شسوي احترت وراسسي بينفجر من كثر التفكيررررر:jumpon:

 

[المبدعة]

الله يعينج

على فكرة انت في مضايقج

بس مو راضية تقولين

مبين من كلامج ان في شي قوي بس مترددة _shh_:

 

[om MaRyooM]

رد : والله محتاره

هذا وضع الريال اذا هدته زوجته .. !! عشان جذي ماأهد زوجي لو تنقلب القيامة ..ليش؟لأن ماعندي ثقة الريال بثانية يخترب

مابي اخرعج بس يمكن صج لاهي بشي ثاني

وانتي يعني ماتشوفينه كل يوم ؟؟ حتى لو في تعديلات ياعمري لازم كنتو تدبرون عمركم ..شهر وايد !!!!!!

وانصحج تصارحينه .. زوجج مافيها شي
لاتتغلين ولاشي . . ومن هالمصارحة بتعرفين شسالفته

 

[وردة الحياة]

اذا ابتعد انتي قربي له.. لا تخلينه
اهتمي فيه...سإلي عنه بكل وقت

 

[Creamy Girl]

حبيبتي دقي ودزي مسجات وبين فتره وفتره قوليله ولهت عليك ما ولهت علي

واذا السالفه بتطول قوليله ايي يسكن معاج على ما يخلص البيت لان مايصر انت بمكان وانا بمكان وااايد فاقدتك

او سافرولكم جذي سفره قصيره منها تكونون مع بعض ومنها لا سمح الله اذا عنده خرابيط يبعد

بس انشالله ماعنده سوالف <<< تفاءلو بالخير تجدوه

 

[صمــت_ALsHfaaH]

بنات سويت كل هذا احس عادي عنده كانه مشغول بششي

وفييه شي قوي وخايفه منه بس ماقدر اقوله لاحد

بنااااات مو راضي ياجر عذره ماعنده فلوس وكل ماقلت اشتقتلك وهالسوالف قال هانت ان شاء الله

بنات مابي اخسر زوجي ويروح لغيري

تكفوون قولولي شسسوي احسه لاهي بغييييييييري تعبت

 

[صمــت_ALsHfaaH]

بنات فششله ولا عادي اصر انه ياجر لنا مكان نسسكن فيه مع بعض صج ماصارت شهر وتحملت اما يبوني اتحمل شهر ويمكن اكثثررر لا والله طقت جبدي

شرايكم..؟

بنات صايره عصبيه ونفسسيتي تعبانه وتخيلو انا حامل ولايفكر يسالني عن حالي؟

 

[بنت ريلي]

رد : والله محتاره

صراحه موضوعج صعب والله يعينج .. بس ديري بالج على روحج وعلى بيبيج محد راح ينفعج اذا صار فيج شي اسملله عليج ..

شي ثاني .. انا مو مع المره اللي تكبر راسها وتحقر ريلها خصوصا انه بعيد عنها .. وبالاخص اللي مثل ريلج واللي عنده سوالف من تحت لي تحت .. فالاحسن اذا تقدرين تجبرينه على انه يأجرلج شقه على قدكم .. قوليله راضيه حتى لو محكر حمام عشان لا يتعذر بالفلوس .. ولا تقوليله عن شوقج ولهفتج لا قوليله انه كلام الناس او كلام اهلج اهوا اللي خلاج تبين الشقه عشان ترتاحين ..

غير هذا .. اذا كلمتيه بالتلفون لا تحسسينه انج متضايقه وتنكدين عليه مع انه يستاهل :jumpon: .. بس حبيبتي من له حيله فليحتال .. خليج مستانسه وسوالفج حلوه ويا حبذا "اهم شي الحبذا" انج تشغلينه .. طلعيلج شغله من تحت الارض .. يختي ما عندج مراجعات؟؟ قوليله ودني عندي مراجعه سونار اي شي المهم شغل ..

وسالفة الحقران خليها لما تكونين معاه بنفس البيت .. لانه حزتها بيكون فيه اساليب ثانيه ايحائية .. مثل النظرات .. التكشخ .. الترزز .. التلزق بطريقه او اخرى

هذا رايي والله يسهل عليج